Fondi 3%: Aktakuzë ndaj Bukoshit e Osmanit ?

Bujar Bukoshi, Naser Osmani dhe Atdhe Gashi po akuzohen se kanë keqpërdorur para të Fondit të Trepërqindëshit. Prokuroria ka ngritur aktakuzë para një viti por tek tash është bërë publike. Fondi pas përfundimit të luftës kishte 50 milionë marka.

Kjo aktakuzë u mbajt e fshehtë për një vit të tërë. E ekzistencën e saj e konfirmoi edhe kryeprokurori i Speciales, Reshat Millaku. Mirëpo, nuk dha detaje të tjera për procesin.

Të akuzuar për keqpërdorim janë ish kryeministrit Bujar Bukoshi, asistentit të tij Atdhe Gashi dhe deputetit të LDK’së, Naser Osmani.

E ky i fundit, i pyetur nga T7 për akuzën që rëndon mbi të, dha një përgjigje origjinale.

Aktakuza për Fondin e 3% ishte ngritur nga prokurori Faik Selimi i cili u pensionua vitin e kaluar. Më pas kjo lëndë kaloi tek prokurori Atdhe Dema.

E ngritjen e aktakuzës e ka konfirmuar edhe Bujar Bukoshi. Ai për Express ka konfirmuar se ka nisur procesi gjyqësor. Ka refuzuar të flasë më shumë duke këshilluar që të kontaktohet avokati i tij, Besnik Berisha.

Ky i fundit nuk ka dhënë detaje rreth procesit, mirëpo thotë që nuk e ka përfaqësuar Bukoshin në asnjë seancë në Gjykatë.

Bujar Bukoshi aktualisht s’ka asnjë funksion publik përveçse është në rehabilitim nga një sëmundje e rëndë. Ndërsa, Naser Osmani është deputet i LDK’së i cili para disa ditësh u shpall i pafajshëm për një akuzë tjetër për privatizim.

Hetimet ndaj tre të akuzuarve për Fondin e Trepërqindëshit kishin nisur në vitin 2016 kur ishte raportuar se viteve të fundit ishin tërhequr rreth gjysmë milioni euro të Fondit.

Pasluftës, ish-Ministri i Financave, Isa Mustafa, kishte thënë se kanë tepruar rreth 50 milionë marka.

Fondi i Tre pëqindëshit ishte themeluar nga Qeveria e Bujar Bukoshit që kishte vepruar jashtë Kosovës para luftës. Një pjesë e atyre fondeve ishin përdorur për t’i paguar mjekët, profesorët e mësuesit në institucionet paralele.

Problemi i fondeve të paraluftës ishte trajtuar edhe në Zona Express. Aty, ishte cituar një raport ku tregoheshin sa mjete ishin mbledhur nga Fondi i Tre përqindshit.

Deri më tash s’ka pasur asnjë raportim transparent për këtë fond por edhe për fondin tjetër Vendlindja Therrët i themeluar nga ish-udhëheqësit e UÇK’së, për të cilin ishin përplasur ditë më parë Anton Quni e Xhavit Haliti.

Adelina Ismaili ndezë zgjedhjet në LDK, pozicionohet për kandidatin

Adelina Ismaili e nxeh atmosferën zgjedhore në LDK, pozicionohet për kandidatin

Gara për kryetarë të Lidhjes Demokratike të Kosovës po bëhet gjithnjë e më e nxehtë

Pasi që ambasadori i Shteteve të Bashkuara të Amerikës tha sot se Kosova ka nevojë që të këtë më shumë femra në udhëheqje, e ku u aludua që ai e dëshiron kryetare një femër në krye të një partie kosovare, kanë filluar edhe reagime të tjera.

Një ndër femrat që ka qenë gjithmonë përkrahëse e LDK-së, Adelina Ismaili në një postim të bërë në Facebook ka marrë anë publikisht për një kandidate, shkruan GazetaExpress.

“E vetmja! The Only One!”, ka shkruar Adelina në facebook duke postuar një fotografi të Vjosa Osmanit.

Ndryshe, Adelina është njëra prej përkrahësve më të mëdha të Lidhjes Demokratike të Kosovës.

Adelina e kishte bërë këtë gjatë kohës së Ibrahim Rugovës, por e ka mbështetur LDK-në edhe pas vdekjes së liderit të tyre shpirtëror.

Hoti: Shërbimi ushtarak është i obligueshëm në Kosovë

Shefi i grupit parlamentar të LDK-së, Avdullah Hoti, përmes një postimi në Facebook ka bërë të ditur se Këshilli i Ekspertëve i LDK-së, në punëtorinë dyditore për Programin Qeverisës të LDK-së për qeverinë në ardhje, në fushën e mbrojtjes nacionale, ka vlerësuar që shërbimi ushtarak në Kosovë të jetë i obligueshëm, sipas modelit të vendeve të vogla si Zvicra dhe vendeve të tjera.

Hoti ka theksuar se një masë e tillë do të garantonte mbrojtje efektive nacionale, do të rriste aftësitë fizike e profesionale të rinisë si dhe Ushtrisë së Kosovës do t’ia mundësonte të renditet krahas ushtrive të partnerëve tanë në NATO.

“Kjo masë garanton mbrojtje efektive nacionale, i rrit aftësitë fizike e profesionale të rinisë dhe i mundëson Ushtrisë së Kosovës të renditet krahas ushtrive të partnerëve tanë në NATO. Për një periudhë disavjeçare, të rinjtë do të shërbejnë për disa muaj në shërbimin ushtarak, me shkëputje, bazuar në nevojat e të rinjve për arsim, punësim dhe familje”, ka shkruar Hoti.

Gjithashtu, Hoti ka thënë se kjo është njëra nga masat kryesore të Programit Qeverisës të LDK-së në fushën e mbrojtjes dhe të sigurisë nacionale, sipas modelit dhe qasjes proaktive të zbatuar tashmë në vendet më të avancuara të botës.

“Programi i LDK-së do t’i maksimizojë përparësitë dhe mundësitë e Republikës së Kosovës në fushën e mbrojtjes dhe sigurisë”, është shprehur Hoti.

“Procesi i përgatitjes të programit të ri të LDK-së do të jetë gjithëpërfshirës, me pjesëmarrje të të gjithë ekspertëve në LDK-në që kanë dhënë kontribut për tri dekada në ndërtimin e shtetit të Kosovës, si dhe do të përfshijë ekspertizën e kuadrove më të mirë që ka Kosova”, përfundoi ai.

Zyrtare: Lutfi Haziri njofton se do tëkandidoj për kryetar të LDK’së

Nënkryetari i LDK-së, Lutfi Haziri ka shpallur kandidaturën për kryetar të partisë. Kryetari i Gjilanit këtë e ka bërë të ditur në një debat televiziv, Debat Plus në RTV Dukagjini.

Haziri në Dukagjini ka thënë se pret që të ketë marrëveshje brenda strukturave të LDK-së për kandidat të përbashkët dhe ai tha se aty ka hise.

“Por edhe nëse nuk ka marrëveshje, unë do të kandidojë”, ka thënë ai.

Ndryshe, kryesia e LDK-së ka vendosur sot për organizimin e zgjedhjeve të brendshme në këtë subjekt politik.

Shefi i grupit parlamentar të kësaj partie, Avdullah Hoti ka thënë se nga java e ardhshme do të nisin përgatitjet për realizimin e tyre.

“Sot Kryesia e LDK-së ka vendosur për organizimin e zgjedhjeve në LDK, bazuar në platformën e aprovuar nga Këshilli i Përgjithshëm i LDK-së në nëntor 2018. Është aprovuar struktura e delegatëve sipas degëve për Kuvendin e LDK-së. Nga java e ardhshme do të fillojnë përgatitjet administrative dhe teknike për realizimin e këtyre zgjedhjeve”, ka deklaruar ai.

Antari i LDK-së ftohet nga Gjykata Speciale

Pas Blerim Kuçit dhe Agim Kuçit, Gjykata Speciale me seli në Hagë ka ftuar edhe asamblistin e Lidhjes Demokratike të Kosovës në Komunën e Suharekës, Bashkim Ndrecajn.

Ftesën nga Specialja e ka bërë publike vetë Ndrecaj, duke thënë se do t’i përgjigjet asaj, pasi ai thotë se është ‘obligim qytetar”.

“Sot nga Prokuroria Speciale në Hagë më erdhi një fletëthirrje për t’u paraqitur me datë 21 maj 2019 në dhomat e Specializuara në Hagë. Unë do t’i përgjigjem kësaj ftese sepse e kemi obligim qytetar”, ka shkruar Ndrecaj në një postim në Facebook.

Ai tha se beson në luftën e UÇK-së, më shumë sesa në drejtësi.

“Unë besoj në drejtësi por më shumë besoj në Luftën e drejtë të UÇK-së”, shkroi Ndrecaj, që njëherësh është edhe kryetar i Nëndegës së LDK-së në Shirokë.

Lista Serbe LDK’së e VV’së: Bëni 51 numra, ju bashkohemi për rrëzimin e Qeverisë

Lista Serbe është e gatshme të votojë për rrëzimin e Qeverisë së Ramush Haradinajt, nëse opozita siguron 51 vende në Kuvendin e Kosovës, ka deklaruar deputeti i kësaj partie Igor Simiq

Ai tha për Pink TV se do të kthehej në Kuvendin e Kosovës në kohën kur opozita të mbledhë nënshkrime për shkarkimin e qeverisë.

Simiq tha se Lista Serbe nuk është në Parlamentin e Kosovës, pasi dëshiron të jetë me popullin e saj dhe jo me praninë e saj duke i dhënë legjitimitet sesioneve parlamentare, “sepse ata formuan një ushtri me 107 vota”.

“Çfarë do të bëjmë me 9 për qind ose 10 vota? Do të hyjmë në Kuvend sapo opozita parlamentare të mbledhë 51 nënshkrime për rënien e qeverisë”, tha ai.

Ndryshe, edhe shefi i GP-së së LDK-së, Avdullah Hoti ka shkruar sot në profilin e tij në Facebook se në momentin që opozita do t’i sigurojë 61 vota do të procedojnë mocion votëbesimi ndaj qeverisë Haradinaj.

Mbeten të shihen zhvillimet e reja gjatë javës së ardhshme.

Natën Thaçi viziton Mustafën, e konfirmon edhe LDK-ja

Presidenti i Kosovës, Hashim Thaçi, ka vizituar të mërkurën mbrëma kryetarin e LDK-së, Isa Mustafa.

Lidhur me këtë, Telegrafi ka folur me zyrtarët e LDK-së.

Zëdhënësi i LDK, Besian Mustafa, i ka thënë Telegrafit, se vet Presidenti Thaçi ka kërkuar takim me kreun e LDK-së Isa Mustafa.

“Mund të konfirmoj që, me kërkesë të Presidentit Thaçi, kryetari Mustafa e ka takuar në shtëpinë e tij, ku është njoftuar nga Presidenti rreth vizitës së sotme të dy zyrtarëve nga SHBA-ja dhe kërkesave të tyre drejtuar koalicionit qeverisës”, ka thënë zëdhënësi i Lidhjes Demokratike.

Duhet theksuar se sot gjatë ditës, Presidenti Thaçi bashkë me kryeministrin Haradinaj, janë takuar me delegacionin e lartë nga Shtetet e Bashkuara të Amerikës në përbërje të John Erath dhe Brad Berkley.

Duke komentuar indirekt vendimin për taksën, Haradinaj ka thënë se marrëveshja me Serbinë duhet ta rregullojë edhe tregtinë e lirë.

Ndërkaq, zyrtarët e lartë të Këshillit Kombëtar të Sigurisë së SHBA-së, kanë ripërsëritur qëndrimin e qartë të administratës amerikane që taksa duhet të suspendohet me qëllim që të vazhdojë dialogu dhe përpjekjet për arritjen e një marrëveshjeje gjithëpërfshirëse ndërmjet Kosovës dhe Serbisë.

Thaçi ka theksuar se Kosova me çdo kusht do t’i ruajë marrëdhëniet me SHBA-në./Telegrafi/

Memli Krasniqi i përgjigjet akuzave të Isa Mustafës

Nënkryetari i Partisë Demokratike të Kosovës, Memli Krasniqi ka thënë se LDK dhe kreu i saj Isa Mustafa, janë bërë për keqardhje me veprimet e tyre qysh nga mandati i tij si kryeministër.

Pas akuzave të Isa Mustafës se Kadri Veseli është përgjegjës për grevat, në një prononcim për klankosova.tv, deputeti Memli Krasniqi ka thënë se ishte vet Isa Mustafa ai që në mandatin e tij si kryeministër, nuk qe në gjendje t’iu rriste pagat askujt e lëre më mësimdhënësve të paktën për 5%.

”Njeriu qe ne mandatin e tij s’ka qene ne gjendje t’ua rrite pagat askujt, e as mesimdhenesve, bile as per 5%, se paku do te duhej te heshte kur ky koalicion ua rrite pagat per 20%, me zotimin qe do te arrije 30% deri ne fund te mandatit”.

”Por, LDK dhe Isa Mustafa kane rene ne fund te pusit dhe jane bere aq per keqardhje, sa nuk ia vlen fare te komentohen deklaratat e tyre halucinative”, është shprehur Kransiqi për klankosova.tv.