Konferenca e Solarit për ndeshjen e nesërme, flet për të ardhmen

Trajneri i Real Madridit, Santiago Solari, ka thënë se ai nuk mund të përgjigjet në pyetjet hipotetike për të ardhmen e tij në Madrid, kur u pyet nëse mund të planifikojë për sezonin e ardhshëm me madrilenët.

E ardhmja e Santiago Solarit në pozitën e trajnerit të Real Madridit është në rrezik, pas tri goditjeve të rënda brenda shtatë ditëve, në Kupën e Mbretit, La Liga dhe Ligën e Kampionëve. Trajneri argjentinas u emërua në këtë pozitë katër muaj më parë, pas shkarkimit të Julen Lopeteguit, transmeton Gazeta Express.

Lopetegui ishte emëruar në pozitën e trajnerit gjatë verës, pas largimit të Zinedine Zidane. Francezi u largua nga klubi në të njëjtën kohë me Cristiano Ronaldon, i cili u transferua për 112 milionë euro në Juventus.

Ndeshja e fundjavës, mund të jetë e fundit për Solarin në stolin e Los Blancos, i cili ka humbur vendin pas eliminimit nga Champions League, ku u turpërua duke u mposhtur 4-1 në Bernabeu nga Ajaxi.

Gjitha mediat në Spanjë raportojnë se Jose Mourinho ose Zinedine Zidane do të marrë drejtimin e skuadrës sepse Madridi nuk dëshiron të presë deri në fund, edhe pse nuk është se kanë për çfarë të luajnë, duke parë se gjenden 12 pikë prapa Barcelonës në La Liga dhe titulli është pothuajse i pamundur.

“Nuk mund t’u përgjigjem pyetje hipotetike. Është nder t’i shërbej këtij klubi. Do të ta jap të njëjtën përgjigje si në ditën time të parë këtu: më e rëndësishmja është ndeshja e radhës. Këto nuk janë vlerësime që unë duhet t’i bëj”, ka thënë Solari.

“Unë jam trajneri dhe, si të gjithë të tjerët, jam duke e dhënë maksimumin tim. Nuk jemi në momentin më të mirë”.

Solari: Mourinho? Real Madridi ka pasur gjithmonë më shumë kërkesa se Julia Roberts

Jose Mourinho është i hapur për një rikthim të mundshëm në Madrid, por trajneri aktual, Santiago Solari, është i relaksuar pavarësisht spekulimeve.

Santiago Solari nuk është aspak i shqetësuar për spekulimet se Jose Mourinho mund të rikthehet në Madrid.

Ai i ka marrë këto spekulime me shaka, teksa ka përfshirë edhe aktoren e Hollywood, Julia Roberts.

Sipas Solarit, “ky klub gjithmonë ka pasur kandidatë më shumë se Julia Roberts” dhe për të, janë krejtësisht normale thashethemet e vazhdueshme.

Derisa kur u pyet cilin do të kishte preferuar aktorja e famshme, atë apo Mourinhon, Solari u përgjigj: “Pyetje e mirë, por duhet ta pyesni atë (Julian)”.

Vështirë se Solari do të qëndrojë trajner i Realit pas përfundimit të këtij sezoni.

Ai mori drejtimin e skuadrës në tetor pas shkarkimit të Julen Lopetegui, por ka dështuar ta rikthejë ekipin në rrugën e duhur.

Pas dy humbjeve me radhë nga Barcelona, në Kupë dhe Ligë, Reali i ka dhënë lamtumirën dy trofeve dhe ka mbetur në garë vetëm në Champions League, pasi në La Liga është 12 pikë prapa, objektiv pothuajse i paarritshëm.

Tre lojtarët që i mungojnë Realit kundët Barcelonës nesër

Shefi i shtabit teknik të Real Madridit, Santiago Solari, mbrëmë vonë bëri publike listën e plotë prej 21 lojtarëve të ftuar për El Clasico.

Ndeshja e radhës mes dy rivalëve të mëdhenjë  fillon ngaa ora 20:45 në ‘Santiago Bernabeu,’ në kuadër të La Ligas.

Tekniku Madrilen ka rikthyer në listën e të ftuarëve mesfushorin Isco por nuk ka ftuar Odriozolan dhe Brahim Diaz.

Përvec këtyre dy lojtarëve, mungesa tjetër është edhe ajo e Marcos Llorentes për shkak të dëmtimit.

Ndërkohë sipas disa raportimeve thuhet se nëse Solari e humbë edhe këtë takim atëherë ai do të shkarkohet nga pozita e tij si trajner.

Kjo është lista e plotë e lojtarëve të ftuar nga Solari për ndeshjen e sontme ndaj Barcelonës:

Intervista e Solarit për ndeshjen radhës kundër Barcelonës

Santiago Solari doli në konferencë shtypi pas stërvitjes së fundit të Real Madridit në vazhdën e përgatitjeve për ndeshjen e radhës në La Liga kundër Barcelonës.

“Ne kemi marrë veten përsëri dhe ne po përpiqemi të shkojmë atje dhe të fitojmë tri pikë. Do t’i afrohemi lojës me të njëjtën dëshirë dhe të njëjtin frymë si ndeshja e kaluar dhe ne do të kërkojmë të përmirësojmë në atë që mundemi dhe të vazhdojmë të bëjmë atë që bëjmë mirë “.

“Ne duhet vetëm të përqendrohemi në ndeshjen e ardhshme, ne duhet të zvogëlojmë distancën me kreun e tabelës dhe kjo është ajo që ne do të bëjmë,” u shpreh Solari.

“Ne do të fokusohemi në këtë lojë, sepse ndeshja më e rëndësishme është gjithnjë ndeshja e rradhës. ”

“Vinicius ka shumë atribute pozitive: aftësitë e tij, cilësinë e tij, punën e tij të madhe, vullnetin e tij për të mësuar, mënyrën se si ai merret me presionin ndaj tij … është poshtë tij dhe atyre prej nesh rreth tij për t’u siguruar që ai përmirëson në çdo mënyrë ai mund “.

Spanjolli foli edhe për Iscon me të cilin nuk po mund të gjejnë gjuhen e përbashkët.

“Isco ishte i lënduar për 18 ditë, ai është trajnuar me grupin për 4 ose 5 ditë, ai është duke punuar mirë dhe është në dispozicion, gjë që është gjëja më e rëndësishme, përveç Llorentës, kemi të gjithë në dispozicionin tonë.”

“Përveç ndeshjes së fundit, ne kemi shënuar gola dhe kemi shënuar mjaft. Kemi patur shanse që duhej të kishte shkuar në port, por ky është futbolli. Nesër kemi mundësinë të largojmë ato që nuk e bëmë para dy ditësh”.

Barcelona dhe Real Madridi takohen përsëri nesër në kuadër të La Ligas./Teleshkronja Post/

Solari tregohet fer pas ndeshjes

Santiago Hernán Solari u shfaq i pari në intervistën flash për të analizuar humbjen dhe eliminimin e nga Kupa të Real Madridit.

Trajneri i të bardhëve ankohet për mungesën e forcës së ekipit më lart: “Ne jemi duke shkuar në shtëpi të trishtuar”.

Është rezultati i drejtë: “Në futboll ka qëllime dhe forcë dhe e kanë pasur atë, kemi pasur shanse, duhet të kishim shënuar, kemi krijuar shumë shanse, por nuk i kemi shënuar”.

Mungesa e golave: “Ne do të përpiqemi të përmisojmë gabimet përballë ndeshjeve të ardhshme”.

Pjesa e parë e mirë: “Ne duhet të vazhdojmë me rrugën që na çon për të fituar: rendin, origjinalitetin, kreativitetin … Gjithçka që kishim sot dhe shtojmë edhe golat”.

“Ne humbëm me nder, u larguam nga vendi i trishtuar. Pasi dhamë gjithçka përpjekje deri në frymën e fundit dhe të dominojmë siç kemi bërë, rezultati lëndon “.

“Tani do të pushojmë, do të kemi kohë për të folur për Classicen e ardhshme.”

Ndeshjet e Reguilón dhe Vinicius: “Ata kanë qenë shumë të mirë, Reguilón, senzacional, Vinicius gjithashtu, ai është i ri, ai ka kohë për të mësuar shumë”./TeleshkronjaPost/

Konferenca e Solarit para ndeshjes kundër Levantes

Si zakonisht Santiago Solari doli në konferencë shtypi në prag të ndeshjes së nesërme ndaj Levante.

Ai fillimisht u pyet për tentimin për të përmbysur La Ligan:

”Çdo ndeshje përgaditet dhe luhet me kompromisin maksimal. Kompromisi ynë është të luftojmë La Ligan deri në fund,” tha fillimisht ai.

Pezullimi i Ramos: ”Është qartësuar dhe janë marë pamjet filmike, nuk ka asnjë dyshim për mungesë respekti. E shpjegoi edhe Ramos me deklarimet e tij.”

Më pak pushim se Barcelona përpara ndeshjes në kupë: ”Kalendari është interesant, na duket shumë zbavitës. Ne nuk zgjedhim të luajmë në rrethana ndryshe por vlerësojmë kalendarin si një sfidë madhore.”

Darka me Florentinon: ”Nëse flas apo nuk flas me të është diçka private.”

Të varur nga Barcelona: ”Gjithmonë shpresojmë të reduktojmë pikë dhe për këtë përgaditemi çdo javë. Duhet të rikthehemi në lojë pas humbjes së pikëve ndaj Gironas. Duhet të kemi ambicie dhe dëshirën e nevojshme ndaj Levantes.”

Levante: ”Është një ekip shumë i shpejtë përpara dhe e ka dëshmuar ndaj neve. Duhet të shkojmë të koncentruar që nga minuta e parë. Duhet të jemi agresiv pa topin dhe poashtu kur t’a kemi në këmbë, të kërkojmë portën.”

Lojtarët fajtorë për dështimin ndaj Gironas: ”Lojtarët vendosin karakterin dhe fizikun e tyre në fushë, kanë meritat për ecurinë pozitive që kemi.”

Mungesa e golit nga Vinicius: ”Ka bërë gola dhe do të bëje akoma më shumë. Çdo javë mëson gjëra të reja. Është i rrethuar nga lojtarët më të mirë për të vazhduar të rritet.”

Marcelo: ”Po stërvitet në mënyrë fenomenale. I shoh mirë të gjithë. Të fokusuar. I shqetësuar nga kritikët? Ata janë profesionist dhe e njohin këtë botë. Lojtarët poashtu dinë se si t’i kalojnë kritikat dhe lëvdatat.”

Llorente dhe Isco: ”Llorente akoma nuk është stërvitur me ne dhe e presim me padurim. Isco është rikthyer.”

Intervista e Solarit pas humbjes nga Girona

Santiago Solari vlerësoi humbjen e ekipit të tij ndaj Gironas në Santiago Bernabeu, ndeshjen e Marcelos dhe formacionin që hodhi në fushë.

Vlerësimi: ”Është një mëkat, na ikën tre pikë dhe rivalët direkt fituan. Një mëkat sepse vinim nga një ecuri të mirë, duke fituar pikë. Tani jemi tre pikë më larg se dje.”

Ndeshja: ”Futbolli është kështu dhe gjithmonë ka një rival, në rastin e sotshëm ishte Girona që luajti mirë. Nuk shkonin për ndeshjen në pjesën e parë, ku patëm shanset tona për të bërë më shumë gola dhe në pjesën e dytë dolëm me më tepër energji dhe ishin të saktë kur sulmonin. Neve na mungoi qartësia.”

Lodhja: ”Lodhja nuk është vetëm fizike por edhe mendore, është koncentrimi.. Vinim nga një ecuri e rëndësishme ku luajtëm shumë ndeshje dhe nxorëm rezultate të mira dhe mbase kjo na ka shkaktuar një frakturë në nivelin e energjisë në pjesën e dytë.”

Kartoni i kuq i Ramos: ”Vendimet e arbitrit.”

Marcelo: ”Mirë, besoj se ka qenë mirë.”

Do e ndryshonte formacionin?: ”Këto pyetje janë të pamundura. Të flasësh për hipoteza nuk është një punë që duam t’a bëjmë. Me rezultatin e tillë gjithmonë mund të ndodhë diçka ndryshe, poashtu edhe kur fiton.”

La Liga e humbur?: ”Absolutisht për asgjë. Javën që vjen kemi tjetër ndeshje, rivalët tanë poashtu. Të gjithë ndeshjet janë të vështira ashtu siç na dëshmoi edhe sot Girona. Ne duhet të vazhdojmë të fitojmë për të tentuar të shkurtojmë diferencat.”

Intervista e Solarit pas fitores së parë Ligen e Kampionëve

Trajneri i Real Madridit, Santiago Solari, sot shënoj fitoren e parë në Ligen e Kampionëve si trajner i Real Madridit.

Spanjolli u paraqit para mediave pas fitores 2-1 në “Cruyff Arena” ndaj skuadrës së Ajax.

Ai potencoi që është i kënaqur me seriozitetin e treguar nga ana e lojtarëve të tij ndërsa vlerësoi poashtu edhe Ajaxin për ndeshjen e madhe të bërë.

”Ajax na bëri jetën e vështirë. Luajti në limite, me shumë presion. Ky është Championsi dhe kjo është arsyeja pse e duam kaq shumë. Vuajtëm në pjesën e parë, por në pjesën e dytë skuadra ndryshoi dhe u përgjigj mirë. Ajax kishte kursyer energjitë për ndeshjen e sotme dhe ata dhanë gjithçka në fushë.”

”Asensio? Jemi veçanërisht të kënaqur me Marco Asension. Kishte një dëmtim dhe ka punuar shumë mirë. Është rrugës së rikthimit. Tashmë ka luajtur 3 ndeshje dhe po bën çdo herë e më mirë. Sot ka sulmuar dhe mbrojtur, kjo është gjithçka që duhet të bëje.”

”Sonte kemi ditur të luajmë një ndeshje të vështirë, kemi punuar, kemi vuajtur dhe kemi ndëshkuar atëherë kur është dashur. Jam i kënaqur me lojtarët sepse për të arritur fitoren sot, është dashur kompromisi dhe maksimumi i të gjithëve.”

”VAR? Nuk kemi një monitor aty ku qëndrojmë. Ne shohim lojën, pastaj rishikojmë ngjarjet dhe pranojmë atë që thotë arbitri.”