Intervista e Benjamin Kolollit për UEFA-n / Video

Mbrojtësi kosovar i Zurich, Benjamin Kololli, ka thënë se ndeshjet kualifikuese të Kosovës për Kampionatin Evropian 2020 do të jenë një përvojë e mrekullueshme për vendin.

Lojtari i përfaqësueses së Kosovës, Benjamin Kololli, ka dhënë një intervistë për UEFA-n, ku ka folur për ecurinë e Kosovës në Ligën e Kombeve, për pritjet që ka për kualifikimet Euro 2020, për mentalitetin e popullit në Kosovë, për dashurinë e madhe që kanë njerëzit për futbollin dhe për shumëçka tjetër.

Pas Arbër Zenelit, Kololli është golashënuesi i dytë më i mirë i Kosovës me tri gola, edhe pse luan si mbrojtës i majtë për Bernard Challandes.

Intervista është përkthyer nga kanali në YouTube i Federatës së Futbollit të Kosovës, transmeton Teleshkronja Post.

Më poshtë ndiqeni intervistën me titra shqip:

Trajneri i Kosovës, Challandes: Dy ndeshje na ndajnë nga ëndrra

Challandes është shumë i lumtur me skuadrën që ka krijuar te Kosova, me të cilën fitoi Grupin në Ligën e Kombeve duke bërë paraqitje fantastike dhe janë vetëm dy ndeshje larg kualifikimit në Euro 2020.

Trajneri i Kombëtares së Kosovës, Bernard Challandes, në një intervistë për Super Sport Kosova, ka folur për punën 1 vjeçare me “Dardanët”, kualifikimin historik në Ligën e Kombeve dhe të ardhmen, transmeton Gazeta Express.

Është bërë një vit kur Challandes u ul në stolin e Kosovës dhe që atëherë, “Dardanët” nuk dinë çfarë është humbja.

66 vjeçari u emërua trajner i Kosovës më 2 mars të vitit 2018 dhe që nga atëherë ka zhvilluar 9 ndeshje zyrtare e miqësore ku ka shënuar 7 fitore dhe 2 barazime.

Golaverazhi i ‘Dardanëve’ është thjesht fantastike nën urdhërat e Challandes, 21 gola të shënuar dhe vetëm 2 të pësuar.

Është data e largët 9 tetor i vitit 2017 kur “Dardanët” pësuan humbjen e fundit, pra më shumë se një vit, kur në stol ishte ish-trajneri, Albert Bunjaku.

Challandes, për Super Sport, e vlerëson si një arritje të jashtëzakonshme punën 1-vjeçare me “Dardanët”.

“Kishim synim të fitojmë grupin në Ligën e Kombeve dhe ia kemi dal”, tha Challandes.

“Jam i kënaqur me punën e ekipit, stafit dhe të gjithëve. Jam i befasuar me përparimin e ekipit, synimi ka qenë të krijojmë një ekip luftarak që do të luftonim për njëri-tjetrin dhe ia kemi arrit qëllimit”.

“A do të jem gjatë trajner i Kosovës? Nuk mendoj shumë për të ardhmen, jam i vjetër dhe nuk më kanë mbetur shumë vite”.

“Euro 2020? Kemi mundësi që përmes Ligës së Kombeve të shkojmë në Evropian, kemi edhe kualifikime, edhe pse do të jetë e vështirë, është një tjetër garë. Por, pas arritjes në Nations League, jemi dy fitore larg për të realizuar ëndrrën, që të marrim pjesë në Kampionatin Evropian”.

“Miqësorja me Danimarkën? Do të jetë e rëndësishme për t’u përgatitur për Bullgarinë. Por, mos prisni shumë ndryshime. Rezultati i ndeshjes me Danimarkën do të jetë i rëndësishëm për atë që vjen më pas”. /Gazeta Express/

UEFA me njoftim të rëndësishëm rreth VAR-it

Për herë të parë VAR u përdorë në ligen australiane në vitin 2017, duke u bërë vendi i parë që e përdorë.

Megjithatë vetëm këtë sezon UEFA është bindur që ta përdorë në ndeshjet e Ligës së Kampionëve, raporton TeleshkronjaPost.

Kjo është bër e ditur sot përmes një njoftimi në sajtin zyrtarë të shtëpisë së futbollit europian, UEFA.

“VAR është gati për debutimin e UEFA në Ligën e Kampionëve të UEFA-s javën e ardhshme dhe do të përdoret në finalen #NationsLeague!”

Kështu shkruhet në njoftimin e UEFA-së duke bërë publike se VAR do të përdoret edhe në ndeshjet finale të Liges së Kombeve./TeleshkronjaPost/

Deklaratat e gjithë lojtarëve dhe trajnerit të Kosovës pas kualifikimit

Kosova ka arritur fitore të jashtëzakonshme përballë Azerbajxhanit në kuadër të Ligës së Kombeve.

Ky triumf erdhi falë golave të Arbër Zenelit, i cili i shënoi tre nga katër, sa ishte totali i golave të Përfaqësueses sonë, Teleshkronja Post.

Këto janë deklaratat e gjith lojtarëve të Përfaqësueses së Kosovës :

Deklarata e Bernard Challandes:

“Mendoj se ishte një ndeshje shumë e rëndësishme sepse ne fituam dhe u kualifikuam në gjysmëfinale. Si skuadër jemi ngritur shumë në cilësi dhe kemi ecur përpara”, ka thënë ai

Challandes mendon se përpos anës taktike dhe teknike ai i ka thënë lojtarëve të Kosovës eëdhe një gjë para ndeshjes.

“Ju thashë se duhet të luajmë msi gladiator. Ishte një fitores si skuadër, ku mbrojtësit ndihmuan mesfushën dhe sulmin e ku sulmi ndihmoj po ashtu mbrojtjen dhe sulmuesin”.

Deklarata e Amir Rrahmanit:

“Jam shumë i lumtur me fitoren. Azerbajxhani e qarkullojë mirë topin në pjesën e parë por ne arritëm që ti neutralizojmë shumë më mirë”, ka thënë ai.

Deklarata e Samir Ujkanit :
“Urime të gjithë shqiptarëve, atyre në Kosovë e në diasporë. Besoj se çka ka hequr Kosova përpara, e ka merituar e gjithë Kosova këtë ditë dhe tash duhet të festojmë dhe të shikojmë të ardhmen e Kosovës me një shikim më pozitiv”.

“Pikërisht jam krenar me paraqitjen, rezultatin dhe mentalitetin si ekip. Azerbajxhani ishte favorit i grupit dhe ne çdo ditë fituam vetëbesim te grupi dhe te ekipi. Djemt kanë qenë fantastik dhe meritojnë festën e madhe”.

“Unë jam i kënaqur që ai ka zgjedhur Kosovën dhe na është bashkuar. Paraqitja e tij ishte fantastike, tash e kemi portierin e ardhshëm të Kosovës bashkë me Visarin, i kanë edhe 12 deri 15 vjet karrierë para tyre. Si çdo pozitë, edhe në portë është rritur konkurrenca. Është me rëndësi vetëm Kosova të shkojë përpara dhe jo interesi individual. Kush është më i miri do të mbrojë, dhe kush është më i miri do të luajë”.

“E kemi diskutuar me trajnerin dhe me presidentin të dielën pasi kemi arritur dhe marrëveshja ka qenë që Muric të mbrojë dhe ne ishim të bindur se kualiteti i ekipit tonë se jemi në moment pozitiv dhe me rëndësi ka qenë që ai ka zgjedhur Kosovën dhe tash Kosova duhet të shikojë përpara dhe të festojë sonte e të shkojmë në shtëpitë tona të festojmë me familjet tona”, deklaroi Ujkani.

Deklarata e portierit të ri, Arianet Murici:

“Ishte lojë e mirë dhe jam i lumtur që jam këtu, e uroj gjithë shtetin e Kosovës”, ka thënë Muriçi.

Sipas tij, ai dëshiron që të shkojë sa më lart me Kosovën.

“Stadiumi ishte plotë, dhamë gjithçka që të fitojmë. Ndjehem mirë, kemi marr një rezultat të mirë dhe jam i lumtur për skuadrën”, ka thënë portieri i ri i Kosovës.

Mesfushori Hekuran Kryeziu :

“Jam i kënaqur me ndeshjen dhe rezultatin. Në pjesën e parë pas 20 minutave patëm disa probleme, por nuk kishte rrezik në asnjë moment. Në pjesën e dytë ka qenë ndeshja ashtu si ne duam këtu në vendin tonë. Sot ka qenë përkrahja e publikut fantastike. Kurrë nuk kam përjetur këso publike që nuk ka pushuar nga minuta e parë deri te minuta e fundit. Ja dedikojmë këtë fitore publikut”.“Besoj se sidomos këtu në Prishtinë me këtë publik do t’i bëjmë secilit ekip probleme të mëdha. Në kualifikime skuadrat kanë tjetër kualitet dhe sigurisht se do të bëjmë maksimumin”, deklaroi Hekurani.

Kapiteni i sontem kunder Azerbajxhanit, Valon Berisha:

“Jam krenar dhe e kam bërë për shtetin tim, për familjen time, për gjakun tim. Nuk kam pasur nevojë të mendojë gjatë për këtë zgjedhje, jam rritur në Norvegji, m’i kanë dhënë hapat e parë, por kur më është dhënë mundësia që të tregoj veten dhe të tregojmë se jemi një vend i futbollit, jam krenar që kam mundësinë të luaj për vendin time”.

“Emocionet gjithnjë janë shumë të mira kur luajmë në Prishtinë, dihet që të gjithë tifozët që kanë mundësinë të vijnë kanë ardhur, e dimë se ka pasur shumë tjerë që nuk kanë arritur të vijnë, falënderoj të gjithë ata që na kanë shikuar nga shtëpitë, por edhe ata që ishin këtu, na kanë motivuar për fitore”.

“Grupi po punon shumë mirë me njëri-tjetrin secili ka gjetur pozitën vet, secili lufton për njëri-tjetrin, nuk luajnë për vete, ne jemi një ekip, luajmë bashkë e punojmë bashkë, jemi një”.

“Ma merr mendja që Azerbajxhani ishte favorit, sepse kanë përvojë dhe kanë luajtur bashkë në kualifikime. Ne e kemi ditur se jemi ekip i mirë, kemi talent, jemi ekip i fortë, por dihet se ekipi po formohet dhe atmosfera është gjithmonë shumë e mirë. Normalisht që kemi menduar se kemi mundur të fitojmë, por jo 4-0, kemi pritur që të jetë më vështirë”, deklaroi Valon Berisha.

Kosova shënon historinë, kualifikohet me magjinë e Zenelit / VIDEO

Përfaqësuesja e Kosovës sonte shkruajti historinë, duke u kualifikuar në gjysmefinalën e Ligës së Kombeve (NationsLeague), aty ku e pret Maqedonia.

Një vit pa humbje, një vit me plot ndeshje të bukura, një vit që do të mbahet mend gjatë, kur Kosova fillon një rrugëtim të gjatë për në Euro 2020, ku ëndrra e 4 gjenaratave po shkon drejt bërjes realitet.

Nga mesi i fushës kur gjyqtari francez Benoît Millot, Kosova fillojë sulmin dhe menjëherë treguan dhëmbët para azerëve.

Ishte Arbër Zeneli që merr një top të mirë nga Kololli dhe me stilin e tij shënon golin e parë për Kosovën në minutën e dytë të ndeshjes.

Pas golit, Kosova e kontrollonte tërësisht ndeshjen duke mos i lënë hapësirë fare Azerbajxhanit pavarësisht se sulmoi njëherë në minutën e 40’të, por portieri i talentuar i Kosovës bëri një pritje që do të mbahet mend gjatë.


Pjesa e parë përfundoi me rezultat 1-0 dhe spektakli vazhdoi në pjesën e dytë.

Ashtu si në pjesën e parë, Zeneli përsëri ishte në element. Merr një top të mirë nga Muriqi dhe pasi merr, lirohet dhe del ballë për ballë me portierin azer Agayev duke shënuar përsëri në krahun e djathtë të portës. Minuta e 50’të dhe Kosova po avanconte 2-0, përsëri me golin e Zenelit.

Kosova vazhdonte kontrollin e ndeshjes.

Së ishte kështu, fatin e kësaj ndeshje e vendosi një tjetër talent, Amir Rrahmani për të shënuar golin e tretë.

Ishte një gol taktik, i ushtruar në stërvitje ku pas krosimit të Kolollit Rrahmani shënon me kokë në minutën 61’të.


E kush mund ta përfundonte këtë takim më mirë se ai që e nisi, Arbër Zeneli.

Në minutën e 76’të, ishte prapë ai që shënoi, pikërisht ai prapë në këndin e njëjtë të portës.

Me këtë fitore, Kosova e fiton Grupin 3 dhe gjysmëfinalen në Ligën e Kombeve për vendet e para në grupet e Ligës D.

Po ashtu ajo promovohet në Ligën C te Kombeve për edicionin e saj të ardhshme. Në gjysmëfinale të Ligës D, Kosova do të përballet me Maqedoninë.

Historia bëhet sot: Kosovë vs Azerbajxhan formacionet zyrtare

Në stadiumin “Fadil Vokrri” në Prishtinë, Kosova e zhvillon ndeshjen më të rëndësishme deri më tani në Ligën e Kombeve kundër Azerbajxhanit.

Përfaqësuesja jonë është në krye të Grupit 3 të Ligës D me 11 pikë të arkëtuara në pesë xhirot e para, nga tri fitore dhe dy barazime, shkruan Teleshkronja Post.

Ekipi kundërshtar është në vend të dytë me nëntë pikë, nga dy fitore dhe tri barazime. Që do të thotë se asnjëra nga këto ekipe nuk ka pësuar akoma humbje në grup.

Që Kosova të qëndrojë në krye të grupit dhe të sigurojë kualifikimin në gjysmëfinale të Ligës D duhet që së paku të sigurojë një barazim.

Vetëm humbja do t’ua pamundësonte ‘play-offin’ të zgjedhurve të trajnerit Bernard Challandes.

Formacioni startues i Kosovës: Muric, Aliti, Shala, Kryeziu, Rashica, Zeneli, Rrahmani, V. Berisha, Vojvoda, Kololli, Muriqi

Formacioni startues i Azerbajxhanit: Agajev, Garayev, Pashajev, Medvedev, Husejnov, Abullayev, Nazarov, Dadasov, Madatov, Almeida, Khalilzade

Kujtojmë që ndeshja e parë ndërmjet këtyre skuadrave, ku Përfaqësuesja jonë ishte mysafire, përfundoi me rezultat 0-0.