Formohet ”Ushtria Ekonomike e Kosovës” me betim kundër produkteve serbe

Një tjetër formë sensibilizuese për qytetarët e Kosovës, është duke qarkulluar në rrjetet sociale duke bërë thirrje që të mos blihen produktet serbe

Kjo fushatë është formuar nga një grup i ashtuquajtur Ushtria Ekonomike e Kosovës ku komandant i saj është konsumatori.

Veç kësaj në kuadër të kësaj mënyre sensibilizimi, secili ushtar thirret në këtë betim siç figuron më poshtë:

”Unë biri/bija jote Kosovë betohem se nga sot do të kujdesem maksimalisht që për nder të shtetit tim nuk do të përdori më produkte nga Serbia. Këtë do ta bëj 100% për shtetin tim, për prodhuesit vendor dhe për dëshmorët që sollën lirinë. Me këtë angazhim unë do të krijoj së paku 30.000 vende pune brenda vitit. Nëse shkeli mbi këtë betim qofsha i poshtëruar gjithmonë”.

Ndryshe, kryeministri i Kosovës, Ramush Haradinaj po qëndron i vendosur karshi vendimit që ka marrë Qeveria e Kosovës për taksën kundër Serbisë dhe Bosnje Hercegovinës.

Kjo pavarësisht kërkesave të njëpasnjëshme që Shtetet e Bashkuara të Amerikës po bëjnë ndaj liderëve kosovarë përt t’i dhënë mundësi vazhdimit të dialogut Kosovë-Serbi, raporton kk.

Ish-luftëtarët e UÇK’së thirrin protestë me 15 shkurt

Ish-pjestarët e Ushtrisë Çlirimtare të Kosovës kanë paralajmëruar protestë, për mos trajtim të barabartë me kategoritë e tjera sociale në Ligjin e ri për paga.

Veteranët, invalidëd dhe familjet e dëshmorëve konsiderojnë se nuk po vlerësohen sa duhet vlerat e kësaj kategorie në ligjin e ri të miratuar javëne kaluar, raporton Teleshkronja Post.

Shqetësim i veqantë është cekur pensioni minimal, gjithashtu mos marrja e pensioneve nga ata veteranë që janë të punësuar, duke theksuar se nuk duhet të privohen nga kjo e drejtë.

Protesta sipas njoftimit do mbahet me 15 shkurt në sheshin “Skenderbeu” në Prishtinë, siç thuhet në njoftim.

Organizatorë me emër të pëveçshëm nuk është cekur, por si grup bashkëluftëtarësh që e kanë organizuar protestën, këtë e ka konfirmuar z.Ali Gashi përmes një komunikimi me portalin Teleshkronja Post.

Postimi i plotë i një ish-ushtari të UÇK’së :

THIRRJE PËR PROTESTË
Është hera e parë në jetën time që do të marrë pjesë në protestë!
Kjo protestë ka për qëllim që t’i kthehej dinjitetin vlerave të luftës dhe që të mos konsiderohen
vlerat e luftës si rendi i fundit i kësaj shoqërie të pas luftës.
UÇK-ja është më meritorja për shtetin e Kosovës; familjet e dëshmoreve, invalidët e luftës,
veteranet e vërtet të luftës, familjet e martirëve, familjet e të zhdukurve, këto kategori janë
themeli më i fuqishëm i shtetit tonë. Ne vendosëm të mirën e popullit, para të mirave dhe
përfitimeve personale. Ne vendosëm të japim jetën për Kosovë!
Sikur të mos ishte UÇK-ja sot nuk do të mund të merrnin paga të mira as deputetet, as mjeket, as
mësimdhënësit, as policët, as posta, as aeroporti, as trusti, as gjykatësit, as prokurorët, as
shërbyesit civil, as ministrat, etj, etj.
Pa UÇK-në nuk do të kishim as liri e as shtet!
Prandaj, mos të keqpërdoret modestia e ushtarëve të UÇK-së. Ne jemi shoqëria më e disiplinuar
e shtetit tonë; kurrë telashe nuk i kemi nxjerr Kosovës, dhe në qoftë së janë fryrë listat e
veteranëve, atëherë nuk jemi fajtor ne, veteranet e vërtet, sepse ato u frynë nga politika e vendit,
ata që vunë përfitimet para parimeve!
Unë mendoj që familja e dëshmorit duhet ta ketë pagën më të madhe se të deputetit, flijimi i jetës
është mesazh më i madh se fjalimet pa rezultate në foltore! Invalidi i luftës duhet ta këtë pagën
më të madhe se të profesorit, mësimin për atdhedashurinë e dha duke lënë gjymtyrët e veta!
Veterani duhet ta këtë pagën më të madhe se të policit; morëm një detyrë në kohën kur rreziku
ishte në çdo anë!
Të gjithë jemi dëshmitar të grevave të fundit, të cilat rezultuan në rritje pagash. Në seancën e
kuvendit kur u vendos për rritje të pagave për të gjithë sektorët, askujt nuk i ra ndërmend për
kategoritë e luftës.
Për më keq, ditëve të fundit po proklamohet nga Qeveria se veteranët janë pengesa kryesore pse
nuk mund të rritet paga minimale në Kosovë.
Ky është një ofendim për të gjithë ata që vendosën të japin jetën për këtë vend e këtë popull.
Është një fjalë popullore kur thotë: “Fëmija për pa qajt, as nëna nuk i jep gji”. Është e
dhimbshme që veteranët të bëhen të “qajnë”; veteranët të cilëve ndër të fundit ju ofrua
mbështetje sociale, veteranëve të cilët nuk u ndihmuan të integrohen në jetën civile, siç ndodh
kudo në botë, veteranëve, të cilët nuk u mbështetën me skema shkollimi, veteranëve të cilët nuk u
mbështetën me skema punësimi.
Nuk po kërkojmë lëmoshë, por duam RESPEKT!
Prandaj, ju bëjë thirrje të gjitha kategorive të luftës që të merrni pjesë në protestën që do të
mbahet me dt. 15. 02. 2019 në ora 12:00 në sheshin Skenderbeu në Prishtinë, protesta do të jetë
paqësore.
KJO PROTESTË KËRKON SENSIBILIZIMIN E PASTRIMIT TË LISTAVE TË VETERANËVE,

DHE TRAJTIMIN ME DINJITET TË KATEGORIVE TË LUFTËS!

Me respekt
Ali Gashi ushtar i brigades 113 Mujë Krasniqi zona e Drenicës.”

THIRRJE PËR PROTESTËËshtë hera e parë në jetën time qe do të marrë pjesë në protestë, protesta ka për qellim qe ti…

Posted by Ali Gashi on Monday, February 11, 2019

Gjithashtu me Ligjin i cili u miratua në Kuvendin e Kosovës para pak ditësh janë shprehur të pakënaqur edhe Shërbimi Korrektues i burgjeve duke mbajtur grevë një orë sot në mëngjes, Sindikata e RTK’së dhe disa kategori tjera, madje kanë kërkuar nga presidenti Thaçi që Projektligji të kthehet në Kuvend./Teleshkronja Post/

Punëtorët e Shërbimit Korrektues kërkojnë barazim me paga me Policinë

Edhe punëtorët e Shërbimit Korrektues të Kosovës, në Qendrën e Paraburgimit në Lipjan kanë filluar protestën në shenjë pakënaqësie me Ligjin për Page.

Ata kërkojnë rritjen e koeficientit nga 1.85 në 2.20.

Ata kanë thënë se janë të pakënaqur me koeficientin që u është lënë punëtorëve korrektues.

Bujar Qadraku kryetar i Sindikatës së Punëtoreve në Qendrën e Paraburgimit në Lipjan ka thënë për Telegrafin se protesta fillimisht është një orëshe.

“Protesta ka filluar në ora 8, kërkojmë ndryshim të koeficientit edhe barazim me Policinë e Kosovës sepse edhe ashtu kemi patur premtime nga Ministri si dhe grupi punues”, tha ai.

Qadraku ka treguar se protesta e së hënës është paralajmërim për autoritetet për të marr masa, ndryshe ata do të vazhdojnë me masa të tjera sindikale.

Po ashtu të hënën kanë protestuar edhe punëtorët e Burgut të Sigurisë së Lartë.

Ndryshe Ligji për Pagat është miratua më 3 shkurt nga Kuvendi i Kosovës por ka shfaqur shumë pakënaqësi tek disa kategori të të punësuarve.

 

Pse Trepça është kaq e vlefshme e tregon akademiku nga Shqipëria

Ndërrimi i statutit të Minierës së Trepçës ka rikther debatin edhe pas deklaratave tejet thumbuese nga Maja Kociançiq se Trepça duhet të diskutohet në dialog.

Në një paraqitje televizive, akademiku nga Shqipëria Apollon Baçe ka vlerësuar se pasuritë nëntokësore të Mitovicës kanë vlerën 500 miliardë dollarë

Ai ka cituar një libër të huaj që flet për pasuritë nëntokësore të Mitrovicës, që sipas këtyrë shifrave vlera arrinë deri në 500 milionë dollarë.

Për të mësuar më shumë rreth kësaj shikoni videon më poshtë:

Akademiku: Pasuritë 500 miliardë dollarëshe të Mitrovicës

Akademiku: Pasuritë 500 miliardë dollarëshe të MitrovicësNdiqni LIVE emisionin në Youtube këtu: https://youtu.be/gyqyK5JycTo

Posted by Ora News on Wednesday, February 6, 2019

 

Federata Ruse dhe Turqia kanë blerë më shumë ari në botë

Rusia dhe Turqia janë dy vendet që kanë blerë më shumë ar në botë në vitin 2018 nëpërmjet bankave qendrore që nga viti 1971.

Sipas raportit të publikuar nga Këshilli Botëror i Arit (WGC), nga bankat qendrore në të gjithë botën në vitin 2018 janë blerë 651,5 ton ar, që është niveli më i lartë që nga viti 1971 e deri më sot.

Në kuadër të politikës së saj për “mospërdorim të dollarit” që vazhdon në ekonominë e saj, Rusia është vendi i parë në botë duke blerë 274,3 ton ar në vitin 2018, raporton AA.

Rezervat e arit të Rusisë, të cilat i investon në buxhet kryesisht duke eliminuar depozitimin e obligacioneve amerikane deri në fund të vitit 2018 kanë arritur në 2133 ton.

Ndërsa Turqia është radhitur vendi i dytë në botë që ka blerë më shumë ar, duke rritur rezervat e saj të arit me 51,5 ton.

Në vendin e tretë me blerjen e 50,6 ton ar vitin e kaluar është Kazakistani i cili që prej 8 vitesh pa ndërprerje rrit rezervat e tij të arit.

Në këtë mënyrë rezervat totale të arit të bankave qendrore botërore në vitin 2018 në krahasim me vitin 2017 kanë shënuar një rritje me 74 për qind duke arritur rreth 34 mijë ton.

Raporti thekson se për shkak të rritjes së pasigurive gjeopolitike dhe ekonomike gjatë gjithë vitit, bankat qendrore kanë diversifikuar rezervat e tyre dhe janë fokusuar në investimin në pasuri të sigurta.

Nga 1 shkurtit veturat në Kosovë duhet të plotësojnë edhe një kusht

Ministria e Infrastrukturës dhe Transportit ka aprovuar pullën mjedisore për automjete.

Kjo pullë mjedisore do të përdoret gjate procesit për matjen e emisioneve (gazrave) dalëse nga burimet e lëvizshme apo nga automjetet motorike sipas kategorive përkatëse.

Ky vendim obligon të gjitha Qendrat e Kontrollit Teknik të Automjeteve dhe të Homologimit që të fillojnë zbatimin e tij që nga data 1 shkurt 2019.

Vendimi është i bazuar në Udhëzimin Administrativ nr.08/2016 për normat e lejuara të shkarkimeve në ajër nga burimet e lëvizshme të ndotjes.

Pulla apo tiketa mjedisore e automjeteve është një shenjë që vendoset ne pjesën e përparme të xhamit të automjeteve për të treguar nivelin e emisioneve që emetohen nga automjeti përkatës.

Qëllimi i përdorimit të saj është reduktimi i ndotjes së ajrit nga burimet e lëvizshme duke përcaktuar zona të lejuara apo të ndaluara për qarkullimin e automjeteve varësisht nga niveli i emetimeve të gazrave që lirojnë ato.

Vetëvendosja kundër privatizimit të Telekomit

Sot kryetari i Lëvizjes Vetëvendosje, Albin Kurti, dhe drejtuesi i Komitetit për Komunikime Elektronike dhe Postare, Fatban Bunjaku, u takuan me kryetarin e Sindikatës së Telekomit të Kosovës, Lamih Balaj, dhe anëtarët e Kryesisë, Shpëtim Zharku dhe Naim Haliti.

Sot kryetari i Lëvizjes Vetëvendosje, Albin Kurti, dhe drejtuesi i Komitetit për Komunikime Elektronike dhe Postare, Fatban Bunjaku, u takuan me kryetarin e Sindikatës së Telekomit të Kosovës, Lamih Balaj, dhe anëtarët e Kryesisë, Shpëtim Zharku dhe Naim Haliti.

Në takim sipas njoftimit për media u bisedua rreth vendimit të qeverisë për nisjen e procesit të privatizimit, moszbatimin prej 6 muajsh të rezolutës së Kuvendit dhe situatës së punëtorëve.

“Qeveria nuk ka pasur as interesimin dhe as vullnetin për ta zgjidhur krizën e sajuar brenda Telekomit. Kontrata abuzive me Z-mobile, keqmenaxhimi dhe shfrytëzimi brutal i kapaciteteve të ndërmarrjes për interesa krejtësisht private duhen zgjidhur nga institucionet e Kosovës. Për këtë nuk duhet të ketë kompromis. Përfshirja e Bankës Evropiane për Rindërtim dhe Zhvillim (BERZH) në vlerësimin e gjendjes së ndërmarrjes me kusht nisjen e procesit të privatizimit për Telekomin është i papranueshëm. Problemeve të menaxhimit qeveria po i qaset a thua se ato janë fakt i dhënë, i pandryshueshëm. Mbipunësimet partiake në Telekom nuk i shkaktuan punëtorët profesionistë por segmente të partive të pushtetit. Bordet drejtuese cilësisht të dobëta, pa integritet u emëruan e votuan nga të njëjtët. Vijimin e kontratës abuzive me Z-mobile po e paraqesin si fatalitet ndërkohë që kanë përgjegjësitë dhe instrumentet për ta ndalur”, thuhet në kumtesë.

Tutje thuhet se sindikalistët njoftuan VV-në se nga viti 2008, Telekomi i ka paguar qeverisë 530 milionëve euro dividendë.

“Investime strategjike nuk bëhen, lidhen kontrata abuzive, paguhen shpenzime marramendëse, punësohen persona me lista, kurse, në funksionin e auditit të brendshëm vendosen familjarë të pushtetarëve. Prokurorisë i janë kallëzuar dhjetëra kontrata abuzive, por nuk ka përgjigje nga ana e tyre. Drejtori i parafundit i Telekomit e gjeti këtë ndërmarrje me rëndësi ekonomike e strategjike me 48 milionë euro në thesar, dhe e la me 200-300 mijë euro dhe me borxhe të panumërta që paraqiten me procedura përmbarimi”, thekson VV-ja. /kp

Vetëm rezervat e “Trepçës” vlejnë 14 miliardë euro

Miniera “Trepça” merret me nxjerrjen dhe shitjen e papërpunuar të xeheve të plumbit, zinkut dhe argjendit, madje rezervat e “Trepçës” vlejnë gjashtë herë më shumë se bugjeti aktual i Kosovës (2.3 miliard).

Në bazë të informacioneve të verifikuara, rezervat e “Trepçës” kanë mbi 2.1 milionë ton rezerva të plumbit, vlera e të cilave është miliardë 5.5 miliardë euro në bazë të çmimit të sotëm që mund të verifikohet në London Metal Exchange (LME).

Minierat dhe rezervat e “Trepçës” vlerësohet të kenë edhe afro 2 milionë ton rezerva të zinkut, të cilat kushtojnë rreth 6 miliardë euro në çmimet aktuale në LME.

Këto miniera kanë edhe rreth 2 milionë kilogramë argjend, vlera e të cilave shkon në mbi 1.1 miliardë euro. Kjo nuk është e tëra, transmeton gazeta Fjala, transmeton Teleshkronja Post.

Gjatë shfrytëzimit të plumb – zinkut – argjendit në Përroin e Ngjyrosur (Artana – Novo Brdo), ishin zbuluar rreth 3 milionë ton hollojzit të shkallës së lartë Al2SiO5 (OH)4.

Sipas Komisionit të Pavarur për Miniera dhe Minerale, ky është vetëm një nga vendburimet e njohura të shfrytëzueshme të kësaj argjile me vlerë shumë të madhe (140-450 dollarë toni).

Katër vendburimet e tjera janë në Zelandën e Re, Turqi, Kinë dhe Utah (SHBA). Prodhimi botëror i sotëm është vlerësuar në 150.000 tonë/vit. Vlera e këtij minerali në Kosovë, përkatësisht në fushëveprimtarinë e Trepçës llogaritet të jetë rreth 1 miliard euro.

Në bazë të te gjithë këtyre llogaritjeve del se vlera nominale e xeheve me të cilat merret “Trepça” në bazë të pasurive nëntokësore të verifikuara është 13.6 miliardë euro.

Por ende nuk janë bërë hulumtime të tërë territorit, kur ka indikacione të qarta se edhe shumë pasuri ekzistojnë. Vlera e pasurive nëntokësore që janë fushëveprimtari e Trepçës llogaritet të shkojnë në 25 miliardë euro. Përpunimi i tyre mund të rriste vlerën në së paku 50 miliardë euro.

Vlen të theksohet se sot ka kaluari drafti i ri i statutit të Trepçës në qeveri./TeleshkronjaPost/

Kalon drafti i ri për Statutin e “Trepçës” në qeveri

Sot në mbledhjen e 86-të të qeverisë u votua drafti i ri për Statutin e minierës së Trepçës.

Qeveria në mbledhjen e sotme ka aprovuar Raportin e punës të vitit 2018 dhe Planin e Veprimit të koordinatorit nacional për Kulturë, Rini dhe Sport për vitin 2019.

Raporti paraqet të përmbledhura aktivitetet e zhvilluara gjatë vitit 2018, ndërsa Plani i Veprimit për vitin 2019 adreson disa problematika që ndërlidhen me kapacitetin e mësim nxënies për metodat e avancuara për të komunikuar me njohurit për rininë. Programi Nacional për Rininë mbështetet në tri lloje të aktiviteteve: Garat për dituri; Garat për kreativitet kulturor dhe mendim kritik; dhe Garat në sport.

Kjo do të realizohet e mbështetur në dy parime themelore: në parimin e gjithë përfshirjes; dhe në parimin e vijueshmërisë.

Aktualisht në Kosovë janë rreth 370 mijë nxënës (rreth 340 mijë në nivelin fillor dhe të mesëm) dhe rreth 110 mijë student. Programi Nacional për Rininë synohet zhvillimi aftësive të tyre me aktivitete të përditshme garuese.

Programi pritet të ndikojë pozitivisht në ngritjen e cilësisë së mësim nxënies, do të identifikojë talentet e reja dhe do të ofrojë përkujdesen e nevojshëm për ta.

Në mbledhjen e sotme kabineti qeveritar ka miratuar Projekt-Statutin e Shoqërisë Aksionare “Trepça”, i propozuar nga Bordi Mbikëqyrës. Versioni i ri i Projekt-statutit dërgohet në Kuvendin e Republikës së Kosovës.

Statuti përcakton themeluesit e shoqërisë aksionare, aksionet e tyre, veprimtarinë, strukturën organizative, kapitalin themeltar, menaxhimin, afarizmin dhe të gjitha çështjet organizative që lidhen me kompaninë. Emërtimi i shoqërisë aksionare është “TREPÇA” Sh.A dhe selia e saj është në Parkun Industrial të Mitrovicës.

Miratimi Statusit të Shoqërisë Aksionare “Trepça” Sh.A., do të mundësojë zbatimin e Ligjit për Trepçën dhe versioni i miratuar sot është në pajtueshmëri të plotë nga të gjithë akterët që ndikohen nga kjo kompani.

Qeveria ka aprovuar Strategjinë shtetërore kundër krimit të organizuar me planin e veprimit 2018-2022. Qëllimi i strategjisë është që me përdorimin sa më racional të burimeve materiale, financiare dhe njerëzore të zhvillojë politika për marrjen e përgjegjësive në parandalimin, luftimin e krimit të organizuar si dhe mbrojtjen e individit dhe shoqërisë nga krimi i organizuar. Përmes kësaj do të ndërtohet një shoqëri e sigurt me mundësi minimale dhe pamundësi për aktivitete të krimit të organizuar në Republikën e Kosovës.

Strategjia është hartuar duke u bazuar në vlerësimet e brendshme vjetore të zbatimit të strategjisë së kaluar 2012-2017. Janë përdorur edhe vlerësimet e jashtme siç janë raportet e Departamentit të Shtetit Amerikan, raportet e EUROPOL-it për Krimin e Organizuar dhe trendët në BE, raportet e Komisionit Evropian dhe dokumente tjera.

Para kabinetit qeveritar është prezantuar ideja për zhvillimin e Projektit “Ndërtimi i Kompleksit (Rezidencave) Qeveritar” në Prishtinë. Sipas projektit të prezantuar, Qeveria në bashkëpunim me investitor të ndryshëm mund të implementojë një projekt që parashihet të finalizohet brenda 7 vjetëve, dhe sipas të cilit Qeveria dhe institucionet do të fitonin më shumë se 1 milion metra katror për akomodimin e tyre.

Kryeministri Haradinaj ka theksuar se kjo ide do të shërbejë për një nxitje më të fuqishme që të realizojë objektivat e saj për akomodim të të gjitha institucioneve në objekte publike./TeleshkronjaPost/

Kërkesa e Veselit bën që mjekët, policët dhe mësuesit të fitojnë rritje page

Kërkesa e Kryetarit të Kuvendit të Kosovës, Kadri Veseli për uljen e koeficientit të pagës së tij nga 11 në 9, ka sjellë ndryshime drastike në sistemin e pagave.

Ky ndryshim si parim kryesor do të shkaktojë një zvogëlim të pagave për politikanët dhe të emëruarit e tyre, por rritje për kategoritë tjera publike; mjekët, mësuesit, policët, etj.

Një burim i lajmi.net brenda Komisionit për Administratë Publike që tash e disa ditë po punon në Ligjin për Pagat, ka shpjeguar në detaje se çfarë efekti ka pasur kërkesa e Veselit për ulje të pagës së tij.

Kjo kërkesë ka ndikuar që të bëhen ndryshime të rëndësishme në ligj.

Fillimisht, ajo e ka bërë jo funksional vendimin e qeverisë për rritjen e pagave të tyre, duke kursyer një vlerë prej 7 milionë euro.

Me ndryshimet që po ndodhin, duke u zvogëluar pagat enorme të ndërmarrjeve publike buxhetit të shtetit i kursehen edhe 38 milionë euro në tri vitet e ardhshme.

“Në ndërmarrjet publike nuk do të ketë më paga super të larta dhe rritje me vendim nga vet ata. Paga më e lartë në ndërmarrje publike do të jetë rreth 1.600 euro”, ka thënë ky burim i lajmi.net.

Me këto kursime, pritet të ketë rritje në sektorët tjerë të rëndësishëm në vend, e të cilët tash e disa ditë janë duke mbajtur greva apo kanë paralajmëruar të tilla.

Sipas kësaj logjike në shëndetësi, specialisti do të marrë pagë prej 1458, rritje të pagës për 70%. Mjeku i përgjithshëm do të marrë pagë 812 euro apo 50% rritje. Infermierët do të kenë rritje në pagat e tyre për rreth 50 euro.

Mësimdhënësit, varësisht, koeficienti do t’ju rritet për 0.20%. Shërbyesve civil që kanë koeficient nën 2.7, iu rritet paga për 50 euro.

Policia nga 391 euro pagën do ta kenë, bazuar me këto ndryshime, 528 euro. Shto kësaj edhe shtesat që ata marrin, diku paga e tyre do të shkojë deri në 728 euro. Ligji për Pagat do të jetë së shpejti në seancë për miratim.