Kryeministri Haradinaj: Kur erdha në krye, për Kosovën vendosnin Mogherini e Vuciqi

Sot bëhen dy vite që kur ra qeveria Mustafa me mocion mos besimi, të cilin ia votoj edhe partneri i koalicionit PDK, ku i lëshoj rrugë koalicionit PAN.

Me të ardhur në detyrë i pari i AAK-së kishte premtuar se do bëjë ndryshime substanciale dhe vendime të mëdha për Kosovën.

Kryeministri i Kosovës, Ramush Haradinaj, ka thënë se si kryeministër ka arritur që ta orientojë procesin e dialog me Serbinë në rrugë të duhur.

Sipas tij, “ne si shtet sovran i kishim dërguar këto vendime në tavolinë te Mogherini e Vuçiqi në këtë rast edhe presidenti Thaçi. Por sipas tij këto vendime i ka hequr nga tavolina dhe i ka sjellë në Prishtinë, Qeveria.

“Kur e kam marr detyrën, Kosova e kishte dorëzuar vendimmarrjen e vet tek të huajt, krejt temat kryesore tonat të këtij vendi për me vendos. Por, ishin parapa që me u vendos në tavolinë, dialog. Ne si shtet sovran i kishim çuar këto vendime në tavolinë te Mogherini, Vuçiqi, në këtë rast edhe presidenti ynë. Pra, Qeveria ka hequr vendimet prej asaj tavoline dhe ka sjellë në Prishtinë për t’i marr Qeveria”, ka thënë Haradinaj.

Kreu i ekzekutivit, ka folur edhe për idenë e ndryshimit të kufijve, për të cilën ai ka thënë se është në dëm të Kosovës.

“U folke shumë mundësia me luajt me mexha e me territore, por ju e dini gjatë historisë se sa herë është luajt me mexha në dëm tonin ka ndodhë”, tha Haradinaj.

Këto komente, Haradinaj i bëri gjatë një takim me strukturat e partisë së tij në Viti./TeleshkronjaPost/

Agjencia amerikane “Politico” zbulon bisedën Macron-Haradinaj

Pas shumë deklaratave që pasuan Samitin e Berlinit gjiganti mediatik “Politico” ka marrë përsipër të hedhë dritë mbi prapaskenat e kësaj mbledhjeje.

Në një artikull të fundit ka shkruar për një përplasje mes Presidentit të Francës Emmanuel Macron dhe kryeministrit të Kosovës, Ramush Haradinaj.

Duke cituar burime nga brenda takimit, “Politico” shkruan se lideri francez e kishte humbur toruan, pasi ishte përpjekur për orë me radhë për të zbutur tensionin ekzistent mes Kosovës dhe Serbisë.

Macron kërkoi vazhdimisht një lëshim nga Haradinaj, për çështjen e taksës, por u përball me përgjigje negative të këtij të fundit.

Duke ngritur zërin, Presidenti i Francës më pas i ka thënë Hardinajt se nuk është në pozita për të kërkuar asgjë në termat e proceseve integruese.

Pas kësaj debati është zhvendosur në një nga ballkonet e kancelarisë gjermane, ku gjatë diskutimeve informale Merkel dhe Macron e morën Haradinajn më vete duke i kërkuar shfuqizimin e taksës 100 % dhe duke i kërkuar nga ana tjetër rrugën e udhëtimit pa viza në Europë.

Gjithsesi edhe në këtë përpjekje, Haradinaj nuk ka pranuar të dorëzohet duke thënë se kërkon më parë njohjen nga Serbia, shkruan Alsat-M.

Politico arsyeton se kjo qëndresë e kryeministrit mund të shfrytëzohet nga ai për më shumë popullaritet në politikën e brendshme.

Edi Rama: Haradinaj po gënjen publikisht

Dikush po gënjen. Në një postim të gjate në Facebook, Edi rama e ka demantuar – jo vetëm Ramush Haradinajn, por edhe vetveten.

Fillimisht ka thënë që nuk i ka kërkuar Haradinajt që ta heqë taksën, kurse pak më poshtë pohon se ia ka kërkuar dy herë pezullimin e saj.

Kryeministri shqiptar nuk i ka kursyer as ofendimet ndaj homologut nga Kosova.

I pari i Shqipërisë, Edi Rama, i ka reaguar homologut të tij kosovar, Ramush Haradinaj, pas deklaratave të këtij të fundit se udhëheqësi shqiptar i kishte bërë trysni në Berlin, gjatë Samitit për Ballkanin, që Kosova të hiqte taksën prej 100 për qind ndaj produkteve nga Serbia.

Rama, nëpërmjet një shkrimi në llogarinë e tij zyrtare, në rrjetin social Facebook, në internet, e ka ofenduar Haradinajn, duke thënë se kryeministri i Kosovës po gënjen publikisht.

Deklaratat për Ramën, Haradinaj i kishte bërë gjatë një interviste të dhënë në kryeqendrën gjermane, Berlin.

Shkrimi i plotë i Ramës në Facebook:

E VERTETA IME ME SHUME DESHMITARE

Si rregull udheheqesit nuk i komentojne ne publik bisedat mes tyre e sidomos ato informale, aq me teper pa rene dakord paraprakisht dhe lere pastaj t’i shtremberojne, duke genjyer per te dale “burra te mire” para popullit te tyre, si te ishin duke shitur mish ne pazar. Me vjen sinqerisht keq qe miku im Ramush, nuk e ka mesuar ende kete rregull kaq te thjeshte, megjithese normalisht ky s’eshte as ndonje rregull udheheqesish ne fakt, po nje norme elementare mirekuptimi njerezor. Nuk eshte hera e pare qe e ben, po eshte hera me e gabuar dhe prandaj kete here, s’e kaloj dot ne heshtje si te tjera.

Askush s’i ka bere Ramushit presion ne Berlin per te hequr taksen. Une jo e jo. Madje askush as i’a ka kerkuar hiç qe ta heqe taksen! Une jo e jo. Perkundrazi.

Kancelarja Merkel dhe Presidenti Macron, kane nxitur nje diskutim informal ne holl mbi rifillimin e dialogut. Kam nderhyre vetem njehere, duke thene se ata duhet te hynin vete ne proces. Me tutje i kane kerkuar me shume durim dhe disa here Ramushit jo ta heqe taksen, po thjesht te jape pelqimin qe taksa te pezullohet perkohesisht, per 6 muaj apo edhe per 4 muaj qofte, duke u zotuar qe te hyjne ne procesin e dialogut Kosove-Serbi ata vete. Edhe te dy personalisht, kancelarja dhe presidenti!

I kam sugjeruar Ramushit ne dy momente ta pranoje kete kerkese te tyre, sepse kam menduar dhe mendoj qe perfshirja direkte ne nivelin me te larte e Gjermanise dhe Frances, boshtit te Bashkimit Europian, u shfaq si nje mundesi e re dhe shume e favorshme per ta shtruar çeshtjen e finalizimit te dialogut, ne nivelin me te larte te mundshem.

E kam mbeshtetur dhe e mbeshtes edhe sot taksen si nje “klithem” te Kosoves, qe ta degjoje bota dhe si te tille edhe e kam mbrojtur, kudo e me kedo. Po une di qe ajo eshte nje takse qe i eshte vene Serbise, jo nje mur qe i eshte vene Gjermanise, Frances apo SHBA, per t’i ndaluar ta ndihmojne e ta mbeshtesin Kosoven, ne rrugen e perpjekjes se mundimshme historike drejt njohjes perfundimtare nga gjithe bota. Dhe kur keta aleate te medhenj dhe te pazevendesueshem dot nga askush e askurre (pa te cilet jo Ramushin, po as Kosoven dhe te drejten e saj njeqind vjet te mohuar s’do ta njihte kurrekush ende sot), kerkojne thjesht pezullimin e perkohshem te takses, ne menyre qe te mund ta ndihmojne e ta mbeshtesin Kosoven drejt njohjes se saj te plote nderkombetarisht, refuzimi eshte i pakonceptueshem per mua.

Shtoj ketu se me ka mbetur gozhde fakti qe miqte e medhenj, hasen ne nje refuzim te pashpjegueshem edhe kur propozuan qe perkunder pezullimit te perkohshem te takses, nese ne fund te muajve te dialogut nuk do te arrihej objektivi final i nenshkrimit te paqes, atehere do t’i hapej perfundimisht rruge liberalizimit te vizave per Kosoven(!).

Gjithesesi, meqe Ramushi u qa publikisht se une i paskesha bere me shume presion se sa Vuçiçi per heqjen e takses, mua s’me mbetet tjeter vecse te ngushellohem me faktin qe pas samitit edhe Vuçiçi, u shpreh publikisht ndaj meje po aq i palumtur sa Ramushi.

S’kam dashur dhe s’dua te hyj asnjehere ne polemika publike me askend ne Kosove, aq me pak me kryeministrin e Kosoves. Uroj qe te mos jem i detyruar ta bej perseri. Ai ka te drejten e tij te flase ne emer te Kosoves, po mua s’ma heq dot askush te drejten te flas per Kosoven.

Relaksohen raportet Veseli – Haradinaj ?

Kishte kohë që nuk qëndronin së bashku, e duket se i erdhi fundit këtij mospajtimi mes Kryeparlamentari Kadri Veseli dhe Kryeministri Ramush Haradinaj.

Të liderët e koalicionit PANA sot kanë bërë homazhe pranë varrit të dëshmorit Agim Selmanaj në Gllogjan.

Kadri Veseli dhe Ramush Haradinaj së fundmi janë parë teksa takohen vetëm në përkujtime të rënies së dëshmorëve dhe të masakrave të kryera 20 vjet më parë, por jo edhe si partnerë të koalicionit që duhet të flasin për qeverisjen.

E sot, kryeparlamentari, pas homazheve ka qëndruar në shtëpinë e kryeministrit Haradinaj në Gllogjan. Ditë më parë në T7, Haradinaj ka thënë se nuk ka pasur takime pune prej kohësh me Veselin.

Ndërkaq në disa pamje të publikuar nga Kryeministri Haradinaj, ai shihet gjatë gjithë kohës në komunikim me kryeparlamentarin Veseli.

Rikujtojmë se mos-komunikimi mes të dyve ishte minimal që nga koha kur Veseli kishte propozuar pezullimin e taksës 100%, por Haradinaj e kishte kundërshtuar./Teleshkronja Post/

Lajm fantastik për vizat, Gjermania i thotë “PO” Kosovës

Kosova ka marrë një lajm fantastik sot nga shteti gjerman për liberalizimin e vizave.

Dje pas përfundimit të Samitit të Berlinit, presidenti Hashim Thaçi para gazetarëve tha se nuk ka lajme të mira për vizat, por sot pasdite kryeministri Ramush Haradinaj ka kumtuar lajmit e shumëpritur.

Ai pas takimit me Ministrin e Punëve të Brendshme të Gjermanisë ka konfirmuar mbështetjen e Gjermanisë dhe Kosova ka marrë “PO”-në e shtetit gjerman sa i përket vizave, shkruan Teleshkronja Post.

Postimi i plotë i Ramush Haradinajt në rrjetin social Facebook:

Danke Deutschland! 🇩🇪

Pas takimit me Ministrin e Punëve të Brendshme të Gjermanisë, Horst Seehofer, morëm “Po”-në e Gjermanisë për liberalizimin e vizave.Faleminderit Kancelares Merkel dhe shtetit Gjerman për besimin dhe përkrahjen e vazhdueshme për popullin e Kosovës.

Merkel dhe Makron i ‘fusin në qosh’ liderët e Kosovës / Foto

Takimi i parë i Samitit i Berlinit për Ballkanin ka përfunduar para pak minutash (20:45), në organizimin e kancelares gjermane, Angela Merkel, dhe presidentit francez, Emmanuel Macron.

Dy liderët evropian dhe pjesëmarrësit e tjerë, përfshirë kryeministrin e Kosovës, Ramush Haradinaj, e presidentin e vendit, Hashim Thaçi, dhe udhëheqës të vendeve të tjera të Ballkanit e zyrtarë të Bashkimit Evropian, janë parë jashtë objektit ku është mbajtur pjesa zyrtare e takimit.

Presidenti i Kosovës Hashim Thaçi, kryeministri Ramush Haradinaj dhe kryeministri i Shqipërisë Edi Rama po përfaqësojnë shqiptarët atje.

Një fotografi e pas takimit i shfaq ata të ‘ndarë’ dhe si Merkel dhe Makron i kanë futur në qosh liderët e Kosovës, transmeton Teleshkronja Post.

Derisa Thaçi dhe Haradinaj shihen të jenë duke biseduar me Merkel dhe Macron, Rama është përqendruar në bisedë me presidentin serb Alkesandar Vuciq, i cili po shoqërohet në Berlin nga kryeministrja Ana Brnabiq.

Foto nga takimi me dyer të mbyllura

Kryeministri Haradinaj publikon fjalimin e mbajtur para Makron dhe Merkel

Sot kryeministri Haradinaj gjendët në Berlin, në Samitin e organizuar nga kancelarja gjermane, Anglea Merkel dhe presidenti francez, Emanuel Macron.

Haradinaj ka publikuar fjalimin e mbajtur në Samit para gjithë liderëve të Ballkanit dhe dy organizatorëve, shkruan Teleshkronja Post.

Fjalimi i plotë i Ramush Haradinajt në Samitin e Berlinit, para Angela Merkel dhe Emanuel Makron:

Lexo poashtu: Merkel dhe Makron i ‘fusin në qosh’ liderët e Kosovës / Foto

Fjala ime e plotë në takimin e nivelit të lartë të vendeve të Ballkanit Perendimor, thirrur nga Kancelarja Merkel dhe Presidenti Macron:

E nderuara Kancelarja Merkel,
President Makron,
Të nderuar Krerë të Delegacioneve Shtetërore,

Dëshiroj të ju shpreh mirënjohjen time për këtë iniciativë të rëndësishme. Duke ndërmarrë këtë hap, ju keni krijuar një mundësi historike për të gjetur zgjidhje të qëndrueshme për problemet që na kanë ndarë ne për një kohë të gjatë.

Dëshiroj gjithashtu të falënderoj mbështetjen e qëndrueshme gjermane për të drejtën e Kosovës në shtetësisë dhe integritetit territorial si një kusht për paqe në rajon. Kërkojmë nga ju të vazhdoni të shpjegoni dhe ta mbroni këtë të drejtë në BE, sepse si shtet i vogël nuk kemi kapacitete për t’i arritur të gjithë. Shpresoj që takimi i sotëm mund të rezultojë në një sens të ri të përgjegjësisë individuale dhe të përbashkët për të ardhmen tonë kolektive.

Është e qartë se ne nuk mund të ecim përpara derisa të pranojmë të vërtetën mbi të kaluarën dhe realitetin e së tashmes.

E vërteta e së kaluarës është se Kosova pësoi mizori dhe ne duhej të fillonim nga zeroja.

Realiteti i së tashmes është se Kosova tani është një shtet i pavarur – si dhe është duke shënuar progres politik, ekonomik dhe social.
Ky është realiteti që duhet të pranojmë për të ecur përpara. Serbia duhet ta njohë pavarësinë dhe sovranitetin e Kosovës.

Unë dëshiroj të paraqes këtu para juve zotimin tim personal dhe të pakushtëzuar që unë do të kontribuoj për të përmirësuar jetën e qytetarëve tanë serbë. Unë e bëj këtë zotim pa pasur ndonjë ofertë nga Beogradi. Në fakt, është një zotim që ne e kemi aplikuar pasi kemi mishëruar të gjitha rekomandimet e planit të Ahtisaarit në kushtetutën dhe ligjet tona.

Njohja është pika fillestare për progres: nuk është pika përfundimtare. Pa njohje reciproke dhe respekt të ndërsjellë nuk mund të ketë progres. Njohja do të nënkuptojë tejkalimin e të gjitha pengesave tjera të progresit. Për shembull, nuk do të ketë nevojë për barriera tregtare, nga asnjëra palë.

Njohja nënkupton respektimin permanent të kufijve ekzistues. Kufijtë e rishikuar do të mundësonin fillimin e një valë të re të ndarjes etnike dhe ndoshta edhe fillimin e dhunës.

Ne kemi nevojë për unitet, jo për ndarje. Ne kemi nevojë për të hapur kufijtë tanë, dhe jo për të krijuar kufi të rinj.

Qeveria dhe parlamenti i Kosovës kanë mandatuar një platformë kombëtare si dhe delegacionin për fazën përfundimtare të procesit të dialogut me Serbinë, i cili do të rezultojë në një marrëveshje gjithëpërfshirëse që duhet të jetë ligjërisht e detyrueshme për njohje reciproke.

Ne jemi të gatshëm, që sot, të finalizojmë të gjitha çështjet e pazgjidhura midis dy shteteve tona.

Kancelare, President, të nderuar Krerë të Delegacioneve Shtetërorë – ne ndajmë me ju jo vetëm një perspektivë evropiane, por edhe perspektivë globale. Ne nuk duam asgjë më shumë se të drejtat e njëjta siç i gëzojnë vendet tjera – dhe kjo duhet të përfshijë liberalizimin e vizave. Ne dëshirojmë të pranojmë përgjegjësinë tonë të plotë si anëtare e Aleancës Perëndimore, në partneritet me Shtetet e Bashkuara të Amerikës. Ne besojmë se është në interesin e të gjithëve që Shtetet e Bashkuara të Amerikës të jenë garantuese e zgjidhjes, së bashku me Bashkimin Evropian.

Dëshiroj të ju falënderoj për mundësinë që na keni ofruar të jemi këtu të gjithë së bashku. Ky është një moment i rëndësishëm për ne, dhe besoj se është i rëndësishëm edhe për të ardhmen e Evropës.

Analizë për Samitin e Berlinit nga ekspertët ndërkombëtarë

Samiti i Berlinit është tema kryesore e diskutimit që nga fillimi i muajit prill, kur u bë e ditur se kancelarja gjermane, Angela Merkel dhe presidenti francez, Emanuel Macron, do t’i presin në takim liderët e vendeve të Ballkanit Perëndimorë.

E kjo nuk ka si të kalojë pa komente e analiza, sidomos nga ekspertët ndërkombëtarë, të cilët po e shohin Samitin e 29 prillit në kryeqytetitn gjerman, n Berlin, si një moment të zhbllokimit të dialogut ndërmjet Kosovës dhe Serbisë.

Sipas profesorit të Shkollës Ekonomike dhe Shkencave Politike në Londër (LSE), James Ker-Lindsary, ende është e pa qartë rëndësia e këtij takimi, pasi që dikush po e konsideron si një iniciativë të madhe, ndërsa dikush tjetër po e sheh si diçka jo shumë të rëndësishme.

“Duket qartë që ende nuk dihet se çfarë po planifikohet”, ka theksuar Lindsay.

Ai thotë se megjithatë ky takim në kryeqytetin gjerman me ftesë të kancelares Angela Merkel e presidentit francez, Emanuel Makron, do të shërbejë për të ndihmuar rifillimin e dialogut Prishtinë-Beograd.

“Duket që përpjekjet do të fokusohen për të bashkuar palët relevante, dhe krijimin e kushteve për të rifilluar bisedimet, duke kërkuar kompromise për problemet të cilat po e vështirësojnë atë, siç është vendosja e taksës”, ka thënë ai për EBË, transmeton Gazeta Express.

Edhe Bodo Weber, bashkëpunëtor i lartë në Këshillin e Politikave dhe Demokratizimit mendon që fokusi kryesor i takimit të Berlinit, do të jetë rifillimi i dialogut Kosovë-Serbi pas një periudhe të gjatë bllokade.

Angela Merkel, Hashim Thaçi dhe Aleksandër Vuqiq.

“Takimin e 29 prillit e shoh si një përpjekje për të kapërcyer dy problemet, taksën dhe shkëmbimin e territoreve. Do të jetë një takim për të rivendosur negociatat”, thotë Weber.

Ai thotë se ky takim do të jetë gjithashtu edhe një vend ku do të diskutohet ideja për korrigjim të kufijve, ide për të cilën edhe vetë Weber e sheh si problematike.

Sipas tij “takimi në Berlin do të jetë një përpjekje që Berlini dhe Parisi të kenë një politikë të përbashkët, në mënyrë që të marrin edhe kontollin e ekipit të Mogherinit, dhe të lëvizin ngadalë drejt rifillimit të negociatave që do të kthejnë dialogun politik nën kornizat e tij origjinale në 2013-2015”.

Të ekspertët, Lindsey dhe Weber thonë që në Gjermani do të ketë përpjekje që dialogu të vazhdojë, duke lënë anash diskutimet e deritanishme për korrigjim të kufijve.

Federica Mogehrini dhe Jean-Claude Juncker

Anën tjetër, eksperti Bodo Weber nuk e fsheh dëshirën e tij që në Berlin të hidhet poshtë një herë e përgjithmonë ideja e propozuar për korrigjim të kufijve.

“Sinqerisht shpresoj ashtu, për të ardhmen e Kosovës dhe Serbisë, dhe për të ardhmen e jetës së serbëve që jetojnë në veri dhe jug të Ibrit, për stabilitetin dhe sigurinë e rajonit të Ballkanit Perëndimor, dhe të BE-së në përgjithësi”, ka thënë ai, transmeton Gazeta Express.

Weber megjithatë thotë se një ide e tillë ende nuk është shuar./TeleshkronjaPost/