Merkel dhe Makron i ‘fusin në qosh’ liderët e Kosovës / Foto

Takimi i parë i Samitit i Berlinit për Ballkanin ka përfunduar para pak minutash (20:45), në organizimin e kancelares gjermane, Angela Merkel, dhe presidentit francez, Emmanuel Macron.

Dy liderët evropian dhe pjesëmarrësit e tjerë, përfshirë kryeministrin e Kosovës, Ramush Haradinaj, e presidentin e vendit, Hashim Thaçi, dhe udhëheqës të vendeve të tjera të Ballkanit e zyrtarë të Bashkimit Evropian, janë parë jashtë objektit ku është mbajtur pjesa zyrtare e takimit.

Presidenti i Kosovës Hashim Thaçi, kryeministri Ramush Haradinaj dhe kryeministri i Shqipërisë Edi Rama po përfaqësojnë shqiptarët atje.

Një fotografi e pas takimit i shfaq ata të ‘ndarë’ dhe si Merkel dhe Makron i kanë futur në qosh liderët e Kosovës, transmeton Teleshkronja Post.

Derisa Thaçi dhe Haradinaj shihen të jenë duke biseduar me Merkel dhe Macron, Rama është përqendruar në bisedë me presidentin serb Alkesandar Vuciq, i cili po shoqërohet në Berlin nga kryeministrja Ana Brnabiq.

Foto nga takimi me dyer të mbyllura

Analizë për Samitin e Berlinit nga ekspertët ndërkombëtarë

Samiti i Berlinit është tema kryesore e diskutimit që nga fillimi i muajit prill, kur u bë e ditur se kancelarja gjermane, Angela Merkel dhe presidenti francez, Emanuel Macron, do t’i presin në takim liderët e vendeve të Ballkanit Perëndimorë.

E kjo nuk ka si të kalojë pa komente e analiza, sidomos nga ekspertët ndërkombëtarë, të cilët po e shohin Samitin e 29 prillit në kryeqytetitn gjerman, n Berlin, si një moment të zhbllokimit të dialogut ndërmjet Kosovës dhe Serbisë.

Sipas profesorit të Shkollës Ekonomike dhe Shkencave Politike në Londër (LSE), James Ker-Lindsary, ende është e pa qartë rëndësia e këtij takimi, pasi që dikush po e konsideron si një iniciativë të madhe, ndërsa dikush tjetër po e sheh si diçka jo shumë të rëndësishme.

“Duket qartë që ende nuk dihet se çfarë po planifikohet”, ka theksuar Lindsay.

Ai thotë se megjithatë ky takim në kryeqytetin gjerman me ftesë të kancelares Angela Merkel e presidentit francez, Emanuel Makron, do të shërbejë për të ndihmuar rifillimin e dialogut Prishtinë-Beograd.

“Duket që përpjekjet do të fokusohen për të bashkuar palët relevante, dhe krijimin e kushteve për të rifilluar bisedimet, duke kërkuar kompromise për problemet të cilat po e vështirësojnë atë, siç është vendosja e taksës”, ka thënë ai për EBË, transmeton Gazeta Express.

Edhe Bodo Weber, bashkëpunëtor i lartë në Këshillin e Politikave dhe Demokratizimit mendon që fokusi kryesor i takimit të Berlinit, do të jetë rifillimi i dialogut Kosovë-Serbi pas një periudhe të gjatë bllokade.

Angela Merkel, Hashim Thaçi dhe Aleksandër Vuqiq.

“Takimin e 29 prillit e shoh si një përpjekje për të kapërcyer dy problemet, taksën dhe shkëmbimin e territoreve. Do të jetë një takim për të rivendosur negociatat”, thotë Weber.

Ai thotë se ky takim do të jetë gjithashtu edhe një vend ku do të diskutohet ideja për korrigjim të kufijve, ide për të cilën edhe vetë Weber e sheh si problematike.

Sipas tij “takimi në Berlin do të jetë një përpjekje që Berlini dhe Parisi të kenë një politikë të përbashkët, në mënyrë që të marrin edhe kontollin e ekipit të Mogherinit, dhe të lëvizin ngadalë drejt rifillimit të negociatave që do të kthejnë dialogun politik nën kornizat e tij origjinale në 2013-2015”.

Të ekspertët, Lindsey dhe Weber thonë që në Gjermani do të ketë përpjekje që dialogu të vazhdojë, duke lënë anash diskutimet e deritanishme për korrigjim të kufijve.

Federica Mogehrini dhe Jean-Claude Juncker

Anën tjetër, eksperti Bodo Weber nuk e fsheh dëshirën e tij që në Berlin të hidhet poshtë një herë e përgjithmonë ideja e propozuar për korrigjim të kufijve.

“Sinqerisht shpresoj ashtu, për të ardhmen e Kosovës dhe Serbisë, dhe për të ardhmen e jetës së serbëve që jetojnë në veri dhe jug të Ibrit, për stabilitetin dhe sigurinë e rajonit të Ballkanit Perëndimor, dhe të BE-së në përgjithësi”, ka thënë ai, transmeton Gazeta Express.

Weber megjithatë thotë se një ide e tillë ende nuk është shuar./TeleshkronjaPost/

Komisioneri Hahn: ‘Shkëmbimi i territoreve mund të diskutohet nëse duan liderët’

Para disa muajve ishte temë tabu dhe goditej rëndë kushdo që e fliste rreth kufijëve. Komisioneri për Politikat Evropiane të Fqinjësisë dhe Negociatat e Zgjerimit, Johannes Hahn, ka folur rreth një marrëveshjeje të mundshme ndërmjet Kosovës dhe Serbisë.

Z.Johannes Hahn ishte në Washington javën e kaluar për të diskutuar për Lindjen e Mesme, Ukrainën dhe Ballkanin Perëndimor me homologët e tij të SHBA-së.

Në këtë kontekst, siç shkruan “The Washington Post,” ai ka folur edhe rreth marrëveshjes ndërmjet Greqisë dhe asaj që quhet sot Maqedonia Veriore, duke thënë se bashkë, SHBA dhe BE-ja u treguan të suksesshme.

Sipas tij, në luftërat e viteve 1990 dhe pasojat e tyre, Uashingtoni ishte në “vendin e shoferit” në rajon, jo Brukseli. Sot, Hahn tha, e kundërta është e vërtetë. Shtetet e Bashkuara janë shumë mbështetëse për Bashkimin Evropian dhe në rajon, tha ai, duke shtuar, “mendoj se ata janë mjaft të lumtur që ne jemi sot në krye të rajonit”.

Dhe shpresa e Hahn është që zgjidhja e mosmarrëveshjes të emrit të Maqedonisë do të shërbejë si pararendës ndaj zgjidhjeve të konflikteve të tjera, duke përfshirë edhe në dialogun midis Kosovës dhe Serbisë, transmeton “EO”.

Megjithatë, duke folur rreth një marrëveshje të mundshme ndërmjet Kosovës dhe Serbisë, përkatësisht rreth mundësisë së “korrigjimit të kufijve”, Hahn theksoi se një marrëveshje ligjërisht detyruese midis dy do të mbulonte fushat përtej kufijve dhe se “një element themelor në një marrëveshje të ardhshme duhet të jetë respektimi i të drejtave të pakicave”.

“Tani për tani, askush nuk mund të parashikojë se çfarë do të ishte një rezultat final”, citohet të ketë thënë ai, duke shtuar se edhe “një shkëmbim i mundshëm i territorit mund të jetë si pjesë e saj – nëse palët dëshirojnë”.

“Parakushti i vetëm që kemi ngritur është se çdo lloj marrëveshje dypalëshe duhet të kontribuojë për më shumë paqe dhe stabilitet në rajon”.

Gjithsesi, një marrëveshje politike që vjen me koston e të tjerëve, tha Hahn, do të ishte e papranueshme për Bashkimin Evropian.

Kjo temë ka ndarë rrugët e liderëve politik në Kosovë, disa duke e kundërshtuar fuqishëm e disa duke e përkrahur./Teleshkronja Post

Clark: Gligorovi më tha më 1999: Shqiptarët nuk janë si boshnjakët, nuk durojnë, do të luftojnë

Ish-komandanti i lartë i NATO-s, Wesley Clark, i cili drejtoi fushatën e bombardimeve të NATO-s kundër forcave serbe në vitin 1999, në një deklaratë për Zërin e Amerikës në gjuhën serbe, ka treguar se si gjatë një bisede me presidentin e atëhershëm të Maqedonisë, Kiro Gligorov, ky i fundit i kishte thënë se “shqiptarët nuk janë si boshnjakët” dhe se “ata nuk durojnë, do të luftojnë”.

“Presidenti maqedonas, Kiro Gligorov, më thirri dhe më tha: ‘E dini, do të keni problem të madh në Kosovë. Atje do të bëhet luftë, sepse shqiptarët nuk janë si boshnjakët: ata nuk durojnë. Ata do të luftojnë’. Dhe, kështu ndodhi, luftimet nisën”, thotë Clark në këtë bisedë përmes Skype-it, transmeton KTV.

Më tej, ai tregon se si Ambasadori Richard Hoblrooke kishte shkuar në qershorin e vitit 1999 për takim me Slobodan Milosheviqin.

“Më lidhi me telefon me Millosheviqin, të cilin e njihja nga koha e Daytonit dhe i thashë: ‘Ju lutem, mos ia bëni këtë popullit shqiptar’. Ai më tha: ‘Gjeneral Clark, këta janë njerëzit e mi. Unë nuk do t’i lëndoj’. Natyrisht, kjo ishte gënjeshtër, sepse spastrimi etnik tashmë po ndodhte”, ka deklaruar Clark.

Zyrtare: Presidenti Kosovë shpallë zgjedhje të jashtëzakonshme / Dokument

Presidenti i vendit, Hashim Thaçi ka ndërmarrë sot një vendim të paparalajmëruar.

Thaçi ka marrë vendim për shpallje të datës së zgjedhjeve të jashtëzakonshme për kryetar në komunat: Mitrovica e veriut, Zubin Potok, Leposaviq dhe Zveçan.

“Presidenti i Republikës së Kosovës, Hashim Thaçi, në mbështetje të kompetencave kushtetuese dhe ligjore, duke marrë parasysh shkresën e Ministrisë së Administrimit të Pushtetit Lokal dhe pas një procesi të konsultimeve përkatëse me partitë politike dhe Komisionin Qendror të Zgjedhjeve, sot ka nxjerr vendimin për caktimin dhe shpalljen e datës së zgjedhjeve të jashtëzakonshme për kryetar në komunat: Mitrovica e Veriut, Zubin Potok, Leposaviq dhe Zveçan”, thuhet në njoftimin për media, transmeton Indeksonline.

Tutje u shtua se në pajtim me këtë vendim, zgjedhjet e jashtëzakonshme për kryetar në këto katër komuna të Kosovës do të mbahen më 19 maj 2019.

Facebook mbyll 212 faqe nga Kosova për aktivitet të dyshimtë

Udhëheqësi i Politikës së Kibernetikës në Facebook, Nathaniel Gleicher, ka njoftuar sot se rrjeti social Facebook ka fshirë faqet, grupet dhe llogaritë që kishin sjellje të koordinuar joautentike nga Irani, Rusia, Maqedonia dhe Kosova, shkruan Gazeta Express.

Në njoftimin e publikuar në redaksinë e Facebook (newsroom), thuhet:

“Sot hoqëm 2,632 faqe, grupe dhe llogari të përfshira në sjellje të koordinuara joautentike në Facebook dhe Instagram. Operacionet që gjetëm ishin të lidhura me Iranin, Rusinë, Maqedoninë dhe Kosovën. Nuk gjetëm asnjë lidhje mes këtyre grupeve të aktiviteteve, por kishin përdorur taktika të ngjashme duke krijuar llogari për të mashtruar të tjerët. Ne po punojmë vazhdimisht që të zbulojmë dhe ndalojmë këtë lloj aktiviteti sepse nuk duam që shërbimet tona të përdoren për të manipuluar njerëz. Po i mbyllim këto faqe dhe llogari bazuar në sjelljen e tyre, jo përmbajtjen që kanë postuar”.

Për faqet dhe aktivitetin e dyshimtë nga Kosova, raporti i Facebook thotë:

“Larguam përfundimisht 212 faqe, grupe dhe llogari, të përfshira në sjellje të koordinuara joautentike që kishin origjinë nga Maqedonia dhe Kosova. Individët që qëndronin prapa kësaj veprimtarie vepronin me llogari të rreme për të administruar faqe që ndanin përmbajtje të përgjithshme, jo specifike, si astrologji, njerëz të famshëm dhe këshilla bukurie.

Ata kishin edhe një numër të vogël të faqeve që kishin për qëllim përfaqësimin e komuniteteve politike në Australi, Mbretëri të Bashkuar e SHBA – dhe kishin postuar për tema politike dhe religjioze si nacionalizmi, islami dhe figurat politike. Edhe pse u përpoqën të keqinterpretonin veten e tyre, ne gjetëm se këto faqe, grupe dhe llogari ishin të lidhura me një rrjet individësh që vepronin në Maqedoni dhe Kosovë.

Prezenca në Facebook dhe Instagram: 40 faqe dhe 172 llogari të Facebook.

Ndjekësit: Rreth 685,000 llogari ndoqën një ose më shumë faqe të tilla.

Reklamimi: Rreth 5,800 dollarë u shpenzuan në reklama në Facebook, të paguara në dollarë amerikanë, euro, funte dhe pezos filipinase.

Reklama e parë u zhvillua në tetor të vitit 2013 dhe reklama e fundit u zhvillua në mars të vitit 2019. Nuk kemi përfunduar një rishikim të përmbajtjes organike që vjen nga këto llogari.

Hetimi ynë përfitoi nga raportimi me burime të hapura, duke përfshirë edhe shtypin në Australi. Për hetimin tonë, informacione u kemi dhënë zbatuesve të ligjit dhe politikëbërësve”.

Kosova vs Bullgaria – LIVE Drejtëpërdrejt

Sonte luhet ndeshja Kosovo vs Bulgaria LIVE ndeshja, e cila luhet në Stadiumin ‘Levsi’ në Sofje nga ora 20:45.

Bullgaria, Kosova, Anglia, Mali i Zi dhe Republika Çeke të gjitha bëjnë pjesë në Grupin A kualifikues.

Ndeshja Kosova vs Bullgaria LIVE mund ta ndiqni më poshtë, përmes linqeve dhe videos, zgjedhja është e juaja.

Kosova vs Bullgaria LIVESTREAM

Kosova – Bullgaria, formacionet e mundshme / Foto

Sot, me 25 mars 2019, Kosova do të debutojë në kualifikime për Kampionatin Evropian Euro 2020, si nikoqire e Bullgarisë në Prishtinë në Grupin A.

Përfaqësuesja Kosovës e pret Bullgarinë në Stadiumin “Fadil Vokrri”, në atë që është ndeshja e parë kualifikuese për Kampionat Evropian në histori.

Takimi fillon në orën 20:45, biletat për të cilën janë shitur brenda pak orësh, me tifozët “Dardanët” që po i japin përkahje të madhe lojtarëve.

Pas një barazimi për shumë kë befasues kundër Danimarkës, por jo nëse e keni parë lojën në miqësoren e javës së kaluar, verdhekaltrit do të kërkojnë ta zgjasin ecurinë pa humbje në 12 ndeshje kundër Bullgarisë, e cila e nisi ciklin kualifikues me barazim 1-1 kundër Malit të Zi.

Në Grupin A janë: Anglia, Kosova, Republikën e Çekisë, Mali i Zi dhe Bullgaria.

Trajneri i Kosovës, Bernard Challandes, tha dje në një konferencë për media para lojës se përballja me Bullgarinë do të jetë më e vështira për Kombëtaren kosovare që prej se ai mori drejtimin e saj para një viti.

“[Bullgaria] ka eksperiencë të madhe në kualifikimeve dhe nëse e krahasojmë do te jetë shumë më e vështirë se kundërshtarët që kemi pasur deri më tani”, tha ai.

Pas një fushate arsyeshëm zhgënjyese për kualifikime në Kampionatin Botëror 2018, të parën në histori të saj që prej pranimit në UEFA e FIFA, Kosova ka bërë përparim të madh në vitin e fundit.

Formacioni i mundshëm Kosova vs Bullgaria :

Verdhekaltrit ishin ndër ekipet e veçuara në Ligën e Kombeve, turneun inaugurues të UEFA-s, duke u promovuar nga Liga e fundit D, në Ligën C, si dhe duke siguruar një vend në pay-off për kualifikim në EURO 2020 përmes një rruge alternative.

Megjithatë, Challandes dhe të tjerët e dinë se niveli i futbollit në Ligën e Kombeve – më i ulëti në të cilin Kosova mori pjesë – dallon shumë me nivelin e futbollit që vendi do të duhet të përballët në grupin e saj kualifikues. Kosova, e renditur e 130-ta në FIFA, do t’i sfidojë Kombëtare të renditura shumë më lart se ajo, si Anglia (5), Republika e Çekisë (42), Mali i Zi (44) dhe Bullgaria (46)./TeleshkronjaPost/