Bomberi Piatek ‘tërheqë’ Milanin drejtë Champions, fiton 3-0 / Video

AC Milani ka vazhduar me formën fantastike në Serie A.Në xhiron e 25’të në Serie A, skuadra e Gennaro Gattusos ka marrë pikët e plota në shtëpi.

Ata mposhtën 3-0 ekipin e Empolit, në një ndeshje ku shkëlqeu sulmuesi në top formë, Krzysztof Piatek.

Sfida nisi siç është më së miri për Milanin, që shënoi gol pas 10 minutave lojë me anë të Lucas Paquetas, por goli u anulua me ndihmën e VAR-it për pozicion jashtë loje.

Më pas, deri në fund të pjesës së parë, Milani vuajti për të shënuar.

Por, gjërat ndryshuan krejtësisht në pjesën e dytë, ku në fushë doli një tjetër skuadër, me një tjetër fytyrë për dallim nga pjesa e parë.

Fillimisht, sulmuesi në top formë, Krzysztof Piatek, shënoi për 1-0 në minutën e 49’, para se Franck Kessie të realizojë për 2-0 në atë të 51’.

Pas këtyre dy golave të shpejtë, Milani dominoi ndeshjen, dhe deri në fund e gjeti edhe njëherë rrjetën.

Ishte spanjolli, Samu Castillejo, ai që realizoi për 3-0 në minutën e 67’ të ndeshjes, për rezultatin përfundimtar të takimit.

Me këtë fitore, Milani ka blinduar për pak pozitën e katërt që dërgon në Champions League.

Skuadra e Gattusos tani ka 45 pikë, 4 më shumë se Roma që të shtunën i shkon Frosinones./TeleshkronjaPost/

Interi fiton minimalisht kundër Empoli / VIDEO

Interi e ka mposhtur 1-0 Empolin të shtunën në Carlo Castellani, duke e regjistruar fitoren e tretë minimale radhazi, si dhe i është afruar Napolit në vendin dy pikë në vendin e dytë në renditjen tabelore.

Skuadrës së Luciano Spallettit përsëri i ka mjaftuar vetëm një gol për t’i fituar tri pikë të plota, pasi pas fitoreve minimale Udineses dhe Napolit, e ka mposhtur edhe Empolin 1-0.

Një pjesë e parë, e dominuar nga Interi në posedim por pa raste dhe me vetëm një goditje në portë nga vizitorët dhe asnjë nga vendasit, padyshim se u mbyll pa gola.

Megjithatë, zikaltrit e morën më seriozisht pjesën e dytë dhe nga pesë goditje në kornizën e portës së Empolit, shënuan një herë, atë që ishte goli i fitores.

Keita Balte me një goditje nga brendia e zonës shënoi në qoshe duke ia siguruar Interit tri pikë tjera një çerek ore para fundit.

Interi përforcon pozitën e tretë me 39 pikë, tetë më shumë se Lazio në vendin e katërt, dy më pak se Napoli në vendin e dytë dhe 14 më pak se lideri Juventus.

Empoli vazhdon të qëndrojë në vendin e 16-të me 16 pikë.