Shuma e pagave të mjekëve dhe infermierëve që po shkojnë nga Kosova në Gjermani

Menaxheri i kompanisë ‘Interpersonnel Kosova’, Musa Ahmeti, që është partner i kompanisë gjermane ‘DEKRA’ ka thënë se kontratat që bën kompania që ai drejton janë të ligjshme dhe të përhershme me shtetin gjerman.

Ahmeti ka thënë se Gjermania kërkon nga vendet ballkanike rreth 70 mijë infermierë, në ndërtimtari rreth 40 mijë, agronomi dhe bujqësi rreth 50 mijë, industri rreth 35 mijë, industrinë e makinave rreth 20 mijë, informatikë dhe teknologji rreth 15 mijë punëtorë.

“Këta punëtorë kanë rroga dhe kushte jashtëzakonisht të favorshme. Ne kemi argumente se një pjesë e mirë e atyre që shkojnë në Gjermani, punojnë dhe nuk shkëputen nga familja. Ata investojnë në Kosovë dhe një pjesë edhe kthehen dhe krijojnë ndërmarrje të vogla dhe të mëdha”, tha ai në RTV Dukagjini.

Ahmeti thotë se qëllimi nuk është të largohet stafi mjekësor nga Kosova, por të trajnohen të papunët që dëshirojnë të punojnë në Gjermani.

“Atyre personave dëshirojmë t’u mësojmë gjuhen gjermane në nivelin përkatës ku ata dëshirojnë të punojnë dhe të certifikohen e të përgatiten profesionalisht në mënyrë që kur të shkojnë në Gjermani të kenë një vend pune të garantuar dhe të kenë një apartament ku do të qëndrojnë, të kenë kushtet e punës dhe kontratë pune”, tha ai.

Drejtori i kompanisë Interpersonnel Kosova thotë se të gjithë ata që përgatiten nga kjo kompani, u garantohet viza dhe vendi i punës deri në pension.

male doctor smiling standing with his team behind him – isolated

“Kjo kontratë ju garanton rrogë gjermane minimale 1,500 euro neto dhe të gjitha kontributet dhe siguracionet që i kërkon legjislacioni gjerman. Unë them zyrtarisht se në ‘Interpersonnel’ askush nuk ka nënshkruar kontratë me 1,500 euro rrogë. Rroga më e vogël që është nënshkruar për infermierë ka qenë 1,900 euro neto deri në 7,950 euro”.

Ahmeti thotë se rroga e madhe vjen për ata profesionistë që kanë tituj shkencorë, patent shofer, eksperiencë në punë të ndryshme.

Objektivi i Realit, Fabian Ruiz shënon gol të mrekullueshëm në finale kundër Gjermanisë U21

Nga ora 20:45 po zhvillohet finalja e Euro U21, ku Spanja ka kaluar në epërsi në finalen e Evropianit të 21-vjeçarëve kundër Gjermanisë U21.

Ishte mesfushori i talentuar i Napolit, Fabian Ruiz, ai që zhbllokoi sfidën në minutën e 7’, i cili po kërkohet edhe nga Real Madridi.

Lojtari aktual i Napolit, 23-vjeçari shënoi një gol të bukur nga distanca për rezultatin 1-0, i dyti personal në Euro U-21 në katër ndeshje.

Rezultati momental në ndeshjen finale Spanjë – Gjermani është 1-0 për La Rojan, raporton Teleshkronja Post.

Shikoni golin fantastik nga lojtari spanjoll, Fabian Ruiz :

Manuel Neuer me super driblim ndaj lojtarit bjellorus afër këndores

Manuel Neuer ka pësuar disa lëndime këtë sezon, pavarësisht kësaj ai ka luajtur 38 ndeshje, pasi Bayern Munchen e ka mbrojtur titullin e Bundesligës dhe gjithashtu fitoi Kupën e Gjermanisë (DfB-Pokal).

Për vite të tëra, gjermani ishte portieri më i mirë në futbollin botëror, por shumë njerëz e kanë dyshuar atë pas lendimeve te shumta të këmbëve e kufizuan atë në vetëm katër ndeshje në 2017-18.

Ai u kthye nga ai vit në Kupën e Botës së vitit të kaluar dhe kur u lendua prap, portieriet si David de Gea, Jan Oblak dhe Marc-Andre ter Stegen u shfaqën si yje të klasit botëror.

Ai tha se Neuer bëri dy ndeshje të jashtëzakonshme për Bayernin në fitoren 3-0 ndaj RB Leipzig dhe ai vazhdimisht ka treguar se aftësitë e tij të topit janë tek ai, transmeton Teleshkronja Post.

Neuer e udhëhoqi vendin e tij në një fitore 2-0 ndaj Bjellorusisë të shtunën në mbrëmje dhe ripërcaktoi trimërinë e tij me një moment qesharak që përfundoi me të duke lënë një lojtar opozitar të turpëruar.

Një kalim i pashmangshëm çoi në një ndjekje për topin mes Neuer dhe Yuri Kovalev, dhe megjithëse portieri nuk arriti të barazohet me të, ai e riktheu balancin dhe e shtyri atë.

Në vend që të kthehej në porten e tij, 33-vjeçari vazhdoi kërkimin e tij për posedim dhe ndoqi Kovalevin në flamurin e këndores.

Dhe pikërisht aty e turpëroj me disa lëvizje dribluese të shkëlqyera :

Pse Sekretari Amerikan e anuloi dje urgjentisht vizitën në Berlin?

Sekretari i shtetit amerikan, Mike Pompeo ka realizuar ka realizuar një vizitë të papritur në Bagdad, ku është takuar me zyrtarët irakianë dhe ka diskutuar shqetësimet e Shteteve të Bashkuara për sigurinë, duke përmendur ato që i ka cilësuar si aktivitete “përshkallëzuese” të Iranit.

Vizita e Pompeos në kryeqytetin e Irakut ka ardhur një javë pasi Shtetet e Bashkuara kanë njoftuar për pozicionimin e pajisjeve ushtrake në Lindje të Mesme, hap që është konsideruar si përgjigje ndaj kërcënimit me të cilin përballen forcat amerikane dhe aleatët e tyre në rajon.

Pompeo ka thënë në Bagdad se inteligjenca amerikane ka qenë “shumë specifike” rreth “sulmeve që janë të pashmangshme”.

Teherani në anën tjetër ka hedhur poshtë raportimet për kërcënime duke i cilësuar ato si “luftë psikologjike”.

Tensionet në mes të Teheranit dhe Washingtonit janë përshkallëzuar prej kur presidenti amerikan, Donald Trump është tërhequr një vit më parë nga marrëveshja bërthamore që Irani ka nënshkruar me fuqitë botërore më 2015.

Liderja gjermane, Angela Merkel.

Përveç kësaj Trump ka rikthyer të gjitha sanksionet ndaj këtij shteti duke i prekur sektorin e naftës dhe atë bankar.

“Ne kemi biseduar për rëndësinë që ka Iraku në të garantuarit e sigurisë dhe për mbrojtje të amerikanëve në shtetin e tyre”. Pompeo ka thënë pas takimit me presidentin irakian, Barham Salih dhe kryeministrin, Adil Abdul-Mahdi.

Ai ka thënë se qëllimi i takimit ka qenë për të informuar liderët irakianë për “kërcënimin në rritje që SHBA-ja ka vërejtur në rajon”.

Sa i përket vendimit për të angazhuar forca shtesë në Lindje të Mesme, Pompeo ka thënë se “mesazhi që u kemi dërguar iranianëve ka qenë i qartë” se dhe shpreson që Irani të mendojë dy herë, para se të sulmojë interesat amerikane.

Përcjellet për amshim i riu i cili ndërroj jetë në Gjermani / Foto

Në fshatin Llapushnik të Drenasit, është varrosur Hajdin Thaçi, i cili ndërroj jetë papritmas në Gjermani në ditën e dytë të punës së tij.

Qindra qytetarë të komunës së Drenasit kanë marrë pjesë në varrimin e të ndjerit Hajdin Thaçi, i cili kishte shkuar në Gjermani për një jetë me të mirë.

I riu nga Llapushniku në ditën e dytë të punës pasi kishte shkuar në Gjermani kishte rënë nga skelet në katin e katërt të një ndërtese në të cilën po punonte.

Ai sot u përcjellë në banesën e fundit nga miq e familjarë:

Varrimi i të ndjerit Hajdin Thaçi nga Llapushniku.
Varrimi i të ndjerit Hajdin Thaçi nga Llapushniku.
Varrimi i të ndjerit Hajdin Thaçi nga Llapushniku.

Lajm fantastik për vizat, Gjermania i thotë “PO” Kosovës

Kosova ka marrë një lajm fantastik sot nga shteti gjerman për liberalizimin e vizave.

Dje pas përfundimit të Samitit të Berlinit, presidenti Hashim Thaçi para gazetarëve tha se nuk ka lajme të mira për vizat, por sot pasdite kryeministri Ramush Haradinaj ka kumtuar lajmit e shumëpritur.

Ai pas takimit me Ministrin e Punëve të Brendshme të Gjermanisë ka konfirmuar mbështetjen e Gjermanisë dhe Kosova ka marrë “PO”-në e shtetit gjerman sa i përket vizave, shkruan Teleshkronja Post.

Postimi i plotë i Ramush Haradinajt në rrjetin social Facebook:

Danke Deutschland! 🇩🇪

Pas takimit me Ministrin e Punëve të Brendshme të Gjermanisë, Horst Seehofer, morëm “Po”-në e Gjermanisë për liberalizimin e vizave.Faleminderit Kancelares Merkel dhe shtetit Gjerman për besimin dhe përkrahjen e vazhdueshme për popullin e Kosovës.

Analizë për Samitin e Berlinit nga ekspertët ndërkombëtarë

Samiti i Berlinit është tema kryesore e diskutimit që nga fillimi i muajit prill, kur u bë e ditur se kancelarja gjermane, Angela Merkel dhe presidenti francez, Emanuel Macron, do t’i presin në takim liderët e vendeve të Ballkanit Perëndimorë.

E kjo nuk ka si të kalojë pa komente e analiza, sidomos nga ekspertët ndërkombëtarë, të cilët po e shohin Samitin e 29 prillit në kryeqytetitn gjerman, n Berlin, si një moment të zhbllokimit të dialogut ndërmjet Kosovës dhe Serbisë.

Sipas profesorit të Shkollës Ekonomike dhe Shkencave Politike në Londër (LSE), James Ker-Lindsary, ende është e pa qartë rëndësia e këtij takimi, pasi që dikush po e konsideron si një iniciativë të madhe, ndërsa dikush tjetër po e sheh si diçka jo shumë të rëndësishme.

“Duket qartë që ende nuk dihet se çfarë po planifikohet”, ka theksuar Lindsay.

Ai thotë se megjithatë ky takim në kryeqytetin gjerman me ftesë të kancelares Angela Merkel e presidentit francez, Emanuel Makron, do të shërbejë për të ndihmuar rifillimin e dialogut Prishtinë-Beograd.

“Duket që përpjekjet do të fokusohen për të bashkuar palët relevante, dhe krijimin e kushteve për të rifilluar bisedimet, duke kërkuar kompromise për problemet të cilat po e vështirësojnë atë, siç është vendosja e taksës”, ka thënë ai për EBË, transmeton Gazeta Express.

Edhe Bodo Weber, bashkëpunëtor i lartë në Këshillin e Politikave dhe Demokratizimit mendon që fokusi kryesor i takimit të Berlinit, do të jetë rifillimi i dialogut Kosovë-Serbi pas një periudhe të gjatë bllokade.

Angela Merkel, Hashim Thaçi dhe Aleksandër Vuqiq.

“Takimin e 29 prillit e shoh si një përpjekje për të kapërcyer dy problemet, taksën dhe shkëmbimin e territoreve. Do të jetë një takim për të rivendosur negociatat”, thotë Weber.

Ai thotë se ky takim do të jetë gjithashtu edhe një vend ku do të diskutohet ideja për korrigjim të kufijve, ide për të cilën edhe vetë Weber e sheh si problematike.

Sipas tij “takimi në Berlin do të jetë një përpjekje që Berlini dhe Parisi të kenë një politikë të përbashkët, në mënyrë që të marrin edhe kontollin e ekipit të Mogherinit, dhe të lëvizin ngadalë drejt rifillimit të negociatave që do të kthejnë dialogun politik nën kornizat e tij origjinale në 2013-2015”.

Të ekspertët, Lindsey dhe Weber thonë që në Gjermani do të ketë përpjekje që dialogu të vazhdojë, duke lënë anash diskutimet e deritanishme për korrigjim të kufijve.

Federica Mogehrini dhe Jean-Claude Juncker

Anën tjetër, eksperti Bodo Weber nuk e fsheh dëshirën e tij që në Berlin të hidhet poshtë një herë e përgjithmonë ideja e propozuar për korrigjim të kufijve.

“Sinqerisht shpresoj ashtu, për të ardhmen e Kosovës dhe Serbisë, dhe për të ardhmen e jetës së serbëve që jetojnë në veri dhe jug të Ibrit, për stabilitetin dhe sigurinë e rajonit të Ballkanit Perëndimor, dhe të BE-së në përgjithësi”, ka thënë ai, transmeton Gazeta Express.

Weber megjithatë thotë se një ide e tillë ende nuk është shuar./TeleshkronjaPost/

Dramë: Gjermania mposhtë Holandën në fund / Video

U mendua se po shkonte ndeshja drejtë barazimit, por Gjermania e befasoj Holandën duke mposhtur midis Amsterdamit.

Gjermania e nis me fitore kampanjën kualifikuese për EURO 2020, pasi mposhti Holandën me rezultat 2-3.

Holanda dhe Gjermania dhuruan spektakël duke shënuar pesë gola.

Gjermanët e mbyllën pjesën e parë me epërsinë 0-2 me golat e Leroy Sane dhe Serge Gnabry.

Në pjesën e dytë, vendasit shkrin rezultatin dhe barazuan 2-2, shënuan Matthijs de Ligt dhe Memphis Depay.

Por, paka para fundit të takimit, realizoi Nico Schulz për t’ia dhuruar tri pikë Gjermanisë.