ZYRTARE: Telekomi i Kosovës e shkëput kontratën me Z-Mobile

Telekomi i Kosovës e ka përmbyllur zyrtarisht kapitullin që i kushtoi humbje milionëshe me kompaninë Z-Mobile të udhëhequr nga Blerim Devolli. Për 10 vite të plota, sa zgjati kontrata e bashkëpunimit, kompania publike për pak sa nuk u përball me falimentim, derisa, nga Devollët u dërgua edhe te përmbaruesi për borxhin e arbitrazhit. Gazeta Express ka siguruar vendimin ekskluziv që është marrë dje nga Bordi i Drejtorëve.

Bordi i Drejtorëve të Telekomit kanë vendosur dje në një mbledhje që ka zgjatur më shumë se tetë orë që marrëveshja me Dardafon të mos vazhdohet më tutje. Gazeta ka siguruar ekskluzivisht vendimin që hyn në fuqi sonte.

Sot hynë në fuqi vendimi i marrë nga Bordi i Drejtorëve të Telekomit, për përfundim të marrëveshjes me Z-Mobile të Devollëve, e mos vazhdim të saj.

Gazeta ka siguruar ekskluzivisht këtë dokument ku thuhet se në takimin që është mbajtur dje është marrë vendim që negociatat të shpallen të pasukseshme dhe që të përfundojë çdo raport kontraktues në mes të Telekomit dhe Dardafonit.

Gjithashtu thuhet se kryeshefi ekzekutiv, Bedri Istrefi do të shpallë publikisht përfundimin e negociatave e të çdo raporti kontraktues në mes të dy kompanive me 31 korrik 2019, në të njejtën datë kur për përfundim të marrëveshjes do të njoftojë zyrtarisht edhe Dardafonin. I njejti vendim hynë në fuqi sot.

Telekomi dhe Z Mobile kishin nënshkruar marrëveshje në janar të vitit 2009 me të cilën kompania e Devollëve bëhej operator virtual i Telekomit.

Mospajtimet mes këtyre palëve përfunduan në Arbitrazh. Si rrjedhojë, këtë vit, 10 vite pas marrëveshjes, Telekomi gjendet para një borxhi rreth 26 milionë eurosh ndaj Z Mobile.

Shuma e pagave të mjekëve dhe infermierëve që po shkojnë nga Kosova në Gjermani

Menaxheri i kompanisë ‘Interpersonnel Kosova’, Musa Ahmeti, që është partner i kompanisë gjermane ‘DEKRA’ ka thënë se kontratat që bën kompania që ai drejton janë të ligjshme dhe të përhershme me shtetin gjerman.

Ahmeti ka thënë se Gjermania kërkon nga vendet ballkanike rreth 70 mijë infermierë, në ndërtimtari rreth 40 mijë, agronomi dhe bujqësi rreth 50 mijë, industri rreth 35 mijë, industrinë e makinave rreth 20 mijë, informatikë dhe teknologji rreth 15 mijë punëtorë.

“Këta punëtorë kanë rroga dhe kushte jashtëzakonisht të favorshme. Ne kemi argumente se një pjesë e mirë e atyre që shkojnë në Gjermani, punojnë dhe nuk shkëputen nga familja. Ata investojnë në Kosovë dhe një pjesë edhe kthehen dhe krijojnë ndërmarrje të vogla dhe të mëdha”, tha ai në RTV Dukagjini.

Ahmeti thotë se qëllimi nuk është të largohet stafi mjekësor nga Kosova, por të trajnohen të papunët që dëshirojnë të punojnë në Gjermani.

“Atyre personave dëshirojmë t’u mësojmë gjuhen gjermane në nivelin përkatës ku ata dëshirojnë të punojnë dhe të certifikohen e të përgatiten profesionalisht në mënyrë që kur të shkojnë në Gjermani të kenë një vend pune të garantuar dhe të kenë një apartament ku do të qëndrojnë, të kenë kushtet e punës dhe kontratë pune”, tha ai.

Drejtori i kompanisë Interpersonnel Kosova thotë se të gjithë ata që përgatiten nga kjo kompani, u garantohet viza dhe vendi i punës deri në pension.

male doctor smiling standing with his team behind him – isolated

“Kjo kontratë ju garanton rrogë gjermane minimale 1,500 euro neto dhe të gjitha kontributet dhe siguracionet që i kërkon legjislacioni gjerman. Unë them zyrtarisht se në ‘Interpersonnel’ askush nuk ka nënshkruar kontratë me 1,500 euro rrogë. Rroga më e vogël që është nënshkruar për infermierë ka qenë 1,900 euro neto deri në 7,950 euro”.

Ahmeti thotë se rroga e madhe vjen për ata profesionistë që kanë tituj shkencorë, patent shofer, eksperiencë në punë të ndryshme.

Lajm i mirë për prodhuesin kosovarë nga shteti

Lajm i mirë për prodhuesit kosovarë, pasi Ministria e Financave nga fillim viti i 2018-ës në çdo tre muaj të vitit ka marr vendim për lirim nga tatimi doganor dhe tatimi i akcizës për bizneset prodhuese në Kosovë.

Sipas komunikatës së Ministrisë së financave, këto lirime kanë të bëjnë me lëndën e parë, gjysmë produktet, linjat e prodhimit, pajisjet e Teknologjisë Informative-së, lëndët ndihmëse të cilat marrin pjesë në procesin e prodhimit dhe pjesët rezervë për linjat e prodhimit.

Më pas janë marr një varg reformash fiskale në Tatimin e Vlerës së Shtuar, ku përmes Ligjit i cili është në Parlamentin e Kosovës do të lirohen nga Tatimi i Vlerës së Shtuar lënda e parë që prodhohet në vendin tonë për prodhues.

Pra do të thjeshtëzohen procedurat e kthimit të Tatimit mbi Vlerën e Shtuar dhe çka është më thelbësorja që ndodh për herë të parë në vendet e rajonit tonë, fillimi i mbledhjes së TVSH-së nga kufiri në import në brendi të vendit.

Ministri i Financave Bedri Hamza ka potencuar se bartës i zhvillimit ekonomik në Kosovë duhet të jetë sektori privat dhe mbi bazën e këtij parimi edhe të premten me datë 26 prill 2019 në Qeverinë e Republikës së Kosovës, Hamza ka vazhduar me kërkesën për lirim nga tatimi doganor për shtazët të cilat importohen në vendin tonë.

“Gjatë analizave tona në Ministri të Financave kemi konstatuar se edhe në sektorin e bujqësisë përkatësisht te blegtoria, importimi i kafshëve duhet liruar nga tatimi doganor me qëllim që të ju mundësohet të gjithë qytetarëve dhe fermerëve që me kosto sa më të ulët të kenë mundësi të importojnë kafshë në vendin tonë me qëllim të zgjerim të kapaciteteve të tyre prodhuese”, thuhet në komunikatë.

Ministri Bedri Hamza ka infomruar Qeverinë se përveç lirimit nga tatimi doganor të kafshëve për disa kategori që e lejon Ligji i Tatimit mbi Vlerën e Shtuar në fuqi, do të merr vendim për ta ulur Tatimin e Vlerës së Shtuar nga shkalla 18 % sa është sot në shkallën e ulët 8 %, prapë me të vetmin qëllim që të ndihmojmë qytetarët tanë dhe fermerët që të importojnë kafshë në vendin tonë me kosto sa më të ulët.

“Hamza e theksoi edhe njëherë se nuk do të ketë rritje të tatimeve ekzistuese dhe nuk do të ketë tatime të reja për qytetarët dhe bizneset në Kosovë, por do të ketë lirime dhe thjeshtëzim të procedurave”, përfundon komunikata.

Vendoset: Qeveria miration kërkesën e Kuvendit për lojërat e fatit, mbyllen për 10 vite

Qeveria “Haradinaj” ka miratuar kërkesën e Kuvendit të Kosovës rreth mbylljes së gjitha lojrave të fatit në Republikën e Kosovës.

Menjëherë pas kërkesës dhe inicimit të ligjit për ndalimin e këtyre bizneseve Qeveria e Republikës së Kosovës ka vepruar.

“Ne po zbatojmë rezolutën e Kuvendit të Kosovës. Kërkesë për Qeverinë të pezullohet lojrat e fatit për një periudhë 10 vjeçare. Lojërat e fatit ndalohen të gjitha”, ka deklaruar Haradinaj.

Ndrtshe, me 74 vota pro dhe asnjë abstenim, Kuvendi i Kosovës kishte miratuar Rezolutën e propozuar nga LDK-ja për pezullimin e aktivitetit të kazinove dhe lojërave të fatit.

Këto masa vijnë si pasojë e disa problemeve të njëpasnjëshme dhe vrasjeve në kazino në Kosovë, raporton Teleshkronja Post.

Ndalimin e tyre po e kundërshtojnë shoqata e lojërave të fatit, ku thonë se mbi 10 mijë persona do mbesin pa punë, dhe se shteti i Kosovës po i dëmton si biznese.

Ndër ata që e kanë kundërshtuar këtë është edhe deputeti Milaim Zeka, i cili ka propozuar që mos të mbyllen por të caktohen një zonë ku mund të zhvillohet avitviteti i këtyre bizneseve dhe mos ti dëmtojmë këta biznismen dhe afarist.

Kjo ndalesë po shihet si rrezik që këto aktivitete të jo formalizohen dhe të ikin nga dora e shtetit, prandaj disa po e kundërshtojnë vendimin e parlamentit të Republikës së Kosovës.

Pra pas ketij vendimi, lojrave të fati u ndalohet operimi apo zhvillimi i çfardo aktiviteti në territorin e Kosovës për 10 vitet e ardhëshme, përderisa ndonje qeveri apo legjislaturë tjetër nuk e inicion ligjin për shfuqizimin e këtij vendimi./TeleshkronjaPost/

Edhe në Drenas mbyllen lojërat e fatit

Menjëherë pasi Parlamenti i Republikës së Kosovës mori vendim për ndalimin e aktivitetit për të gjitha lojërat e fatit, përveq llotarisë së Kosovës, institucionet ligjzbatuese kanë filluar aksionin.

Sipas njoftimit Policia e Kosovës në bashkëpunim të ngushtë me ATK-në janë duke mbyllur gjitha kazinotë/lojërat e fatit në Republikën e Kosovës.

Në këtë foto të bërë nga “Indeksonline” shihet një patrullë e PK-së teksa bën kontrollimin në një nga kazinotë e Drenasit.

Ndryshe, kryeministri i Kosovës, Ramush Haradinaj ka njoftuar se në mbledhjen e ardhshme të Qeverisë së Kosovë do të shfuqizohet ligji ekzistues i Lojërave të Fatit.

Haradinaj shkruan se me ligjin e ri do të ndalohen Lojërat e Fatit në Kosovë.

Për Mbledhjen e ardhshme të Qeverisë, Zyra e Kryeministrit ka përgatitur ligjin, i cili do të shfuqizojë ligjin ekzistues dhe do të ndalojë lojërat e fatit” thuhet në njoftim.

Miratohet Rezoluta për pezullimin e aktivitetit të kazinove dhe lojërave të fatit

Pas vrasjeve të fundit në disa kazino në Kosovë, Bali Muharremaj propozoj një rezolutë për mbylljen e lojërave të fatit dhe kazinove.

E duket se kjo rezolutë ka marrë përkrahje pasi sot, me 74 vota pro dhe asnjë abstenim, Kuvendi i Kosovës ka miratuar Rezolutën e propozuar nga LDK-ja për pezullimin e aktivitetit të kazinove dhe lojërave të fatit.

Në seancën e jashtëzakonshme, të gjitha partitë mbështetën rezolutën, raporton Indeksonline.

Kjo nismë erdhi pasi këto ditë dy të rinj kanë gjetur vdekjen derisa punon në kazino.

Të dielën një person u vra në një kazino në Suharekë, derisa të mërkurën një 36 vjeçar tjetër, punëtor i kazinos u vra derisa po punonte.

Haradinaj shpjegohet për buxhetin: 175 mijë euro u shpenzuan për 11-vjetor të Pavarësisë

Shumë debate rreth shpenzimeve, por kryeministri i vendit, Ramush Haradinaj, ka thënë se është më mirë t’i jepet fjala Qeverisë para se të nisë debat për temën e shpenzimeve.

Sa i përket fondit të ndarë nga rezervat shtetërore për festimin e 11-vjetorit të Pavarësisë me 17 shkurt, Haradinaj ka thënë se janë shpenzuar 175 mijë euro dhe jo aq so thuhet.

“Shuma e shpenzimeve është rreth 175 mijë euro, mjetet janë nda ma shumë por të gjitha tjerat kthehen në buxhet, unë kam kërkuar auditim për ta parë të vërtetën”, u shpreh i pari i AAK-së.

Ai ka thënë se në Kosovë ekziston një praktikë tashmë e vendosur që nga qeveritë e kaluara për shpenzimin e rezervave dhe thesarit shtetëror, dhe nuk ka diqka të re nga kjo qeveri.

Ai dha edhe statistika se sa kanë shpenzuar qeveritë e kaluara:“Në vitin 2016 kanë qenë mbi 8 milionë euro nga shpenzimet e parapara, në vitin 2017 janë shpenzu mbi 6 milion, e fola këtë më iu raportu se është një praktikë paraprake e qeverive të kaluara”, ka theksuar kryeministri.

Në fund të vitit 2018, indeksi i tërësishëm i çmimeve të prodhimit në Kosovë ishte rritur

Indeksi i tërësishëm i çmimeve të prodhimit në Kosovë është më i lartë për 0.1% në TM4 2018, krahasuar me TM3 2018.

Agjencia e Statistikave të Kosovës ka publikuar Indeksin e Çmimeve të Prodhimit për tremujorin e katërt (TM4) 2018.

Sipas ASK-së, ngritje më të mëdha sipas degëve të veprimtarive ekonomike vërehen te: nxjerrja e xehes së metalit (6.5%); përpunimi i prodhimeve ushqimore (3.0%); prodhimi i lëkurës dhe prodhimeve prej saj (1.1%); energjia elektrike, gazi, avulli dhe furnizimi me ajr të kondicionuar (0.4%); prodhimi i pijeve (0.1%); prodhimi i letrës dhe prodhimeve prej saj (0.1%); dhe prodhimet kimike (0.1%).

Ngritja u neutralizua me rënien e çmimeve te: prodhimi i metaleve (-5.3%); prodhimi i pajisjeve elektrike (-3.3%); druri dhe prodhimet e drurit dhe të tapës, përveç mobiljeve, prodhimi i artikujve nga kashta dhe materialeve të gëshetuara – thurëse (-2.3%); prodhimi i makinerisë dhe pajisjeve p.k.t (-1.5%); prodhimet minerale jometalike (-0.7%); xeheroret dhe guroret e tjera (-0.6%); prodhimet e fabrikuara metalike, përveç makinerisë dhe pajisjeve (-0.5%); prodhimi i mjeteve motorike (të transportit), rimorkiove dhe gjysmë rimorkiove (-0.1%); dhe prodhimet e gomës dhe të plastikës (-0.1%).

Ndërkaq, krahasuar TM4 2018 me TM4 2017, çmimet e prodhimit u ngritën në një mesatare prej 1.3%. Ngritje më të mëdha, sipas degëve të veprimtarive ekonomike, vërehen te: prodhimet minerale jometalike (5.8%); prodhimi i makinerisë dhe pajisjeve p.k.t (5.8%); prodhimi i metaleve (4.2%); prodhimi i mobiljeve (3.9%); përpunimi i produkteve ushqimore (3.8%); prodhimi i pijeve (3.8%); prodhimi i mjeteve motorike (të transportit), rimorkiove dhe gjysmë rimorkiove (3.2%); prodhimi i letrës dhe prodhimeve prej saj (1.4%); prodhimet e gomës dhe të plastikës (1.1%); grumbullimi, trajtimi dhe furnizimi me ujë (0.8%); dhe energjia elektrike, gazi, avulli dhe furnizimi me ajër të kondicionuar (0.1%).

Ngritja u neutralizua me rënien e çmimeve te: nxjerrja e xehes së metalit (-10.3%); prodhimi i pajisjeve elektrike (-6.9%); prodhimet kimike (-2.5%); druri dhe prodhimet e tij, si dhe të tapës, përveç mobiljeve: prodhimi i artikujve nga kashta dhe materialeve të gëshetuara – thurëse (-2.4%); prodhimet e fabrikuara metalike, përveç makinerisë dhe pajisjeve (-2.0%); prodhimi i lëkurës dhe prodhimeve prej saj (-1.3%); dhe xeheroret dhe guroret e tjera (-0.8%). nga lajminet