ZYRTARE: Arbër Zeneli transferohet në Francë

Sulmuesi i përfaqësueses së Kosovës, Arbër Zeneli karrierën e tij do ta vazhdojë në Ligue 1 te skuadra e Stade de Reims, ka konfirmuar sot Heerenveen.

Klubi holandez bën të ditur se 23 vjeçari do të udhëtojë sot për në Francë për të negociuar me Reimsin për kontratën e tij, dhe ai do të prezantohet te Reimsi pas arritjes së marrëveshjes përfundimtare.

Komunikata e plotë nga Heerenveen :

“Arbër Zeneli mund të vazhdojë karrierën tij në Ligue 1. Sulmuesi 23 vjeçar është lejuar që të udhëtojë të premten për në Francë për të negociuar kontratën e tij me Stade de Reims. Kur klubi dhe lojtari arrijnë marrëveshje atëherë Zeneli do të largohet nga Friesland”, thuhet në konfirmimin e Heerenveenit.

Lajm fantastik për Arbër Zenelin

Arbër Zeneli ka zënë vend në formacionin më të mirë të pjesës së parë të sezonit në Eredivise.

Viti 2018, ka qenë i mirë për Arbër Zenelin, si te Përfaqësuesja e Kosovës njëjtë edhe te skuadra e tij në Holandë, Heerenveen.

Në ligën elitare të futbollit holandez ka disa lojtarë shqiptarë, por në formacionin e Squwakas është vetëm Arbër Zeneli i Heerenveenit.

23 vjeçari ka qenë titullar në të gjitha ndeshjet këtë sezon, duke arritur të realizojë edhe tetë asistime, për t’u shndërruar në lojtarin më vendimtar te Heerenveen.

Formacionin më të mirë të pjesës së parë të sezonit në Holandë e gjeni në fotografinë e mëposhtme.

E dhimbshme: Zenelit i kishte vdekur gjyshi para lojes, familjarët nuk i treguan

Arbër Zeneli me gjasë është “Lojtari i Javës” në Ligen e Kombeve, me performancën e mbrëmshme, ku lumturoi gjithë Kosovën.

Por ai ka një lajm të hidhur, pasi rreth orës 15:00 ka ndërruar jetë gjyshi i futbollistit të Përfaqësueses Arber Zeneli, nga Selaci i Mitrovicës, transmeton Teleshkronja Post.

Metro ka komunikuar me të afërmit e Zenelit të cilët e kanë konfirmuar këtë lajm.

Arbëri megjithatë nuk e ka ditur në lojë, pasi familjarët kanë vendosur të mos e njoftojnë, dhe kanë bërë mirë pasi Zeneli ishte krucial për skuadrëm.

Ai luajti për ekipin e Kosovës dhe ka arritur të shënojë tregolësh, duke u bërë lojtar i ndeshjes.

Varrimi i të ndjerit Zeki Zeneli bëhet në ora 12:00 në varrezat e Shipolit në Mitrovicë.

Sigurisht se gjithë Kosovarët i qëndrojnë afër Zenelit dhe familjes së tij, dhe e falenderojnë për kontributin./Teleshkronja Post/