Cristiano i jep Juventusit listen prej 6 lojtarësh që i do në klub për sezonin e ri

Pesë herë fituesi i ‘Ballon d’Or’ është duke kërkuar seriozitet dhe me arsye të mirë insiston se ai mund të fitojë Ligën e Kampionëve për Juventusin sezonin e ardhshëm.

Në fitoren 2-1 ndaj Fiorentinës siguroi titullin e tetë të njëpasnjëshëm Serie A – një rekord për në pesë ligat më të mira të Evropës – por Ronaldo dhe klubi bardh e zi janë të dëshpëruar pasi i dhanë fund pritjes së klubit për Ligën e Kampionëve.

Pa e fituar titullin e Ligës së Kampionëve që nga viti 1996, kampionët italianë u eliminuan nga Ajax në Torino në fazat e çerekfinales, shkruan Teleshkronja Post.

Në një përpjekje për të ringjallur fatin e klubit në Evropë, Ronaldo ka ‘lëshuar një listë të objektivave të transferimit’ që ai dëshiron që klubi të nënshkruajë për sezonin e ardhshëm, sipas Mirror.

Futbollisti portugez i Benfikës, Joao Felix, i vlerësuar në më shumë se 100 milionë funte, është paraqitur në një listë të lojtarëve që qarkullojnë në mediat italiane.

Ish-shokët e ekipit të Real Madridit, Raphael Varane dhe Isco gjithashtu e shohin të ardhmen e tyre në ajër dhe Ronaldo do të dëshironte t’i merrte në klubin e bardhë e zi tek Juventus për të forcuar ekipin e Massimiliano Allegrit.

Emra të tjerë përfshijnë edhe kapiteni i Ajaxit Matthijs de Ligt, mbrojtësi i Romës Kostas Manolas dhe mesfushori i Lyonit, Tanguy Ndombele.

Ronaldo, sipas Corriere dello Sport, mendon se lojtarët që ai po vështron nuk do të forcojë vetëm Juventusin por do të dobësojë edhe rivalët e tyre kryesorë evropianë përpara një shtytjeje për lavdinë e Ligës së Kampionëve në 2019-20.

Pavarësisht humbjes në gjysmëfinale të Ligës së Kampionëve për herë të parë që nga viti 2010, duke mundur Fiorentinën Ronaldo u bë lojtari i parë në histori që ka fituar Premier League, Serie A dhe La Liga./TeleshkronjaPost/

Allegri thyen heshtjen për të ardhmen e Ronaldos

Disa nga gazetat dhe mediat e mëdha italiane shkruan dje se ylli i Juventus, Cristiano Ronaldo do t’i japë fund karrierës së tij me Juventusin më herët sesa që ishte planifikuar në kontratë.

Trajneri i Juventusit, Max Allegri, beson se Cristiano Ronaldo është e ardhmja e Juventusit edhe nëse ai nuk arrin t’ia garantojë klubit italian titullin e Ligës së Kampionëve.

Portugezi 34 vjeqarë, Ronaldo e shënoi golin e 26-të për këtë sezon në ndeshjen e së martës kundër Ajaxit, por kjo nuk mjaftoi që ai ta parandalojë disfatën 2-1 që e eliminoi Juventusin nga Liga e Kampionëve në fazën çerekfinale, duke mos u kualifikuar në gjysmëfinale për herë të parë që nga viti 2010.

Po spekulohet se ‘Zonja e Vjetër’ është e gatshme të shpenzojë shumë para gjatë verës për ta përforcuar edhe më shumë skuadrën, sepse CR7 mbeti shumë i zemëruar me eliminimin.

Madje, Ronaldo raportohej se ishte aq i zemëruar pas eliminimit saqë dëshironte të largohej nga Juventusi qysh në fund të sezonit të ardhshëm, përkundër që nënshkroi kontratë katërvjeçare me Juventusin verën e kaluar.

Përkundër këtyre raportimeve Allegri ka një version tjetër.

“Ronaldo e ka kaluar një sezon të jashtëzakonshëm. Liga e Kampionëve mori fund – rezultati është se ne u eliminuam nga gara. Cristiano dhe Juventus nuk do garon për titullin e kampionit të Evropës. Ka shumë përbërës në futboll”, është shprehur italiani.

“Ai është e ardhmja e Juventusit. Ka bërë punë të mirë këtë vit dhe do të bëjë gjëra të mrekullueshme edhe sezonin tjetër. Ai është i zhgënjyer, por është i qetë, si të gjithë të tjerët”.

Ndryshe në janar flitej se Allegri do largohej në fund të sezonit, por duket se gjërat kanë ndryshuar dhe ai do të jetë trajner i bardhë e zinjëve edhe sezonin tjetër./Teleshkronja Post/

Formacionet zyrtare: Ajaxi tenton befasinë midis Torinos kundër Juventus / Foto

Juventusi është në kërkim të gjysmëfinales së tretë në pesë vitet e fundit në Ligën e Kampionëve sonte kundër Ajaxit.

Juventusi e mirëpret Ajaxin në Allianz Stadium për ndeshjen e kthimit në çerekfinale të Ligës së Kampionëve, me ndeshjen e parë që mbaroi pa fitues 1-1, raporton Gazeta Express.

Cristiano Ronaldo shënoi golin hapes në ndeshjen e parë në Amsterdam javën e kaluar, por David Neres e barazoi rezultatin herët në pjesën e dytë.

Juve kalon tutje edhe me një barazim pa gola, ndërsa Ajaxi do të shkonte tutje me çfarëdo barazimi me dy gola e lart. Fitorja me çfarëdo rezultati nga cila do skuadër nënkupton kualifikim për fituesin.

Skemat zyrtare të të dy ekipeve :

Formacionet zyrtare

Juventus në epërsi, gol i bukur nga Cristiano Ronlado / Video

Juventus ka kaluar në epërsi në fund të pjesës së parë kundër ekipit holandez Ajax.

Një kundërslum i shpejtë nga lojtarët e Juves, ku Ronaldo dhe Cancelo bashkëpunojnë bukur dhe shënon Ronaldo me kokë.

Goli i bukur me kokë nga Cristiano Ronaldo, pas rikthimit nga lëndimi, raporton Teleshkronja Post.

Champions League LIVE

Manchester Unitedi e vazhdon aventurën në Ligën e Kampionëve si mysafirë në Barcelonë, në ndeshjen e dytë çerekfinale mes tyre në “Camp Nou”, që nis në orën 21:00.

Ajaxi i shkon Juventusit në Alianz Stadium në Torino, në ndeshjen e parë çerekfinale mes tyre, që nis në orën 21:00.

Ndeshjet e Champions League ndiqni LIVE më poshtë:

Barcelona vs Manchester United Livestreaming

Juventus vs Ajax Livestreaming

Piatek i pandalshëm, super gol kundër Juventus / Video

Klubi italian, Milani ka kaluar në epërsi në ndeshjen kundër Juventusit, e cila po zhvillohet për momentin në stadiumin Allianz, në kuadër të Serisë A.

Në minutën e 38-të të ndeshjes, Krzysztof Piatek e shënoi golin e parë të ndeshjes, duke e kaluar Milanin në epërsi me rezultat 1-0,

Goli i polakut Piatek pak para fundit të pjesës së parë :

Juventus pa Ronaldon pret Milanin, formacionet zyrtare / Foto

Dy klubet më të trofeshme në Itali, Juventusi dhe Milani zhvillojnë derbin e javës së 31-të në Serie A, në ndeshjen që zhvillohet në Allianz Stadium në Torino.

Zonja e Vjetër qëndron pa konkurrencë në krye të tabelës me 18 pikë më shumë se përcjellësi i parë, Napoli, prandaj do t’i qaset me qetësi këtij takimi.

Rossonerët kanë nevojë për pikë, duke qenë se rrezikojnë pozitën e katërt që dërgon në Ligën e Kampionëve, për këtë arsye pritet të zhvillojnë një ndeshje të mirë kundër kampionit italian.

Natyrisht se do të shohim edhe një përballje taktikash ndërmjet trajnerëve Massimiliano Allegri dhe Gennaro Gattuso.