Barcelona arrin në 15 fitore rresht, mposht edhe Vallecanon / Video

Barcelona siguroi fitore me rezultat 3:1 në ndeshjen kundër Rayo Vallecanos, e cila u zhvillua në stadiumin Camp Nou, në kuadër të xhiros së 27-të të La Ligës.

Ylli i Barcelonës, Lionel Messi, shkëlqeu në këtë ndeshje dhe ia siguroi fitoren skuadrës së tij, përmes një goli dhe një asist.

Fillimisht kishte qenë Rayo Vallecano klubi që kishte kaluar në epërsi në këtë ndeshje, përmes golit të shënuar nga lojtari i huazuar nga Real Madridi, Raul te Tomas, në minutën e 24-të të ndeshjes.

Megjithatë, Barcelona iu përgjigj 14 minuta më vonë, duke e barazuar rezultatit, falë golit të Gerard Piques. Këtë gol e asistoi Messi.

Asistimi i golit të Piques nuk ishte i vetmi kontribut që Messi e dha për këtë ndeshje. Ai arriti edhe ta shënojë një gol, nga pika e penalltisë, në minutën e 51-të të ndeshjes.

Në minutën e 82-të të ndeshjes, Luis Suarez ia siguroi Barcelonës fitoren, e cila e kalon Barcelonën përsëri shtatë pikë para Atletico Madridit.

​Messi, mbret edhe i pingpongut / VIDEO

Kapiteni i Barcelonës, Leol Messi, nuk është yll vetëm në botën e futbollit. Së fundi, ai i ka dëshmuar aftësitë e tij edhe në sportin e pingpongut.

Leo synonte ta godiste një top pingpongu, të vendosur mbi një shishe. Pasi nuk e qëlloi qysh me goditjen e tij të parë, 31-vjeçari arriti ta godasë për të dytën herë topin, duke e dëshmuar shumëllojshmërinë e talenteve të tij.

Përderisa kjo ishte një reklamë të cilën e incizoi Messi, ai është duke u përgatitur me skuadrën e Barcelonës për ndeshjet e radhës.

Sot, në orën 18:45, Barcelona do të përballet me Gironën, në kuadër të Super Kupës së Katalonjës. Më pas, katalonasit do ta presin në shtëpi Rayo Vallecanon për La Liga.

Pas këtyre dy ndeshje, Barcelona do të përballet me Lyonin. Kjo ndeshje, kthyese, do të zhvillohet më 13 mars, në Camp Nou, ndërsa ndeshja e parë përfundoi me rezultat 0:0.

Reguilon – Messit: Çfarë po të shqetëson, o plesht?

Mbrojtësi i Real Madridit, Sergio Reguilon nuk është përmbajtur ndaj futbollistëve të Barcelonës në humbjen skuadrës së tij 1:0 të shtunën në La Liga.

Sergio Reguilon ka treguar shumë karakter në muajt e fundit, duke bërë paraqitje më të mira se shumë lojtarë më me përvojë të Real Madridit për ta vulosur vendin në ekipin e parë.

I riu e ka bërë të vetin pozitën e mbrojtësit të majtë, duke e larguar favoritin Marcelo nga formacioni i parë.

Në El Clasicot e fundit, të cilat mbaruan në disfatë për Los Blancos kundër Barcelonës, paraqitjet e Reguilonit ishin gjërat e pakta pozitive për Santiago Solarin.

Pasi e kishte konfrontuar Luis Suarezin duke e quajtur të shëmtuar, Reguilon pati disa fjalë për t’ia dhënë edhe kapitenit të Barces, Lionel Messit.

“Çfarë po të shqetëson, pulga?”, e pyeti ai Messin.

“La Pulga”, është njëri prej nofkave të Messit, që në shqip ka kuptimin “plesht”.

Leo Messi i jashtëzakonshëm, Barcelona tmerron Sevillen

Barcelona e ka fituar ndeshjen kundër Sevillas, me rezultat 4:2, në stadiumin “Ramon Sanchez – Pizjuan”, në kuadër të xhiros së 25-të të La Ligës.

Pesë-herë fituesi i Topit të Artë, Lionel Messi, ia siguroi këto tri pikë skuadrës së tij, duke e shënuar një het-trik. Këto tri gola bënë që Sevilla të bëhet viktima e preferuar e argjentinas, pasi që Messi i ka shënuar 36 gola kundër tyre, transmeton Gazeta Express.

Fillimisht, kishte qenë Sevilla ajo që kishte kaluar në epërsi, në minutën e 22-të, kur Jesus Navas shënoi nga një kundërsulm, pasi Messi e gaboi një pasim. Mirëpo, argjentinasi e përmirësoi këtë gabim vetëm katër minuta më vonë, kur e shënoi golin e tij të parë të ndeshjes.

Pak para fundit të pjesës së parë, në minutën e 42-të, Sevilla kaloi përsëri në epërsi, përmes golit të shënuar nga Gabriel Mercado, i cili ishte lënë i vetëm brenda 16-metërshit, i harruar nga Gerard Pique dhe Samuel Umtiti.

Pastaj, në minutën e 67-të dhe të 88-të, Messi i kishte shënuar dy golat e radhës, duke e kompletuar kushtu het-trikun e tij për këtë ndeshje.

Në minutat shtesë të ndeshjes, Luis Suarez i siguroi tre pikët e kësaj ndeshje duke e shënuar golin e tij të parë që katër ndeshje. Këtë gol e asistoi Messi.

IFFHS shpallë Modriçin “Playmaker 2018”, lë prapa Messin dhe Hazard

Ishte lider i padiskutueshëm i Kroacisë dhe Real Madridit, Luka Modric ka rrëmbyer tjetër çmim, duke lënë prapa Messin.

Kroati Luka Modric, pasi mori çmime të shumta në fund të vitit 2018, veçuar “Topin e Artë” dhe çmimet e lojtarit më të mirë nga UEFA e FIFA, tani ai është vlerësuar edhe nga Instituti i Futbollit për histori dhe Statistika (IFFHS).

Modric, që fitoi Ligën e Kampionëve me Real Madridin dhe arriti deri në finale të Kupës së Botës me Kroacinë në Rusi, në mëngjesin e së premtes e ka pranuar çmimin e “Plejmekeri më i mirë në Botë për vitin 2018”, nga IFFHS.

Modric mori shumicën e votave (272) nga 90 ekspert të futbollit në mbarë botën, duke lënë prapa Lionel Messi me (144 pikë), Hazard (114), De Bruyne (36) dhe Neymar (18).

Lojtari i përfaqësueses kroate, Modric, nuk ishte lojtari i vetëm i Madridit që mori çmim këtë të premte, pasi portieri, Thibaut Courtois u vlerësua nga IFFHS si portieri më i mirë për vitin 2018.

Valverde tregon se është rikuperuar Messi pas lëndimit

Ernesto Valverde ishte personazhi kryesor në aktin përmbyllës të librit “Relats Solidaris”, përfitimet nga shitja e të cilit do të kalojnë në llogarinë e “Open Arms”, një oranizatë joqeveritare në favor të shpëtimit të emigrantëve në Detin Mesdhe.

Në ceremoninë e prezantimit të librit, të drejtuar nga gazetari Sergi Mas, trajneri i Barcelonës jo vetëm foli për përfshirjen e tij në projekt, por (në një mënyrë të shkurtër, pa dyshim) iu është përgjigjur disa pyetjeve mbi situatën në kampin katalanas.

Për shembull, në lidhje me gjendjen fizike të Leo Messit, i cili pësoi një kontrakturë të muskujve të kofshës 10 ditë më parë dhe për të cilin thuhet se ende ka siklet. “Leo është shumë i mirë. Sot është trajnuar në mënyrë të përkryer dhe është në planet tona për atë që po vjen”, – tha Valverde.

Një tjetër emër, për të cilin është pyetur ai, ka qenë Samuel Umtiti. Referuar situatës së qendërmbrojtësit franko-kamerunas, Ernesto Valverde shpjegoi:

“Situata e Umtiti është e ndryshme nga Messi. Është e mundur që Sam të jetë së shpejti me ne, por nuk mund të them nëse të shtunën apo të marten. Ne duhet të vlerësojmë shumë gjëra”.

Messi mungon në El Classico ?

Leo Messi mund ta humbë derbin ndaj rivalit të përbetuar Real Madridit, për shkak të lëndimit.

Në barazimin prej 2-2 ndaj Valencias ylli argjentinas pësoi një goditje nga Antonio Lato kur po luhej minuta e 70, transmeton Koha.net.

Ai doli jashtë fushës për të marrë trajtim mjekësor dhe u kthye në fushë, mëgjthatë Marca raporton se ai nuk bëri asnjë sprint në pjesën e mbetur të lojës, derisa ai mund të mungojë në derbin e së mërkurës në Kupën e Mbretit ndaj Realit.

Trajneri i Barçës, Ernesto Valverde ka thënë se, “në ditët e ardhshme do të shohim se si është ai. Nuk e di se çfarë është, mund të jetë diçka e parehatshme, megjithatë do të presim se çfarë do të na thonë mjekët”.

Messi nuk lejon humbjen, Valencia ‘arrë’ e fortë

Barcelona arriti t’i shpëtojë dy pikë në ndeshjen kundër Valencias, e cila përfundoi me rezultat 2:2, falë dy golave të shënuar nga ylli argjentinas, Lionel Messi.

Pjesa e parë nuk shkoi sipas planeve të trajnerit të Barcelonës, Ernesto Valverde, pasi që skuadra e tij ishte duke humbur me rezultat 2:0 deri afër fundit të pjesës së parë, shkruan Gazeta Express.

Barcelona kishte mjaft shumë raste të mirë për të shënuar gol, mirëpo kundërshtarët e tyre u treguan më të saktë, pasi që fillimisht Kevin Gameiro dhe pastaj Dani Parejo, nga pika e penalltisë, arritën t’i kalojnë mysafirët në epërsi.

Vetëm shtatë minuta më vonë, gjyqtari e akordoi një penallti edhe për Barcelonën dhe vetëm disa sekonda më vonë, Messi e ngushtoi rezultatin e ndeshjes duke e mposhtur portierin Neto.

Kjo nuk ishte e gjitha për Messin për këtë ndeshje, pasi që argjentinasi arriti ta dëshmojë veten edhe në pjesën e dytë, kur e shënoi golin e barazimit, në minutën e 64-të të ndeshjes, këtë herë nga jashtë zonës së portierit.

Përkundër që rezultati i kësaj ndeshjeje mund të kishte qenë më i mirë për katalonasit, ata nuk pësojnë ndonjë ndëshkim të madh për dy pikët e humbura, pasi që vazhdojnë ta mbajnë vendin e liderit në La Liga.