Macron midis Beogradit: ‘Kosova është shtet i pavarur’

Presidenti i Francës, Emmanuel Macron është duke qëndruar për vizitë në Beogard. Atje është takuar me presidentin e Serbisë, Aleksander Vuçiq, shkruan Indeksonline.

Pasi u mbajt mbledhja, ata dolën në konferencë për shtyp, ku ndër të tjerash tema kanë folur edhe për shtetin e Kosovës.

Emanuel Macron në konferencë e quajti Kosovën shtet të pavarur evropian, transmeton teleshkronja.

“Shteti i Francës dëshiron që të arrihet marrëveshja. Serbia dhe Kosova janë shtete evropiane dhe dëshirojmë kjo të kthehet në realitet”, ka deklaruar Macroni.

Ai po ashtu ka treguar që do të organizoj një takim mes liderëve të Kosovës dhe Serbisë. Ndërsa, Vuçiq tha se për Francën, Kosova është e pavarur.

“Për Francën, Kosova është e pavarur, por jo për Serbinë. E di se për serbët kjo deklaratë vështirë pranohet, por duhet ta kuptojmë këtë.”

Ndërsa në anën tjetër presidenti serb, Aleksander Vuçiq u përgjigj:

“Nuk jam këtu të flas keq diçka për shqiptarët apo për këdo tjetër. Jam këtu për paqe”, tha Vuçiq.

Glauk Konjufca: Përfshirja e SHBA-ve në dialog, rrezik për Kosovën

Dialogu Kosovë-Serbi. Samiti i Berlinit, një takim i një formati të lartë, ku krerët e shtetit të Kosovës dhe Serbisë u ftuan nga kancelarja gjermane Angela Merkel si dhe presidenti francez Emmanuel Macron, u përqendrua kryesisht në rivendosjen e dialogut ndërmjet Serbisë dhe Kosovës, pas vendosjes së taksës nga Kosova për produktet serbe.

Ndonëse qëndrimet e kancelares Merkel për çështjen e hapjes së kufijve edhe më herët ishin të qarta, se në vendet e Ballkanit Perëndimor nuk ka vend ideja për ndryshim kufijsh, edhe në Samitin e Berlinit të mbajtur më 29 prill, është raportuar se ka pasë qëndrime të njëjta se nuk do të ketë ndryshim të kufijëve.

E politikanët nga Kosova, thonë se pritshmëritë për këtë Samit kanë qenë shumë të mëdha. Shefi i grupit parlamentar të Lëvizjes Vetëvendosje, Glauk Konjufca, tha se Franca dhe Gjermania nuk ishin zë shumë kritik kundër idesë për hapjen e kufijve.

“Pritshmërinë e të gjithëve kanë qenë të mëdha për shkak që mendoj që në samitin e Berlinit, Gjermania dhe Franca do jepnin një kornizë më konkrete të mënyrës se si të shkohet përpara në procesin e dialogut si dhe disa elemente të padiskutueshme në formë të principeve që do i përfshinte marrëveshja përfundimtare. p.sh njohjen e Kosovës nga Serbia. Nuk ishte aq eksplicit kundërshtimi dhe qortimi për hapjen e kufijve të Kosovës, prita një pozicionim më preciz dhe patëm si rrjedhim një deklaratë me fraza universale”.

Një tjetër mangësi të këtij Samiti, Konjufca e sheh edhe çështjen e qëndrimeve të dy krerëve kosovarë, Thaçit e Haradinajt, të cilët sipas Konjufcës në këtë Samit shkuan me ide krejt të kundërta të cilat sipas tij po i bëjnë dëm edhe vendit tonë.

“Në këto raste më mirë është mos të shkohet fare se sa të shkohet me qëndrime të kundërta pasi që dëmi është shumë i madh për shtetin e Kosovës, nëse i kemi dy përfaqësuesit më të artë të shtetit që nuk kanë mendime të njëjta sa i përket zgjidhjeve në procesin e dialogut me Serbinë, në vend që t’i afrohemi zgjidhjes, prej mendimeve të kundërta rezultati është që i shtojmë edhe më shumë dilemat dhe dilemat si thojmë tek këta faktorë të fuqishëm ndërkombëtarë që kanë një pjesë të rëndësishme sa i përket procesit të vendimmarrje. Presidenti u mundu që të tingëllojë si kryeministri, mirëpo kjo ishte vetëm në nivel të tarifës, por sa i përket temës së kufijve presidenti siç duket nuk e ka ndryshuar mendimin e tij dhe ende ka shpresë me Vuçiqin që kjo temë mund të hapet ndonjëherë”.

Ndërsa deputeti i Partisë Socialdemokrate, Visar Ymeri, thotë se Samiti i mbajtur në Berlin, por as ai që do mbahet në Paris më 1 korrik të këtij viti, nuk e kanë për qëllim arritjen e një marrëveshje përundimtare mes shteti tonë dhe Serbisë.

“Mendoj që këto Samite nuk kanë qëllim, as ky i paralajmëruar për 1 korrik në Paris nuk e kanë qëllimin që të arrihet ndonjë marrëveshje përfundimtare më shumë janë samite që kanë qëllim ta intensifikojnë procesin si të tillë të dialogut mes Kosovës dhe Serbisë dhe në një farë mënyre paraqesin një risi në këtë fazë të fundit të procesit të dialogut e reja është që një përfshirje më të madhe të dy shteteve bosht të BE-së Gjermanisë dhe Francës në këtë proces dhe ka një përafrim dhe unifikim i qëndrimit të këtyre shteteve sa i përket procesit të dialogut mes Kosovës dhe Serbisë. Mendoj se kjo është e mirë, pra në ndërtimin e një momentumi ndërkombëtarë për sa i përket këtij dialogu, mirëpo gjithnjë duhet ta kemi parasysh që qëndrimi i Kosovës, i përshkruar në Platformën e miratuar në Kuvend duhet të jetë qëndrimi i vetëm institucional i Kosovës dhe Kosova një zëri ta thotë troç e qartë qe me Serbinë ka vetëm një marrëveshje e ajo është njohja e Kosovës dhe asgjë tjetër nuk do të jetë e pranueshme”.

Ndërsa deklaratat e presidentit Thaçi, se nuk ka dialog pa praninë e ShBA-së, po i quan të qëllimshme edhe Përparim Kryeziu nga Grupi për Studime Juridike dhe Politike. Ai thotë se presidenti Thaçi nuk po e gjen përkrahjen për ripërcaktimin e kufijve nga shtetet e BE-së dhe si pasojë e kësaj, ai po kërkon përfshirjen e ShBA-së, pasi që këta të fundit kanë qenë më dorëshlirë dhe përkrahës të përcaktimit të kufijve.

“Në parim roli i ShBA-së për Kosovën është i panegociueshëm mirëpo në këtë rast konsideroj se insistimi i presidentit për përfshirjen e ShBA-së në këtë proces nuk derivon nga ky parim, por nga fakti që nga ky Samit e ka kuptuar ndoshta së fundmi dhe përfundimisht që BE-ja nuk e përkrahë një ide të ripërcaktimit të kufijve dhe momentalisht i vetmi aktor relevant ndërkombëtarë dhe shumë i rëndësishëm i mbetur janë Shtetet e Bashkuara të Amerikës, përkatësisht administrata e presidentit Trump e cila duket të jetë më dorëshlirë dhe më përkrahëse ndaj idesë për përcaktim të kufijve”.

Kryeziu po e sheh si problem çështjen e qëndrimeve të kundërta të presidentit Thaçi dhe kryeministrit Haradinaj.

“Është normale deri diku që të kenë mospajtime për gjëra të rëndomta, por asnjëherë për gjëra kaq substanciale për të ardhmen e shtetit të Kosovës dhe normativisht politika e brendshme e vendit ndikon e edhe në politikën e jashtme të vendit dhe kjo patjetër që dëmton shtetin e Kosovës në përfaqësimin e saj në organizime të tilla që kanë karakter ndërkombëtarë. Ne kemi qenë të njoftuar se në një takim të tillë do prezantohen dy ide të ndryshme për të cilat edhe Franca edhe Gjermania është e informuar, mirëpo ne kemi pasë një copë shprese që para fillimit të samitit të ketë të paktën një përafrim të qëndrimeve, por duke qenë se qëndrimet janë dimetriksiht të kundërta rezultoi i pasuksesshëm”.

Kryeziu thotë se samitit i ka dhënë një dimension të ri procesit të dialogut, por sipas tij nuk mund të arrihet një marrëveshje përfundimtare përderisa ky proces udhëhiqet nga shefja për politikë të jashtme, Federica Mogherini.

Kosova mori pjesë në Samitin e Berlinit më 29 prill të këtij viti, ndërsa zyrtarisht është bërë e ditur që një takim tjetër i përfaqësuesve së Kosovës dhe Serbisë me dy boshtet kryesore të Bashkimit Evropian, do mbahet në Paris më 1 korrik të këtij viti.

Analizë për Samitin e Berlinit nga ekspertët ndërkombëtarë

Samiti i Berlinit është tema kryesore e diskutimit që nga fillimi i muajit prill, kur u bë e ditur se kancelarja gjermane, Angela Merkel dhe presidenti francez, Emanuel Macron, do t’i presin në takim liderët e vendeve të Ballkanit Perëndimorë.

E kjo nuk ka si të kalojë pa komente e analiza, sidomos nga ekspertët ndërkombëtarë, të cilët po e shohin Samitin e 29 prillit në kryeqytetitn gjerman, n Berlin, si një moment të zhbllokimit të dialogut ndërmjet Kosovës dhe Serbisë.

Sipas profesorit të Shkollës Ekonomike dhe Shkencave Politike në Londër (LSE), James Ker-Lindsary, ende është e pa qartë rëndësia e këtij takimi, pasi që dikush po e konsideron si një iniciativë të madhe, ndërsa dikush tjetër po e sheh si diçka jo shumë të rëndësishme.

“Duket qartë që ende nuk dihet se çfarë po planifikohet”, ka theksuar Lindsay.

Ai thotë se megjithatë ky takim në kryeqytetin gjerman me ftesë të kancelares Angela Merkel e presidentit francez, Emanuel Makron, do të shërbejë për të ndihmuar rifillimin e dialogut Prishtinë-Beograd.

“Duket që përpjekjet do të fokusohen për të bashkuar palët relevante, dhe krijimin e kushteve për të rifilluar bisedimet, duke kërkuar kompromise për problemet të cilat po e vështirësojnë atë, siç është vendosja e taksës”, ka thënë ai për EBË, transmeton Gazeta Express.

Edhe Bodo Weber, bashkëpunëtor i lartë në Këshillin e Politikave dhe Demokratizimit mendon që fokusi kryesor i takimit të Berlinit, do të jetë rifillimi i dialogut Kosovë-Serbi pas një periudhe të gjatë bllokade.

Angela Merkel, Hashim Thaçi dhe Aleksandër Vuqiq.

“Takimin e 29 prillit e shoh si një përpjekje për të kapërcyer dy problemet, taksën dhe shkëmbimin e territoreve. Do të jetë një takim për të rivendosur negociatat”, thotë Weber.

Ai thotë se ky takim do të jetë gjithashtu edhe një vend ku do të diskutohet ideja për korrigjim të kufijve, ide për të cilën edhe vetë Weber e sheh si problematike.

Sipas tij “takimi në Berlin do të jetë një përpjekje që Berlini dhe Parisi të kenë një politikë të përbashkët, në mënyrë që të marrin edhe kontollin e ekipit të Mogherinit, dhe të lëvizin ngadalë drejt rifillimit të negociatave që do të kthejnë dialogun politik nën kornizat e tij origjinale në 2013-2015”.

Të ekspertët, Lindsey dhe Weber thonë që në Gjermani do të ketë përpjekje që dialogu të vazhdojë, duke lënë anash diskutimet e deritanishme për korrigjim të kufijve.

Federica Mogehrini dhe Jean-Claude Juncker

Anën tjetër, eksperti Bodo Weber nuk e fsheh dëshirën e tij që në Berlin të hidhet poshtë një herë e përgjithmonë ideja e propozuar për korrigjim të kufijve.

“Sinqerisht shpresoj ashtu, për të ardhmen e Kosovës dhe Serbisë, dhe për të ardhmen e jetës së serbëve që jetojnë në veri dhe jug të Ibrit, për stabilitetin dhe sigurinë e rajonit të Ballkanit Perëndimor, dhe të BE-së në përgjithësi”, ka thënë ai, transmeton Gazeta Express.

Weber megjithatë thotë se një ide e tillë ende nuk është shuar./TeleshkronjaPost/

Vuçiq: Pa bisedime me ne, shqiptarët s’mund të bëjnë bash kurrgjë

Presidenti serb Aleksandar Vuçiq tha sot se “agresioni i NATO-s kundër RF të Jugosllavisë nuk solli në Kosovë paqe, as shoqëri që mbështetet në demokracinë, e as stabilitet.”

Duke e hapur Dialogun e 4-t strategjik të Beogradit “20 vjet nga bombardimi i Jugosllavisë – mësimet për sigurinë evropiane në shekullin XXI”, Vuçiqi porositi se “pa bisedime me Serbinë shqiptarët nuk mund të arrijnë ama bash kurrgjë”.

Sipas presidentit serb, bombardimi e ka ndryshuar gjendjen në Kosovë vetëm në kuptimin se fuqie a vërtetë është në forcën e NATO-s, e cila siguron që shqiptarët adiministrativisht ta udhëheqin Kosovën, porse nuk janë larguar konfliktet shekullore ndërmjete serbëve dhe shqiptarëve, e as nuk është siguruar paqe e qëndrueshme.

Ai porositi se Serbia është shtet neutral dhe se dëshiron raporte të mira me NATO-n, por jo edhe anëtarësim në të.

“Serbia është vend neutral. Ndërsa jam i bindur se NATO, e cila gjithmonë thotë se kjo është zgjedhje e Serbisë, ndoshta më do ta deshtë Serbinë, sesa disa vende tjera të rajonit që vraponin drejt Aleancës”, tha Vuçiqi.

Veseli: Për marrëveshjen me Serbinë vendos populli

Kryetari i Kuvendit, Kadri Veseli ka thënë edhe para mediave ndërkombëtare se Kosova është e gatshme për dialog, dhe se në asnjë mënyrë nuk pranon marrëveshje që cenojnë sovranitetin e shtetit dhe rendin kushtetues.

Në një intervistë për gazetën prestigjioze austriake, Der Standard, ai ka folur për dialogun dhe qëndrimin e Kosovës karshi këtij procesi.

“Dialogu zhvillohet midis dy partnerëve të barabartë. Të dy palët duhet të respektojnë njëra-tjetrën në mënyrë reciproke”, thotë Veseli.

Ai konsideron se një marrëveshje dypalëshe, e cila është e nevojshme për afrimin e Kosovës dhe Serbisë në BE, mund të jetë e mundur. “Ne jemi një vend i pavarur dhe ne nuk e diskutojmë territorin dhe sovranitetin tonë”, shprehet ai.

Veseli dhe shumica e politikanëve të tjerë kosovarë janë kundër një ndryshimi kufitar.

“Nuk ka veri dhe asnjë jug në vendin tim, është një vend perëndimo. Ne ndjekim vetëm atë që është në kushtetutën tonë”, pohon ai.

Veseli hedh poshtë marrëveshjet jodemokratike.

“Ne jemi një demokraci, kështu që çdo gjë do të vendoset në këtë Parlament nga një shumicë prej dy të tretash. Ai thotë se do të ketë të marrëveshje me Serbinë por për këtë do të organizohet një referendum. Qytetarët do të vendosin për këtë marrëveshje”, shton Veseli.

Kryetari i Kuvendit thotë se serbët dhe shqiptarët mund të jetojnë së bashku, brenda kufijve siç ekzistojnë tani. Sepse përndryshe mund të ndodhë spastrimi etnik, dhe kështu edhe do të prishet stabiliteti në Ballkan. “Ne nuk duam në asnjë rast, që situata jonë diku në Ballkan të ketë një ndikim negativ”.

Ai thotë se po punon që e ardhmja të mos jetë përsëritje e së kaluarës.

“Unë jam i gatshëm të paguaj një çmim dhe unë nuk do të lejojë fëmijët e mi të përjetojnë atë që kam përjetuar. Të gjitha grupet etnike këtu në Ballkan e dinë se çfarë do të thotë të jenë në pakicë, dhe për këtë arsye ne do të nuk lejojnë që serbët të vuajnë në Kosovë. Kosova kurrë nuk do të jetë një eksperiment “, tha ai.

Ai gjithashtu kundërshton krijimin e një lloji të “Republika Srpska” në Kosovë.

Republika Srpska në Bosnje-Hercegovinë është një nga dy pjesë të vendit, e cila ka një autonomi shumë të gjerë dhe është e pajisur në nivel kombëtar me funksione të shumta të vetos. Në vitin 2013, Serbia dhe Kosova ranë dakord të formojnë një Asociacion Serb të Autoriteteve Lokale në Kosovë. Megjithatë, kjo nuk është zbatuar – disa janë të shqetësuar se kjo Organizatë e komunitetit serb mund të jetë e ngjashme me një “Republika Srpska”.

Veseli beson se një “Republika Srpska” e tillë është gjithashtu e papërputhshme me Kushtetutën e Kosovës.

“Kjo do të çonte në një konflikt të vazhdueshëm. Krijimi i Asociacionit serb të komunave me të drejta ekzekutive do të kërkonte një amendament Kushtetues, ne nuk mund të pranojmë një gjë të tillë dhe jemi që të zbatohet Plani i Ahtisaarit siç edhe jemi dakorduar por jo edhe të tejkalojmë atë,” shpjegon ai.

Parlamenti i Kosovës ka votuar së fundmi një të ashtuquajtur “Platformë” për dialogun me Serbinë.

Veseli thotë për STANDARD: “Ne jemi tashmë të përgatitur për negociatat, por nuk do të jemi nën presion. Serbia duhet të ndalojë financimin e strukturave paralele brenda Kosovës dhe kjo duhet të merret edhe më seriozisht nga BE për ta shtuar presionin”, kërkon kreu i koalicionit.

Zyra e Mogherinit: Marrëveshja Kosovë-Serbi është vonuar, taksa shkaku pse s’ka marrëveshje

Përfaqësuesja e lartë e Bashkimit Evropian, Federica Mogherini, e cila është edhe ndërmjetësuese e dialogut ndërmjet Kosovës dhe Serbisë, thotë se është e gatshme të ftojë menjëherë një takim të nivelit të lartë ndërmjet Prishtinës dhe Beogradit në Bruksel në momentin e parë që hiqet taksa.

Ajo madje thotë se është e gatshme që të mbyllet në një takim pavarësisht se a do të zgjas edhe me muaj të tërë.

Në një intervistë për Gazetën Express, zëdhënësja e Mogherinit, Maja Kocijancic, thotë se derisa nuk hiqet taksa, BE-ja nuk ka ndërmend të bëj ndonjë lëvizje drejt një takimi Thaçi-Vuçiq.

Zyrtarja e BE-së ka përsëritur edhe një herë kërkesën e Brukselit që urgjentisht të hiqet vendimi për taksën, me qëllim të vazhdimit të dialogut që do të dërgojë drejt një marrëveshje historike, ligjërisht të obligueshme në pajtim më të drejtën ndërkombëtare.

Sipas saj, dialogu është rruga e vetme për të ecur drejt marrëveshjes, dhe shton se këtë rrugë tashmë e ka vështirësuar vendimi i Haradinajt për taksë ndaj Serbisë e Bosnjës.

Sa i përket Platformës së Prishtinës, Maja Kocijancic ka përsëritur edhe një herë qëndrimin e Brukselit se nuk i komenton qëndrimet e palëve në dialog.

E pyetur se pse 2019-a po cilësohet si vit i marrëveshjes, Mogherini nuk ka pasur një sqarim, vetëm ka treguar për thirrjet e vazhdueshme që janë bërë nga të gjitha instancat e Bashkimit Evropian që të shfrytëzohet momenti i krijuar për të arritur një marrëveshje finale dhe historike ndërmjet dy shteteve.

Sipas saj duhet të vendoset paqe dhe stabilitet në rajon, prandaj një zgjidhje e problemit Kosovë-Serbi është diçka që duhet të ndodh urgjentisht, pasi një marrëveshje ndërmjet Prishtinës dhe Beogradit është vonuar.

Megjithatë ndërmjetësuesja Mogherini, ka hezituar që të përgjigjet në disa prej pyetjeve të Gazetës Express.

Kocijancic nuk e ka thënë asnjë kur është pyetur rreth deklarimeve të presidentit Hashim Thaçi se do të tentojë të ndryshojë edhe Kushtetutën e Republikës së Kosovës, në shërbim të idesë së tij për bashkimin e Luginës së Preshevës me Kosovën, në kuadër të synimi të tij për korrigjim të kufijve.

Përveç kësaj BE-ja nuk ka pasur përgjigje edhe në pyetjen tjetër nëse e konsideron si lëvizje të gabueshme shkuarjen në zgjedhje të parakohshme pa e hequr vendimin për taksën.

Vlenë të theksohet se Gazeta Express disa nga pyetjet ia ka drejtuar përfaqësueses së zyrës së BE-së në Kosovës, Natalya Apostolova, por për shkak të natyrës së tyre, nga kjo zyrë është thënë që për to më mirë të përgjigjet Federica Mogherini.

Si përfaqësuese e Zyrës së BE-së në Kosovë, a pranoni të ftoni ndonjë takim me liderët e shtetit, për të diskutuar rreth situatës aktuale politike, me qëllim të zhbllokimit të saj?

Krerët e institucioneve, më saktësisht kryeministri Ramush Haradinaj, ka thënë që është i gatshëm menjëherë t’iu kthehet bisedimeve të Brukselit, megjithatë sipas tij Serbia është duke e penguar vazhdimin e dialogut, duke thënë se nuk kthehet në dialog pa e pezulluar taksën. Sipas Haradinajt, këto dy gjëra nuk kanë ndërlidhje mes vete (taksa dhe dialogu). Ju znj. Apostolova duke parë këtë, a mendoni që Serbia po e shfrytëzon këtë situatë për të parandaluar vazhdimin e dialogut. Pasi që taksa është vendosur si një kundërpërgjigje ndaj agresionit të Serbisë kundër shtetësisë së Kosovës, dhe ju nuk keni bërë asnjëherë presion ndaj Serbisë për të ndalur fushatën e egër kundër shtetësisë së Kosovës, siç po i bëni tani presion Kosovës për taksën ?

Maja Kocijancic: Sa i përket zhvillimeve të fundit: Bashkimi Evropian ka parë që kuvendi i ka miratuar Ligjin për Dialogun dhe Platformën për Dialogun. Si ndërmjetës, Bashkimi Evropian nuk jep komente për qëndrime individuale të palëve në dialog. Negociatat janë mënyra e vetme për arritjen e një marrëveshjeje përfundimtare. Bashkimi Evropian rithekson që dialogu është rruga e vetme për të ecur përpara dhe ai është në interesin e qytetarëve në Kosovë dhe Serbi dhe për rajonin në tërësi.

Vendimi i autoriteteve të Kosovës në nëntor të vitit të kaluar për të vendosur taksa për mallrat e importuara nga Bosnja e Hercegovina dhe Serbia nuk ka ndihmuar për ta krijuar mjedisin e nevojshëm që dialogu të vazhdojë. Ashtu siç është përsëritur nga BE-ja, SHBA-ja dhe të tjerët, ne e ritheksojmë thirrjen tonë ndaj qeverisë së Kosovës për ta pezulluar menjëherë këtë taksë në mënyrë që të mundësohet vazhdimi i menjëhershëm i dialogut.

Shtetet e Bashkuara të Amerikës kanë thënë që në zemër të marrëveshjes finale ndërmjet Kosovës dhe Serbisë duhet të jetë njohja reciproke [Serbia të njohë pavarësinë e Republikës së Kosovës]. A është edhe ky qëllimi i BE-së, si ndërmjetësues i dialogut?

Maja Kocijancic: Fokusi ynë është puna e vazhdueshme brenda dialogut mes Beogradit dhe Prishtinës, i cili ndërmjetësohet nga përfaqësuesja e lartë/zënvendëspresidentja e BE-së dhe i cili pritet të intensifikohet pas pezullimit të taksës.Puna po vazhdon për një marrëveshje ligjërisht të obligueshme lidhur me normalizimin gjithëpërfshirës të marrëdhënieve që do ta siguronte një zgjidhje afatgjate për çështjet më të rëndësishme – një zgjidhje të zbatueshme, të qëndrueshme dhe reale, e cila mbështetet në marrëveshje të dyanshme, që është në vijë me ligjet ndërkombëtare dhe evropiane dhe e cila është e pranueshme për shtetet anëtare të BE-së dhe rajonin. Një marrëveshje gjithëpërfshirëse dhe ligjërisht e obligueshme për të gjitha çështjet e hapura është urgjente dhe jetike për Serbinë dhe Kosovën për të përparuar në rrugën e tyre evropiane dhe për stabilitetin e paqen në rajon.

Të gjithë në Bashkimin Evropian po e thonë se viti 2019 është momentum për arritjen e një marrëveshje finale, dhe një moment I tillë duhet shfrytëzohet, megjithatë askush nuk e jep të paktën një arsye se pse viti 2019 po konsiderohet viti i një marrëveshje finale.Cili është shpjegimi juaj për këtë ?

Maja Kocijancic: Status quo-ja nuk është opsion as për Serbinë, as për Kosovën. Marrëveshja gjithëpërfshirëse në fakt është vonuar. Presidenti i Këshillit Evropian, presidenti i Komisionit Evropian, përfaqësuesja e lartë, komisioneri Hahn, Komisioni si tërësi dhe të gjitha shtetet anëtare të BE-së e kanë përsëritur përmes shumë instancave mbështetjen e tyre për arritjen e një marrëveshjeje. Ne i inkurajojmë palët që ta shfrytëzojnë këtë mundësi për ta zgjidhur këtë mosmarrëveshje të gjatë përmes arritjes së një marrëveshjeje historike. Marrëveshja ligjërisht e obligueshme dhe gjithëpërfshirëse për normalizim të marrëdhënieve lidhur me të gjitha çështjet e hapura është në dobi të popujve dhe do të kontribuojë për paqen dhe stabilitetin në rajon si dhe do të jetë ndihmë për Serbinë dhe Kosovën për të përparuar drejt BE-së, për këtë arsye ajo është jetike dhe urgjente.

Pyetjet në vazhdim i janë dërguar drejtpërdrejtë zyrës së Mogherinit:

A konsideroni se shkuarja në zgjedhje të parakohshme pa e pezulluar taksën mund të jetë një gabim i madh që mund ta mbaj dialogun të bllokuar edhe për dy apo tre muaj? Cila është thirrja e BE-së për partitë politike në Kosovë?

Maja Kocijancic: Porosia jonë është e qartë: Status quo-ja nuk është opsion as për Serbinë, as për Kosovën. Marrëveshja gjithëpërfshirëse në fakt është vonuar. Presidenti i Këshillit Evropian, presidenti i Komisionit Evropian, përfaqësuesja e lartë, komisioneri Hahn, Komisioni si tërësi dhe të gjitha shtetet anëtare të BE-së e kanë përsëritur përmes shumë instancave mbështetjen e tyre për arritjen e një marrëveshjeje. Ne i inkurajojmë palët që ta shfrytëzojnë këtë mundësi për ta zgjidhur këtë mosmarrëveshje të gjatë përmes arritjes së një marrëveshjeje historike.

Siç ka thënë përfaqësuesja e lartë/zëvendës presidentja e BE-së, Mogherini, në Këshillin për Punë të Jashtme në muajin shkurt, rundet e dialogut nuk “ndodhin”. Unë i mbledh ata, por nuk do t’i mblidhja për një seancë tjetër të dialogut deri të plotësohen kushtet. Që të plotësohen kushtet, pres që autoritetet e Kosovës ta tërheqin, ta pezullojnë ose ta anulojnë vendimin për taksë 100 për qind ndaj mallrave nga Serbia dhe nga Bosnja e Hercegovina. Deri atëherë, nuk shoh që ka kushte për një rund të ri dhe të suksesshëm të bisedimeve në dialog.

Duke e pasur parasysh këtë, në çastin që kushtet të plotësohen, jam e gatshme që jo vetëm ta thërras një takim të nivelit të lartë në dialog mëngjesin e ardhshëm, por edhe të mbyllemi për aq kohë sa është e nevojshme, qoftë një javë, një muaj ose tre muaj. Jam e sigurt se mund të përfitojmë në mënyrë të dobishme nga një mjedis pozitiv, nëse arrihet diçka e tillë, për ta arritur një marrëveshje gjithëpërfshirëse dhe ligjërisht të obligueshme për normalizim të plotë të marrëdhënieve mes Beogradit dhe Prishtinës. Sidoqoftë, unë pres që të plotësohen kushtet e duhura dhe se deri tash nuk kam parë lëvizje në këtë drejtim.

“Republika e Kosovës nuk ka pretendime territoriale ndaj asnjë shteti ose pjese të ndonjë shteti dhe nuk do të kërkojë të bashkohet me asnjë shtet ose pjesë të ndonjë shteti”, tha ajo.

A e konsideroni ndryshimin e kësaj pike të Kushtetutës si një veprim të rrezikshëm që do të bëjë Kosovën një shtet që edhe përmes Kushtetutës tregon se ka pretendimet territorial ndaj shteteve të tjera ?

Maja Kocijancic: Fokusi ynë është puna e vazhdueshme brenda dialogut mes Beogradit dhe Prishtinës, i cili ndërmjetësohet nga përfaqësuesja e lartë/zënvendëspresidentja e BE-së dhe i cili duhet të intensifikohet pas pezullimit të taksës. Lexoni çfarë ka thënë përfaqësuesja e lartë e BE-së më 18 shkurt në Këshillim për Punë të Jashtme: EU High Representative said on the 18/02 Foreign Affairs Council

Puna po vazhdon për një marrëveshje ligjërisht të obligueshme lidhur me normalizimin gjithëpërfshirës të marrëdhënieve që do ta siguronin një zgjidhje afatgjate për çështjet më të rëndësishme – një zgjidhje të zbatueshme, të qëndrueshme dhe reale, e cila mbështetet në marrëveshje të dyanshme dhe që është në vijë me ligjet ndërkombëtare dhe evropiane dhe e cila është e pranueshme për shtetet anëtare të BE-së.

Marrëveshja gjithëpërfshirëse dhe ligërisht e obligueshme për normalizim të marrëdhënieve për të gjitha çështjet e hapura është urgjente dhe jetike për Serbinë dhe Kosovën për të përparuar në rrugën drejt BE-së si dhe për stabilitetin dhe paqen në rajon.

Haradinaj e thotë shkurt: Mogherini është arsyeja pse dialogu nuk vazhdon

Dje gjatë ditës në një deklaratë për media, si ndërmjetsuesja e dialogut mes Kosovës dhe Serbisë tha se dialogu vazhdon atëherë kur hiqet taksa.

E menjëher sot ka reaguar kryeministri i vendit, duke treguar arsyen pse dialogu nuk po vazhdon dhe kush është fajtori, shkruan Teleshkronja Post.

Kryeminsitri në Facebook shkruan se dialogu ka dalë nga binarët, dhe kjo ka ndodhur për shkakun e Frederica Mogherinit, e cila ka lejuar të diskutohet për shkëmbim territoresh.

Ai theksoi gjithashtu se Kosova është e përkushtuar që ky dialog të vazhdojë dhe mund të vazhdojë pa e lidhë me temën e tarifave./teleshkronjapost.info/

Postimi i plotë i të parit të qeverisë :

Haradinaj sot takon në zyrtarin e lartë nga Britania e Madhe

Sot, kryeministri Ramush Haradinaj takohet në mesditë me Drejtorin e Përgjithshëm për Çështje Politike në Ministrinë e Jashtme të Mbretërisë së Bashkuar, Richard Moore.

R.Moore paraditën e sotme u takua me bashkëkryesuesit e dialogut nga pala kosovare, Shpend Ahmeti dhe Fatmir Limaj.

Ndërkaq, Zyra e Kryeministrit njofton se takimi mes Haradinajt dhe zyrtarit të lartë britanik do të zhvillohet në orën 12:00 në mesditë.

Vizita e Moore është e treta brenda një jave prej delegacioneve të huaja në Kosovë, në vazhdën ku po tentohet të fillon dialogu mes dy shteteve.

Të shtunën Prishtinën e ka vizituar Nënsekretari amerikan për Politikë të Jashtme, David Hale, i cili ka takuar tre krerët shtetërorë në Ambasadën amerikane.

Ndërsa, të hënën në Zyrën e Kryeministrit ka qëndruar dy këshilltarët e kancelares gjermane, Angela Merkel.

Pavarsishtë këtyre vizitave Haradinaj ka qëndruar i pa lëkundur në qëndrimin e tij për tarifën 100 % ndaj produkteve serbe dhe boshnjake./TeleshkronjaPost/