Djelmoshat e Kosovës nuk ndalen, shënon edhe Herolind Shala / Video

Mesfushori i përfaqësues së Kosovës, Herolind Shala ka gjetur rrugën drejt golit me Vaalerenga.

Vaalerenga ka marrë fitore të pastër në miqësore ndaj Tromsoe, duke triumfuar 2-0 në fund.

Në këtë ndeshje, golin e gjeti edhe mesfushori i Kosovës, Herolind Shala. Ai shënoi për të zhbllokuar rezultatin në minutën e 28’.

Ky është një lajm i mirë për trajnerin e “Dardanëve”, Bernard Challandes, i cili duket se do t’i ketë në super formë lojtarët kryesor për dy ndeshjet e marsit, me Danimarkën dhe Bullgarinë.

Zyrtare: Mesfushori i Kosovës zyrtarizon klubin e ri

Herolid Shala është transferuar në klubin norvegjez Valerenga, si lojtar i lirë nga Start të hënën.

Mesfushori i ekipit kombëtar të Kosovës, Herolind Shala ishte lojtar i lirë pasi refuzoi ta vazhdonte kontratën me klubin nga niveli i dytë i futbollit norvegjez, Start dhe tani ka vendosur ta vazhdojë karrierën në Valerenga, nivelin e parë të futbollit norvegjez, raporton Gazeta Express.

Ai ka nënshkruar kontratë dyvjeçare me Valerengan të hënën.

Shala ka thënë se është pritur shumë mirë nga bashkëlojtarët në seancën e parë stërvitore të hënën. Ish-përfaqësuesi i Kombëtares së Norvegjisë për të rinj, tani përfaqësues i Kosovës, është optimist dhe ka ambicie për të fituar tituj me Valerengan.

“Valerenga është klub i madh dhe ka ambicie, siç kam edhe unë. Dua t’i ndihmoj klubit të fitojë diçka, dhe besoj se mund t’ia dalim”, ka thënë Shala.