Fulham – Liverpool, formacionet zyrtare / Foto

Sot Liverpool viziton Fulham si mysafirë në xhiron e 31 të Premierligës.

Janë publikuar formacionet zyrtare, por Shaqiri përsëri nuk ka zënë vend në njëmbëdhjetëshen e parë të Klopp.

The Reds do të tentojnë që ta rrëmbejnë poziten e parë në Premier League nga lideri aktual Man City.

Formacionet zyrtare Fulham – Liverpool :

Shaqiri ia ‘gërdit’ futbollin Lovrenit, dy herë topin nën këmbë

Skuadra e Liverpool e ka mposhtur Burnleyn 4-2 të dielën pasdite, për ta ulur në vetëm një pikë epërsinë ndaj liderit dhe rivalit për titull Manchester Cityt, por për një mbrojtës të të kuqve në veçanti, e diela nuk ishte edhe aq ditë e mirë.

Xherdan Shaqiri u përkujdes që Dejan Lovreni të bëhet objekt tallje nga tifozët dhe madje nga faqja e vet Liverpoolit në Instagram.

Qendërmbrojtës kroat nuk luajti teksa bashkëlojtarët e tij i pranuan dy gola, por ai përjetoi një moment të keq në nxemje para ndeshjes, kryesisht falë kosovarit të Zvicrës, Shaqirit.

Shaqa ia futi topin nën këmbë Lovrenit dy herë brenda 20 sekondave.

Këtë më së miri e dëshmon videoja më poshtë, me Shaqirin që nuk mund t’i mbajë të qeshurat pasi e bën horë Lovrenin.

 

Liverpool – Burnely: Formacionet zyrtare, starton Shaqa ?

Humbi hapin kundër Evertonit duke ia dhënë përparësinë Manchester Cityt në garë për titull në Premierligë, të kuqtë e Jurgen Kloppit do të kërkojnë ta rikthejnë formën sot kundër Burnleyt, me Xherdan Shaqirin që e nis nga stoli përsëri.

The Reds përballët me një sfidë tjetër të vështirë në garë për titull në Premierligë, pasi do ta presë në Anfield Burnleyn, në një ndeshje në fillon në orën 13:00.

Djelmoshat e Klopp ia dorëzuan epërsinë në renditjen tabelore rivalit për titull, Manchester Cityt, pasi nuk ia doli ta mposhtë rivalin e qytetit, Evertonin në derbin e Merseyside javën e kaluar.

Përfaqësuesi kosovar i Zvicrës, Xherdan Shaqiri është lënë në stol për ndeshjen e tretë radhazi në ligë dhe të katërtën në total nga Jurgen Klopp.

Formacionet fillesteare, Liverpool vs Burnely :

Jurgen Klopp tregon pse nuk po luan Shaqiri

Jurgen Klopp ka sqaruar situatën e krijuar me Xherdan Shaqirin.Anësori shqiptar i Liverpoolit, Xherdan Shaqiri, nuk e ka nisur aspak mirë vitin 2019.

Ai nuk po gjen shumë hapësira në formacionin e Jurgen Klopp, i cili ka shpjeguar se pse po ndodh kjo, duke dhënë sinjale pozitive për 27-vjeçarin.

Sipas Klopp, Shaqa ka pasur disa shqetësime të vogla, por tani është mirë dhe nga ndeshja në ndeshje mund të kontribuojë për “Redsat” që kanë humbur kreun e tabelës në Premierligë.

“Është ngjashëm edhe për Shaqirin”, tha Klopp pasi shpjegoi se Naby Keita nuk po luan shumë edhe për shkak se me tre lojtarë në mesfushë (Henderson, Fabinho e Wijnaldum), nuk ka për të tjerë, e as për Xherdan Shaqirin.

Përveç kësaj, Klopp tha se Shaqa nuk po luan edhe sepse kishte disa shqetësime kohëve të fundit.

“Ai pati një lëndim të vogël dhe ishte jashtë për ndeshjen me Bournemouth. Kishte gjithashtu një shqetësim në shpin dhe i duhej kohë”.

“Me formacionin që kishim dhe sistematikisht, nuk ishte e vështirë por ne duhet të ndryshojmë pak nëse Shaq luan. Në pesë ndeshjet e fundit nuk e kemi bërë këtë, tani është plotësisht i gatshëm”.

Reagon Xherdan Shaqiri për tragjedinë në Gjilan

Aksidenti në Gjilan: Xherdan Shaqiri nga Liverpuli, po lutet për qytetin e tij, Gjilanin, pas aksidentit të rëndë gjatë ditës së enjte që solli vdekjen e Qerim Qoqajt dhe më shumë se 20 mbetën të lënduar.

Futbollisti me famë botërore, Xherdan Shaqiri, ka shprehur në mënyrën e tij dhimbjen për aksidentin e sotëm pasdite në Gjilan.

Një kamion sot krijoi aksident zinxhiror duke goditur dhjetë vetura e duke shkaktuar vdekjen e një personi, e lëndimin e më shumë se 20 të tjerëve.

Përmes Instagramit, shqiptar i i Liverpoolit, që me prejardhje është nga Zhegra e Gjilanit, ka bërë të ditur se është duke u lutur për qytetin e tij.

Ndryshe, Shaqiri e nisi mirë sezonin me Të Kuqtë, duke qenë titullar kohë pas kohe dhe duke kontribuar me 6 gola e 3 asiste.

Por, viti 2019 ka qenë krejtësisht tjetër për shqiptarin, që nuk po ka shumë minuta nga Jurgen Klopp.

Madje, edhe tifozët kanë reaguar, duke i kërkuar ish-trajnerit të Borussia Dortmundit që ta aktivizojë më shumë shqiptarin nga Zhegra e Gjilanit.

Formacionet zyrtare: Everton vs Liverpool / FOTO

Sot, pas pak minutash fillon derbi tjetër i kësaj jave i cili prodhon një nga rivalitetet më të mëdha në futbollin anglez dhe atë evropian.

Ajo qka bjen në sy është se lojtari zvicran me preajdhje nga Gjilani, Xherdan Shaqiri është sërish në stol për Liverpoolin, shkruan Teleshkronja Post.

Janë publikuar formacionet zyrtare për derbin e qytetit të Liverpulit, gjithashtu edhe sulmuesi Roberto Firmino është në bankën rezervë.

“The Reds” përballen me Evertonin nga ora 17:15, sfidë e vlefshme për xhiron e 29 në Premier Ligë, ku synimi është vetëm fitorja, për të marrë kryesimin në tabelë pas presionit që po i bën Manchester City vazhdimisht.

Formacioni zyrtar i Everton: pas pak…

Formacioni zyrtarë i Liverpool:

“Xherdan Shaqiri i ka heshtur kritikët në Liverpool”

Mesfushori nga Gjilani, Xherdan Shaqiri, i ka heshtur të gjithë kritikët e tij përmes paraqitjeve të mira që i ka bërë këtë sezon me Liverpool, ka thënë ish-bashkëlojtari i Shaqirit në ekipin kombëtar të Zvicrës, Tranquillo Barnetta.

Shaqiri iu bashkua skuadrës së Jurgen Kloppit për 14.7 milionë euro, pasi Stoke City ra nga Premierliga në Championship, sezonin e kaluar. Që nga atëherë, ai ka dëshmuar se është një opsion shumë i mirë për fazën e sulmit, transmeton Gazeta Express.

27-vjeçari ka shënuar gjashtë herë në 20 paraqitje me Liverpoolin në Premierligë, përfshirë këtu edhe dy golat e shënuara në ndeshjen kundër Manchester Unitedit, e cila përfundoi me rezultat 3:1 dhe ia shkaktoi shkarkimin nga pozita e trajnerit Jose Mourinhos.

Shaqiri mbeti në bankën rezervë për ndeshjen e së martës, në Ligën e Kampionëve, kundër ish-klubit të tij, Bayern Munichut, në kuadër të 1/8 të finales.

Megjithatë, Barnetta, i cili kishte luajtur bashkë me Shaqirin në ekipin kombëtar të Zvicrës deri në vitin 2014, kur u pensionua, mendon se futbollisti me origjinë nga Kosova e ka dëshmuar talentin e tij për Kloppin.

“Kur unë luajta me të, ai ishte lojtar i ri dhe tani e ka ngritur nivelin e tij për shumë shkallë. Ai e pati një periudhë të vështirë kur nuk po aktivizohej shumë në ndeshjet, kur ishte lojtar i Bayernit dhe Interit”, ka thënë Barnetta.

“Për këtë arsye, jam shumë i lumtur që ai shkoi në Liverpooli dhe i shfrytëzoi të gjithë mundësitë që i erdhën. Ndoshta shumë njerëz nga jashtë mendonin: ‘Çfarë po bën ai në Liverpool pas Stoke Cityt?’”.

“Por, ai nuk reagoi ndaj këtyre deklaratave dhe i bëri disa paraqitje të mrekullueshme. Tani, mendoj se të gjithë personat e jashtëm kanë heshtur”.

“Ai [Klopp] është një motivues i mirë dhe ai e përjeton futbollin. Për këtë arsye, besoj se ai e nxjerr më të mirën nga lojtarët. Mendoj se Xherdani kishte nevojë për këtë gjë sepse, siç thashë, ai gjithmonë ka pasur talent, por nuk arrinte ta dëshmonte këtë nganjëherë në fushë”.

“Gjatë muajve të fundit, ai ka shfaqur se çfarë mund të bëjë. Ishte shumë e rëndësishme që ai të mos aktivizohet menjëherë dhe tani, në muajt e fundit, na ka treguar se çfarë mund të bëjë”.

Fitorja e parë për vitin 2019, Shaqiri titullarë / VIDEO

Pasi e shijuan disfatën e parë në Premier League këtë sezon nga kampioni në fuqi Manchester City, lideri Liverpooli e ka gjetur përsëri rrugën e fitores duke e mposhtur 1-0 Brightonin në “Amex Stadium”.

“TheReds” i fituan tri pikë tjera të rëndësishme në luftë për titull kampioni në ligën angleze, dhe tani i ikin shtatë pikë ndjekësit të parë Manchester Cityt.

Fitorja erdhi falë golit të Mohamed Salah nga penalltia, i cili ishte i 14-ti për egjiptianin deri tani këtë sezon, transmeton Teleshkronja Post.

Liverpooli e nisi qetë takimin dhe iu desh pothuajse gjysmë ore lojë për ta rrezikuar seriozisht portën e Brightonit.

Në minutën e 27-të, Xherdan Shaqiri ishte shumë pranë ta kalojë skuadrën e Jurgen Kloppit në epërsi me një gol të pazakontë për të, por goditja e tij me kokë nga rreth pesë metra përfundoi pranë shtyllës së djathtë të portierit kundërshtar.

Por, pesë minuta brenda pjesës së dytë, Mohamed Salah u ndal në zonë pasi u tërhoq prej fanelle nga Martin Montoya. Gjyqtari dha penallti për Liverpoolin, të cilën egjiptiani e konkretizoi në gol.

Ky gol qe i mjaftueshëm për të kuqtë që të fitojnë dhe të shkojnë në kuotën e 57 pikëve.

Fitorja e Liverpoolit ka mundur të ishte shumë bindëse sikur Roberto Firmino dhe Mohamed Salah t’i shfrytëzonin mundësinë që patën deri në fund.

Më pak se 20 minuta para fundit, Klopp e zëvendësoi Shaqirin me James Milnerin.

Liverpooli tani mbledh plot 57 pikë pas 22 ndeshjeve, shtatë më shumë se Manchester City në vendin e dytë, që ka një ndeshje më pak të zhvilluar, megjithatë.

Ekipi i Brighton mbetet në vendin 13-të me 26 pikë./TeleshkronjaPost/