Temperaturat e ulta, parashikimi i motit

Mesdita e së hënës ka rikthyer reshjet në të gjithë Shqipërinë. Shqipëria e mesme dhe jugu janë përfshirë nga reshjet e shiut, ndërsa veriu dhe verilindja nga dëbora.

Sinoptikanët parashikojnë që sistemi i reshjeve të intensifikohet në orët e para të së martës. Po ashtu edhe temperaturat kanë regjistruar rënie, e cila do të vijojë gjatë gjithë kësaj jave.

“Në zonat verilindore do të ketë një sasi të konsiderueshme dëbore deri në 50 cm ndërsa pjesa tjetër në formën e shiut. Rënia do të vijojë deri në fundjavë. Pritet që minimumi në Shqipëri do të shkojë deri në minus 10 gradë ndërsa maksimumi deri në 11 gradë celcius.”-u shpreh sinoptikania per Klan.

Këto temperatura janë shumë më të ulta se ato që jemi mesuar të përjetojmë në muajin Shkurt. Megjithatë sinoptikanët thonë se java e tretë e muajit Shkurt do të sjellë përmirësim të motit dhe rritje graduale të temperaturave duke i përafruar ato me stinën ku jemi.

Parashikimi i motit për nesër

Në Kosovë nesër do të mbajë mot me vranësira të shpërndara dhe i qetë.

Sipas Institutit Hidrometeorologjik të Kosovës, nesër do të mbajë mot me vranësira të shpërndara dhe i qetë.

Nuk parashihen reshje të asnjë forme për gjatë këtyre dy ditëve të vikendit.

“Temperaturat minimale do të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 4-10 gradë Celsius. Do të fryjë erë e lehtë nga drejtimi i verilindjes”, thuhet në njoftimin e IHMK-së.

Ky është qyteti me më shumë borë në Kosovë

Sipas Institutit Hidrometeorologjik të Kosovës sot mbi vendin tonë do të mbajë mot i vranët dhe me kthjellime.

Temperaturat minimale do të lëvizin ndërmjet -8 deri -5 gradë Celsius, ndërsa maksimalet e ditës parashihen të lëvizin ndërmjet 1-3 gradë Celsius.

Shtypja atmosferike vazhdon të jetë në rritje. Do të fryjë erë nga juglindja e lehtë deri mesatare.

Sasitë e reshjeve të borës së fundit kanë shënuar këto vlera:

Prishtinë 11 cm

Pejë 16 cm

Podujevë 34 cm

Mitrovicë 13 cm

Ferizaj 24 cm

Ndërsa në viset malore sasitë e reshjeve kanë lëvizur ndërmjet 40-60 cm.

Deri kur do ketë reshje të borës ? Parashikimi nga Tahirsylaj

Eksperti i meteorologjisë si dhe profesori universitar, Sylë Tahirsylaj ka treguar se reshje të borës do të ketë edhe nesër, por do të rifillojnë përsëri gjatë javës së ardhshme.

“Vendi ynë do të vazhdojë të jetë në ndikimin e masave ajrore të cilat vijnë nga pjesa verilindore e rajonit. Këto masa ajrore kanë shkallë të lartë të lagështisë, për rrjedhojë që nga gjysma e dytë e kësaj jave e deri nesër në orët e paradites do të ndërpriten reshjet”, ka thënë Tahirsylaj për KALLXO.com

Tahirsylaj tha se gjatë ditës së diel nuk do të ketë reshje, ndërsa nga dita e hënë ka mundësi të ketë reshje të vogla, të martën do të ketë reshje shiu dhe bore, ndërsa nga dita e mërkurë e deri të dielën nuk do të ketë reshje.

“Temperaturat minimale do të luhaten nga -5 deri në -7 gradë celsius në vende kodrinore-malore, ndërsa maksimalet do të luhaten nga 4 deri në 6 gradë celsius, që do të shkaktojnë shkrije të borës”, tha Tahirsylaj.

Ai shtoi se në ato vende ku ka degradim të shtretërve të lumenjve më shkrirjen e borës do të rriten nivelet e rrjedhave dhe ka mundësi që të dalin jashtë shtratit.

“Do të ketë erë nga ana e veriut dhe veriperëndimit në shpejtësi 1 deri në 7 metër në sekondë, ndërsa sasia e reshjeve deri më tani është 30- 35 litër për metër në katrorë.

Tahirsylaj ka shtuar se këto reshje kanë një rëndësi të madhe në mbjelljet vjeshtore dhe për akumulimin e ujërave në liqenet e Kosovës.

Gjendja aktuale e rrugëve në Kosovë pas reshjeve

Dita e sotme (25 janar, ora 22:30) ishte një nga ditët me më shumë reshje bore në Kosovës, gjë e cila ka ndikuar në vështirësinë e qarkullimit të mjeteve.

Ministria e Infrastrukturës dhe Transportit, njofton se përkundër reshjeve të borës të gjitha rrugët janë të kalueshme për qarkullim të automjeteve.

“Kompanitë e kontraktuara dhe ekipet e MIT janë në teren gjatë gjithë kohës duke pastruar rrugët nacionale, regjionale dhe autostradat.”

“Për shkak të reshjeve të pandërprera dhe rënies së temperaturave në vazhdimësi, mund të ketë ndonjë vështirësi në qarkullim, veçanërisht në zona malore”.

Ministri i Infrastrukturës dhe Transportit Pal Lekaj, kërkon nga qytetarët vozitje të kujdesshme dhe me pajisje dimërore.

Parashikimi i motit për nesër

Në Kosovë nesër do të ketë reshje të shiut, bën të ditur IHMK-ja përmes një komunikate për media.

“Do të mbajë mot kryesisht i vranët. Vranësirat në pjesën perëndimore të vendit do të shoqërohen me reshje shiu të intensitetit mesatar dhe lokalisht të intensitetit të lartë, derisa pjesa tjetër e vendit mbetet nën ndikimin e vranësirave kalimtare dhe rigave të dobëta shiu”, thuhet në komunikatë.

Temperaturat minimale parashihen të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 4-5 gradë Celsius.

Do të fryjë erë nga juglindja e lehtë deri mesatare.

Parashikimi i motit për javën e ardhshme

IHMK’ja përmes një komunikate për media bën të ditur se në pesë ditët e ardhshme në Kosovë do të ketë reshje të dobëta të borës.

“Do të mbajë mot i ndryshueshëm, i vranët dhe kohë pas kohe me diell. Dy ditët e para të javës parashihet që të ketë vranësira të dendura dhe reshje bore, e në Dukagjin reshjet e borës do të jenë të përziera me shi.”

“Nuk parashikohet të ketë reshje të intensitetit të lartë por të intensitetit të ulët deri mesatar, kryesisht të hënën por edhe ditën e marte vende-vende mund të ketë reshje lokale”, thuhet në komunikatë.

Pos kësaj situate meteorologjike, mëngjeset do të jenë me ngrica dhe me kushte për mjegull, kryesisht në viset e ulëta.

Temperaturat minimale parashihen të lëvizin ndërmjet -10 deri -5 gradë Celsius, ndërsa maksimalet e ditës parashihen të lëvizin ndërmjet -1 deri 4 gradë Celsius.

E mërkura paraqitet si dita më e ftohtë , ndërsa e enjte parashihet të regjistroj maksimalet e kësaj jave. Shtypja atmosferike do të ketë luhatje duke regjistruar vlera nën kufijtë e normales, por nga e marta, sërish do të ketë ngritje mbi vlerat e normales.

Do të fryjë erë nga verilindja dhe jugperëndimi me shpejtësi 1-12m/s.

Moti i vështirë, i moshuari detyrohet të qëndrojë në bagazhin e veturës

Moti i pa përshtatshëm dhe reshjet e mëdha të borës kanë shkaktuar vështirësi në qarkullim në të gjitha rrugët e Kosovës.

Edhe pse organet kompetente thonë se rrugët po mirëmbahen, tjetër gjë thonë faktet nga terreni.

Një lexues i Gazeta Monitor, ka dërguar një fotografi ku shihet se me sa shumë vështirësi qarkullon një “Mercedes”, në hyrje të Prishtinës, në lagjen Veternik.

Njëri nga pasagjerët për të shmangur një rrëshqitje të mundshme është detyruar të qëndrojë në bagazhin e makinës për ta bërë balancimin.

Foto nga vendi i ngjarjes :

Bora vështirson qarkullimin në Prishitinë, kjo është gjendja (FOTO)

Qytetet në Kosovë janë zgjuar të enjten me rrugë vështirë të kalueshme, dhe trotuare të papastruara nga bora e cila ka rënë gjatë orëve të natës dhe po vazhdon të bjerë edhe tash.

Ekipet e mirëmbajtjes, si duket, nuk kanë arritur t’i bëjnë ballë reshjeve për ta pastruar borën nga rrugët.

Në Prishtinë, rrugët kanë krijuar shtresa të akullt gjë që e ka vështirësuar qarkullimin e automjeteve ndërkohë që trotuaret mbeten të paprekura dhe shtigjet e kalimit janë krijuar vetëm nga këmbësorët.

FOTO :

Si të mbrohemi nga i ftohti që po vjen këtë javë

Këtë javë priten reshje të dendura borë në Kosovë, prandaj ju duhen disa këshilla se si duhet të përgatiteni për mbrojtje nga i ftohti.

Nga e mërkura deri të dielën temperaturat shkojnë deri në -13 gradë në zonat malore, ndërsa në bregdet dhe zonat e ulëta do të arrijnë në -4 gradë.

Dimri dhe temperaturat e ftohta mund ta dëmtojnë shëndetin tuaj, ja disa këshilla si të mbrohemi nga i ftohti:

– Vishuni ngrohtë dhe përdorni shall, doreza dhe kapuç kur jeni në ambiente të jashtme dhe të ftohta.

– Evitoni të qëndroni gjatë në ambiente të jashtme në ditët e ftohta, me erë dhe sidomos kur jeni të lagur.

– Evitoni të dilni jashtë në orët e para të mëngjesit dhe orët e vona të darkës.

– Ecni me kujdes e me hapa të vegjël dhe duart jashtë xhepave.

– Ushqehuni me ushqime të ngrohta e të lëngshme të përbëra nga mishi, bishtajoret, perimet, drithërat, por edhe fruta që përmbajnë vitamina dhe minerale.

– Pini sa më shumë ujë dhe lëngje, sidomos nëse jeni të sëmurë dhe qëndroni vazhdimisht në shtëpi.

– Qëndroni në ambiente të ngrohta dhe të ajrosura herë pas here. Temperatura ideale për ambientin e brendshëm është 20-23° C, dhe ajrosja duhet të bëhet disa herë për të siguruar lagështinë e duhur për rrugët e frymëmarrjes dhe për të ulur përqendrimin e mikrobeve në shtëpi, transmeton ATA.

Mund të mbani një enë me ujë tek radiatori për të siguruar lagështinë e ajrit.

Sigurohuni gjithashtu që dyert dhe dritaret të jenë të izoluara sa më mirë.

Edhe mbingrohjet e shtëpisë mund të jenë të dëmshme ashtu si dhe ngrohjet me dru apo gaz, që mund të çlirojnë gazra të dëmshme për organizmin.

Ndaj duhet që ambientet e brendshme të ajrosen mirë disa herë gjatë ditës, dhe të siguroheni që nuk keni rrjedhje gazrash.