A udhëtoj Kadri Veseli për në Hagë ? Sqarohet

Universiteti i Lubjanës është sot në pushim, ndërsa kryeparlamentari Kadri Veseli, kur mohoi se do të shkojë në Hagë për t’u intervistuar nga Zyra e Prokurorit të Specializuar, tha se ka shkruar në kryeqytetin slloven për punë të doktoratës.

Prej vitesh, kryeparlamentari Kadri Veseli është kandidat për doktoratë në Universitetin e Lubjanës.

Ai këtë e ka përdorur edhe sot kur GE raportoi se Veseli, përmes Lubjanës, do të udhëtojë në Hagë, ku do të intervistohet nga Tribuinali Special.

Veseli ka thënë se është në kryeqytetin slloven, dhe atje ka shkruar për punën e studimëve të tij në universitet.

Mirëpo, del që universiteti ku Veseli vijon studimet e doktoratës është sot në pushim.

Në faqen zyrtare të Universitetit të Lubjanës del që ky institucion është në pushim nga 1 deri më 3 maj. Nesër e pasnesër është fundjavë.

Ndërkaq lidhur me udhëtimin misterioz të Veselit ka pasur edhe një prononcim kontradiktor.

Nënkryetari i Kuvendit, Xhavit Haliti kur është pyetur se ku ka shkruar Veseli, ai ka treguar se kryetari i ka thënë se po shkon jashtë vendit për një konferencë.

“Mua më ka thënë që do të shkojë në një konferencë e jo për t’u intervistuar”, tha Haliti për KosovaPress.

Haliti nuk e dinte se për çfarë konference po bëhej fjalë, e as në cilin shtet.

Antari i LDK-së ftohet nga Gjykata Speciale

Pas Blerim Kuçit dhe Agim Kuçit, Gjykata Speciale me seli në Hagë ka ftuar edhe asamblistin e Lidhjes Demokratike të Kosovës në Komunën e Suharekës, Bashkim Ndrecajn.

Ftesën nga Specialja e ka bërë publike vetë Ndrecaj, duke thënë se do t’i përgjigjet asaj, pasi ai thotë se është ‘obligim qytetar”.

“Sot nga Prokuroria Speciale në Hagë më erdhi një fletëthirrje për t’u paraqitur me datë 21 maj 2019 në dhomat e Specializuara në Hagë. Unë do t’i përgjigjem kësaj ftese sepse e kemi obligim qytetar”, ka shkruar Ndrecaj në një postim në Facebook.

Ai tha se beson në luftën e UÇK-së, më shumë sesa në drejtësi.

“Unë besoj në drejtësi por më shumë besoj në Luftën e drejtë të UÇK-së”, shkroi Ndrecaj, që njëherësh është edhe kryetar i Nëndegës së LDK-së në Shirokë.

Zyrtarisht edhe një komandant i ftuar nga Gjykata Speciale

Ish-gjenerali i UÇK’së, Lahi Brahimaj është ftuar për intervistim nga Gjykata Speciale.

Listës së eprorëve të Ushtrisë Çlirimtare të Kosovës, që kanë marrë ftesë për t’u intervistuar nga Zyra e Prokurorit të Specializuar i shtohet edhe Lahi Brahimaj.

Vetë Brahimaj e ka konfirmuar për Gazetën Express se ka marrë ftesën nga Gjykata Speciale dhe do t’i përgjigjet asaj.

“Jam i gatshëm të bashkëpunoj dhe t’i përgjigjem ftesës sic kam bërë edhe më herët”, ka thënë Brahimaj.

Brahimaj ka qenë zëvendëskomandant i zonës operative të Dukagjinit, ndërsa më parë ishte akuzuar nga Tribunali i Hagës për krime të luftës, por ishte shpallur i pafajshëm.

Ai thotë se është i gatshëm që edhe njëherë t’i përgjigjet një Tribunali, i cili u formua nga Kuvendi i Kosovës në gusht të 2015’ës.

“Vota ime ka qenë kundër si deputet për këtë gjykatë, por unë e respektoj si kanë votuar shumica e deputetëve”, është shprehur ish-deputeti i AAK’së.

Gjatë muajit dhjetor Gazeta Express ka raportuar për disa eprorë të Ushtrisë Çlirimtare të Kosovës që kanë marrë ftesë për intervistim nga Gjykata Speciale.

I pari që u intervistua ka qenë ish-drejtuesi i Gjykatës së UCK’së, Sokol Dobruna, në zyrat e Prokurorit të Specializuar me seli në Prishtinë.

Ndërsa, në janar u intervistuar edhe ish-komandanti i Zonës së Operative të Llapit, Rrustem Mustafa – Remi, dhe ish-komandanti i ZO të Drenicës, Sami Lushtaku. Të dy u intervistuan nga prokurorët e Zyrës së Prokurorit të Specializuar në Hagë.

Reagon Thaçi pas raportimeve nga ‘Novosti’ se është intervistuar nga Specialja

Sot një nga medium serb u tha se presidenti i Kosovës Hashim Thaçi është intervistuar nga Gjykata Speciale.

Por disa orë pas këtyre raportimeve nga ‘Novosti’ vet presidenti Thaçi ka demantuar këtë lajm, transmeton Teleshkronja Post.

Ai e cilësoi si shpifje dhe qëllimkeqe, dhe se do t’i përgjigjej edhe nëse vjen ftesa nga kjo gjykatë.

Postimi i plotë i Thaçit :

Remi shpjegon thirrjen si “dëshmitarë i dyshuar” nga Specialja

Rrustem Mustafa, i njohur si Remi, ka folur për paraqitjen e tij tek Zyra e Prokurorit tё Specializuar tё Kosovёs, në Hagë.

Komandant Remi ka treguar në emisionin “Pressing”, në televizionin T7, se pse ka zgjatur shumë marrja e tij në pyetje në Holandë.

“Interesimi i tyre, për mua është serioz. Nuk kam si t’i përgjigjem ndryshe, veçse seriozisht”, është shprehur ai.

“Jam përgjigjur me mundësitë e mia, sa kam kapacitete serioze, siç e kërkon rendi”, ka thënë Remi.

Ai ka treguar edhe si e ka marrë ftesën për paraqitje në Hagë.

“Ftesa më ka ardhur, mua personalisht, me telefon”, ka thënë Remi, duke treguar se ka komunikuar me dikë në anglisht.

“Jemi kuptuar mirë me atë zotërinë…”, ka shtuar Remi, duke theksuar se nuk ka negociuar për datën e marrjes së tij në pyetje atje.

I pyetur se në çfarë cilësie është marrë në pyetje, ai ka ripërsëritur deklaratën e tij se është “dëshmitar i dyshuar”.

“Gjykata Speciale është speciale, edhe termet janë speciale”, ka theksuar ai.

“Unë jam dëshmitar, për të dëshmuar mbi strukturimin dhe të bëmat e luftës aty ku kam qenë”, ka treguar Remi.

Ai ka shtuar se mund të jetë edhe i dyshuar për ndonjë rast.

Remi ka treguar se Specialja interesohet sidomos për qendrat ndaluese të UÇK’së.

Ish-komandanti i UÇK’së ka thënë se nuk do të marrë avokat ndërkombëtar.

Festa në odën e Jetullah Gecit pas kthimit të Lushtakut nga Gjykata Speciale

Ish-kryetari i Skenderajit dhe ish-komandanti i UÇK-së, për Zonën Operative të Drenicës, Sami Lushtaku, mbrëmë bashkë me Rifat Jasharin, kanë qëndruar në odën e Jetullah Gecit.

Sami Lushtaku i cili ishte ditë më parë në Hagë si i ftuar nga Gjykata Speciale, shihet në odën e Jetullah Gecit i ulur pranë Rifat Jasharit.

Pritësi duket se i ka bërë muhabet të madh të ftuarve, ndërsa nuk ka munguar as kënga dhe çiftelia, e ku ka kënduar edhe Rifat Jashari me çifteli.

Pamjet e publikuara nga festa e mbrëmshme në Skenderaj :

Festa në odën e Jetullah Gecit pas kthimit të Lushtakut nga Gjykata Speciale 1 Festa në odën e Jetullah Gecit pas kthimit të Lushtakut nga Gjykata Speciale 1

​A është ftuar Kadri Veseli nga Gjykata Speciale? Flet Kadri Veseli

Kryetari i PDK-së Kadri Veseli ka thënë që është i gatshëm të përgjigjet nëse merr ftesë për intervistim nga Zyra e Prokurorit të Specializuar.

Ai në intervistën për Televizion 7 tha se e ashtuquajtura Gjykata Speciale ende nuk i ka dorëzuar ftesë.

Kryeparlamentari tha se që sot është i gatshëm të shkoi në Speciale, nëse merr ftesën.

“Unë nuk besoj që luftëtarët e UCK-së kanë gabuar me vetëdije”, tha Veseli për emision “Frontal” në T7.

Kadri Veseli, tutje, shtoi se ish-komandantët që u intervistuan nga Haga kanë mbrojtur dinjitetshëm fytyrën e tyre dhe të luftës çlirimtare të Kosovës. /GazetaExpress/TeleshkronjaPost/

Sami Lushtaku merrë një lajm të mirë

Deputeti i Kuvendit të Kosovës, nga radhët e Nismas Socialdemokrate, Milaim Zeka, ka thënë se Prokuroria Speciale deri tani nuk posedon ndonjë dëshmi që do ta rëndonte për krime, Sami Lushtakun, ish-Komandant i Zonës operative të Drenicës në luftën e fundit në Kosovë.

Zeka duke qenë shoqërues i Lushtakut për në rrugëtimin e tij për në Hagë, në Info Magazine ka thënë se ky i fundit nuk ka pasur ndonjë shqetësim dsa i përket akuzave për të cilat pretendohej, por ka thënë se të vetmin shqetësim e pati për padrejtësinë që po iu bëhet eprorëve të UÇK-së qysh nga procesi në EULEX.

”Ai iu është përgjigjur pyetjeve të prokurorit. Tani në rrugë e sipër është qëndrimi i prokurorëve se çfarë vendimi mund të marrin në të ardhmen. Prokuroria Speciale deri në këtë moment që po flasim nuk ka asnjë dëshmi, apo rrethanë rënduese që do ta rëndonte Sami Lushtakun për krimet e luftës apo të pasluftës”.

Duke folur për pyetjet e prokurorit, deputeti i Nismës ka thënë se Lushtaku është përgjigjur në të gjitha pyetjet. Sipas tij, Lushtaku nuk ka ndonjë shqetësim në lidhje me intervistimin e tij nga Specialja.

”As në Kosovë nuk është vërejtur ndonjë shqetësim i Sami Lushtakut, e as gjatë qëndrimit në Stuttgart e as në Holandë. Nuk është që ka qëndruar veçmas, e gjithë ekipa që kemi qenë me të e ka shoqëruar por ai s’ka pasur ndonjë hall të tillë.I vetmi shqetësim që e ka munduar është padrejtësia që i ka shkaktuar EULEX-i e deri tani kjo Specialja”.

”Sonte do të jemi në Gjermani ku gjenerali do të takojë bashkëatdhetarë dhe familjarë të tij. Neve pak na ka zhgënjyer si deputet të Parlamentit të Kosovës, interesimi i pakët i mediave specifikisht i Radio Televizionit të Kosovës, pasi pati media nga Serbia”, ka treguar Zeka.

Ndryshe veç Lushtakut, intervistimin nga Specialja e ka përfunduar edhe Rrustem Mustafa