Thaçi takohet me Haradinajn dhe niset për Amerikë

Sot në mëngjes presidenti Thaçi pati takim me kryeministrin e Kosovës, dhe më pas Hashim Thaçi është nisur për në Shtetet e Bashkuara.

Në postimin e tij në Facebook, presidenti ka shkruar se do të marrë pjesë në Lutjet e Mëngjesit.

“Miqësia me SHBA-në dhe vlerat perëndimore do të jenë përjetësisht përkushtim i Republikës së Kosovës”, ka shkruar ai.

Vetëm një orë më parë, kryeministri Haradinaj u takua me Thaçin, e ku u bë e ditur se janë konsultuar për agjendën shtetërore.

Kujtojmë se kryeministri Haradinaj nuk do të marrë pjesë në Lutjet e Mëngjesit, pas vendosjes së taksës për produktet serbe e boshnjake.