Nuk ndalet nepotizmi: Edhe burri i Kadaj-Bujupit punësohet në Telekom

Deputetja e AAK-së, Donika Kadaj-Bujupi, që u kthye në AAK pasi e braktisi Vetëvendosjen, gjithashtu ka të punësuar familjarë në Telekom.

Nga 1 gushti i 2018-s, Naser Bujupi, bashkëshorti i saj, u punësua agjent i shitjes në Telekom.

Kadaj Bujupi  ka thënë se bashkëshorti i saj është jurist dhe për 20 vjet ka qenë i papunë, transmeton Teleshkronja Post.

Sipas një raporti zyrtar të Telekomit, 234 persona janë punësuar në periudhën shkurt 2018- 2019.

Në total, Telekomi ka 2 mijë e 540 punëtorë, për dallim prej 2 mijë e 295 sa kishte në vitin 2016.

Dje po ashtu u raportua se djali i deputetit të AAK-së, Muarrem Nitajt, i është punësuar djali në Telekomin e Kosovës./Teleshkronja Post/

Në “Telekomin e AAK-së” punësohet edhe djali i Muharrem Nitajt, deputeti e livdon djalin

Përveç privilegjeve që ua ofron pozita e të qenit deputetë në Kuvendin e Kosovës, shumë prej tyre, kryesisht ata që janë në pushtet, shfrytëzojnë autoritetin për të punësuar familjarë nëpër institucionet publike.

Telekomi i Kosovës është bërë dera e parë për këto punësime.

28-vjeçari Genc Nitaj, mori kontratën më 28 gusht të vitit të kaluar, si zyrtar i marketingut në këtë ndërmarrje.

Genci është djali i deputetit të AAK-së, ish-gazetarit Muharrem Nitaj.

Por, Nitaj ka mohuar të ketë përdorur autoritetin e tij për ta punësuar të birin në ndërmarrjen e cila atë kohë ishte nën menaxhimin e Gent Begollit, një ish-zyrtari të AAK-së.

Sipas tij, djali u punësua me meritë dhe ka kualifikim më të lartë sesa pozita që e mban aktualisht, e që është zyrtar i marketingut.

Donika Kadaj-Bujupi, që u kthye në AAK pasi e braktisi Vetëvendosjen, gjithashtu ka të punësuar familjarë në Telekom.

Nga 1 gushti i 2018-s, Naser Bujupi, bashkëshorti i saj, u punësua agjent i shitjes në Telekom.

Ajo ka thënë se bashkëshorti i saj është jurist dhe për 20 vjet ka qenë i papunë.

Sipas një raporti zyrtar të Telekomit, 234 persona janë punësuar në periudhën shkurt 2018- 2019.

Në total, Telekomi ka 2 mijë e 540 punëtorë, për dallim prej 2 mijë e 295 sa kishte në vitin 2016.

Memli Krasniqi: Vartësit e kryeministrit t’i kryejnë punët për çka janë aty e mos të bëhen analista

Nënkryetari i Partisë Demokratike të Kosovës, njëherësh shef i deputetëve të partisë më të madhe në koalicion, Memli Krasniqi, i ka ftuar vartësit e kryeministrit Ramush Haradinaj që mos të merren me analiza në media por t’i kryejnë punët në qeverisje, pasi për këtë për këtë u kanë dhënë përgjegjësi.

“Nuk ju takon vartësve të Kryeministrit me u ba analista e as me u marrë me spekulime. As me ligjëru çka është interes i Kosovës, se e dijmë ne pak më mirë se ta. Le t’i shikojnë punët e qeverisjes se për atë ju kemi dhënë përgjegjësi e aty ka punë mjaft”, ka thënë Krasniqi për Express.

Kjo përgjigje e Memli Krasniqit vjen menjëherë pas deklarimeve të Avni Arifit, shefit të stafit të kryeministrit Haradinaj si dhe të zëvendësministrit të Mbrojtjes nga radhët e AAK, Burim Ramadani.

Dy zyrtarët e AAK-së kanë komentuar sot për atmosferën e takimit ndërmjet tre krerëve të shtetit të Kosovës me nënsekretarin amerikan David Hale.

Labinot Tahiri i bashkohet AAK-së

Deputeti i Aleancës Kosova e Re, këngëtari Labinot Tahiri, sot i është bashkuar AAK-së në Kuvend.

Deputeti i Aleancës Kosova e Re (AKR), Labinot Tahiri, nga sot i është bashkuar grupit parlamentar të Aleancës për Ardhmërinë e Kosovës.

Këtë e ka konfirmuar shefi i grupit parlamentar të AAK-së, Ahmet Isufi.

“Po deputeti Labinot Tahiri është pjesë e Grupit Parlamentar të AAK-së. Deputeti Tahiri i është bashkuar grupit parlamentar të AAK-së”, ka treguar Isufi.

Kalimin e tij në AAK e ka konfirmuar edhe vetë deputeti Labinot Tahiri.

Ai ka thënë se akoma është deputet i AKR-së, mirëpo vetëm i është bashkuar grupit parlamentar të AAK-së.

Tahiri, po ashtu, ka treguar edhe arsyen përse e ka bërë një veprim të tillë.

“Nuk është kalim, se unë qëndroj deputet i AKR-së, por ajo që më keni pyetur është në grup parlamentar se ne jemi vetëm dy deputetë dhe më është dashur të avancoj lidhur me njohurinë e ligjeve. E pa qenë në Komisione parlamentare nuk mund të ecën përpara asnjë deputet. Kështu funksionojnë grupet parlamentare”, ka treguar Tahiri për Lajmi.net.

Ai ka thënë se këtë kalim në AAK e ka bërë me lejen e kreut të partisë së tij, Behgjet Pacolli.

Përfundon takimi i Thaçi me liderët e koalicionit

Para pak çastesh ka përfunduar takimi i liderëve të koalicionit PDK-AAK-Nisma-AKR.

Kryeministri Ramush Haradinaj dhe zëvendësësit e tij, Fatmir Limaj e Behgjet Pacolli, janë parë ta kenë lënë takimin, por nuk janë prononcuar para gazetarëve që po i prisnin në oborrin e ndërtesave të Kuvendit dhe Qeverisë.

Ata kanë hyrë në zyrat e ndërtesës së Qeverisë së Kosovës, raporton Teleshkronja Post.

Nuk janë parë të ketë dalur nga takimi kryeparlamentari Kadri Veseli.

Në zyrë të Qeverisë ka hyrë edhe Shpend Ahmeti, kryetar i Prishtinës dhe i PSD-së, që thotë se është në opozitë. Ahmeti bashkë me Limajn janë kryesues të Ekipit shtetëror të dialogut.

Në takim ishte edhe ambasadori francez, Didier Chabert, i cili ishte i pari që ka dal nga takimi.

Aleanca i bie pishman, i kërkon falje ish-kryeministrit Mustafa

Aleanca për Ardhmërinë e Kosovës, e cila udhëhiqet nga Ramush Haradinaj i ka kërkuar falje Lidhjes Demokratike të Kosovës, për deklaratat që deputeti i AAK’së.

Kjo vije pas disa deklaratave e kundër deklaratave, më e spikatura është ajo e deutetit Bekë Berisha ku e quajti Isa Mustafën “xhenaze politike”.

Komunikata e dërguar tek mediave, nga AAK shkruan se besojnë që gjuha që ka përdorur deputeti ka qenë e paqëllimshme.

“AAK, i kërkon falje ish-kryeministrit Mustafa dhe LDK-së për gjuhën e përdorur nga deputeti Bekë Berisha. Besojmë se mënyra se si është shprehur deputeti Berisha ka qenë e paqëllimtë”, thuhet në njoftimin e partisë.

Në një komunikatë drejtuar mediave, nga LDK-ja kanë shkruar se Berisha e ka shpallur të vdekur Mustafën.

“Duhet ta marrim seriozisht faktin që një deputet i Kuvendit të Republikës së Kosovës, i partisë së Kryeministrit, e shpall dhe kërcënon për xhenaze vertikale politike, kryetarin e partisë më të madhe në vend, LDK-së, e cila është në opozitë.

Problemi nuk qëndron se në Kosovë kemi individ me mendësi të prodhuesve të kufomave, por është trishtuese që një i tillë është i propozuar nga AAK dhe ka marrë mandatin e përfaqësuesit të popullit në Kuvendin e Kosovës”, shkruhet në komunikatë.

Këto deklarata nga LDK-ja i kanë cilësuar si kërcënime ndaj Isa Mustafës, ndërkaq, kanë shkruar se LDK-ja dhe Kosova kanë përjetuar mjaftueshëm xhenaze për arsye politike.

“LDK-ja konsideron se deputeti nuk ka imunitet të shpallë dhe kërcënojë kryetarin e LDK-së si të vdekur, për faktin se ai e konsideron kundërshtar politik.

LDK-ja dhe Kosova kanë përjetuar mjaft xhenaze për arsye politike nga dora e njerëzve me mendësi dhe vepra kriminale. Të tillët nuk e kanë vendin në Kuvendin e Kosovës, si të përzgjedhur të partive politike, por e kanë vendin para ligjit, duke dhënë përgjegjësi për shpalljet e kërcënimet e tyre kriminale.”

Deputeti Berisha ka thënë në emisionin “DPT Te Fidani”, se “Isa Mustafa është një xhenaze vertikale politike”.

“As hair, e as dëm nuk mund të bëjë”, është shprehur Berisha.

Ai ka thënë se Mustafa nuk ka të drejtë të kritikojë qeverisjen e Ramush Haradinajt, duke vlerësuar se Kosova nuk ia ka parë aspak hairin qeverisjes së Mustafës në vend.