Piatek i pandalshëm, super gol kundër Juventus / Video

Klubi italian, Milani ka kaluar në epërsi në ndeshjen kundër Juventusit, e cila po zhvillohet për momentin në stadiumin Allianz, në kuadër të Serisë A.

Në minutën e 38-të të ndeshjes, Krzysztof Piatek e shënoi golin e parë të ndeshjes, duke e kaluar Milanin në epërsi me rezultat 1-0,

Goli i polakut Piatek pak para fundit të pjesës së parë :

Juventus pa Ronaldon pret Milanin, formacionet zyrtare / Foto

Dy klubet më të trofeshme në Itali, Juventusi dhe Milani zhvillojnë derbin e javës së 31-të në Serie A, në ndeshjen që zhvillohet në Allianz Stadium në Torino.

Zonja e Vjetër qëndron pa konkurrencë në krye të tabelës me 18 pikë më shumë se përcjellësi i parë, Napoli, prandaj do t’i qaset me qetësi këtij takimi.

Rossonerët kanë nevojë për pikë, duke qenë se rrezikojnë pozitën e katërt që dërgon në Ligën e Kampionëve, për këtë arsye pritet të zhvillojnë një ndeshje të mirë kundër kampionit italian.

Natyrisht se do të shohim edhe një përballje taktikash ndërmjet trajnerëve Massimiliano Allegri dhe Gennaro Gattuso.

Prince-Boateng zbulon lojtarin më të mirë me të cilin ka luajtur. Nuk është Messi

Erdhi me shumë komente e polemika në afatin kalimtarë të janarit, duke e menduar si zëvendësues së Suarez apo Dembele kohë pas kohe.

Bëhet fjalë për anësorin e ri të Barcelonës, Kevin-Prince Boateng, i cili e ka pohuar se Zlatan Ibrahimovic është lojtari më i mirë me të cilin e ka luajtur në karrierë.

Të dy sulmuesit kanë luajtur në AC Milan në mes të 2010 dhe 2012 dhe Ganezi zgjodhi Suedezin si futbollistin më të mirë që ai ka luajtur, shkruan Teleshkronja Post.

Kjo ka ngjallë debate se pse Lionel Messi nuk ishte zgjedhja e tij e parë, 32-vjeçari e emëroi përvojën e tij duke luajtur si magjistar argjentinas si një ëndërr, edhe pse dy lojtarët kanë paraqitur vetëm një herë në të njëjtin formacion që kur Boateng erdhi nga Sassuolo në janar.

Inter fiton dramën në San Siro 3-2 kundë Milan / Video

Interi e ka fituar derbin Madonnina, duke e mposhtur 3-2 Milanin në “San Siro”.

Milani dhe Interi kanë dhuruar spektakël në “San Siro”, sfidë që përfundoi me pesë gola të shënuar, vetëm një fitues – ai është Interi.

Një gol u shënua në pjesën e parë, katër të tjera në atë të dytë.

Fillimisht, Matias Vecino shënoi për 1-0 në minutën e 3’, që doli të jetë rezultati i pjesës së parë.

Për 2-0 shënoi Stefan De Vrij në minutën e 51’, Milani reagoi përmes Tiemoue Bakayoko në minutën e 57’, duke ngushtuar epërsinë në 1-2.

Interi riktheu sërish epërsinë prej dy golave në minutën e 67’, ishte sulmuesi i ri argjentinas, Lautaro Martinez, ai që shënoi për 3-1 nga penalltia.

Por, Milani reagoi sërish menjëherë – duke ngushtuar epërsinë me anë të Mateo Musacchios në minutën e 71’, që shënoi për 2-3.

Në derbin e çmendur, ku dy skuadrat dhuruan spektakël, pati ende raste deri në vërshëllimën e fundit të gjyqtarit, por portat nuk u tundën më dhe Interi fitoi 3-2 për të pushtuar pozitën e tretë me 53 pikë, dy më shumë se Milani.

Golat e takimit :

Skemat zyrtare: AC Milan vs Inter / Foto

Sone luhet derbi 222 në gjithë historinë e Derby Della Madonnias, 79 takime i ka fituar Interi, 67 takime kane perfunduar ne barazim dhe 76 takime i ka fituar Milani.

Sonte luhet ndeshja 223 midis dy ekipeve italiane, fitorja ka rëndësi sonte jo vetëm për shkakt të rivalitetit, por edhe për garën e vendeve për Ligën e Kampionëve, raporton Teleshkronja Post. .

Spalleti sonte është pa Mauro Icardin, Radja Nainggolan, Mirandan e Versalkjo.

Gattusos i mungon Bonaventura dhe Cristian Zapata, të dy të lënduar.

Të dy trajnerët kanë publikuar formacionet zyrtare të takimit AC Milan vs Inter i cili fillon nga ora 21:30./TeleshkronjaPost/

Skema zyrtare e AC Milan | Donnaruma; Musacchio; Calabria, Romagnoli; Rodriguez; Bakayoko; Kessie; Paqueta; Piatek; Suso; Calhanoglu.

Skema zyrtare e Inter | Handanovic; D’Ambrosio; De Vrij; Skriniar; Asamoah; Gagliardini; Brozovic; Vecino; Politano; Lautaro; Perisic.

Milan-Inter, Mourinho analizon derbin – e pyesin për kë bën tifo: Vërtetë e keni?

Xhiro e 28 do të jetë nën hijen e derbit të Madonninës, Milan-Inter, që do të zhvillohet të dielën mbrëma në “San Siro” nga ora 20:30.

Kjo ndeshje do të jetë shumë e veçantë dhe më e zjarrtë se kurrë më parë. Përpos rivalitetit historik, dy skuadrat luajnë edhe me objektiv zonën Champions.

Dy skuadrat vijnë në këtë ndeshje me forma të ndryshme.

Inter vjen nga një krizë rezultatesh, dëmtimesh dhe çështjen Mauro Icardi, ndërsa Milan pas një seri fitoresh.

Gjithsesi në derbi nuk ka favoritë dhe kuqezinjtë kanë tre vite që nuk fitojnë ndaj zikaltërve – Jose Mourinho, që fitoi gjithçka me Interin në vitin 2010, ka folur për derbin e nesërm.

“Në fundjavë është derbi i Milanos. Milan-Inter ose Inter-Milan nuk ka ndryshim, është gjithmonë i njëjti stadium, por tifozët e Milanit do të jenë më shumë se ato të Interit këtë radhë”, tha Mourinho për “Russia Today”.

“Është e rëndësishme jo vetëm për shkak se është një derbi, por edhe për katër vendet e para. Juventus është shumë larg, Interi e nisi në fillim te sezonit me qëllim të përfundojë sa më të lart që është e mundur, por tani po luftojnë për të mbajtur pozicionin e katërt”, shtoi ai.

“Milan është përmirësuar shumë gjatë sezonit dhe tani është në vend të tretë, por Interi është i katërti dhe Roma e pesta, ata janë të gjithë një pikë larg. Vetëm Napoli është i sigurt, ky derbi do të jetë i rëndësishëm sepse do të thotë shumë për kualifikimin në Ligën e Kampionëve”.

Për kë bën tifo Mourinho? (qesh) “Vërtetë pyesni për këtë? Natyrisht për skuadrën zikaltër të Milanos”.

Fiton Milani, hetemaj shënon për Chievon / Video

Klubi nga qyteti i modës, Milani arriti fitore ndaj Chievos me rezultat 1-2 në Serie A dhe kjo ishte fitorja e pestë radhazi.

Kuqezinjtë ishin më të mirë, por nuk ishte një ndeshje e lehtë për skuadrën e Gennaro Gattusos.

Në minutat e parë ishte një ndeshje e heshtur, ndërsa goli i parë erdhi nga mysafirët të cilën shënuan me anë të Lucas Biglias (31′) nga gjuajta e lirë.

Pas dhjetë minutash vendasit barazuan rezultatin me anë të Përparim Hetemajt, ky ishte goli i parë sezonal për shqiptarin.

Fitorja e Milanit erdhi nga Krzysztof Piatek, i cili shënoi në minutën e 57-të pas një tollovie në zonë.

Pas kësaj fitore Milani vazhdon në pozitën e tretë me 51 pikë, katër më shumë se Interi që kanë një ndeshje më pak (atë ndaj Spalit), kurse Chievo vazhdon e fundit në Serie A me 10 pikë.

Në xhiron e radhës Milani luan ndaj zikaltërve për Derby della Madonnina, kurse Chievo udhëton te Atalnata.