Haradinaj: Kushdo që flet për kufij i shërben agjturave ruse dhe Putinit

Kryeministri i Kosovës Ramush Haradinaj duket më i prerë se kurrë sa i përket çeshtjeve të ndryshimit të kufijve dhe taksës.

I ftuar në televizionin nga Shqipërisa Ora News, Haradinaj ceku se kushdo që po e përmend ndryshim kufijsh i shërben agjendës së Putin.

“Kushdo që po përmend ndryshim kufijsh apo bashkim me Shqipërinë duke dhënë copë tokë nga Kosova, ai po i shërben agjenturave ruse dhe serbe.”

“Nëse dikush përmend aq shumë këtë temë për kufij, është e qartë se u shërben vizionit të Sputnikut dhe po merrë para për këto deklarime, direkt apo indirekt,” u shpreh Haradinaj.

Përndryshe sot pasdite ka arritur letra nga SHBA ku kërkon pezullimin e taksës ose raportet Kosovë-Amerikë mund të keqësohen, por Haradinaj nuk ka ndryshuar qendrim.
/TeleshkronjaPost/

Presidenti Thaçi: “Ta pezullojmë përkohësisht taksën për t’i hapur rrugë dialogut”

Presidenti i Republikës së Kosovës, Hashim Thaçi, pas kthimit nga Shtetet e Bashkuara të Amerikës, në një konferencë për media, i ka dhënë mesazhe të qarta kreut të Qeverisë, Ramush Haradinaj, që duhet të ruhet miqësia me Shtetet e Bashkuara të Amerikës dhe Bashkimin Evropian.

Thaçi ka thënë se Kosova assesi nuk duhet që në sytë e partnerëve të duket si penguese e vazhdimit të dialogut, duke propozuar jo heqjen e taksës, por siç ka thënë presidenti, një pezullim të përkohshëm për t’i hapur rrugë dialogut të Brukselit.

Ai ka thënë se kjo taksë sigurisht që po i shkakton dëme të mëdha Serbisë, megjithatë nuk ka ndonjë çmim i cili mund të paguajë prishjen e raporteve ndërmjet Kosovës dhe Shteteve të Bashkuara të Amerikës.

“Në kuadër të qëndrimit dyditor kemi zhvilluar dhjetëra takime. Kemi pasë edhe takime të shkurtra edhe me sekretarin Mike Pompeon. Kam takuar edhe kongresistin Engel. Ne duhet të vazhdojmë të investojmë fuqishëm për të ruajtur partneritetin strategjik me SHBA-të. Një kultivim i tillë i raporteve, garanton progres e të ardhme të sigurt, anëtarësim në NATO dhe BE, por edhe në OKB. Ajo që dua të potencoj është që SHBA, siç e ka theksuar Trump, e ambasadorët në Kosovë e në Beograd, është që Kosova duhet të jetë e përgjegjshme në angazhimet e veta shtetërore, të ruaj partneritetin me shtetet që e kanë ndihmuar gjithmonë, që janë SHBA-ja e BE-ja. Prandaj edhe thirrja e SHBA-së për institucionet e vendit, është që Kosova të kalojë këtë perceptim të krijuar si pengesë për negociata dhe për arritjen e marrëveshjes me Serbinë. Që Kosova të tejkalojë këto pengesa, në veçanti pezullimin e taksës në mënyrë që të vazhdojë dialogu me Serbinë në Bruksel”, ka thënë Thaçi para gazetarëve.

Sipas presidentit, dialogu ndërmjet Kosovës dhe Serbisë duhet të zhvillohet i pakushtëzuar.

Ndërkohë thotë se vendimi për pezullimin e taksës duhet të merret nga Qeveria, partnerët e koalicionit.

“Dialogu duhet të zhvillohet i pakushtëzuar. Prandaj mendoj se kjo këshillë duhet të respektohet, jo për t’u hequr taksa, por për t’i dhënë mundësi për një pezullim të përkohshëm, një procesi të një angazhimi të gjithanshëm ndërkombëtar. Natyrisht se ky vendim i takon Qeverisë së Kosovës, partnerët e koalicionit. Duket që Serbia po dëmtohet ekonomikisht, por nuk ka çmim që mund të paguajë dobësimin e raporteve mes Kosovës dhe Shteteve të Bashkuara të Amerikës. Të ruhet miqësia me Amerikën. Ftoj spektrin politik të mendojnë urtë e mençur”, ka shtuar presidenti.

Thaçi, gjithashtu, ka thënë se duhet të parandalohet ideja e Haradinajt për organizimin e një konference ndërkombëtare për Kosovën, pasi, sipas tij, aty do t’i jepej mundësi Rusisë dhe Kinës, që të ndërhynin në dialog, me rrezikun për hapjen edhe të statusit të Kosovës.

I pyetur nga gazetarët se çfarë ka dashur të thotë me deklaratën për korrigjim të lehtë të kufijve, Thaçi është arsyetuar se Kosova duhet të zyrtarizojë kufijtë me Serbinë njësoj siç ka vepruar me Maqedoninë e Malin e Zi.

“Ne kemi bërë zyrtarizimin e kufirit me Maqedoninë, diçka e tillë ka ndodhur me Malin e Zi dhe e njëjta procedurë duhet të respektohet për angazhimet tona për njohje reciproke me zyrtarizmin e kufijve të Republikës së Kosovës dhe Serbisë. Kufijtë janë edhe në veri edhe në jug, për të ndodhur njohja ndërkombëtare”, ka thënë ndër të tjera Thaçi.

Thaçi tregon qka u bisedua në takim me ambasadorin Kosnet dhe liderët

Pas më shumë se dy orë pasi përfundoi takimi mes liderëve, presidenti Hashim Thaçi ka publikuar një deklaratë.

Aty shkruan se si në takim u bisedua për ruajtjen e raporteve mes Kosovës dhe SHBA’ve, transmeton Teleshkronja Post.

Në postim Thaçi e ka përsëritur edhe një herë kërkesën se pret vendimmarrje të përgjegjshme në përputhje të plotë me interesat shtetërore sepse nuk ka kohë për të humbur.

SHBA e thotë qartë: Hiqeni taksën, ruajeni miqësinë me ne

Shtetet e Bashkuara të Amerikës i kërkojnë qeverisë pezullimin e taksës sa më shpejt dhe jo heqjen e saj.

Në një intervistë ekskluzive për emisionin Interaktiv në KTV, ambasadori amerikan, Philip Kosnett, ka thënë se nëse kjo nuk ndodh, do të dëmtohen interesat e Kosovës dhe të SHBA-së.

Ai ka përjashtuar mundësinë e ndonjë sanksioni ekonomik ndaj Kosovës, por ka thënë se i mbetet lidershipit kosovar të vlerësojë nëse dëshiron ta ruajë miqësinë me Amerikën.

Më poshtë mund ta dëgjoni një pjesë të intervistës së ambasadorit, që e plotë transmetohet prej orës 23:20, në Interaktiv.

Ne kemi rezistuar të japim ndonjë ultimatum. Ne nuk duam ta diktojmë punën e Qeverisë së Kosovës. Ne besojmë fuqimisht që pezullimi i përkohshëm i taksës sa më shpejt që është e mundur, do ta ndihmojë ecjen përpara të procesit. Nëse kjo nuk ndodh, ka rrezik të humbjes komplete të momentumit, që do të jetë shumë e dëmshme për popullin e Kosovës e atë të Serbisë dhe do të jetë e dëmshme edhe për SHBA-në e Bashkimin Evropian. Çështja nuk është nëse Kosova ka të drejtë ta vendosë tarifën, por pyetja është nëse është vendim i mirë për Kosovën dhe SHBA-në.

Pak para se të vija këtu, lexova raporte që thoshin se SHBA-ja do të vendosë sanksione ekonomike ndaj Kosovës. Dua t’i siguroj qytetarët e Kosovës që kjo nuk është e vërtetë. Kjo nuk është mënyra se si ne veprojmë me një shtet mik si Kosova. Ajo çka kërkojmë nga Kosova është që te ketë lidership të guximshëm për të marrë vendime.

Nëse Kosova mban politika që ia vështirësojnë ose ia bëjnë të pamundur ecjen përpara për të ndërtuar paqe, prosperitet dhe drejtësi në Ballkan, SHBA-ja do të jetë e shqetësuar nga kjo, do të jetë thellësisht e zhgënjyer me këtë. Fola më herët për bashkëpunimin e ngushtë ndërmjet SHBA-së dhe Kosovës për zhvillimin ekonomik, për sigurinë. Është e paevitueshme që Kosova dhe SHBA-ja duhet të punojnë së bashku për ta ruajtur këtë marrëdhënie. Është sikur martesë, kur ju duhet të respektoni nevojat edhe perspektivën e njëri –tjetrit . Kam dëgjuar disa zyrtarë të Kosovës të thonë se Kosovës nuk i duhet më SHBA-ja. Paj, nuk mendoj se kështu mendojnë qytetarët e Kosovës. Mendoj se populli i Kosovës nuk pajtohet me këtë. Populli i Kosovës dëshiron që të mbajë raport të afërt me SHBA-në. Nëse Kosova vendos që kjo nuk është e rëndësishme, do të shohim se çfarë do të ndodhë në të ardhmen.

Kadri Veseli i konfirmon edhe një herë ideatorët e taksës 100%

I ftuar në emisionin “Debat Plus” kryetari i Kuvendit dhe kryetari i Partisë Demokratike të Kosovës ka sqaruar edhe një herë vendimin e taksës 100%.

I pyetur nga Fidan Rama se kush është ideatori i vërtetë i taksës Veseli u përgjigj drejtë për drejtë.

“Ideator si fillim për masën prej 10 % ishte nga Enver Hoxhaj, më pas Haradinaj më ka thirrë në telefon dhe më ka thënë ta ngritim 30 %.”

“Kur më tha kështu kryeministri unë i thashë që nëse vërtetë dëshirojmë në vendim të tillë dhe mendoni se mund ta mbajmë deri në fund atëherë ta vendosim 100%.”

Kështu u shprehë Kadri Veseli, i cili po e kërkon pezullimin e taksës për 120 ditët e ardhëshme./TeleshkronjaPost/

Matoshi i përgjigjet presidentit Thaçi për borën e shkrirë

Këshilltari i Ramush Haradinajt, Halil Matoshi ka publikuar një poezi të Ndre Mjedës, kur i është përgjigjur Presidentit të Kosovës, i cili shkroi një status, me figura stilistike, për shkrirjen e borës dhe largimin e taksës.

“Po shkrihet bora/ Dimri po shkon/ Bulbyl i vorfen/ Pse po gjemon?/ Pushoi murrlani/ Me duhie t’vet’/ Bylbyl i vorfen/ Çou, mos rri shkret’”, ka shkruar Matoshi.

Presidenti i Kosovës, Hashim Thaçi këtë deklaratë ia ka dërguar Ramush Haradinajt, i cili ka thënë se bora do të shkrihet kur është pyetur se kur do të hiqet taksa ndaj produkteve serbe të kërkuar nga SHBA’ja.

Shefi i Shtetit, Hashim Thaçi e ka pyetur përmes një statusi në FB Kryeministrin Ramush Haradinajn nëse po shkrihet bora apo po bëhet skllotë, duke iu referuar deklaratave të Shefit të Qeverisë për heqjen e taksës ndaj produkteve serbe të kërkuara nga SHBA’ja.

“Bora ka zënë të shkrihet shpejt… Uroj të mos bëhet skllotë!”, ka shkruar Thaçi në Fb.

Haradinaj para disa ditësh kur ishte përgjigjur se kur do të hiqet taksa kishte thënë se “bora do të shkrihet dikur”.
“E mirëpres takimin, është propozim i kreut të Kuvendit Kadri Veseli. Ka me u shkri bora dikur”, kishte deklaruar Haradinaj.

Presidenti i Kosovës edhe më herët kishte kërkuar të hiqet taksa ndaj produkteve serbe e boshnjake pas kërkesës së SHBA’së.

Ambasada e Amerikës në Kosovë edhe javën e kaluar ridërgoi një qëndrim drejt Qeverisë për t’u hequr taksa. Paralajmëroi pasoja për ata që nuk përfillin kërkesën e tyre.

Ramush Haradinaj u përgjigj duke thënë se taksa nuk është kundër Amerikës por kundër Serbisë e Rusisë.

“Bora po shkrihet” përfundimisht ?

“Bora do të shkrihet,” kështu tha para disa ditësh kryeministri Haradinaj, e sot zoti Thaçi e konfirmoj se po ‘shkrihet’ dhe uron të mos bëhet ‘skllotë’.

Metafora e përdorur nga dy krerët e shtetit ende po mbetet e paqartë, njëri e tha në media, e tjetri e tha me status në Facebook.

Para dy ditësh ambasada amerikane në Prishtinë dërgoi edhe një letër drejtë qeverisë, ku kishte tone të ashpëra ku shpjegonin qartë se duan heqjen e taksës në mënyrë që të fillojë dialogu me Serbinë.

E kur u pyet dje pasdite Haradinaj për letre ‘amerikane’ ai u përgjigj duke iu thënë mediave se nuk ka përgjigje për momentin.

E siç duket lajmin për heqjen e taksës, për herë të parë ia ka treguar presidentit të vendit Hashim Thaçi, shkruan Teleshkronja Post.

Në këtë mund të aludohet pas statusit të presidentit në Facebook, ku tha “Bora ka zënë të shkrihet shpejt…Uroj të mos bëhet skllotë !,” duke lënë të kuptohet se taksa do të hiqet.

Nuk e dematon askush postimin e Thaçit drejtuar Haradinajt (Foto)

Para pak minutash sipas dyshimeve është hakuar profili i Presidentit Thaçi në Facebook.

Në një status të sapo publikuar shkruhet : “Bora ka zënë të shkrihet shpejt…
Uroj të mos bëhet skllotë! HTH,” përcjellë Teleshkronja Post.

Kjo deklaratë është e zënë se i drejtohet kryeministrit Haradinaj, pasi ai e ka përdorur disa herë si metaforë kur është pyetur për heqjen e taksës dhe për këtë nuk ka demantuar asnjë gjë presidenca.

Ende nuk dihet e sigurtë nëse profili i presidentit Thaçi është hakuar apo vërtetë është shkruar nga ai.

Portali Teleshrkonja Post ishte i pari që raportoj për statusin e Thaçi, vetëm disa sekonda pas publikimit./TeleshkronjaPost/

Ja postimi i tij në Facebook.

Johanes Hahn ofertë për heqjen e taksës

Komisioneri për Zgjerim të Bashkimit Evropian, Johannes Hahn, i ka bërë një ofertë Kosovës dhe Serbisë, e cila do të ndihmonte që sipas tij të hiqet taksa që Qeveria e Kosovës i ka vënë produkteve serbe e boshnjake.

I pari që përmendi këtë ofertë është kryeministri Ramush Haradinaj, i cili pasi kishte pritur javën e kaluar në zyrën e tij Hahnin, tha se ky i fundit po u ofron ndihmë, shkruan Gazeta Express.

Megjithatë, Haradinaj që këmbëngul për mosheqjen e taksës, ka thënë se pranon ndihmën e Hahnit, veçse pas ndonjë marrëveshjeje të mundshme, duhet të ketë reciprocitet mes Kosovës e Serbisë dhe Bosnjës.

“Komisionari Hahn është ofru për ndihmë edhe ne i kemi thënë se ai mund të na ndihmojë për ta përgatitur kapitullin e tregtisë së lirë. “Kapitulli i tregtisë së lirë nënkupton krejt marrëdhëniet Kosovë-Serbi në ekonomi. Sikur të merresh vesh për një ngjarje si Rambujeja, si ndonjë ngjarje tjetër, ku mblidhen edhe i mbyllin dyert dhe nuk i lënë të dalin derisa të arrihet zgjidhja”, ka thënë kryeministri Haradinaj.

Sipas shefit të ekzekutivit një marrëveshje arrihet, nëse Serbia dhe Bosnja heqin barrierat e tyre ndaj Kosovës.

Ai madje nuk i është bindur as deklaratës direkte të lëshuar dje nga Ambasada amerikane, në të cilën kërkohej që të pezullohej taksa.

Ndërkaq komisioneri Hahn nuk i ka përmbyllur përpjekjet për të bindur palën kosovare që të heqin taksën prej 100 për qind ndaj produkteve serbe.

Ai në Davos të Zvicrës, ku po mbahet Forumi Ekonomik Botëror, ka takuar presidentin Thaci, i cili përkrah heqjen e taksës, si dhe presidentin serb, Aleksandër Vuciq.

Të dy liderëve Hahn u ka bërë një ofertë që do të conte në një marrëveshje të heqjes së barrierave. Në një intervistë për N7, ai tregoi se i ka njoftuar në hollësi se cka përmban pakti që, sipas komisionerit, palët duhet ta arrijnë.

“Propozova që të bashkërendohen të gjitha çështjet përkatëse tregtare që kanë të bëjnë me Serbinë dhe Kosovën. Unë jam i gatshëm që ta drejtoj këtë bisedë dhe kjo do të ishte bazë për të supozuar që është i mundur vazhdimi i dialogut i ndërmjetësuar nga Përfaqësuesja e Lartë, Federtica Mogherini”, tha Hahn.

Komisioneri tregon se po e pret përgjigjen e Thacit e Vuciqit brenda ditëve.

Vetë presidenti Thaci ka dalë pro heqjes së taksës, madje përmes një shkrimi në Facebook ka thënë që për teket personale të liderëve, Kosova nuk mund të rrezikojë raportet me Shtetet e Bashkuara të Kosovës.

Ambasada e SHBA edhe një letër për taksën

Ambasada e Shteteve të Bashkuara të Amerikës në Kosovë e ka publikuar edhe një komunikatë zyrtare ku ka kërkuar që të pezullohet tarifa ndaj produkteve serbe, raporton Teleshkronja Post.

Kjo është deklarata e plotë drejtuar Qeverisë së Republikës së Kosovës :

Deklaratë nga Ambasada e SHBA-ve Prishtinë, 25 janar 2019.

Shtetet e Bashkuara mbështesin plotësisht Dialogun e udhëhequr nga Bashkimi Evropian në mes të Kosovës dhe Serbisë.

Një marrëveshje gjithëpërfshirëse dhe reciprokisht e dobishme është në interesin strategjik të Shteteve të Bashkuara. Ndërsa Presidenti Trump komunikoi në letrën e tij drejtuar Presidentit Thaçi: “Unë ju bëj thirrje juve dhe udhëheqësve të Kosovës që ta kapni këtë moment të veçantë, të flisni me zë të unifikuar gjatë bisedimeve të paqes dhe të përmbaheni nga veprimet që do ta bënin më të vështirë arritjen e një marrëveshjeje. ”

Disa komentues dhe politikanë kanë sugjeruar se statusi i Kosovës si shtet i pavarur dhe sovran, i lidhur ngushtë me Shtetet e Bashkuara, do ta mbrojë atë nga të gjitha pasojat e vendimeve të saj në arenën ndërkombëtare. Ne kujdesemi për të mos supozuar se Kosova apo ndonjë mik tjetër i Shteteve të Bashkuara mund të ndërmarrë veprime që bien ndesh me interesat tona strategjike pa u përballur me pasojat për marrëdhënien tonë dypalëshe.

Ne i bëjmë thirrje Kosovës dhe aktorëve të tjerë rajonalë që të demonstrojnë përkushtim ndaj normalizimit; paqes dhe stabilitetit rajonal; dhe lëvizja në rrugën drejt integrimit evropian. Ne përsërisim pikëpamjen tonë se një pezullim i menjëhershëm i tarifës për importet nga Serbia dhe Bosnja është një masë e nevojshme për të rivendosur vrullin e procesit të Dialogut. Presim që palët e tjera të interesit të marrin masa konstruktive të tyre.

Siç ka treguar historia e kohëve të fundit, Kosova është e suksesshme kur bashkohen forcat brenda saj dhe me partnerët si Shtetet e Bashkuara dhe BE. Ne inkurajojmë të gjitha partitë politike që të kontribuojnë në mënyrë konstruktive në këtë proces. Veprimet që dëmtojnë Dialogun, ndërprerjet mënjanë dhe refuzimi i pezullimit të tarifave, të gjitha janë në kundërshtim me interesat e SHBA. Ajo që nevojitet tani është udhëheqja e guximshme për të promovuar qëllimet tona të përbashkëta. Kjo është ajo që na ndihmon të mbështesim një marrëdhënie të fortë dypalëshe.”

Kjo është letra e Ambasdës amerikane në Kosovë./TeleshkronjaPost/