Thaçi dekoron Lladrovcin me medalje kampioni (VIDEO)

Sot pasdite klubi nga Drenasi, KF Feronikeli është shpallur kampion i Superligës së Kosovës për edicionin 2018/2019.

Djelmoshat e Zekirija Ramadanit arritën që në stadiumin e tyre “Rexhep Rexhepi” ta mposhtë FC Prishtinën në ndeshjen e fundit dhe ta fitojë titullin e tretë në histori.

Në ndeshjen që u zhvillua në Drenas, Feronikeli fitoi me golin e vetëm të shënuar nga Yll Hoxha në pjesën e dytë, në minutën e 73’.

Në ceremoninë e ndarjes së çmimeve kishte një ndryshim të vogël. Vitin e kaluar medaljen dhe trofeun e kishte ndarë kryeministri i vendit, këtë edicion e bëri Hashim Thaçi, president i vendit.

Ai nuk e la pa e dekoruar edhe mikun e tij, kryetarin e Drenasit, Ramiz Lladrovci me një medalje, natyrisht me kërkesë të këtij të fundit.

Ceremonia e ndares së medaljeve në “Rexhep Rexhepi.”

Kryetari aktual i Drenasit, Lladrovci qëndroi afër klubit që nga fillimi i edicionit dhe deri në arritjen e suksesit historik.

Lladrovci ishte ndër më meritorët për investimet e shumta të biznesmenit Naser Ramaj në klubet e sportit në Komunën e Drenasit.

Foto me trofeun e Super Ligës së Kosovës.

Goli i Ylli Hoxhës që e shpalli kampion KF Feronikelin (VIDEO)

Skuadra nga Drenasi e ka fituar titullin e tretë në histori të tij pas fitores me rezultat minimal 1:0 ndaj Prishtinës sot, në ndeshjen e zhvilluar në stadiumin “Rexhep Rexhepi” në Drenas.

KF Feronikeli ka shënuar golin e parë dhe të vetëm kundër FC Prishtinës në minutën e 73′ të nga gjuajtja e lirë. Yll Hoxha e ka shënuar një super gol nga gjuajtja e lirë.

Ky ishte vendimtar për titullin e kampionit për klubin e Feronikelit, të cilës i duhej vetëm një pikë nga kjo ndeshje dhe të shpallej kampion, të cilen e arriti.

Në këtë ndeshje FC Prishtina kishte paraqitje të dobët dhe larg pritshmërive, pasi nuk arriti ta bëjë asnjë goditje në kornizen e portës.

Ky është super goli i Ylli Hoxhës nga goditja e lirë, e cila e zuri në befasi mbrojtjen dhe portierin e klubit Bardh e Kaltër.

KF Feronikeli me këtë fitore u shpall kampion i Super Ligës së Kosovës me 80 pikë, 5 më shumë se Prishtina./teleshkronjapost.info/

Feronikeli afër titullit pas fitores ndaj Drenicës, gabon Prishtina

KF Feronikeli ka shënuar fitore tejet të rëndësishme në ndeshjen derbi ndaj Drenicës, të cilën e mposhti në “Bajram Aliu”, me rezultat minumal 0-1.

Pjesa e parë prodhoi raste, por jo edhe gola. Rastin më të mirë e pati Kastriot Rexha, kur goditja e tij me kokë shkoi shumë pranë shtyllës.

Në pjesën e dytë u shënua goli i vetëm i sfidës së sotme (e shtunë), transmeton Teleshkronja Post.

Astrit Fazliu shënoi me kokë në minutën e 66-të, një gol tejet të bukur, i cili doli të ishte edhe vendimtar për Feronikelin.

Mendurim Hoti më pas pati rastin ta dyfishojë epërsinë, por gjuajtja e tij e fuqishme nga distanca, përfundoi në transversën kundërshtare.

Më vonë edhe Zeka pati rast të mirë, nga një depërtim i shpejtë i Yll Hoxhës, por rrjetat nuk u tundën më.

Rënditja aktuale në IPKO Super Ligën e Kosovës (flashscore.com)

Feronikeli tani është lider i vetëm në tabelën e Superligës së Kosovës, me 71 pikë, dy më shumë se ndjekësi Prishtina, kjo pasi Bardhe Kaltrit barazuan 1-1 me Driten.

Tani kanë mbetur edhe vetëm 3 xhiro të fundit në Super Ligën e Kosovës dhe të përcaktohet kampioni i ri, interesante është se xhiron e rradhës takohen Llapi dhe Prishtina, dhe nëse mbetet barazim me shumë gjasa titulli do të shkojë në Drenas tek KF Feronikeli./TeleshkronjaPost/

Tre xhirot e fundit të IPKO Super Ligës së Kosovës 2018/19.

KF Feronikeli deklason me gola Trepçen 89, shkëputet në tabelë / Video

Feronikeli ka shënuar fitore të thellë në “Rexhep Rexhepi”, duke e mposhtur Trepçën ’89, me rezultat të thellë 5-0, në kuadër të xhiros së 23-të, në IPKO Superligë.

Në pjesën e parë u shënua vetëm një gol dhe ai në portën e gabuar. Pllana shënoi në portën e tij, për ti dhënë epërsinë Feronikelit, në minutën e 30-të.

Pjesa e parë ishte spektakolare me vendasit që arritën ti shënojnë edhe katër gola të tjerë.

Së pari, Mendurim Hoti shënoi në minutën e 47-të, për ta dyfishuar epërsinë.

Më pas braziliani ynë, Jean Da Silva, shënoi dy gola të tjerë, të parin në minutën e 51-të, për 3-0, ndërsa në minutën e 60-të, për 4-0.

Vulën në këtë takim e dha Kastriot Rexha, i cili shënoi për 5-0, në minutën e 84-të.

Feronikeli tani ka 55 pikë, shtatë pikë më shumë se ndjekësi Llapi, e tetë më shumë se Prishtina, të cilët kanë një ndeshje për ta zhvilluar./TeleshkronjaPost/

Feronikeli vazhdon me fitore, prapë shkëputet në tabelë nga vendi i dytë

Klubi nga Drenasi, KF Feronikeli ka siguruar fitore 3-0, në ndeshjen e xhiros së 22-të, të IPKO Superligës, të zhvilluar ndaj Gjilanit.

Skuadra vendase ishte më e mirë gjatë gjithë takimit, duke shënuar dy gola në pjesën e parë.

Të dyja golat erdhën nga sulmuesi i pandalshëm këtë sezon, Kastriot Rexha, i cili së pari tundi rrjetën e Gjilanit në minutën e 24-të, e më pas për të dyfishuar epërsinë në minutën e 38-të.

Futbollistët shkuan në pushim, me epërsinë 2-0 të Feronikelit, shkruan Teleshkronja Post.

Gjatë pjesës së dytë u shënua edhe një gol tjetër. Mevlan Zeka realizoi për 3-0, duke i dhënë “vulën” kësaj paraqitje të mirë të skuadrës, në minutën e 85-të.

Feronikeli tani ka 52-pikë dhe vazhdon të jetë lider i IPKO Superligës së Kosovës, 5 pikë më shumë se Llapi e Prishtina në poziten e dytë./TeleshkronjaPost/

 

Feronikeli dominon, por vetëm barazim në derbi me Prishtinën

Është ndarë me barazim derbi i madhë i javës në IPKO Super Ligen e Kosovës ndërmjet klubit nga Drenasi, KF Feronikeli dhe FC Prishtina.

Prishtina dhe Feronikeli barazuan 1:1 në “Fadil Vokrri” në Prishtinë, në një ndeshje të vlefshme për javën e 21-të të ligës elitare kosovare, që nënkupton se Nikli e ruan epërsinë prej pesë pikëve kundër kardhekaltërve në një garë të nxehtë për titull kampioni, raporton Gazeta Express.

Po ashtu, fitorja e Llapit kundër Gjilanit do të thotë se skuadra nga Podujeva mbetet në garë për titull me Niklin dhe Prishtinën.

Bardhekaltrit shënuan në rastin e dytë herët në fillim të ndeshjes. Leotrim Bekteshi shënoi gol të bukur me kokë duke i dhënë epërsinë vendasve në minutën e 17-të.

Pjesa e parë u mbyll me epërsinë minimale të skuadrës nga kryeqyteti.

Megjithatë, gjërat u vështirësuan për skuadrën e Mirel Joses, pasi Lorik Boshnjaku u përjashtua nga ndeshja pas kartonit të dytë të verdhë kur akrepat shënonin rreth një orë lojë.

Vizitorët nga Drenasi e shfrytëzuan epërsinë e një lojtari më shumë në fushë dhe e barazuan rezultatin në 1:1 vetëm 15 minuta më vonë.

Mendurim Hoti realizoi duke e shpëtuar Niklin nga humbja në një ndeshje të rëndësishme në garë për titull.

Feronikeli vijon të mbetet lider me 49 pikë në Ipko Superligë, pesë më shumë se Llapi në vendin e dytë dhe po aq më shumë se Prishtina në vendin e tretë.

Renditja në Superligën e Kosovës pas xhiros së 21-të.

ZYRTARE: KF Feronikeli transferon ish-lojtarin e Fenerbahçes

Sot edhe zyrtarisht ka njoftuar KF Feronikeli se ka transferuar ish-lojtarin e Fenerbahçes nga Turqia.

Ata kanë transferuar Adonis Shalën, këtë e kanë njoftuar lajmin përmes rrjeteve sociale, raporton Teleshkronja Post.

Shala është futbollist i ri me talent të madhë, ai ka karrierën përpara pasi është vetëm 26 vjeqarë.

Ndryshe Feronikeli ende është duke e kryer fazën përgaditore në Turqi për pjesën e dytë të sezonit 2018/19./TeleshkronjaPost/

KF Feronikeli nuk fiton kundër Sion nga Zvicra

Skuadra e Feronikelit nga Drenasi po përgatitet në Turqi dhe si rrjedhojë e kësaj zhvillojnë edhe disa ndeshje miqësore.

Që të gjejnë edhe përbërjen më të mirë të mundshme në prag të fillimit të pjesës së dytë të Kampionatit të Kosovës dhe asaj të Kupës.

Sot në Beleg të Turqisë, Feronikeli pësoi humbje me rezultat 2:0 nga Sioni i Zvicrës. Skuadra nga Drenasi pësoi në minutat e fundit kur shënoi dy gola (90’ e 90+3’) futbollisti Bruno Morgado.

Kjo miqësore ka qenë e mirëseardhur për të dyja ekipet, të cilat synojnë që të evitojnë të gjitha të metat në lojë dhe që të janë të gatshëm për sfidat e reja.