Serbia ecën vetëm në Interpol, Rusia ka mbështetur antarsimin e Kosovës

Në Serbi kanë mbetur të tronditura nga një hap që e bëri Rusia, miku i tyre më i ngushtë, pasi këta të fundit e mbështetën agjendën e INTERPOL’it për ditën e nesërme, ku do të votohet edhe për anëtarësimin e Kosovës.

Serbia, megjithatë kishte kërkuar që kjo agjendë të ndryshohet, por morën përgjigje negative nga Këshilli i Asamblesë së INTERPOL.

Por, tronditje të madhe morën nga Rusia në këtë pikë, përcjell Express.

Sipas burimeve të mediave në Serbi, thuhet se Presidenti rus Vladimir Putin, nuk e ka penguar Kosovën që të vendoset për votim nesër në Asamblenë e INTERPOL’it.

Sipas tyre, gjashtë vende të tjera anëtare të INTERPOL, kishin përkrahur që kjo agjendë të ndryshohet, por jo edhe Rusia.

Mediat atje shkruajnë në se emër të Serbisë, dhe kundër përfshirjes së Kosovës në rend dite, ishte Spanja, Qipro, Kina, Siria, Venezuela, Suriname. Kurse, në favor të Kosovës, votuan SHBA’ja, Franca dhe Guajana.

“Rusët nuk kanë marrë udhëzime nga Qeveria e tyre për të folur për këtë çështje. Kosova u miratua që të hyjë në rend dite nesër dhe kështu do të votohet edhe për anëtarësimin e saj”, ka mësuar Telegrafi i Serbisë./Teleshkronja Post/

Deklarata e Challandes para ndeshjes Kosova vs Azerbajxhani, nesër

Selektori i Kosovës, Bernard Challandes nuk e merr me entuziazëm ndeshjen e nesërme, pasi ka kërkuar nga lojtarët e tij që të jenë totalisht të fokusuar për në ndeshjen kundër Azerbajxhanit.

Edhe ai edhe Valon Berisha kanë insistuar se në këtë ndeshje do të luajnë për fitore të Kosovës.Tekniku zviceran ka thënë se Kosova duhet të qëndroj me këmbë në tokë, shkruan Teleshkronja Post.

Kosova ka treguar një formë të lartë këtë vit, duke mos humbur asnjë ndeshje deri me tani, por trajneri i Kosovës ka përkujtuar se deri në këto momente duhet të mendojmë që Azerbajxhani është favorit.

“Do të jetë një ndeshje interesante. Të dyja Kombëtaret kanë mundësi 50 më 50 që të kalojnë tutje. Në ndeshjen e parë në Baku, Azerbajxhani luajti më mirë por ne arritëm që të nxjerrim një barazim 0-0”, ka thënë ai.

“Skuadra e Azerbajxhanit është një skuadër e fortë dhe e mirë, prandaj edhe gjasat janë të barabarta. Azerbajxhani është favorit pasi që ka shumë më shumë përvojë se sa ne, por ne hyjmë për fitore dhe jam i bindur se me përkrahjen e tifozëve tanë të zjarrtë do t’ia arrijmë këtij qëllimi.”

“Nuk do ta ndërrojmë filozofinë e lojës. Nesër duhet edhe të rrezikojmë. Edhe nëse humbasim do ta vazhdojmë jetën, por e ritheksoj unë besoj në fitore”, ka thënë Challandes.

Gjatë koncerencës për shtyp, Bernard Challandes ka folur edhe për rëndësinë e ndeshjes së nesërme, e cila përpos mediave vendore pritet të ndiqet edhe nga një numër i madh i mediave ndërkombëtare.

“Më vjen mirë që po shoh një interesim të madh të mediave dhe ky është një tregues për rëndësinë e madhe që ka ndeshja për të dyja ekipet”.

Në këtë konferencë ka folur edhe Valon Berisha.

Njëjtë si trajneri, Berisha ka thënë se Azerbajxhani është favorit për shkak të përvojës, por se sipas tij fitorja ndaj Maltës i ka dhënë më shumë motiv ekipit.

“Ajo ishte një fitore tejet domethënëse, por jemi të vetëdijshëm për rëndësinë e ndeshjes së nesërme dhe ne po besojmë në fitore.”

“Mendoj se edhe pse barazimi na kryen punë, ne si futbollist edhe si ekip nuk duhet të mendojmë për barazim, por duhet të shkojmë për fitore.”

“Në fillim të kësaj gare Azerbajxhani është llogaritur favorit i grupit dhe edhe tash për shkak të përvojës mund të llogaritet i tillë, por ne jemi lider dhe fitorja ndaj Maltës na ka dhënë kurajë. Luajmë para tifozëve tanë dhe hyjmë për fitore”, tha Berisha.

Kosova në letër i ka dy rezultate.

I pari është barazimi, që nuk e favorizon Kosovën shumë pasi që do të luaj në Gjeorgji, sepse është skuadra që ka më së paku pikë në grupin e saj në Ligën e Kombeve.

Fitorja do të bënte që Kosova të luajë me Maqedoninë, si mysafire në Shkup ose Strumicë, ku luan vazhdimisht kjo Kombëtare.

Së “Dardanët” kanë qenë të matur e kanë treguar edhe në deklaratat e tyre shumë lojtarë pas fitores së madhe në Maltë prej 0-5./Teleshkronja Post/

Pritja e zjarrtë ‘Dardanët’ për Kosovën pas fitores kundër Maltës / VIDEO

Ekipi i Kombëtares së Kosovës u prit nga tifozët, “Dardanët”, të cilët i pritën në aeroportin ‘Adem Jashari” pas fitores kundër Maltës.

“Dardanët” e turpëruan Maltën në shtëpi me fitore me rezultat 5-0 në ndeshjen e vlefshme për Gupin 3 të Ligës D në Ligën e Kombeve. Golat u shënuan nga Vedat Muriqi, Benjamin Kololli, Donis Avdijaj dhe Milot Rashica.

Kombëtarja u rikthye në Prishtinë në orën 2 të mëngjesit, dhe Dardanët kishin shkuar në aeroport për t’ia dhënë atyre pritjen e merituar pas fitores.

“Sna ndal as shiu, e dojna borën; Jetojmë për Shqipni, Vdesim për Kosovën”, shkruhet në mbishkrimin e videos së postuar nga tifozët e Kosovës.

Kosova e luan ndeshjen vendimtare të martën në “Fadil Vokrri”, kundër Azerbajxhanit. Barazimi ose fitorja do ta shpallte Kosovën fituese të grupit dhe ngritët në Ligën C./TeleshkronjaPost/

Goleada nga Rashica, Muriqi, Kolloli dhe Avdiaj ia sigurojnë fitorën Kosovës kundër Maltës / VIDEO

Kosova ka fituar kundër Maltës me rezultat të thellë 0-5, si mysafirë duke thyer rekord si fitorja më e lartë në historinë tonë si përfaqësuese.

Fillimisht, Vedat Muriqi ka kaluar në epërsi Kosovën kundër Maltës në minuten e 15 të takimit si mysafirë në shtetin Maltez, shkruan Teleshkronja Post.

Më pas Benjamin Kololli është një mbrojtës i majtë, por me golin që shënoi për Kosovën habiti të gjithë me një parabol.

Kosova ngriti epërsine në 0-2 kundër Maltës në minuten e 70’të takimit, shkruan Teleshkronja Post.

Derisa më pas në skenë u shfaq Dionis Avdiaj me 2 gola të shpejtë, derisa edhe Milot Rashica realizoi një super gol nga largësia.

Pas pak golat me VIDEO :




 

Kosova në epërsi kundër Maltës, shënon Muriqi / VIDEO

Vedat Muriqi ka kaluar në epërsi Kosovën kundër Maltës në minuten e 15 të takimit si mysafirë në shtetin Maltez, shkruan Teleshkronja Post.

Video, ky është goli i Vedat Muriqit në Ligen e Kombeve:

Formacionet zyrtare: Malta vs Kosova / FOTO

Kosova do të luajë në Maltë shanset për të siguruar kualifikimin si e para e grupit 3 në Ligën D, gjë që do i jepte mundësi për të tentuar kualifikim direkt për në fazën e grupeve të Europianit të ardhshëm pa fazë kualifikuese.

Për këtë ndeshje të dy trajnerët e skuadrave respektive kanë publikuar formacionet e tyre që do të hedhin në fushë.

Vendasit janë rreshtuar me formacionin 5-4-1 duke treguar qartë idenë e lojës së tyre. Me këtë formacion me 5 mbrojtës dhe një sulmues të vetëm Malta kërkon të mos dalë pa pikë në këtë ndeshje dhe do tentojë të bëjë surprizën vetëm me kundërsulm.

në anën tjetër Challendes e ka rreshtuar ekipin e tij me skemën 4-2-3-1. Ujkani është preferuar sërish para portierit Muriqi, ndërsa Aliti dhe Rrahmani janë diga e qendërmbrojtjes. Në krah luan Vojvoda dhe Kololli. Mesfusha do jetë me Shalën dhe Kryeziun, ndërsa para tyre do të rreshtohen Valon Berisha, Arbër Zeneli dhe Milot Rashica, të cilët do të mbështesin në sulm Vedat Muriqin.

Dardan Molliqaj: Albin Kurti është i rrezikshëm për Kosovën !

Ish-sekretari organizativ i Vetëvendosjes, Dardan Molliqaj, ka thënë se kryetari i Vetëvendosjes, Albin Kurti, ka qasje politike të rrezikshme për Kosovën.

“Duke u nisur nga ajo që jam përballur në 15 muajt e fundit në parti, kam parë që nëse bëhet ajo që është bërë brenda në parti, çka mund të bëhet kur ai të merr kontrollin e shtetit, policinë dhe gjykatat.

Kushdo që mendon që Albini nuk është rrezik le ta votojnë, a bën të ma lejojnë që unë të mendoj ndryshe. Shpresoj që të mos jetë ashtu, por përvoja ime 15 mujore dhe faktet po flasin kështu”., ka treguar Molliqaj.

“Ata që besojnë ndryshe, le të mendojnë ashtu. Unë po i ftoj ata që të mos thonë i thashë e më thanë, hajde le të debatojmë për faktet që i kemi, ta mbyllim këtë çështje dhe t’i lëmë qytetarët ta vlerësojnë”, ka thënë ai.

Molliqaj po ashtu thotë se gjasat për pajtim të të dorëhequrve nga Vetëvendosje me të tjerët që po përkrahin kryetarin aktual Albin Kurti, janë minimale.

Ish-sekretari organizativ ka thënë se grupi i të pakënaqurve në Vetëvendosje është i madh. Ka thënë se ai personalisht nuk do të shkojë në ndonjë parti tjetër ekzistuese, teksa ka lënë të hapur opsionin për parti të re.

Megjithatë, ka thënë se ky vendim vjen vetëm pas takimit me të pakënaqurit tjerë.

Ish-gazetari serb në Kosovë hyn në grevë urie, kërkon përkrahje nga shteti i Kosovë

Ish-gazetari serb në Kosovë hyn në grevë urie, kërkon përkrahje nga shteti i Kosovë

Ish-gazetari serb në Kosovë, Bojan Bozhoviq, ka hyrë në grevë urie me arsyetimin e vetëm se ka mbetur pa punë dhe pa përkrahje nga shteti i Kosovës.
Në postimin e tij në Facebook, Bozhoviq ka shkruar se ndodhet në spitalin rajonal në jug të Mitrovicës, duke marrë trajtim mjekësor pasi ka probleme me zemër.

Ai thotë se do të qëndrojë në grevë urie derisa zyrtarët e vendit të reagojnë në përmirësimin e kushteve të jetës së tij dhe familjes.

Ky është postimi i plotë:

Të nderuar miq. Është dita e dytë që kam vendosur të hy në grevë urie dhe as ujë të mos pi në mënyrë që të tërheq vëmendjen për pa drejtësinë karshi meje.

Nuk kam punë të siguruar dhe asnjë lloj ndihme nga shteti i Kosovës e tani as dokumentet personale nuk mund t’i marrë. Nuk mund të marrë patentë shoferin pa një dëshmi nga MUP-i serb e ju të gjithë e dini se unë në Serbi asnjëherë ma nuk dua të shkoj.

Për këtë arsye kam vendosur që t’i lutem presidentit ,kryeministrit dhe ministrit të policisë të më gjejnë një punë adekuate dhe pas asnjë lloj kushtëzimi të ndryshojnë patentë shoferin e Republikës së Serbisë me atë të Republikës së Kosovës.

Deri sa nuk më plotësohen këto dy kushte nuk do marr ushqim dhe ujë e as terapi për zemër.

Mjekët në spitalin e Mitrovicës jugore më kanë këshilluar që nëse nuk marr ilacet dhe ujin gjendja e shëndetit tim do të përkeqësohet gjatë ditës.

Ndërsa unë megjithatë kam vendos të vazhdoj me grevën deri sa të më plotësohen kërkesat dhe pres përgjigjen nga zyrtarët kosovar.

Jam sigurt se edhe gazetarët kosovar gjithashtu me mbështesin për të realizuar të drejtat e mia dhe do të informojnë për kërkesat e mia.

Kosovës i mungojnë 10 mijë kamerierë profesionistë

Kryetari i Shoqatës së Hotelerisë dhe Turizmit, Xhevdet Hyseni, tha se do të organizojnë për shënimin e “Ditës së Hotelerisë”, me Gala mbrëmjen e hotelierëve dhe gastronomëve, që mbahet më 25 janar në Gjakovë dhe festivalin e turizmit që do të mbahet, për herë të parë, nga 25 deri 30 maj të këtij viti në Prishtinë.

Sipas tij, hoteleria në Kosovë është mirë e zhvilluara, ku ka objekte shumë të mirë por mungon kuadri për hoteleri.

“Mungojnë shkollat për hoteleri, mungon puna praktike, pagat nuk janë sa duhet. Shoqata jonë mban trajnime brenda dhe jashtë vendit në objektet e hoteliere“, tha Hyseni në emisionin e mirëmëngjesi në RTK.

Hoteleve dhe gastronomisë në Kosovë, sipas tij, i mungojnë 10 mijë kamerierë profesionistë.

“Një kamerier profesionistë nuk do të duhej të ankohej për rrogë, kërkohen kamerier profesionist e jo ndonjë jurist a ekonomistë që mendojnë të punojnë si kamerier vetëm përkohësisht. Nevoja për kamerierë ka i tërë rajonin, sidomos gjatë verës, kur katërfishohet kërkesa për kameriere”, tha Xhevdet Hyseni

Sfidat, sipas tij, janë të shumta, pajisjet janë të shtrenjta dhe tatimi është shumë i lartë. Edhe në Shqipëri, thotë ai, gjendja është njësoj ndoshta pak më mirë.