Çmimi që Chelsea kërkon për kampionin e botës

Zinedine Zidane është rikthyer në krye të Real Madridit dhe synon të bëjë revolucion me Los Blancos.

Shumë lojtarë pritën të largohen nga Santiago Bernabeu dhe shumë tjerë do t’i bashkohen kampionëve aktual të Evropës.

Një nga dëshirat e mëdha të Zidanes është mesfushori i Chelseat N’Golo Kante.

Kampioni i Botës me Francën është një nga më të mirët në rolin e tij dhe kjo është arsyeja që Los Blancos e duan.

Por transferimi i tij në Madrid nuk do të jetë i lehtë, pasi Chelsea e vlerëson lartë atë.

Sipas asaj që ka raportuar The Sun, Chelsea nuk do ta lejoj largimin e Kantes nëse nuk vije një ofertë mbi 130 milionë euro.

28-vjeçari iu bashkua Chelseat në vitin 2016 nga Leicester City dhe ka kontratë me londinezët deri në vitin 2023.

​Sipas raportimeve Zidane e ka identifikuar lojtarin e parë që do ta blejë

9 muaj më parë Zinedine Zidane e tronditi të gjithë botën e futbollit kur pa pritmas në kulmin e sukseseve bëri të ditur se po largohet.

Megjithatë, storja u përsërit, të hënën ai përsëri befasoi qdo futbolldashës, kur u bë e ditur se ai po kthehej në pozitën e trajnerit të Real Madridit, vetëm 284 ditë pasi kishte vendosur të largohet nga kjo pozitë

Ish-reprezentuesi francez, 46-vjeçari u largua nga “Los Blancos” në fund të sezonit të kaluar, pasi e ndihmoi skuadrën e tij t’i fitonte tri tituj të Ligës së Kampionëve radhazi dhe një titull të La Ligës.

Dhe duket se trajneri i Real Madridit nuk është duke humbur aspak kohë për ndërtimin e një skuadre të re. E përditshmja italiane, Gazzeta dello Sport pretendon se N’Golo Kante i Chelseat do të jetë transferimi i parë i Zidane gjatë verës.

27-vjeçari, i cili është kampion bote me Francën, nuk ka kaluar nëpër periudhën e tij më të mirë këtë sezon, me trajnerin e ri, Maurizio Sarrin, veçanërisht pasi që italiani dëshiron që Kante të luajë në një pozitë më sulmuese.

Ish-ylli i Leicester Cityt nënshkroi kontratë të re me klubin londinez në nëntor të vitit të kaluar, që e mban atë në Stamford Bridge deri në vitin 2023.

Kthimi i Zidane në Real Madrid do ta shqetësojë edhe më shumë Chelsean, pasi që tani transferimi i Eden Hazardit në Santiago Bernabeu duket edhe më i mundshëm.