Cristiano apo Leo ? Ja përgjigja e Mourinhos

Ish trajneri i  Ronaldos, Jose Mourinho u ballafaqua me pyetjen se cilin futbollist e konsideron më të mirë, yllin e Barcelonës, Leo Messin, apo atë të Juventusit, Cristiano Ronaldon.

Megjithatë, trajneri i pa punë për momentine pati të vështirë ta merrte një vendim të prerë, duke thënë vetëm se kishte qenë shumë i lumtur kur pjesë e skuadrës së tij në Real Madrid ishte Ronaldo.

Mourinho i kishte fituar gjithsej tre tituj gjatë kohës së tij në Real Madrid, bashkë me Ronaldon. Ai e kishte filluar me titullin e Copa Del Rey në sezonin 2010/11, ndërsa sezonin e ardhshëm e kishte fituar titullin e La Liga dhe atë të Super Kupës së Spanjës.

Ylli argjentinas, Messi, ka arritur t’i shënojë 17 gola dhe t’i bëjë 11 asiste në vetëm 17 paraqitje në La Liga këtë sezon dhe përmes golit të shënuar në ndeshjen kundër Eibarit, u bë lojtari i parë në histori të La Ligës që arrin t’i shënojë 400 gola gjatë karrierës së tij.

Në anën tjetër, Portugezi është duke e dëshmuar veten mjaft mirë në Serie A dhe deri më tani e kryeson garën për Këpucën e Artë të Italisë, me gjithsej 14 gola të shënuara, vetëm një më shumë se Krzysztof Piateku i Genoas.

“Mendoj se është e padrejtë për të dy ata kur dikush thotë se njëri është më i mirë se tjetri. Mendoj se ata janë shumë të ndryshëm. E vetmja gjë që unë dua ta them është isha një njeri shumë i lumtur kur Ronaldo ishte pjesë e skuadrës time”, ka thënë Mourinho për BeIN Sports.

“Por, edhe kur luaja kundër Messit, duhet të mendohesha shumë për të gjetur mënyra të ndryshme për t’i shtuar mundësitë e klubit tim të jetë i suksesshëm. Gjëja që jam mësuar ta adhuroj gjatë kohës së fundit është që ata kanë mbetur në nivel shumë të lartë”.

Mourinho pyetet për Realin, ja si përgjigjet portugezi

Benfica nuk është klubi i vetëm që ka shfaqur interes për Jose Mourinhon.

Gjatë një interviste ekskluzive për rekord / CMTV, trajneri nuk është shprehur i gatshëm për rikthimin në Portugali.

Por përgjigja e tij ndryshon kur pyetet për Real Madrid apo Inter, klube që gjithashtu ka trajnuar më parë.

Kur pyetet për interesin e Los Blancos, Mourinho përgjigjet: “Këto janë thashetheme dhe unë nuk dua t’i shtoj benzinë zjarrit,” fillon ai të shpjegojë.

“Kur një trajner, ose lojtar, përflitet për një rikthim te një ish-klub, atëherë do të thotë se ka bërë diçka pozitive. Këtë ndjesi kisha kur u riktheva te Chelsea.”

“Është një nder i madh kur një profesionist ftohet t’i ribashkohet ish-ekipit të tij. Nuk është një zgjedhje e rrezikshme, pasi klubi e di shumë mirë se cilin trajner po merr, po ashtu edhe lojtarët.” /TeleSport/

Dy kërkesat e Mourinhos për rikthimin në Real Madrid

Jose Mourinho mund t’i kthehet punës si trajner së shpejti pasi që tani raportohet se portugezi i ka vetëm dy kushte për Real Madridin për ta pranuar pozitën e trajnerit nëSantiago Bernabeu përsëri: transferimin e një qendërsulmuesi dhe një qendërmbrojtësi.

Mourinho u shkarkua nga pozita e trajneri të Manchester Unitedit më 18 dhjetor të vitit të kaluar, pas disfatës me rezultat 3-1 kundër Liverpoolit, ku golat e fitores ishin shënuar nga Xherdan Shaqiri.

Por, përkundër që gjërat nuk kanë përfunduar aspak mirë për të në tri punën e tij të fundit, duket e pamundur për Real Madridi që t’i rezistojë tundimit për ta emëruar Mourinhon përsëri në pozitën e trajnerit.

Në fakt, sipas mediave spanjolle, 55-vjeçari tashmë e ka refuzuar mundësinë e kthimin në Benfica, ku e kishte filluar karrierën e tij si trajner, pasi që synon të kthehet në Real Madrid.

Ai mund të kthehet në Spanjë nëse presidenti Florentino Perez ia lejon atij transferimin e një qendërmbrojtësi dhe një sulmuesi.

Në pozitën e trajnerit të Real Madridit për momentin është Santiago Solari, i cili fillimisht u emërua vetëm përkohësisht, pas shkarkimit të Julen Lopeteguit. Megjithatë, Perez ia ofroi atij një kontratë për të qenë trajner i “Los Blancos” deri në vitin 2021, ofertë kjo të cilën e pranoi menjëherë Solari.

Megjithatë, gjërat nuk kanë shkuar aspak mirë për Solarin deri më tani dhe pasi që presidenti Perez nuk njihet për durimin e tij, në pozitën e trajnerit pritet që së shpejti të emërohet një person tjetër.

“Mourinho mund të kthehet nga Perezi në Real Madrid”

Jose Mourinho “është një problem”, por ish-menaxheri i Manchester Unitedit mund të rikthehet përsëri te Real Madridi nga Florentino Perez, ka thënë Ramon Calderon.

Trajneri portugez, i cili dikur ishte i famshëm për krijimin e një mentaliteti brenda lojtarëve të tij, e gjen veten të larguar nga puna pasi iu tregua dera në Old Trafford.

Një paaftësi për të dhënë rezultate pozitive dhe raporte të rregullta të përçarjeve brenda skuadrës së tij te Djajtë e Kuq, i kontribuuan atij që të shkarkohet.

Ish-presidenti i Real Madridit, Calderon nuk është i befasuar që e ka parë atë vendim, pasi sipas tij Mourinho është shumë problematik, por sipas tij portugezi mund të kthehet te Mbretërit nga presidenti Perez.

“Mendoj se [Mourinho] ka qenë problemi kryesor kur ai ka qenë në klubet e tjera”, ka thënë fillimisht Calderon për Love Sport Radio.

“Kur ai ishte këtu [Real Madrid], ai po fajësonte të gjithë për humbjet. Mendoj se është një gabim i rëndë. Është gjithmonë një problem”.

“Gjithashtu ai bën një konfrontim me lojtarët dhe ndodhi edhe te Man Unitedi me [Paul] Pogba dhe [Eric] Baillyn”.

“Ishte e njëjta edhe këtu, me Cristiano [Ronaldo], me Iker Casillas, me Sergio Ramos dhe mendoj se ky është një problem, ai gjithmonë i fryn borisë dhe kjo për një trajner, është një gabim i madh”.

“Kur [Julen] Lopetegui u largua, thashë se jam i sigurt se Mourinho do të jetë këtu dhe unë nuk e përjashtoj që ai të jetë me Realin në të ardhmen e afërt”, përfundoi spanjolli.

​Karikatura e ditës: Mourinho e imiton Tyson Furyn

Këtë javë për Karikaturën e Ditës të Goal.com për ditën e enjte është trajneri i Manchester Unitedit, Jose Mourinho, i cili arriti ta sigurojë një barazim në ndeshjen kundër Arsenalit, ngjashëm me boksierin Tyson Fury, i cili është tifoz i “Djajve të kuq”.

Deontay Wilder e mbrojti titullin kampion bote në kategorinë e rëndë divizioni WBC pas meçit ndaj Tyson Fury, i cili mbaroi me barazim në Staples Centre të Los Angeles të dielën në mëngjes.

Një nokaut në rundin e fundit, 12, doli të jetë vendimtar që lufta të shpallej e barabartë, me britanikun Fury që po udhëhiqte me pikë deri në atë moment. Tani është bërë e ditur se do të zhvillohet një rimeç në maj apo qershor të vitit të ardhshëm.

Edhe skuadra e preferuar e Furyt, Manchester United, e arriti një rezultat të ngjashëm me të, pasi që barazoi 2-2 në ndeshjen e mbrëmshme kundër Arsenalit në Old Trafford, ku ishte i pranishëm edhe vetë boksieri me prejardhje nga Mançesteri.

Një gabim i David de Geas bëri që Shkodran Mustafi ta kalojë në epërsi Arsenalin në minutën e 26-të, megjithatë rezultati u barazua përmes golit të shënuar nga Anthony Martial.

Pastaj, në minutën e 68-të, Alexandre Lacazette arriti ta shfrytëzojë një gabim të Marcos Rojo për të kaluar përsëri në epërsi. Rezultati u barazua vetëm një minutë më vonë, kur për Unitedit shënoi Jesse Lingard.

“Derisa boksieri Tyson Fury shikonte, Jose Mourinho arriti ta përmbysë rezultati edhe në një ndeshje tjetër dhe Manchester Unitedi luftoi për një barazim me Arsenalin të mërkurën!”, shkruhet në mbishkrimin e Goal.com./Teleshkronja Post/

Plani i Mourinho, nuk i bëhet vonë për Man Utd

Jose Mourinho me shumë gjasë do të shkarkohet nga Manchester United në fund të sezonit.

Manchester United është duke kaluar nëpër një krizë të rezultateve, ndërsa Jose Mourinho e ka punën e rrezikuar.

Trajneri portugez do të shkarkohet nga ‘Djajtë e Kuq’, nëse nuk arrin ta kualifikoj skuadrën për Ligën e Kampionëve.

Por, Mourinho nuk është i brengosur, pasi mendon se Real Madrid është duke e pritur atë.

Skuadra spanjolle nuk ka edhe aq besim në Santiago Solarin, që mund ta lë në krye të detyrës derisa të përfundojë ky sezon.

Kështu, Real Madrid do ta rikthej Mourinhon në ‘Santiago Bernabeu’ edhe pse nuk kishte suksese të mëdha në periudhën e tij të parë atje.

A e patë reagimin euforik të Mourinhos pas goli të Fellainit ?

Jose Mourinho përsëri është kujdesur për pak spektakël nga banka.

Manchester United ishte një skuadër më e mirë se Young Boys por ata nuk dinin që të gjenin rrugën e golit në këtë ndeshje, raporton Teleshkronja Post.

U deshtë minuta e dytë shtesë e takimit që të shënohet gol nga Fellaini, goli i të cilit kualifikoi Unitedin në fazën tjetër të Ligës së Kampionëve.

Mirpo si zakonisht ashtu siq di vetëm Mourinho të bëje gjeste të papritura ashtu ndodhi edhe sonte, për më shumë shikoni videon.

VIDEO :