Klube gjigante evropiane konfirmojnë interesimin për Vedat Muriqin

Klubi francez, Toulouse dhe klubi turk Fenerbahçe ia kanë vënë syrin sulmuesit kosovar, i cili po shkëlqen në kampionatin turk. Muriqi pritet të largohet nga Rizespori gjatë kësaj vere

Lojtari aktual i Rizespor, Vedat Muriqi është njëri prej emrave më të përfolur në futbollin turk.

Sulmuesi kosovar po shkëlqen në fanellën e Rizesporit, me të cilin ka realizuar 15 gola dhe ka dhuruar 7 asistime në 32 ndeshje të zhvilluara.

Përfaqësuesi kosovar ka kontratë me Rizesporin deri në vitin 2020, por ai pritet të largohet prej aty gjatë kësaj vere.

Dhe, interesim për të kanë shprehur dy klube evropiane.

Prizrenasin e duan në Francë, respektivisht klubi nga Ligue 1, Toulouse.

Lajmin e ka konfirmuar edhe trajneri i këtij ekipi, Alain Casanova.

“Ne po mundohemi ta gjejmë një sulmues si Vedat Muriqi, i cili luan në Turqi. Ai e di këtë dhe ne po e vëzhgojmë. Për momentin nuk mund të flasim më shumë”, theksoi Alain.

Ndërkaq, menaxheri i futbollistit, Haluk Canatar e ka konfirmuar interesimin e Fenerbahçes për shërbimet e tij.

“Drejtuesit e Fenerbahçes kanë kërkuar informacione për Vedat Muriqin. Vedatit i është thënë se klubi do të jetë më i organizuar gjatë sezonit të ardhshëm. Çaykur Rizespor dhe Rizespor do të takohen për të diskutuar për Muriqin”, deklaroi menaxheri turk.

ZYRTARE: KF Feronikeli transferon ish-lojtarin e Fenerbahçes

Sot edhe zyrtarisht ka njoftuar KF Feronikeli se ka transferuar ish-lojtarin e Fenerbahçes nga Turqia.

Ata kanë transferuar Adonis Shalën, këtë e kanë njoftuar lajmin përmes rrjeteve sociale, raporton Teleshkronja Post.

Shala është futbollist i ri me talent të madhë, ai ka karrierën përpara pasi është vetëm 26 vjeqarë.

Ndryshe Feronikeli ende është duke e kryer fazën përgaditore në Turqi për pjesën e dytë të sezonit 2018/19./TeleshkronjaPost/