KRENARI: Federata Botërore e Xhudos ndërton statujë për Majlinda Kelmendit

Qika e Artë nga qyteti i Pejës tashmë është legjendë e gjallë e sportit kosovarë dhe xhudos botërore.

Sot gjatë ditë trajneri i xhudos, Driton Kuka e ka konfirmuar që medalistja e artë e Lojërave Olimpike Rio 2016, Majlinda Kelmendit do t’i ngritet një statujë e bronztë.

Kjo u bë e ditur sot nga Kuka përmes një njoftimi në rrjetin social Facebook, raporton Teleshkronja Post.

“Federata Botërore e Xhudos gjegjësisht Presidenti Vizer ka vendosur që për Majlindën të angazhojë artistët më të njohur në Botë për të punuar statujën e bronztë për Kampionen tonë Olimpike”

Xhudistja Majlinda Kelmendi gjatë stolisjes me medalje të artë në “Rio 2016”.

Lexoni postimin e plotë nga Driton Kuka në rrjetin social Facebook:

“Çdo gjë do kryhet sa i përket anës financiare nga Federata Botërore, unë po kërkoj mendime të hapura ku të vendoset Statuja ndonjë vend meritor në vendin tonë.

Shpresoj që për Majlindën të ndahet një vend meritor dhe i duhur për kryeveprën që do vijë nga New York së shpejti ..”, ka shkruar Kuka.

Distri Krasniqi fiton medalje në ‘Grand Slam’ të Parisit

Distria Krasniqi ka korrur sukses të madh në Grand Slamin e mbajtur në kryeqytetin e Francës, në Paris.

Xhudistja kosovare ka arritur që të luaj në finale të këtij turneu, ku për fat të keq është mposhtur për të fituar medaljen e argjendtë.

Krasniqi e nisi këtë turne me fitoret ndaj portugezes Joana Diogo dhe brazilianes Gabriela Chibana, shkruan lajmi.net.

Në çerekfinale xhudistja jonë kaloi përmes jug-koreanes, Yujeong Kang, dhe preku gjysmëfinalen.

Në gjysmëfinale, Distria ishte më e mirë sesa francezja Melanie Clement, të cilën e mposhti për të siguruar finalen.

Në luftën e fundit, kosovarja u përball me japonezen Ami Kondo. Aty ajo pas një pakujdesie është mposhtur me IPPON nga kundërshtarja e saj.

Ishte kjo një garë e mirë për Distria Krasniqin, por në fund fati nuk ishte me xhudisten tonë.

Loriana si Majlinda, arrinë finalen dhe siguron medalje në Grand Prix

Xhudistja Loriana Kuka, e ka siguruar një vend në finalen e garës Grand Prix në Tel Aviv të Izraelit, në kategorinë e peshave -78 kilogram, pasi e mposhti xhudisten Natalie Powell, në gjysmëfinale.

Ajo arriti ta mposhtë rivalen e saj, anglezen Powell, duke e fituar ndeshjen me ippon dhe e siguroi një vend në finale të kësaj gare.

Me këtë fitore, Loriana Kuka e ka siguruar vendin e tretë ose të katërt që do të thotë medalje e ardgjendtë, mirëpo në finale do ta ketë mundësinë ta fitojë edhe medaljen e artë.

Loriana në finale do të ndeshet me xhudisten e cila e fiton ndeshjen tjetër gjysmëfinale. Kundërshtare e kosovares mund të jetë ose xhudistja nga Portugalia, Patricia Sampaio, ose xhudisten Klara Apotekar.

Kujtojmë se para dy ditësh Majlinda Kelmendi arriti ta fitojë medaljen e artë në Grand Prix në Tel Aviv të Izraelit./TeleshkronjaPost/

Majlinda rikthehet fuqishëm, stoliset me medaljen e artë në “Tel Aviv 2019”

Pas disa problemeve me lëndime, xhudistja më e mirë në botë Majlinda Kelmendi e ka siguruar medaljen e parë të artë për vitin 2019 në Grand Prix “Tel Aviv 2019”.

Majlinda Kelmendi para se të arrijë në finale fillimisht duke e mposhtur xhudisten nga Gjeorgjia, Tetiana Levytska Shukvani, në rundin e dytë të garës Grand Prix “Tel Aviv 2019” në kategorinë e peshave -52 kg.

Kështu Kelmendi u kualifikua në çerekfinale të turneut Grand Prix “Tel Aviv 2019”, raporton Teleshkronja Post.

Në çerekfinale u përballë me xhudisten zvicerane, Fabienne Kocher, të cilen e mposhti me ippon në kategorinë deri në 52 kilogram dhe u kualifikua në gjysmëfinale.

Kosovarja Kelmendi arriti ta mposhtë rivalen e saj, Andrea Chitu, duke e fituar ndeshjen me ippon dhe e siguroi një vend në finale të kësaj gare.

Video e postuar nga Federata e Xhudos së Kosovës në Facebook :

Ne finaleee💪🏻Majlinda fiton me IPPON💥kunder Andrea Chitu 🇷🇴#JudoTelAviv2019

Posted by Kosova Judo Federation on Thursday, January 24, 2019

Në finale ajo u takua me xhudisten izraelite Gili Cohen të cilen e mposhti Gili Cohen shumë shpejtë, brenda 30 sekondash.

Kështu Majlinda fiton medaljen e artë të parë në vitin 2019.

Majlinda Kelmendi vs Andrea Chitu
Majlinda Kelmendi vs Andrea Chitu

Majlinda Kelmendi

Sigurisht për suksesin e Kosovës në Xhudo nuk janë vetëm xhudistët, por edhe trajnerit i madhë kosovarë Driton Kuka.

Në garët e Grand Prix në Izrael është edhe Loriana Kuka në kategorinë deri në 78 kilogram që do paraqitet më vonë./TeleshkronjaPost/

Kelmendi dhe Kuka gati për në Grand Prix “Tel Aviv 2019”

Majlinda Kelmendi dhe Loriana Kuka do ta përfaqësojnë Kosovën në Grand Prixin e xhudos që mbahet prej nesër deri të shtunën në Tel Aviv të Izraelit.

Grand Prixi është gara e parë ndërkombëtare për vitin 2019 në xhudo.

Kampionia Olimpike, Kelmendi, garon në kategorinë deri në 52 kilogramë, ndërsa Kuka në kategorinë deri në 78 kilogramë.

Uebfaqja zyrtare e Federatës Ndërkombëtare të Xhudos (IJF), ka shkruar se ky vit pritet të jetë plotë shkëlqim për Majlindën.

Përzgjedhësi i Kombëtares së Kosovës, Driton Kuka, që ndodhet në Tel Aviv, deklaroi për “noc-kosovo.org” se në Tel Aviv do të marrin pjesë vetëm Kelmendi e Kuka, ndërsa xhudistët tjerë do të paraqiten në Grand Slamin e Parisit, që mbahet muajin e ardhshëm.

Majlinda do të garojë të enjten, ndërsa në shortin e hedhur sot ajo do të përballet në raundin e dytë (raundin e parë e kaloi pa luftë) me fituesen e çiftit Tetiana Levytska Shukvani (Gjeorgji) – Paz Kafri (Izrael). Loriana përballet me Lluna Lucassen (Holandë).

KOK iu uron suksese xhudisteve tona në rrugën drejt medaljeve dhe pikëve të reja Olimpike.