Deputeti i dhuron një kamion ushtarak FSK’së

Deputeti i Aleancës për Ardhmërinë e Kosovës, Gani Dreshaj, ka dhuruar një kamion për Forcën e Sigurisë së Kosovës.

Deputeti nga Istogu, që njihet bizneset e tij të shumta, madje edhe për pronësinë e lokaleve striptiz, ka vendosur që t’i bëj një dhuratë Ushtrisë së Kosovës.

Dreshaj i ka dhuruar FSK-së në Istog një kamion të Ushtrisë, të modeli gjerman.

“Kur janë bërë gati 3 muaj nga votimi i Ushtrisë në Kuvendin e Kosovës, kam vendosur që FSK-së në Istog t’i bëj një dhuratë të vogël. Nipi im, Adnani dorëzoi çelësat e kamionit të Ushtrisë, model gjerman, të cilin e kisha blerë pak vite më parë për rekreacione në Bjeshkë, që është pasioni më i madh që kam. Vota për Ushtrinë e Kosovës në Kuvend për mua përbën një nga aktet më emocionale e krenare që kam në jetë” shkruan Dreshaj në Facebook.

Ushtarët e Kosovës dhe të Shqipërisë bëhen bashkë

Bashkëpunimi ushtarak mes Kosovës dhe Shqipërisë është duke vazhduar në fusha të ndryshme.

Kësaj radhe, efektivë të batalionit të Mbështetjes Rajonale të Shqipërisë janë bërë bashkë me kolegët nga FSK-ja për një trajnim malor.

Këtë e ka bërë të ditur ministrja shqiptare e Mbrojtjes, Olta Xhaçka, përmes një postimi në Facebook.

“Efektivët e batalionit të Mbështetjes Rajonale u bënë sërish bashkë me kolegët e tyre nga Forca e Sigurisë së Kosovës, për t’u trajnuar për kërkim – shpëtimin malor në Qendrën e Trajnimit për Kërkim – Shpëtim në Pomozatin”, ka shkruar ajo.

Hoti: Shërbimi ushtarak është i obligueshëm në Kosovë

Shefi i grupit parlamentar të LDK-së, Avdullah Hoti, përmes një postimi në Facebook ka bërë të ditur se Këshilli i Ekspertëve i LDK-së, në punëtorinë dyditore për Programin Qeverisës të LDK-së për qeverinë në ardhje, në fushën e mbrojtjes nacionale, ka vlerësuar që shërbimi ushtarak në Kosovë të jetë i obligueshëm, sipas modelit të vendeve të vogla si Zvicra dhe vendeve të tjera.

Hoti ka theksuar se një masë e tillë do të garantonte mbrojtje efektive nacionale, do të rriste aftësitë fizike e profesionale të rinisë si dhe Ushtrisë së Kosovës do t’ia mundësonte të renditet krahas ushtrive të partnerëve tanë në NATO.

“Kjo masë garanton mbrojtje efektive nacionale, i rrit aftësitë fizike e profesionale të rinisë dhe i mundëson Ushtrisë së Kosovës të renditet krahas ushtrive të partnerëve tanë në NATO. Për një periudhë disavjeçare, të rinjtë do të shërbejnë për disa muaj në shërbimin ushtarak, me shkëputje, bazuar në nevojat e të rinjve për arsim, punësim dhe familje”, ka shkruar Hoti.

Gjithashtu, Hoti ka thënë se kjo është njëra nga masat kryesore të Programit Qeverisës të LDK-së në fushën e mbrojtjes dhe të sigurisë nacionale, sipas modelit dhe qasjes proaktive të zbatuar tashmë në vendet më të avancuara të botës.

“Programi i LDK-së do t’i maksimizojë përparësitë dhe mundësitë e Republikës së Kosovës në fushën e mbrojtjes dhe sigurisë”, është shprehur Hoti.

“Procesi i përgatitjes të programit të ri të LDK-së do të jetë gjithëpërfshirës, me pjesëmarrje të të gjithë ekspertëve në LDK-në që kanë dhënë kontribut për tri dekada në ndërtimin e shtetit të Kosovës, si dhe do të përfshijë ekspertizën e kuadrove më të mirë që ka Kosova”, përfundoi ai.

Presidenti Thaçi: Nëse është nevoja Beogradit do t’i përgjigjemi me Ushtri

‘’Ndarja e Kosovës është ide e vjetër serbe. E kanë dëshiruar por nuk do të ndodh. Unë jam komandant suprem. Dëgjoj plot zëra nga Serbia. Kosova do t’i përgjigjet edhe me ushtri, me FSK dhe jo vetëm me polici. Nëse nuk ndalet Beogradi me politikën nxitëse, do të mbrojmë territorin, sovranitetin dhe pavarsinë me cdo kusht’’, ka thënë Thaçi.

Presidenti i vendit, Hashim Thaçi ka thënë se beson fuqishëm në idenë e korrigjimit.

“Unë besoj fuqishëm në idenë e korrigjimit. Çka nënkupton kjo, Kosova vend i pavarur dhe sovran dhe përfshirjen e Preshevës, Medvegjës e Bujanocit, pa u cenuar asnjë milimetër e Kosovës”, ka thënë ai në Klan Kosova- transmeton Indeksonline.

Thaçi ka thënë se me shkëmbim nënkupton pazar, dhe se ai nuk bënë pazare.

“Për mua shkëmbimi është pazar dhe unë nuk bëjë pazar. Unë jam vetëm që Presheva, Medvegja e Bujanoci t’i bashkëngjiten Kosovës, pasi që mbi 99% në Preshevë, Medvegjë e Bujanoc janë t’i bashkohen Kosovës. Edhe 20 vite nëse nuk ndodhë atje do të kemi fare ose pak shqiptarë pasi që do të dëbohen”, ka thënë tutje Thaçi gjatë intervistes.

Sipas tij, për idenë e shkëmbimit të territoreve kanë dhënë opinione edhe shumë personalitete tjera si ish-presidenti Ibrahim Rugova, Rexhep Qosja, e shumë të tjerë.

Zbulohet numri i ushtarëve të Ushtrisë së Kosovës

Komandanti i FSK-së, gjenerallejtënant Rrahman Rama sot ka raportuar para Komisionit për Punë të Brendshme, i cili ka thënë se bashkëpunimi i mirë ka qenë dhe po vazhdon me KFOR-in dhe NATO-n në fazën e tranzicionit të ushtrisë së Kosovës.

“Një prej prioriteteve tona është ngritja profesionale për misionin dhe detyrat tona që i kemi në të ardhmen. Bashkëpunimi me partnerët ndërkombëtar është i mirë dhe përkrahja për paisje nuk po mungon”, tha Rama.

Ai foli edhe për trajnimet, për strukturën, arritjet e vitit 2018 dhe për përfshirje nga komunitete tjera si atyre serb. Mosha mesatare në FSK është nga 35-37 vjeç.

Komandanti i ushtrisë bëri të ditur se FSK-ja do ti ketë 2 mijë 800 pjesëtarë aktivë.

Lidhur me diplomacinë ushtarake, gjeneral Rama tha se aktualisht FSK i ka shtatë atashe ushtarak – ShBA, Bruksel dhe vende të tjera, ndërsa dy të tjerë janë në proces për Francë dhe Itali.

Me rishikim të buxhetit të shtetit do të kërkojnë mjete shtesë për ushtri.

Rama tha se ushtrisë së Kosovës do t’i shtohen edhe 650 kadetë ku kanë aplikuar rreth shtatë mijë të rinj kosovarë, dhe do të përzgjidhen në bazë të kritereve të NATO-s.

Numri i aplikuesve së fundi është ngritur për 10 përqind krahasuar me konkurset e viteve të kaluara. Ndërsa, ai tha se FSK për shtatë vjet ka dal institucioni më i besueshëm.

Deputeti Ismet Beqiri ka thënë se për rekrutimin e kandidatëve për kadetë duhet vendosur kritere profesionale.

Ndërsa Beqiri shprehi interesim të marrë informacioni nga gjenerali për pjesëmarrjen e FSK në “Marshall”, në Gjermani. Mirëpo, nuk mori përgjigje nga gjenerali.

Xhelal Sfeçla anëtar i Komisionit tha se mbështetja me anë të kompetencave për FSK është e kotë nëse nuk ka mbështetje financiare me anë buxhetore.

Ceremonia ushtarake për nder të 21-vjetorit të ‘Epopesë së UÇK-së’ / VIDEO

Organizimi i FSK-së për nderë të Epopesë së Ushtrisë Çlirimtare të Kosovës, prej ku ka kujtuar sakrificën e të gjithë ushtarëve të UÇK-së, në veçanti atë të komandantit legjendar, Adem Jashari.

Të pranishëm në këtë tubim ka qenë edhe presidenti i Kosovës, Hashim Thaçi, kryeministri Haradinaj, Rifat Jashari, përfaqësues të OVL të UÇK-së dhe shumë të tjerë.

Presidenti i Kosovës Hashim Thaçi dhe kryeministri Ramush Haradinaj janë bërë bashkë sot në ceremoninë ushtarake për nder të 21 vjetorit të “Epopesë së UÇK-së”

Për dy krerët shtetëror ky ishte takimi i parë pas përplasjeve që kanë pasur së fundi lidhur me taksën dhe dialogun.

Në parakalimin që kanë bërë para pjesëtarëve të FSK-së, në mes të Thaçit e Haradinajt ishte Rifat Jashari po ashtu edhe ministri i Ministrisë së Mbrojtjes të Republikës së Kosovës, Rrustem Berisha, Ceremonia ushtarake po mbahet në kazermën “Adem Jashari”

Ky aktivitet mbahet nën organizimin e Qeverisë së Kosovës. “Epopeja e UÇK-së mbahet më 5,6 dhe 7 mars për nder të rënies së komandantit legjendar Adem Jashari dhe familjes së tij, në vitin 1998 në Prekaz të Skenderajt.

Ambasadorja e SHBA-së në NATO: Ushtria e Kosovës do të mbështetët nga NATO

Kay Bailey Hutchison, ambasadorja e SHBA-së në NATO, edhe njëherë ka përsëritur qëndrimin e saj sa i përket Ushtrisë së Kosovës.

Aambasadorja Hutchison ka thënë se NATO do të punojë me qeverinë e Kosovës për t’u kujdesur që do të krijohet një forcë mbrojtëse shumë-etnike, ku janë të përfshira të gjitha minoritetet.

Taksën ndaj Serbisë, ambasadorja amerikane e ka vlerësuar si politikë bilaterale ndërmjet dy shteteve.

Këto komente ajo i ka bërë gjatë një konferencë para nisjes së takimit të ministrave të Mbrojtjes në Bruksel.

Ndryshe NATO në fillim nuk ishte shumë pro transformimit të FSK-së në Ushtri, por kjo deklaratë e ndryshon pozicionimin e ngurtë të Aleancës Veri-Atlantike./TeleshkronjaPost/

Ushtria e Kosovës kryen stërvitje në shtetin turk

Në qytetin Kars të Turqisë ka filluar ushtrimi fushor ndërkombëtar “WINTER EXERCISE 19“ (Ushtrimi dimëror) në të cilin po marrin pjesë përfaqësuesit e 13 shteteve.

Ushtrimi “Ushtrimi dimëror 19“ ka për qëllim testimin e kapaciteteve luftarake në kushte të dimrit (borë me trashësi deri 50 cm dhe temperatura deri -20 gradë celsius), si dhe forcimin e ndërveprimit në ambiente të përbashkëta operacionale.

FSK-ja po merr pjesë me një kontingjent prej shtatë pjesëtarëve të rangut; oficerë dhe nënoficerë-stafi. Kontingjenti i FSK-së ka zbarkuar me datën 06 shkurt 2019, dhe i është bashkuar Brigadës së 14-të të Mekanizuar të Ushtrisë Turke, në detyra të ndryshme, si oficerë/nënoficerë stafi etj.

Komandanti i Kontingjentit të FSK-së, majori Albert Kuqi, deklaroi se “të gjithë oficerët dhe nënoficerët e FSK-së, janë në nivel të detyrës duke treguar profesionalizëm gjatë realizimit të këtij ushtrimi të përbashkët operacional.

Qëllimi i pjesëmarrjes së FSK-së është që pjesëtarët tanë të trajnohen dhe zhvillojnë shkathtësitë e planifikimit dhe ekzekutimit të ushtrimeve, ku përfshinë; qitje reale nga armët e kombinuara të kalibrave të ndryshme në një operacion konvencional ushtarak, si dhe këto përvoja t’i aplikojmë në vendin tonë në kushte dhe ambiente të ngjashme“, shtoi major Kuqi.

Ushtrimi “WINTER EXERCISE 19“ do të përfundojë më 22 shkurt 2019.