Historia bëhet sot: Kosovë vs Azerbajxhan formacionet zyrtare

Në stadiumin “Fadil Vokrri” në Prishtinë, Kosova e zhvillon ndeshjen më të rëndësishme deri më tani në Ligën e Kombeve kundër Azerbajxhanit.

Përfaqësuesja jonë është në krye të Grupit 3 të Ligës D me 11 pikë të arkëtuara në pesë xhirot e para, nga tri fitore dhe dy barazime, shkruan Teleshkronja Post.

Ekipi kundërshtar është në vend të dytë me nëntë pikë, nga dy fitore dhe tri barazime. Që do të thotë se asnjëra nga këto ekipe nuk ka pësuar akoma humbje në grup.

Që Kosova të qëndrojë në krye të grupit dhe të sigurojë kualifikimin në gjysmëfinale të Ligës D duhet që së paku të sigurojë një barazim.

Vetëm humbja do t’ua pamundësonte ‘play-offin’ të zgjedhurve të trajnerit Bernard Challandes.

Formacioni startues i Kosovës: Muric, Aliti, Shala, Kryeziu, Rashica, Zeneli, Rrahmani, V. Berisha, Vojvoda, Kololli, Muriqi

Formacioni startues i Azerbajxhanit: Agajev, Garayev, Pashajev, Medvedev, Husejnov, Abullayev, Nazarov, Dadasov, Madatov, Almeida, Khalilzade

Kujtojmë që ndeshja e parë ndërmjet këtyre skuadrave, ku Përfaqësuesja jonë ishte mysafire, përfundoi me rezultat 0-0.

 

Pakënaqësia e stafit të Realit për aktivizimin e Bale ndaj Shqipërisë, Giggs përgjigjet

Përzgjedhësi i Uellsit, Ryan Giggs, ka reaguar ndaj kritikave të stafit dhe tifozëve të Real Madridit në lidhje me Gareth Bale.

Anësori i Los Blancos është duke pasur probleme me lëndime këtë sezon, ndërsa aktivizimi i tij në ndeshjen kundër Shqipërisë është konsideruar si i panevojshëm.

Bale është dashur të udhëtojë 4.052 kilometra për të qenë i pranishëm në “Elbasan Arena” në ndeshjen miqësore.

Giggs thotë se nuk shqetësohet për këto kritika dhe se lojtari është shprehur i gatshëm që të jetë i pranishëm në lojë për ta nderuar edhe arritjen e Chris Gunter.

Mbrojtësi i Readingut do të bëhet lojtari që ka regjistruar më së shumti paraqitje për Uellsin, plot 93, kur do të startojë në Elbasan.

“Nuk ka shqetësime për pakënaqësinë e Madridit. Gareth është në duar të mira. Ai gjithmonë dëshiron të luajë për vendin e tij dhe dëshiron të jetë këtu për Chrisin që do të jetë një natë e veçantë”.

“Të gjitha këto gjëra lënë të kuptojmë se është gjë e shkëlqyer që ndodhet këtu dhe u jep shtytje të gjithëve kur ai është në skuadër. Askush nuk ka dyshuar në përkushtimin e tij ndaj Uellsit”, ka thënë Giggs.

Karahas Bale në ndeshjen kundër Shqipërisë do të luajë edhe ylli i Arsenalit, Aaron Ramsey, si edhe kapiteni Ashley Williams./Teleshkronja Post/

Kosova – Azerbajxhan: Formacionet e mundshme për historinë

Përfaqësuesja e Kosovës do të luajë ‘finalen’ sot (e martë) ndaj Azerbajxhanit në stadiumin Fadil Vokrri.

Të ndihmuar edhe nga publiku vendas, djelmoshat tonë janë favorit në këtë përballje të madhe, transmeton Teleshkronja Post.

Kosova vazhdon tutje në gjysmëfinale të Divizionit D të Ligës së Kombeve jo vetëm me fitore, por edhe me një barazim të mundshëm.

Që kjo të arrihet trajneri Bernard Challandes ka bërë të gjitha përgatitjet e nevojshme dhe beson te rezultati pozitiv.

Faqja në Twitter, Kosovan Football, e cila është një nga më aktivet dhe seriozet rreth lajmeve të përfaqësueses së Kosovës ka publikuar formacionin e mundshëm ndaj Azerbajxhanit.

Për dallim nga ndeshja e fundit në portë nuk është Samir Ujkani, e as në mbrojtje Fidan Aliti, kurse në sulm Arbër Zeneli dhe Vedat Muriqi.

Formacioni i mundshëm: Muriqi; Vojvoda, Rrahmani, M. Kryeziu, Kololli; Shala, Kryeziu; Berisha; Rashica, Avdijaj; Nuhiu.

Formacionet zyrtare: Gjermani vs Holandë

Gjermania dhe Holanda kanë publikuar formacionet zyrtare për ndeshjen e radhës për Nations League.

Panzerët janë nikoqir të Tulipanëve në ndeshjen e fundit të Grupit 1 të Ligës A në Ligën e Kombeve, shkruan Teleshkronja Post.

Gjermania vjen në këtë ndeshje pa asnjë shpresë për të dalë lider i grupit pasi ka mbetur në pozitën e fundit dhe në edicionin e ardhshëm do luajë në Ligën B.

Në anën tjetër, mysafirët holandezë me një fitore ose një barazim do fitonin grupin dhe do kalonin në Play-Off për një vend direkt në Evropian.

Formacionet zyrtare:

Gjermania: Neuer; Hummels, Rudiger, Sule; Schulz, Kroos, Kimmich, Kehrer; Sane, Werner, Gnabry.

Holanda: Cillessen: Tete, de Ligt, van Dijk, Blind; Wijnaldum, de Jong, de Roon; Promes, Depay, Babel.

Super ndeshje nga Shaqiri, Zvicra fiton me rikthim kundër Belgjikës / VIDEO

Zvicra ka befasuar të gjithë duke fituar ndaj kombëtarës akualish më të fortë në botë, Belgjikës me rezultat 5-2 në Grupin 2 të Ligës A në kuadër të Nations League.

Vendasit ishin më të mirë, besuan te fitorja dhe në fund me meritë e arritën, transmeton Teleshkronja Post.

Goli i parë në takim erdhi nga mysafirët, Thorgan Hazard shënoi në minutën e dytë, pastaj nuk vonoi edhe i dyti në minutën e 17-të.

Vendasit u përgjigjën me dy gola të shpejtë për pesë minuta, fillimisht nga pika e bardhë shënoi Ricardo Rodiguez (26′), pastaj Haris Seferovic (31′) pas asistimit nga Xherdan Shaqiri.

Zvicra kaloi në epërsi në minutën e 44-të me golin e Seferovic dhe me rezultatin 3-2 përfunduan 45-të minutat e parë.

Ishte Shaqiri edhe një herë që doli në skenë, këtë herë duke asistuar për 4-2 te Nico Elvedi (62′).

Seferovic kompletoi het-trikun në minutën 84, Shaqiri ishe pjesëmarrës në aksion, duke pasuar


bukur topin me thembër te asistuesi Kevin Mbabu.

Pas kësaj fitore Zvicra e përfundoi grupin në vendin e parë me nëntë pikë, aq sa Belgjika, por me gol dallim më të mirë. Në vendin e fundit mbeti Islanda me asnjë pikë.

Tani Zvicra do të vazhdojë tutje në Ligën e Kombeve ku do të luajë në gjysmëfinalet me fituesit e grupeve nga Liga A. Kundërshtari i radhës do të mësohet me anë të shortit me 3 dhjetor.

Vendin e parë tashmë e kanë siguruar Portugalia dhe Anglia, tani ka mbetur Franca/Holanda./TeleshkronjaPost

Zvicër vs Belgjikë; në formacionet zyrtare startojnë dy shqiptarë / FOTO

Përfaqësuesja e Zvicrës është nikoqire e Belgjikës për ndeshjen e vlefshme për Grupin 2 të Ligës A, në kuadër të Ligës së Kombeve.

Nga tri ndeshje të zhvilluara, Helvetikët i kanë fituar dy dhe një e kanë humbur, ashtu që mbajnë vendin e dytë në grup me gjashtë pikë, shkruan Teleshkronja Post.

Formacioni startues i Zvicrës: Sommer, Mbabu, Elvedi, Freuler, Seferovic, Xhaka, Fernandes, Rodriguez, St. Zuber, Klose, Shaqiri.

Formacioni startues i Belgjikës: Courtois, Alderweireld, Kompany, Witsel, Tielemans, E. Hazard, Mertens, Meunier, T. Hazard, Boyata, Chadli.

Anglia ‘tmerron’ Kroacinë në fund, ja kush kualifikohet nga grupi 4 / VIDEO

Anglia ka fituar me rikthim 2-1 ndaj Kroacisë në ndeshjen e fundit të vlefshme për Grupin 4 të Ligës së Kombeve dhe kështu dalin si fitues të këtij grupi.

Pjesa e parë e ndeshjes i takoi vendasve anglezë, të cilët patën disa raste të mira të shënimit, përkundër vetëm një rasti të kroatëve, transmeton Teleshkronja Post.

Rastet më të mira në këtë pjesë ishin ato të Raheem Sterling (11′), Harry Kane (12′, 16′) dhe ai i Ivan Perisic (38′), por goditjet e tyre u ndaluan nga portierët.

Në pjesën e dytë, u zhvillua lojë më e barabartë, me Anglinë që kishte posedimin, por Kroacinë që ishte më konkrete.

Goli i parë i ndeshjes erdhi në minutën e 57-të të ndeshjes, ku sulmuesi Andrej Kramaric, shënoi një gol të bukur për 0-1 pasi dribloi disa lojtarë vendas.

Pas këtij goli, Anglia filloi sulmet dhe mori kontrollin e lojës deri tek gjetja e golit të barazimit, por edhe ai i epërsisë.

Ishte zëvendësuesi Jesse Lingard (78′), i cili shfrytëzoi për mrekulli një tollovi në mbrojtjen e kroatëve duke shënuar për 1-1.

Në minutën e 86-të, Anglia arriti të gjej edhe golin e dytë me anë të Harry Kane, i cili shënoi për 2-1 dhe ia siguroi një fitore të madhe kombëtares së tij.

Pas kësaj fitore, Anglia e fiton Grupin 4 të Ligës A me shtatë pikë, duke lënë pas vete Spanjën në vendin e dytë me gjashtë pikë dhe Kroacinë me katër pikë.