Në Drenas falja e Kurban Bajramit u bë me veshje kombëtare

Sot myslimanët në tërë botën po festojnë festën e Kurban Bajramin.

Manifestimi qendror kushtuar kësaj feste për Kosovë u mbajt në Xhaminë e Madhe në Prishtinë, ndërsa në Drenas falja e Kurban Bajramit ishte e veçantë.

Në xhaminë në lagjen Feronikeli, Hoxha Osman Musliu ka bërë faljen e bajramit me veshjen kombëtare, e cila u mirëprit nga besimtarët.

Para xhematit Osmani tregoi se ka zgjedhur këtë veshje sepse edhe “baballarët tanë kanë perdorur këtë veshje duke treguar besnikëri dhe sinqeritet dhe se kjo veshje është e shqiptarëve dhe duhet respektuar “.

Falja e Kurban Bajramit u bë nga shumë njerëz brenda dhe jashtë xhamisë, duke uruar për paqe, sinqeritet dhe sa më shumë dashuri.

Ramush Haradinaj në Drenicë, iu lë bakshish shahirave (VIDEO)

Kryeministri në largim i Kosovës, Ramush Haradinaj dje ka qëndruar në odën e anëtarit të ri të AAK-së, ish-asambeistit të PDK-së, Naim Bazajt.

Naim Bazaj e ka pritur tashmë bashkëpartiakun, Haradinajn në odë me ‘shahirë’ që këndonin këngë të vjetra me çifteli.

Gjatë kësaj ndeje, Bazaj ka dashur ta nxjerrë kuletën, por është ndalur nga Haradinaj. Ky më pas e nxjerrë kuletën dhe ua gjuan disa para këngëtarëve.

Naim Bazaj ishte asamblisti më i votuar i PDK-së në Drenicë. Ai dje u anëtarësua në AAK, ku u prit nga Haradinaj.

Shikoni videon më poshtë, ku shihen Haradinaj e Bazaj së bashku duke i lënë bakshish këngëtarëve./TeleshkronjaPost/

Sonte filloj Festvali ‘Muaji Mërgatës’ në qytetin e Drenasit

Sonte, filloi “Muaji i Mërgatës”, muaj i organizuar me aktivitete kulturore për nder të mërgimtarëve tanë, të diasporës.

Gjatë këtij muaji, do të ketë aktivitete të shumta dhe manifestime që do të jenë me interes të veçantë për të rinjtë me art, muzikë, teatër dhe shfaqje të ndryshme dhe instalacione, me vlerë për të rinjtë e të rejat tona.

Organizatorët kanë paralajmëruar shumë aktivitete të ndryshme, ndër të tjerash do ketë shumë këngëtarë të estradës që do përformojnë në mbremjet në vijim.

Video ku mund të informoheni më shumë rreth ‘Muajit të Mërgates’:

Sipas paralajmërimit në faqen e Facebook, organizatorët kanë treguar se nesër mbrëma me 16 korrik do jetë prezent Gent Fatali, transmeton Teleshkronja Post.

Ndërsa publiku do mund ta ndjekin edhe lojën e KF Feronikelit ndaj TNS nesër nga ora 20:45.

“Muajin e Mërgatës” të hapur e ka deklaruar edhe kryetari i Drenasit, komunës nikoqire të festivalit, Razmiz Lladrovci./TeleshkronjaPost/

Zyrtarisht nisin punimet për ndërtimin e Stadiumit Nacional në Drenas

Pasi u bë publik muajin e kaluar projekti për fillimin e ndërtimit të stadiumit Nacional të Kosovës, tashmë kanë nisur punët për ngritjen e shtëpisë së re të përfaqësueses së Kosovës në futboll.

Kështu së paku ka bërë të ditur një zyrtar i Ministrisë për Kulturë, Rini dhe Sport e Kosovës.

Publike u bë nga Florim Kryeziu, i cili ka postuar disa fotografi dhe një video teksa shihet se kompania ndërtuese ka nisur punët fillestare.

Vendi ku stadiumi nacional do të ndërtohet është në magjistralen Prishtinë – Komoran dhe pritet të kushtojë afër 50 milionë euro gjersa do të ketë kapacitet prej 30 mijë ulësesh.

Foto nga fillimi i punimeve në Stadiumin Nacional tek Kroi i Mbretit.

Vendi gjigand, e cili pritet të jetë gati deri në vitin 2021, do të ndërtohet nga kornizat e betonit që do të mbështesë tasin e ndenjëseve dhe një kornizë çeliku të lehtë duke mbajtur fasadën strukturore të pëlhurave të stadiumit.

“Struktura e re urbane do të jetë një urë për njerëzit, duke i bashkuar ata me gëzimin e sportit”, ka thënë Murat Tabanlioglu, themelues i studios nga Stambolli, Tabanlioglu Architects.

Foto nga fillimi i punimeve në Stadiumin Nacional tek Kroi i Mbretit.

Ai do të ndërtohet së bashku me dy fusha të trajnimit, si dhe një grup ndërtesash që strehojnë objekte tregtare dhe argëtuese.

Ky stadium pritet t’i plotësoj të gjitha kriteret e UEFA-s dhe FIFA-s për zhvillimin e ndeshjeve ndërkombëtare për Kosovën ose klubet në garat e UEFA-s.

Rasti “16 vjeqares”: Vajza thotë se nuk jam keqperdorur nga avokati Halilaj

Rasti i 16 vjeqares në Drenas: Kaluan tre muaj që nga publikimi i skandalit të 16 vjeçares nga Drenasi, ndërsa avokati i saj Gazmend Halilaj, i cili e publikoi skandalin vazhdon të mbetet në paraburgim.

Vajza nga Drenasi, e cila dyshohet se u dhunua nga inspektori i Policisë në Drenas, V.V. dhe nga profesori i saj, e pastaj foshnjën e saj e abortoj në një klinikë private në Prishtinë, skandal ky që tronditi shqiptarët e Kosovës,

Këtë skandal e publikoi avokati i vajzës, Gazmend Halilaj.

Megjithatë, drejtësia në Kosovë, vendosi që të dyshuarin, dhunuesin kryesor policin V.V ta liroj nga paraburgimi, kurse Halilajn e mbanë ende.

Edhe pse 16 vjeçarja për Insajderin kishte deklaruar se nuk është keqpërdorur nga avokati i saj, ai mbetet në paraburgim.

Avokati Halilaj është e çuditshme se mbahet në paraburgim pa ankesë edhe pse puna e tij ishte krejt humane duke e mbrojtur vajzën nga Drenasi.

Pra, avokatit Halilaj po hetohet nga prokurori i cili një ditë më parë i është bërë kallximi penal.

Madje ky ka urdhëruar IPK-në, që të arrestoj krejtësisht në mënyrë të paligjshme.E kjo duket se është bërë nga hakmarrja.

Me nenin 3 të IPK-së në mënyrë të qartë përsaktohen kompetencat e IPK-së. Ndërsa me dispozitat e kodit të procedurës penale është e ndaluar rreptësisht ndërmarrja e veprimeve hetimore nga zyrtari i cili ka raporte armiqësore me personin që e heton, përkundrazi përbën vepër penale, në detyrën zyrtare dhe cenim të rënd të sigurisë juridike në vend. Madje kjo mund të konsiderohet si rasti i vetëm i ndodhur deri më tani.

Lladrovci nuk kandidon, ka dy fjalë për spekulantët dhe keqbërësit politikë

Kryetari aktual i komunës së Drenasit, Ramiz Lladrovci, ka publikuar edhe një tjetër status në Facebook duke sqaruar pozicionin e tij.

Ai ka shkruar se nuk ka pretendime për kryetarë dege të PDK-së në Drenas, dhe se këtë ka kohë që e ka bërë të ditur.

Ai gjithashtu thotë se spekulantët dhe keqbërësit po tentojnë të krijojnë mjegull në Drenas me emrin etij, shkruan Teleshkronja Post.

Nuk kam sfidë për proces zgjedhor për degën e PDK-së në Drenas, sepse fare nuk kam aplikuar për kryetar dege.
Prej më shumë se dy vjet, që nga marrja e mandatit të Kryetarit të Komunës së Drenasit, kam deklaruar thjeshtë dhe qartë, nuk kam pretendime për ta udhëhequr degën e PDK-së në Drenas.
Se nuk do të kandidoj për kryetar të Degës së PDK-së, e kam thënë me dhjetëra herë, por, keqbërësit nuk ndalen duke bërë matematika të pista dhe të lakojnë emrin tim, për të krijuar mjegull në Drenas.
Dy fjalë për spekulantët dhe keqbërësit politikë.
Një medium që financohet nga njëri keqbërës, vazhdimisht më merr nëpër gojë dhe është dezinformatori kryesor i opinionit, në kontekste negative, kundër meje.
Ky portal, nuk meriton reagim nga ana ime. Nuk e kam bërë reagimin as në fushatë, sepse duhet të bija tepër poshtë, në nivel të tyre kundër spekulimeve të tyre të pista.
Shembull është kur ditë më parë, nga një video “e lodhtë”, janë shkëputur pjesë, të cilat kanë menduar se po e komprometojnë procesin zgjedhor në degën e PDK-së në Drenas, por nuk ju eci. Nga kjo video, këta spekulantë, kanë krijuar tri a katër lajme, “të lodhëta”.
Tash, i njëjti portal, spekulues, në bashkëpunim me keqbërësit tjerë, përpiqet të nxitë një sfidë, e cila nuk do të ndodh. Nuk ka sfidë në proces zgjedhor për degën e PDK-së në Drenas, sepse fare nuk kam aplikuar për kryetar dege.
Pra, e ritheksoj, për qytetarët, nuk kam aplikuar për kryetar të degës.
Ndërsa për keqbërësit, kam një porosi, jeni lehtë të lexueshëm, mos spekuloni e mos paguani portale për spekulime, kot. Kot e keni, as procesin demokratik në degë, as kandidatin më të mirë, nuk do të mund ta pengoni që të udhëheq me partinë më të fuqishme në bastionin e saj.

Lladrovci konfirmon tre kandidatë për kryetarë dege të PDK-së në Drenas

Sot, përfundon procesi zgjedhor në të gjitha 43 nëndegët e PDK-së, të Degës së Drenasit, shkruan TeleshkronjaPost.info.

Drenasi njihet si një nga bastionet më të mëdha të Partisë Demokratike të Kosovës, prandaj ndiqet me interes të madhë.

Kandidatë për kryetarë dege janë tre persona, ish-kandidati i pavarur për kryetarë të Drenasit, Naim Bazaj, kryeshefi ekzekutiv i Postës, Sejdi Hoxha dhe Kushtrim Prenku.

Këto i ka konfirmuar vet kryetari Ramiz Lladrovci me një postim në Facebook :

Në pajtim me procedurat dhe kohën e paraparë për kandidatura, njoftoj anëtarët e PDK-së, delegatët për Zgjedhjet e brendshme në Degën e PDK-së në Drenas si dhe qytetarët se pranë Komisionit lokal, kanë arritur 3 kandidatura për kryetar të degës.Kandidatura për kryetar të Degës së PDK-së në Drenas, kanë parashtruar: Sejdi Hoxha, Kushtrim Preku dhe Naim Bazaj.

Në emër të Komisionit zgjedhor lokal, kandidatëve ju urojmë sukses në garën për të parin e Degës së PDK-së në Drenas!

Gjithashtu mund të merrni pjesë në sondazhin tonë se kush duhet ta marrë postin e shefit të degës së PDK-së në Drenas./TeleshkronjaPost/

Lajm i mirë: Hapet Zyra e Gjendjes Civile në Arllat

Ka përfunduar projekti për ndërtimin e Zyrës së Gjendjes Civile në Arllat dhe nga sot ajo është në funksion dhe në shërbim për qytetarët e fshatrave,Arllat, Llapushnik, Negroc dhe Gjergjicë.

Kjo Zyre do të jetë në funksion gjatë orarit zyrtar për qytetarët e Komunës së Drenasit, përkatësisht për qytetarët e fshatrave të lartcekura dhe gjithë atyre që janë të regjistruar në zyrat tjera, por që janë në sistem të gjendjes civile.

Ky projekt është realizuar nga Drejtoria e Administratës se Përgjithshme Komunale dhe ka për qëllim që shërbimet ndaj qytetarëve të jenë sa më afër tyre duke ju lehtësuar shërbimet e shpejta.

Kjo është bërë e ditur nga vet Komuna përmes një postimi në faqen zyrtare në Facebook:

Zyra e Gjendjes Civile në Arllat, foto: Komuna Drenasit
Zyra e Gjendjes Civile në Arllat, foto: Komuna Drenasit

https://www.facebook.com/437470389681459/photos/a.441179485977216/2164146920347122/