Legjenda Schuster tregon trajnerin e ardhshëm të Realit

Ish lojtari i Real Madridit dhe trajneri ka thënë se ia ka rekomanduar një menaxher presidentit të Real Madridit, Florentino Perezit

Ish lojtari dhe ish trajneri i Real Madridit, Bernd Schuster ia ka rekomanduar trajnerin e Gjermanisë, Joachim Low ekipit të Real Madridit.

Edhe pse kampionët e Europës kanë nënshkruar kontratë me trajnerin e tanishëm, Santiago Solari, kontratë që e mban atë deri më 2021, por qysh tash ka raporte se një emër më i madh duhet që ta zëvendësojë atë në verë.

“Kam folur me presidentin Florentino Perez në një mbrëmje gala dhe ia kam sugjeruar Low”, ka thënë ai për Die Welt.

“Perez me shikoj çuditshëm, sikurse ta befasoja atë”.

“Gjermanët janë shumë të respektuar në Real. Parasëgjithash, ne kemi bërë punë të mirë aty, nuk do të befasohesha nëse Reali do të përpiqet që ta punësoj atë në verën që vjen”.

Solari është në krye të skuadrës prej që Julen Lopetegui u shkarkua në tetor pas startit të dobët si pasues i Zinedine Zidane.

Fillimisht ai ishte trajner i përkohshëm, por dy javë më vonë klubi konfirmoi se ai do të jetë trajner i Realit me kontratë të plotë, transmeton GazetaExpress.

Megjithatë, Real Madridi është duke vuajtur për të shënuar goli, sidomos pas largimit të Cristiano Ronaldos për në Juventus, kurse kampionët europian mbesin disa pikë më poshtë se Barcelona, duke spekuluar se Solari mund të ndahet nga ekipi në fund të sezonit 2018-19.

E ardhmja e Loë si trajner i Gjermanisë është në dyshim pas eliminimit të hershëm në Botërorin e 2018 në Rusi, ku u eliminuan ngha grupet dhe ai ka pranuar muajin e kaluar se është i hapur për të marrë drejtimin e Madridit kur t’i kthehet menaxhimit të klubeve në futboll.

“Jam i interesuar për të qenë trajner i një klubi”, tha ai muajin e kaluar. “Mendoj që do të jetë jashtë, jo në Gjermani. Real Madridi është një klub interesant që të jesh menaxher i tij”.

Kontrata e 58 vjeçarit me Gjermaninë skadon më 2022, pas Botërorit të Katarit.

Mbappe po transferohet në Real Madrid ?

Kylian Mbappé (20 vjeç) u shfaq sërish këtë të shtunë siç bënë thuajse çdo fundjavë me Paris SG.

Sulmuesi i PSG bëri një hat-trick në rutinën (9-0) kundër Guingamp dhe ishte një protagonist në zonën e gazetarëve, transmeton Teleshkronja Post.

Me një kontratë me PSG deri në vitin 2022, Mbappé e la derën hapur për një nënshkrimin vitin e ardhëshem për klubin e Real Madridit.

E ardhmja: “Unë jam shumë i kënaqur me klubin tim në Paris Saint Germain, kam një kontratë deri në 2021 ose 2022 dhe nuk është koha për të menduar për diçka tjetër”.

A ndiheni se do shkoni në një klub si Real Madrid? “Ndihem shumë mirë këtu, por në futboll dhe në të ardhmen nuk e dini kurrë, unë jam i sigurt se do të përfundoj vitin këtu dhe pastaj do të shohim”.

Loja kundër Guingamp: “Ne luajtëm një lojë të shkëlqyer, duke fituar me autoritet dhe vendosmëri, pasi kisha kaluar disa ditë së bashku e ndihmova shumë grupin, jam i shqetësuar për lëndimin e Marco (Verratti) për shkak të rëndësisë që ka në ekip, një lojtar i domosdoshëm, shpresoj të kthehet sa më parë “.

Transferimet tek PSG: “Të gjithë e dimë se kemi nevojë për përforcime, ka njerëz që punojnë për të, kemi luajtur një lojë me ritëm dhe intensitet,” përfundoi intervisten francezi Mbappe.

Dihet se Real Madridi e ka kërkuar Kylian Mbappe që nga koha kur ishte 17 vjeqar tek Monaco dhe një transferim tek Mbretërit nuk do të ishte surprizë./TeleshkronjaPost/

Rroga astronomika E Ramsey që do fitojë nga Juventus

Juventusi është i gatshëm që ta paguajë mesfushorin e Arsenalit, Aaron Ramseyn, 340 mijë euro në javë, nëse arrihet të kompletohet transferimi i tij nga Emirates në Allianz.

Kjo ofertë bën që paga e Ramseyt pothuajse të trefishohet, pasi që sipas kontratës aktuale që ai e ka me Arsenalin, ai i fiton 140 mijë euro në javë. Fillimisht raportohej se paga e tij në Juventus do të ishte 160 mijë euro.

Mirëpo, sipas The Times, mesfushori i Arsenalit do të nënshkruajë kontratë katërvjeçare me “Zonjën e Vjetër” dhe sipas kësaj kontrate, ai do t’i përfitojë 340 mijë euro në javë.

Edhe pse është raportuar se Ramsey e ka nënshkruar një marrëveshje me Juventusit, ky transferim ende nuk është bërë zyrtar. Ish-mesfushori i Juventusit, Andrea Pirlo, e konsideron këtë transferim si investim brilant për klubin italian.

“Transferimi i Ramseyt është një blerje e mrekullueshme. Juventusi e ka përgatitur një marrëveshje të shkëlqyer. Ai është një lojtar i fortë dhe do ta dëshmojë këtë gjë”, ka thënë Pirlo.

Ramsey pritet të largohet nga Arsenali si transferim i lirë në fund të këtij sezoni, pasi që bisedimet për një kontratë të re me uellsianin përfunduan pa arritjen e një marrëveshjeje mes të dy palëve.

Qysh nga 1 janari, Ramsey ishte i lirë të negociojë me cilindo klub jashtë Anglisë për një marrëveshje për transferim në fund të sezonit, pasi që lojtarët e Premierligës kanë të drejtë të nënshkruajnë marrëveshje me çfarëdo klubi gjatë gjashtë muajve të fundit të kontratës.

Autori: /GE/

Ish-sulmuesi i Real Madridit refuzon transferimin në Barcelonë

Ashtu siç mësohen nga vegjëlia, që të thuasje ta urrejnë klubin rival, kështu ka bërë Morata një Madrilen që nga fëmijëria dhe Camp Nou nuk do të jetë skena e re ku Alvaro Morata do ta shfaqë talentin e tij.

Kjo vjen pasi sulmuesi spanjoll e ka refuzuar ofertën e Barcelonës. Morata nuk e pranoi ofertën, që klubi katalonas e kërkonte atë vetëm si opsion të dytë për pozitën e sulmuesit, që është e zënë nga Luis Suarez.

Mirëpo, përkundër këtij refuzimi, Barcelona nuk do të dorëzohet për transferimin e një sulmuesi gjatë këtij afati kalimtar të janarit dhe tani e ka kthyer vëmendjen te sulmuesi i Los Angeles, Carlos Vela.

Morata, ish-sulmuesi i Real Madridit nuk është i gatshëm të pranojë asnjë ofertë nga klubet që synojnë ta përdorin atë vetëm si opsion të dytë, veçanërisht pasi që Morata beson se ai mund të jetë titullar për shumë klube të tjera.

Në vend të Moratës, tani Barcelona duhet ta kthejë shikimin te lojtarë të tjerë për ta zëvendësuar Munir El Haddadin, i cili u transferua në Sevillë. Kjo ka bërë që katalonasit t’i bëjnë ofertë Velës, i cili është ende duke e shqyrtuar ofertën.

Pasi që kishte luajtur në La Liga për Real Sociedadin gjatë viteve 2011-2018, futbollisti meksikan ka mjaft përvojë në futbollin spanjoll dhe mund të jetë shumë i rëndësishëm për klubin, kurdo që aktivizohet nga stoli, pasi që ai mund të luajë në të gjitha pozitat e repartit të sulmit.

Trajneri Ernesto Valverde ia ka bërë të qartë drejtuesve të Barcelonës se ai e dëshiron një sulmues gjatë këtij afati kalimtar dhe Barcelona do të tentojë t’ia përmbushë këtë kërkesë atij.

Trajneri Bayern Kovac: Nga James pres që të ketë paraqitje të mira këtë sezon

Trajneri i Bayernit të Munichut Nico Kovac pret që James Rodriguez të mbajë motivimin dhe fokusin për pjesën tjetër të sezonit.

Kolumbiani iu bashkua bavarezëve në një marrëveshje dyvjeçare të huazimit nga Real Madrid në fillim të sezonit të kaluar.

Zyrtarët e Bayernit sugjeruan në sezonin e parë se sulmuesi do të jetë një lojtar kyç i skuadrës, por që nuk po ka vazhdimësi.

Lojtari këtë sezon ka luajtur vetëm pesë herë këtë sezon në Bundesligë dhe gjersa rekordmeister po përgatitet të luajë nesër kundër Hoffenheimit, kroati i ka kërkuar lojtarit të përqendrohet.

“Kampionati është shumë i madh, por çdokush mund të fitojë [vendin e tyre]”, tha Kovac.

“Të gjithë lojtarët që nënshkruajnë një kontratë këtu e dinë se mund të jenë jashtë ekipit në rast se nuk kanë paraqitje të mirë”.

“James po luan për të ardhmen e tij, pres që të vazhdojë të me lojë të mira. Dua që të jetë i motivuar dhe i fokusuar. Si një trajner, unë mund ta vlerësoj vetëm atë që shoh në fushë”, pohoi strategu.

Ndryshe, 27-vjeçari deri më tani është paraqitur në 31 raste për gjermanët dhe ka shënuar dhjetë gola.

City gati ta rrëmbejë këtë super yll para Real Madridit

Mesfushori i Tottenham Hotspur, Christian Eriksen pëlqehet shumë nga dy skuadrat rivale angleze, Manchester City dhe Chelsea.

Eriksen ka edhe një vit e gjysmë kontratë me klubin londinez, Tottenhamin dhe palët janë afër marrëveshjes së rinovimit.

Situata e krijuar e mesfushorit danez ka bërë që shumë klube të mëdha evropiane të vihen pas tij.

Gjiganti spanjoll, Real Madridi llogaritet si favorit për të transferuar 26-vjeçarin në Santiago Bernabeu, por tani ka konkurrencë të fortë.

Dy skuadrat e mëdha angleze, Manchester City dhe Chelsea janë të etura për të mbajtur mesfushorin danez në Ligën Premier.

Sipas gazetës spanjolle AS, City dhe Chelsea e kanë sinjalizuar interesimin e tyre për të nënshkruar me lojtarin e Tottenhami.

Edhe një burim i gazetës AS ka zbuluar interesimin e shumë skuadrave për Eriksenin.

“Është e vështirë të përmendim vetëm një klub të veçantë të nivelit të lartë, të cilët mbajnë sytë ngushtë tek ai … sepse ka skuadra nga Anglia, Spanja, Italia dhe Gjermania”, ka thënë burimi i gazetës AS./TeleshkronjaPost/

Barcelona e kujdesshme për De Jong

Një nga sagat kryesore të transferimit të muajve të kaluar ka qenë ajo e Frenkie de Jong, me Barcelonën e interesuar për holandezin dhe me disa gjigandë të tjerë evropianë që e duan atë.

Pritet që 21-vjeçari do të njoftojë ekipin e tij të ardhshëm në ditët në vijim, pasi të kthehet nga udhëtimi i Ajax nga Amerika dhe klubi katalanas do të jetë në pritje për të sqaruar.

Barcelona ka qenë në kontakt me lojtarin dhe ata që e rrethojnë për afërsisht, kur ish-sekretari teknik Robert Fernandez u interesua dhe madje udhëtonte për në Amsterdam, por shqetësohet që Paris Saint-Germain mund të futet dhe ta bindë atë për të nënshkruar.

“Ai thotë me fjalë se ai dëshiron të vijë, por jo me veprime”, është shqetësimi në zyrat e Barcelonës, sidomos kur lexojnë mediat pranë raportimit të PSG-së se ai tashmë është angazhuar në klubin francez, ku do të fitonte një pagë më të lartë se në Spanjë.

Nëse është e mundur, Barcelona do të dëshironte ta nënshkruante atë dhe të sillte Adrien Rabiot nga PSG, me mesfushorin duke u bërë një agjent i lirë më 1 korrik dhe me Pep Segura dhe Eric Abidal të etur për të nënshkruar dy lojtarët së bashku.

Nëse ka një gjë që është e qartë në lidhje me këtë situatë të tërë atëherë është fakti se kjo sagë është larg nga e kaluara./TeleshkronjPost/

Ozil po largohet nga Arsenali ?

Trajneri Unai Emery është duke insistuar për shitjen e mesfushorit gjerman me origjinë turke, Mesut Ozilit, dhe TMW tani ka raportuar se Arsenali veçse u ka bërë ofertë Juventusit dhe Interit për transferimin e mesfushorit.

Fituesi i Kupës së Botës me Kombëtaren e Gjermanisë ka qenë afër transferimit te këto dy klube italiane edhe në të kaluarën, por tani gjasat e një transferimi të tillë janë më të mëdha, transmeton Gazeta Express.

Lojtari gjerman me origjinë turke, Mesut Ozil, dukej se kishte qenë shumë afër fundit të karrierës së tij me klubin londinez gjatë sezonit të kaluar, pasi që i kishte mbetur vetëm edhe një vit në kontratën e tij, transmeton Gazeta Express.

Megjithatë, ai vendosi ta dëshmojë besnikërinë e tij ndaj klubi dhe arriti marrëveshje me Arsenalin për ta rinovuar kontratën e tij, e cila tani e mban Ozilin në Londër deri në fund të sezonit 2020/2021.

Pjesa e parë e sezonit 2018/2019 ka qenë mjaft e vështirë për mesfushorin gjerman me origjinë turke, aq e vështirë sa tani e ardhmja e tij me klubin londinez është vënë në dyshim. Ozil nuk ka qenë i përfshirë në 1/3 e ndeshjeve të Arsenalit gjatë këtij sezoni.

Kjo gjë ka ndodhur pasi që raportohet se marrëdhëniet e tij me trajnerin e ri, Unai Emeryn, nuk janë aspak të mira. Emery nuk e konsideron Ozilin si pjesë të rëndësishme të projektit të tij dhe për këtë arsye mesfushori i është ofruar Juventusit dhe Interit.

Daily Mail raportoi dje se Unai Emery është duke këmbëngulur në shitjen e Ozilit, në mënyrë t’i financojë blerjet e reja në janar.

Pas këtij lajmi, Ozil e ka postuar një fotografi të veten duke stërvitur në palestër, me mbishkrimin se çfarëdo që ndodh puna vazhdon.

“Pavarësisht çfarë ndodh, puna e zellshme vazhdon”, shkroi ai.