Zyrtare: Zvogëlohet Superliga e Kosovës

Federata e Futbollit e Kosovës ka mbajtur sot Kuvendin e Rregullt të Punës, ku u prezantua gjithçka që është bërë në periudhën 2018/2019.

Kuvendi i Punës i FFK-së mori vendim që nga stinori 2020/2021, Superliga të ketë vetëm 10 skuadra.

Një gjë e tillë erdhi për të rritur konkurrencën dhe cilësinë mes skuadrave garuese.

Delegatët e kuvendit, 54 që ishin të pranishëm nga 48 të mundshëm, e votuan njëzëri këtë propozim.

Nga sistemi aktual, dy skuadra do të eliminohen për t’iu përshtatur sistemit të ri nga vjeshta e vitit 2020.

“Të gjitha regjionet dhe të gjitha klubet kanë pranuar që të bëhet Superliga me 10 ekipe”, ka deklaruar për mediat pas Kuvendit, Agim Ademi.

Në këtë Kuvend është vendosur që gruas së presidentit të ndjerë, Fadil Vokrri, t’i ndahet një pagë mujore për gjithë jetën, që do të marrë nga FFK-ja.

Ademi: Do të aplikojmë në UEFA, për të organizuar… së bashku me Shqipërinë!

Agim Ademi shpreson që në një të ardhme të afërt, Kosova të jetë në gjendje të organizojë ndonjë ngjarje të madhe në sport.

Në një intervistë për RTK-në, numri një i Federatës së Futbollit të Kosovës, Agim Ademi, ka thënë se Kosova do të tentojë të aplikojë në një të ardhme të afërt në UEFA për të marrë organizimin e ndonjë evenimenti madhor.

Ai synon që këtë ta bëjë së bashku me Shqipërinë, Maqedoninë dhe eventualisht edhe Malin e Zi.

“Në një të ardhme planifikojmë të aplikojmë në UEFA-n për të marrë organizimin e ndonjë ngjarje të madhe në Kosovë, Shqipëri, Maqedoni dhe eventualisht edhe në Mal të Zi”, u shpreh Ademi.

Këto komente i bëri Ademi duke shpresuar që kryetari i Federatës së Maqedonisë të zgjidhet shqiptar në zgjedhjet që do të mbahen pas pak ditësh.

Kosova merr vërejtje nga UEFA

Fusha e stadiumi “Fadil Vokrri” nuk është aspak në gjendje të mirë dhe do të riparohet para ndeshjeve të marsit me Danimarkën e Bullgarinë.

Kështu ka thënë numri një i FFK-së, Agim Ademi, në një intervistë për RTK-në.

Ademi ka bërë të ditur se UEFA ka reaguar për gjendjen e fushës, që nuk është aspak e mirë për shkak të aktivitete të shumta së fundmi.

Prishtina e Flamurtari, që kur kanë nisur sezoni pranveror – janë duke i zhvilluar ndeshjet në stadiumin “Fadik Vokrri”, çka ka bërë që fusha të prishet.

“Bari nuk është në gjendjen më të mirë sepse edhe është e ngarkuar fusha me kampionat”, tha Ademi.

“Ekipi i mirëmbajtjes po punojnë shumë. Do ta riparojnë fushën për ndeshjet me Danimarkën dhe Bullgarinë”, deklaroi Ademi.

Ademi thotë se fusha ka ardhur në këtë gjendje për shkak se aty po luanë Prishtina, Flamurtari dhe Kombëtarja, ndërsa, duke e pranuar se UEFA ua ka tërhequr vërejtjen, premtoi se gjithçka do të jetë në rregull deri më 21 mars, kur Kosova të zbresë për t’u përballur me Danimarkën, katër ditë para nisjes së fushatës për “Euro 2020” me Bullgarinë. /Gazeta Express/

Mijëra euro marrin federatat sportive në Kosovë nga MKRS

Ministri i Kulturës, Rinisë dhe Sportit, Kujtim Gashi, në kuadër të mbështetjes financiare për federatat e sportit, ka nënshkruar sot memorandume bashkëpunimi me gjashtë federata.

Në bazë të memorandumit, Federata e Xhudos e Kosovës mbështetet financiarisht në vlerë prej 172,400 eurosh, dokument të cilin për këtë federate e nënshkroi kryetari i Federatës së Xhudos së Kosovës, Agron Kuka.

Me Federatën e Sportit Shkollor të Republikës së Kosovës u nënshkrua memorandum bashkëpunimi për mbështetje financiare në vlerë prej 86,400 eurosh, memorandum të cilin në emër të kësaj Federate e nënshkroi kryetari i federatës Ardian Telaku.

Po ashtu, Federata e Çiklizmit të Kosovës u mbështet me mjete financiarë në vlerë prej 45,624 eurosh. Për këtë federatë nënshkroi kryetari i federatës Avni Nuha.

Në emër të Federatës së Shahut kryetari Nysret Avdiu nënshkroi memorandumin e bashkëpunimit i cili i mundëson përkrahjen financiare kësaj federate në një vlerë prej 49,980 eurosh.

Federata e Pingpongut u mbështet me mjete financiare në vlerë prej 82,864 eurosh. Memorandumi e nënshkroi kryetari i kësaj federate Nehat Çitaku. Ndërkaq për federatën Skitare të Kosovës, kryetari i kësaj federate nënshkroi memorandum bashkëpunimi me vlerë financiare 85,824 eurosh.

Këto memorandume bashkëpunimi u nënshkruan më qëllim të realizmit të objektivave dhe synimeve të këtyre federatave për vitin 2019. Mjetet dhe raportimi i mjeteve të shpenzuara, në bazë të memorandumeve, parashihet që të bëhet në periudha tre mujore. S’mund të procedohen mjetet për periudhën pasuese pa u kryer periudha paraprake.

Më këtë rast, Ministri Gashi tha se më nënshkrimin e këtyre memorandumeve ne si Ministri e Sportit jemi të përkushtuar që t’i mbështesim Federatat Sportive më qëllim që të ndihmojmë sa më shumë sportin në vendin tonë dhe kjo mbështetje ashtu siç e parasheh rregullorja për kategorizimin e sporteve dhe në bazë të rezultateve të treguara.

“Si ministër jam jashtëzakonisht i përkushtuar që sporti të avancohet sa me shumë dhe se mbështetja e MKRS-së për sportin është një stimulim që sportistët dhe Federatat të punojnë sa më shumë dhe të vazhdojnë të na bëjnë të ndjehemi krenarë në garat e ndryshme si dhe të promovojnë vendin tonë përmes sportit”, tha mes tjerash ministri.

Ndërkaq përfaqësuesit e këtyre federatave falënderuan ministrin Gashi për mbështetjen e vazhdueshme që po tregon për sportin në vendin tonë ata u shprehen të lumtur se me nënshkrimin e këtyre memorandumeve tani më do të kenë mundësi që të realizojnë në vazhdimësi objektivat dhe synimet e tyre për vitin 2019.

Zyrtare: Kosova miqësore me gjidandin evropian

Kosova ka siguruar edhe një ndeshje miqësore para fillimit të kualifikimeve për kampionatin evropian 2020.

Përfaqësuesja jonë edhe zyrtarisht do të takohet me një prej kombëtareve të mëdha të kontinentit të vjetër, Danimarkën.

Kështu ka pohuar në një prononcim për Telegrafin, zyrtari i Federatës së Futbollit të Kosovës, Mirsad Çollaku.

Ai ka treguar se ndeshja mes këtyre dyja ekipeve do të zhvillohet në fushën e stadiumit të Prishtinës, më 21 mars.

“Po është e vërtetë që Kosova do të luajë me Danimarkën. Ndeshja do të luhet më 21 mars në kryeqytetin tonë”, ka pohuar prizrenasi.

Theksojmë se katër ditë para takimit me danezët, Kosova do të luajë ndeshjen e parë për kualifikuese me Bullgarinë.

Kujtojmë se ‘dardanët’ kanë rast të artë që edhe përmes ‘play-off’ të kualifikohen në Euro 2020, ku do të takohet në gjysmëfinale me Maqedoninë.

Ndryshe, Kosova në kualifikuese është në grup me Anglinë, Malin e Zi dhe Republikën e Çekisë.