Fjalim emocionues i vajzës së policit Izet Demaj

Vajza e policit Izet Demaj ka mbajtur një fjalim në ceremoninë e varrimit në varrezat e dëshmorëve në Koshare.

Ajo i ka falenderuar të gjithë ata që kanë marrë rrugë deri në Koshare për t’i dhënë lamtumirë babait të saj.

“Ju që sot keni ardhur ta nderoni babin tim dhe veprën e tij për mbrojtjen dhe sigurinë e atdheut, ju falemnderoj përzemersisht në emër të familjës Demaj, dhe ju lus të më lejoni t’i drejtohem babait tim nga Kosharja e tij që e donte aq shumë”, tha në mes tjerash e bija e Policit Demaj.

Ajo gjatë fjalimit të saj, kujtoi momentet kur babai i saj i kishte folur disa herë për dëshmorët e Kosharës, Agim Ramadanin, Salih Cekun, me të cilët u bashkua sot edhe vet Izet Demaj.

“I dashur baba shpesh më fole për Agimin, Salihun, Abazin e Aliun, pjesë e të cilëve u bëre edhe ti sot. Ishe krenar që luftove pranë tyre e ne jemi krenar që të patem, edhe pxe shkurt e jetuam jetën me ty. Pusho i qetë babi im pranë shokëve që i deshe shumë. Ne do të rritemi me dashurinë për ty dhe me shpresën që Kosova do të bëhet ashtu siç e dëshiroje ti”, ka thënë në mes tjerash vajza e policit të ndjerë.

Nis ceremonia e varrimit të policit, pas fjalimeve

Ka nisur ceremonia e varrimit të policit Izet Demaj, i cili u vra pak ditë më parë në Istog.

Lamtumira e fundit do t’i jepet në varrezat e dëshmorëve në Koshare, me një ceremoni shtetërore.

Demaj u vra nga grabitësi Kamer Metaj i cili më pas u vra nga policia e Kosovës.

Familjarët qëndrojnë para trupit të Izetit për herën e fundit / FOTO

Para pak minutash ka arritur në Koshare trupi i policit të ndjerë Izet Demaj.

Familja e policit të ndjerë, Izet Demaj, tani më po bëhen gati për tu nisur në varrimin e familjarit të tyre për në Koshare.

Portali Indeksonline ua sjell pamje nga vendi:

Kjo është vepra penale që grabitësi metaj kishte kryer në Gjermani

Kamer Metaj kishte pak vite që ishte kthyer në Kosovë nga Gjermania. Nga aty, tashmë i ndjeri do të dëbohej pasi që paraprakisht kishte kryer 18 vite e gjysmë burg.

Sipas informacioneve që ka siguruar Gazeta Express, i ndjeri, vite më parë në shtetin Gjerman kishte kryer një vrasje, bëhet fjalë për vrasjen e gruas të tij, e për të njëjtën vepër kishte vuajtur gati dy dekada burg.

Me ty kthyer në Kosovë i njëjti vazhdoi të merrej me biznes familjar, kishte hapur një dyqan e merrej me bujqësi.

Express gjatë ditës ka qëndruar në fshatin ku jetonte Kameri me familje në Shushicë të Istogut. Familjarët kanë pak fjalë për të ndjerin e u distancuan nga vepra e një dite më parë. Ata patën një mesazh për familjen e policit, Izet Demaj.

Kërkim falje kërkuan nga ta në ditën kur po pritnin të pame për personin që i mori Izetit jetën.

“I kërkojmë falje familjes së policit të vrarë, nuk kemi pas përshtypje asnjëherë që mundet me u marrë Kameri me këto gjana”, thanë ata.

Dëshmitarët thanë për Express se i dyshuari e njihte mirë policin Demaj, ashtu siç e njihnin edhe i gjithë Istogu sepse nga ta konsiderohej si makth që nuk i linte të kryenin punë të jashtëligjshme.

Sipas informacioneve nga ata që panë rastin i ndjeri ishte futur i armatosur në bankë e nga aty do të merrte edhe dy pengje duke tentuar që të largohej. Aty u zë në pritë nga polici i ndjerë Izet Demaj me të cilin do të shkëmbenin zjarr. Të dy këta nuk arritën të ju mbijetonin plagëve të marra.

Flasin familjarët e vrasësit të policit

Dje ndodhi një ngjarje shumë e rëndë në Istog, ku humbën jetën dy persona, njëri plaҫkitësi e tjetri anëtarë i Policisë së Kosovës.

Pak njerëz janë mbledhur në familjen Metaj në fshatin Shushicë të Istogut.

Aty po mbahet e pame për Kamer Metajn që u vra një ditë më parë, pas përleshjes që pati me Policinë e Kosovës, ku dhe qëlloi njërin prej tyre.

Familja e të ndjerit janë distancuar nga veprimet e djalit, ndërkaq, kanë thënë për Express se i kërkojnë falje familjes së policit të ndjerë, duke shtuar se kushtet e Kamerit nuk ishin të këqija që ta çonin drejt vjedhjes.

Kamer Metaj kishte pak vite që ishte kthyer në Kosovë nga Gjermania. Nga aty, tashmë i ndjeri do të dëbohej pasi që paraprakisht kishte kryer 18 vite e gjysmë burg.

Express gjatë ditës ka qëndruar në fshatin ku jetonte Kameri me familje në Shushicë të Istogut. Familjarët kanë pak fjalë për të ndjerin e u distancuan nga vepra e një dite më parë. Ata patën një mesazh për familjen e policit, Izet Demaj.

Kërkim falje kërkuan nga ta në ditën kur po pritnin të pame për personin që i mori Izetit jetën.

“I kërkojmë falje familjes së policit të ndjerë, nuk kemi pas përshtypje asnjëherë që mundet me u marrë Kameri me këto gjana”, thanë ata.

Sipas tyre, i ndjeri gëzonte pasuri familjare e nuk po e bënte atë vepër si pasojë e kushteve të këqija ekonomike.

“Ka pas pasuri boll ska pas nevojë me ba këtë gjë se ka pas gjendje të mirë ekonomike 30 krerë lopë ka pas shtallë nuk ka pas përshtypje që mundet me bo ksi gjanash”, po përfundojnë ata.

Për familjen Metaj ngjarja rëndohej edhe më shumë, sepse edhe një djalë tjetër i familjes, vëllau i të ndjerit që siç mëson Express quhet Ylber Metaj është prapa grilave.

Së bashku me të është edhe kushëriri i tyre, Ujkan Metaj. Të dy këta, po dyshohet se pasditen e së enjtës ishin nisur drejt bankës NLB në Istog, së bashku me Kamerin, me qëllim për të kryer vjedhje.

Për këtë, prokuroria Themelore e Pejës ka kërkuar nga Gjykata Themelore në këtë komunë caktim të masës së ndalimit për veprën penale “Ndihmë në kryerjen e veprës penale Vjedhje Grabitqare”.

Dëshmitarët thanë për Express se i dyshuari e njihte mirë policin Demaj, ashtu sic e njihnin edhe i gjithë Istogu sepse nga ta konsiderohej si makth që nuk i linte të kryenin punë të jashtëligjshme.

Sipas informacioneve nga ata që panë rastin i ndjeri ishte futur në bankë e nga aty do të merrte edhe dy pengje duke tentuar që të largohej. Aty u zë në pritë nga polici i ndjerë Izet Demaj me të cilin do të shkëmbenin zjarr. Të dy këta nuk arritën të ju mbijetonin plagëve të marra.

Qeveria me gjest human për familjen e Izet Demaj

Mbledhja e sotme e Qeverisë nisi me një minutë heshtje në nderim të policit, Izet Demaj që u vra gjatë ditës së djeshme në qytetin e Istogut.

Ndërsa në nderim të veprës së tij për mbrojtjen e qytetarëve, qeveria ka ndarë një shumë të hollash për familjen, raporton Teleshkronja Post.

Qeveria e Kosovës sot në mbledhjen e saj të rregullt ka marrë vendim të ndajë 15 mijë euro për familjen e policit Izet Demaj i cili u vra dje në krye të detyrës.

Kujtojmë se nesër me vendim të presidentit të Kosovës Hashim Thaçit, e shtuna do të jetë ditë zie në nderim të rënies në detyrë të policit që vdiq si pasojë e plagëve të marra nga shkëmbimi i zjarrit me një plaçkitës banke në Istog. Polici Izet Demaj, ka qenë edhe ushtar i UÇK-së në betejën e Koshare.

Caktohet data e varrimit të policit Demaj

Izet Demaj, pjesëtari i Policisë së Kosovës që vdiq dje derisa po kryente detyrën e tij, do të varroset me ceremoni shtetërore, të shtunën në orën 14:00.

Demaj ka ndërruar jetë dje në Spitalin Rajonal të Pejës, pas plagëve të marra nga një shkëmbim zjarri që kishte ndodhur ndërmjet tij dhe një personi i cili kishte marrë pengje dhe po tentonte të grabiste i armatosur një bankë në qytetin e Istogut.

I vdekur ka mbetur edhe hajni, Kamer Metaj, ndërsa Policia e Kosovës, mbrëmë ka arrestuar edhe dy persona të tjerë të cilët dyshohen se janë të lidhur me rastin.

Një nga të arrestuarit është vëllai i Kamer Metajt.

E gjithë kjo ngjarje ka ngjallur reagime të shumta. Krerët e shtetit në reagimet e tyre kanë shprehur ngushëllime, ndërkohë reagime të shumta ka pasur edhe nga qytetarët të cilët janë shokuar me ngjarjen.

Kujtojmë se tashmë i ndjeri Izet Demaj kishte luftuar edhe nën emblemën e Ushtrisë Çlirimtare të Kosovës.

Zyrtare: Qeveria vendos për ditë zie në Kosovë për policin Izet Demaj

Kryeministri i Kosovës, Ramush Haradinaj ka vizituar Drejtorinë e Përgjithshme të Policisë, pas vrasjes së policit Izet Demaj.

Haradinaj ka thënë se është shumë i prekur për atë çka ka ndodhur dje, derisa njoftoi se nesër do të shpallet ditë zie për Demajn.

Haradinaj ka thënë se se rasti rënies së policit Izet Demaj gjatë detyrës, do të jetë një pikë kthese për policët.

I pari i ekzekutivit njoftoi se nesër do të shpallet ditë zie për vdekjen e Demajt, derisa tha se do t’i qëndrojnë afër familjes së tij dhe do të iu ofrojnë përkrahje.

“Nesër pra është varrimi i tij, dhe Presidenti do të shpallë ditë zie”, tha Haradinaj.

Ndryshe, në nderim të tij, sot kabineti i kryeministrit të Kosovës, ka nisur takimin e mëngjesit me një minutë heshtje në nderim të policit, Izet Demaj.

Demaj u vra dje pasdite nga një person i armatosur derisa po tentonte të kryente një grabitje të armatosur në bankë në Istog. Lidhur me këtë rast, mbrëmë janë arrestuar dy persona.