Kurti kujton protestat e 10 shkurtit, Monin dhe Arbenin

Kryetari i VV-së, Albin Kurti, thotë se më 2 shkurt 2007 u bë publike Paketa e Propozimit gjithëpërfshirës të Martti Ahtisaarit për statusin e Kosovës.

Sipas tij kjo ishte një paketë e madhe pasi mendon së në të ishin future shumë padrejtësi.

“Shumica e dyfishtë në Kuvend, sundimi ndërkombëtar mbi Qeverinë, shuarja e TMK-së, decentralizmi etnik, eksterritorialiteti fetar, borxhi i jashtëm i Serbisë që na përshkruhej edhe neve. Këto i patëm quajtur gjashtë faqet e padrejtësisë së paketës kubike të Ahtisaarit, në të cilën askund s’figuronte fjala ‘pavarësi’, 37 herë përmendej fjala ‘serb’ dhe vetëm një herë ajo ‘shqiptar’, kur flitej për komunitetet joshqiptare”, shkruan Kurti.

Ai thotë se protesta e 10 shkurtit 2007 kundërshtonte, ato faqe të cilat ai i konsideron padrejtësi.

“Mijëra qytetarë u bashkuan në bulevardin “Nëna Tereze” në Prishtinë në marshin paqësor në ballë të të cilit ishte Baca Adem (Demaçi) e i cili edhe mbajti fjalim. Por, drejt sheshit “Skënderbeu” na doli përballë policia e UNMIK-ut me tyta të gjata të pushkëve çifte. 232 plumba gome me afat të skaduar u shkrepën mbi kokat dhe gjokset e njerëzve paqësorë e të paarmatosur”.

“U vranë Arben Xheladini dhe Mon Balaj, u plagosën rëndë me pasoja për tërë jetën Zenel Zeneli, Mustafë Nerjova e Hysni Hyseni, ndërkaq numri i të plagosurve që gjithsej kalonte 80, ishte pesëfish më i lartë sesa i atyre të arrestuar. Policët kishin ardhur për të qëlluar mbi neve, jo për të ruajtur ligjin e tyre”.

“Pas protestës së 10 shkurtit 2007, ndërmjetësi finlandez Ahtisaari ia dërgon Raportin e tij për Kosovën Sekretarit të Përgjithshëm të OKB-së, Ban Ki-moon. Mirëpo, ia shton një faqe në fillim Propozimit të tij ku e përmend e thotë ‘pavarësi’ për Kosovën në kuadër të togfjalëshit ‘pavarësi e mbikëqyrur’. Në po atë vit OKB-ja ndalon përdorimin e plumbave të gomës në misionet e saj nëpër botë, kurse një vit më vonë shpallet pavarësia e Kosovës”, ka shkruar Kurti në rrjetin social Facebook.

Ai tha se humbjet e vuajtjet e saj të shumta, drejtësia ende mungon edhe për Monin e Arbenin dhe familjet e tyre.

“Kujtimi ynë për ta është i pashlyeshëm kurse lavdia e tyre e përjetshme”, shkruan Kurti.

Qëndrimi i Mustafës dhe Kurtit për projektligjin e Dialogut

Aktualisht po diskutohet për Projektligjin për detyrat, përgjegjësitë dhe kompetencat e Delegacionit Shtetërorë të Kosovës në negociatat me Serbinë.

Kundër këtij projektligji kanë dal Vetëvendosje dhe LDK.

Kryetari i VV’së, Albin Kurti ka thënë se ekipi dialogues është një instancë jashtë shtetit që e përfaqëson Kosovën në dialog.

Kurti tutje ka thënë se vendimmarrja në këtë delegacion nuk do të jetë unanime. Sipas tij nuk mund të ketë unanimitet kur me 5 anëtarë nga 12 sa janë gjithsej mund të merren vendimet.

Ndërkohë nga Partia Socialdemokrate kanë thënë se me këtë projektligj sigurohet se ekipi dialogues do të jetë llogaridhënës ndaj Kuvendit të Kosovës.

Sipas tyre, pas çdo faze të negocimit, ekipi do t’i raportojë Kuvendit.

Ndërkaq, zëvendëskryeministri i Kosovës, Enver Hoxhaj ka thënë se me këtë Projektligj, Kuvendi bëhet pikënisja e dialogut dhe pikarritja e tij.

“Deri më tash ka qenë një kërkesë e të gjitha partive në Kuvend që Kuvendi të jetë bartës i procesit të dialogut dhe të ketë Projektligj. Kuvendi bëhet pikënisja e dialogut dhe pikarritja e tij. Çdo kërkesë që kanë pasë të gjitha partitë, grupet parlamentare, çdo shqetësim është i përfshirë në këtë rrebesh”, ka thënë ai.

Pas përfundimit të debatit pritet të hidhet në votim Projektligji në fjalë, i cili është kusht tjetër i PSD’së, për votimin e buxhetit.

Vetëvendosja kundër privatizimit të Telekomit

Sot kryetari i Lëvizjes Vetëvendosje, Albin Kurti, dhe drejtuesi i Komitetit për Komunikime Elektronike dhe Postare, Fatban Bunjaku, u takuan me kryetarin e Sindikatës së Telekomit të Kosovës, Lamih Balaj, dhe anëtarët e Kryesisë, Shpëtim Zharku dhe Naim Haliti.

Sot kryetari i Lëvizjes Vetëvendosje, Albin Kurti, dhe drejtuesi i Komitetit për Komunikime Elektronike dhe Postare, Fatban Bunjaku, u takuan me kryetarin e Sindikatës së Telekomit të Kosovës, Lamih Balaj, dhe anëtarët e Kryesisë, Shpëtim Zharku dhe Naim Haliti.

Në takim sipas njoftimit për media u bisedua rreth vendimit të qeverisë për nisjen e procesit të privatizimit, moszbatimin prej 6 muajsh të rezolutës së Kuvendit dhe situatës së punëtorëve.

“Qeveria nuk ka pasur as interesimin dhe as vullnetin për ta zgjidhur krizën e sajuar brenda Telekomit. Kontrata abuzive me Z-mobile, keqmenaxhimi dhe shfrytëzimi brutal i kapaciteteve të ndërmarrjes për interesa krejtësisht private duhen zgjidhur nga institucionet e Kosovës. Për këtë nuk duhet të ketë kompromis. Përfshirja e Bankës Evropiane për Rindërtim dhe Zhvillim (BERZH) në vlerësimin e gjendjes së ndërmarrjes me kusht nisjen e procesit të privatizimit për Telekomin është i papranueshëm. Problemeve të menaxhimit qeveria po i qaset a thua se ato janë fakt i dhënë, i pandryshueshëm. Mbipunësimet partiake në Telekom nuk i shkaktuan punëtorët profesionistë por segmente të partive të pushtetit. Bordet drejtuese cilësisht të dobëta, pa integritet u emëruan e votuan nga të njëjtët. Vijimin e kontratës abuzive me Z-mobile po e paraqesin si fatalitet ndërkohë që kanë përgjegjësitë dhe instrumentet për ta ndalur”, thuhet në kumtesë.

Tutje thuhet se sindikalistët njoftuan VV-në se nga viti 2008, Telekomi i ka paguar qeverisë 530 milionëve euro dividendë.

“Investime strategjike nuk bëhen, lidhen kontrata abuzive, paguhen shpenzime marramendëse, punësohen persona me lista, kurse, në funksionin e auditit të brendshëm vendosen familjarë të pushtetarëve. Prokurorisë i janë kallëzuar dhjetëra kontrata abuzive, por nuk ka përgjigje nga ana e tyre. Drejtori i parafundit i Telekomit e gjeti këtë ndërmarrje me rëndësi ekonomike e strategjike me 48 milionë euro në thesar, dhe e la me 200-300 mijë euro dhe me borxhe të panumërta që paraqiten me procedura përmbarimi”, thekson VV-ja. /kp

Albin Kurti tregon se taksa a duhet të hiqet apo të qendrojë

Kryetari i Lëvizjes Vetëvendosje, Albin Kurti ka deklaruar se taksa nuk duhet të hiqet.

Ai tha se pavarësisht presioneve, të cilat së fundmi kanë ardhur edhe nga Shtetet e Bashkuara të Amerikës, një gjë e tillë nuk duhet ta zmbraps Qeverinë Haradinaj.

Kurti ka ritheksuar se nuk do të votojnë buxhetin. Madje thotë se si i tillë është buxhet i Qeverisë dhe oborrit të saj, siç e quajti ai.

“Buxheti nuk duhet të kalojë, sepse ai është një buxhet i cili nuk e zhvillon ekonominë e Kosovës. Nuk e zbut pabarazinë dhe varfërinë në Kosovë.”

“Përkundrazi, është buxhet i qeverisë dhe oborrit të saj. Ne kërkojmë sa më parë zgjedhje të parakohshme parlamentare. Kjo qeveri duhet të shkojë, mirëpo taksa ndaj Serbisë duhet të mbetet”, tha Kurti, raporton KP.





I pyetur se kur janë gjasat që kjo qeveri të rrëzohet, ai tha se kryeministri është dashur tash e sa kohë të jap dorëheqje.

Sepse, sipas tij, kjo qeveri është karakterizuar nga skandalet për shkak të keq qeverisjes dhe korrupsionit. Madje, u shpreh i bindur se viti 2019 do të jetë vit zgjedhor.

Përkundër kësaj, ai tha se e përkrah qeverinë në vendimin për taksën ndaj mallrave serbe. Madje, tha se qeveria nuk duhet të zmbrapset, pavarësisht presioneve të ndërkombëtarëve.

“Taksa 100 për qind ndaj mallrave të Serbisë, nuk duhet të hiqet… Ne kemi insistuar në parimin e reciprocitetit të plotë me Serbinë. Edhe në aspektin politik, por edhe në atë ekonomik dhe tregtar. Serbia neve na ka shumë borxh, ne nuk i kemi borxh Serbisë. Por, qeveria aktuale, ndonëse nuk e bëri taksën qind për qind si pjesë të reciprocitetit, si pjesë të një vizioni, më të menduar dhe më të përgatitur, megjithatë ajo assesi nuk duhet të zmbrapset prej këtij veprimi, por taksa duhet të mbetet qind për qind”, tha ai.

Në 120 vjetorin e Lidhjes së Pejës, Albin Kurti ka bërë homazhe edhe tek shtatorja e Haxhi Zekës. Këtë të fundit ai e ka quajtur si veprimtar të jashtëzakonshëm.

“Haxhi Zeka ka qenë një veprimtar i jashtëzakonshëm, i cili përveç se ishte pjesëmarrës dhe anëtar i komitetit qendror të Lidhjes Shqiptare të Prizrenit, 20 vite më vonë ai e formon, organizon, drejton dhe e udhëheq si kryetar i zgjedhur Lidhjen e Pejës. Dhe natyrisht shënon një etapë tejet të rëndësishme të lëvizjes dhe rilindjes tonë kombëtare… ishte Haxhi Zeka në krye të Pejës, i cili së brendshmi e bënte pajtimin e shqiptarëve dhe në të njëjtën kohë lidhte besën, për t’u mbrojtur në mënyrë të pakursyer ndaj sulmeve të shteteve të tjera të ballkanit, te cilat dëshironin të zgjeroheshin në kurriz të shqiptarëve”, ka përfunduar ai.

Albin Kurti së bashku me anëtar tjerë të Lëvizjes Vetëvendosje, në 120 vjetorin e Lidhjes së Pejës ka vizituar edhe Kullën dhe mullirin e Haxhi Zekës, në Pejë.

Shpend Ahmeti nuk ndalë ‘sulmet’ ndaj Albin Kurtit

Lideri i PSD-së, Shpend Ahmeti, ka thënë se kur je me lëvizjen Vetëvendosje, atëherë je i mirë për Albin Kurtin, kurse kur nuk je me Vetëvendosjen, atëherë je i keq. Ahmeti ka thënë se lideri i Vetëvendosjes është demagog.

Shkrimi i plotë i Ahmetit i postuar në “Facebook”

Në vitin 2013 me insistimin tim si kandidat për kryetar të Prishtinës kemi premtuar shujta për nxënësit e klasave I-V. Në çdo tubim kam shpjeguar se si është e pamundur që dikujt ti mësohet alfabeti ose tabela e shumëzimit në stomak të uritur.

Që në vitin e parë të qeverisjes kur punonim me buxhet të qeverisjes së kaluar arritëm që të kursejmë para nga shpenzimet e naftes dhe të fillojmë me kifle falas. Dikush edhe kritikonte por për familjet që nuk qëndronin mirë ekonomikisht kjo ishte një ndihmë tepër e madhe. Mbledhjet e kabinetit i kemi të filmuara krejt.

Në vitin 2015 duke u bazuar edhe në disa programe në BE filluam të mendojmë për një gotë qumësht në ditë për çdo nxënës. Megjithatë ishte barrë e papërballueshme buxhetore. Sepse me afër 20 mijë nxënës për një vit nevojiteshin rreth 3.6 milion gota qumësht. Një hulumtim i thjeshtë i tregut në internet dhe mund ta gjeni çmimin e 250ml. Megjithate kishim ndarë 200 mijë euro që as për së afërmi nuk mbulonte shpenzimet. Në njoftimin për kontratë kishim treguar se kemi vetëm 200 mijë euro, duke shpresuar se dikush do ta sheh edhe si projekt bëmirës edhe si marketing. Dhe ashtu ndodhi. Arritem të marrim çmimin 10 cent që është larg kostos së prodhimit dhe larg ofertave tjera që kishim. Një kompani tregtare ishte ankuar edhe për konkurrence jolojale.

Me rëndësi ishte që fëmijët po marrin vitaminat e nevojshëm dhe kalciumin përmes qumështit. Këtë VV e dinte shumë mirë sepse është diskutuar dhe kemi raportuar. Ishte socialdemokraci.

Ishte e qartë që ai çmim nuk do të mund të mbahet gjithmonë. Mirëpo edhe sot çmimi me të cilin Prishtina e blen qumështin është më lirë se kosto e prodhimit dhe larg ofertave tjera. Edhe këtë VV e din.

Duke ditur fillimin e negociatave në Bruksel dhe takimin shumë të mirë që patëm me Mogherinin dhe BE, VV zgjodhi ditën e sotme të vazhdoj atë PDK e kishte bërë krejt vitin 2017, kallëzime penale të rrejshme për spektakël dhe për të shfaqur dyshime. Të gjitha ato kallëzime u treguan të pasakta. Ashtu është edhe me PDKnë e re.

Po sulmojnë programin më bujar të mundshëm me koston më të lirë të mundshme. Të gjitha furnizimet të cilat po i përmendin janë në kohën kur unë kam qenë në VV. Dhe tash Albini fshihet prapa Valdrinave të cilët vetë i përjashtoi për hajni në VV, e hedh gurin dhe e fsheh dorën.

Qumështi u fut në krejt programet e kandidatëve të LVV. Meqenëse LVV është në pushtet në Prizren, Vushtrri, Mitrovicë, etj. Dhe në qoftë se VV e paska siguru qumështin në Prishtinë atëherë pse në këto komuna nuk ka shujta e qumësht? Me padurim po e pres tenderimin e shujtave në këto komuna.

Problemi është tjetër. Në qoftë se pajtohesh me Albinin në VV lirohesh nga përgjegjësia për të kaluarën. Mundesh 20 vite me ndejt në PDK, në momentin që pajtohesh me Albinin je patriot. Mundesh 20 vjet me ndejt në LVV, në momentin që nuk pajtohesh me Albinin je tradhëtar.

Kur je kryeiministër e nuk pajtohesh me Albinin je kriminel e vrasës me 80 dosje. Kur pajtohesh me Albinin je ç’kapës i shtetit.

Kur pajtohesh me Albinin të falen edhe ngacmimet seksuale në parti duke i arsyetuar me naivitet, e arsye Lacaniane sociologjike e psikologjike. Kur nuk pajtohesh me Albinin nuk të falet as dashuria.

Kur pajtohesh me Albinin qumështi në shkolla është socialdemokraci e kur nuk pajtohesh me Albinin qumështi është korrupsion.

Kur nuk pajtohesh me Albinin dhënia e aseteve shtetërore për shtetet e tjera është falje e kur ai e flet është strategji e zhvillim i marrëdhënieve me miq.

Kur ai flet me PDK-në është e qartë që ka ndryshuar PDK-ja, kur tjetërkush flet me ta, kanë ndryshuar ata.

Demagogjia ndryshe nuk vjen.

Albin Kurti gënjen qytetarët: Zbulohet dëshmia se ishte në odën e grabitësit të Istogut

Vetëm pak kohë pasi kreu i Vetëvendosjes, Albin Kurti, tha me bindje se nuk ka qenë në odën e Kamer Metajt, plaçkitësit që vrau një polic e rrezikoi të tjerë në një plaçkitje grabitqare sot në Istog, kanë nisur të shpërndahen fotografi të cilat dëshmojnë të kundërtën.

Kurti tha në “Rubikon” të KTV’së se Metaj mund të ketë qenë anëtar i VV-së, por se kurrë nuk ka qenë në odën e tij.

“Dëgjova se është përhapur një lajm se kam qenë në odën e personit që vrau policin. Kjo s’është e vërtetë”, ka deklaruar ai.

“Kam qenë në odën e Muharrem Metaj, që nga LDK ka kaluar në VV”, ka thënë ai.
“Mund ta ketë kushëri vrasësin, por s’ka qenë oda e tij”, ka përfunduar Kurti.

Në rrjetin social Facebook është shkëputur paralajmërimi i ngjarjes, ku tregohet se Vetëvendosje do të mbajë takim në odën e Kamber Metajt, e aty do të flasë edhe Albin Kurti.

Reagon Kurti pas akuzave se qëndroi në odën e vrasësit

Kryetari i Lëvizjes Vetëvendosje, Albin Kurti, ka reaguar pas raportimeve në media se muaj më parë kishte mbajtur fjalim në kuadër të një tubimi të partisë në odën e vrasësit të Istogut, Kamer Metaj.

Ai ka thënë se nuk e di nëse Kamer Metaj – i cili sot vrau oficerin e Policisë së Kosovës, Izet Demaj – ka qenë anëtar i partisë së tij.

“Në bazë të fotogragive, nuk e di, nuk më kujtohet. Është e mundhme që është anëtar i yni”, ka thënë Kurti në Rubikon të KTV’së.

“Është për të ardhur keq, lajm i tmerrshëm. Ka ndodhur çfarë ka ndodhur”, është shprehur ai.

“Istogu është vend i vogël. Kemi shumë anëtarë atje”, ka thënë Kurti më tej, raporton Gazeta Express.

“Posa t’i kemi të dhënat zyrtare, mund ta dimë se për çfarë bëhet fjalë”, ka shtuar Kurti.

“Dëgjova se është përhapur një lajm se kam qenë në odën e personit që vrau policin. Kjo s’është e vërtetë”, ka deklaruar ai.

“Kam qenë në odën e Muharrem Metaj, që nga LDK ka kaluar në VV”, ka thënë ai.

“Mund ta ketë kushëri vrasësin, por s’ka qenë oda e tij”, ka përfunduar Kurti.

Pasditen e së enjtes në Istog dy persona të armatosur ishin nisur për një nga bankat në qendër të komunës, ku dyshohet se do të kryenin një grabitje. Aty u zunë në pritë nga pjesëtarë të Policisë së Kosovës, e pas një përleshje me armë zjarri, i vrarë mbeti një nga të dyshuarit (Kamer Metaj), e pas tij në spital të Pejës ndërroi jetë edhe polici Izet Demaj.

Dikur Albin Kurti mbante fjalim në odën e hajnit të vrarë në Istog

Lideri i Lëvizjes Vetëvendosje, Albin Kurti, para dy muajsh kishte mbajtur një takim me strukturat e partisë në odën e grabitësit nga Istogu, Kamer Metaj.

Pasditen e së enjtes në Istog dy persona të armatosur ishin nisur për një nga bankat në qendër të komunës, ku dyshohet se do të kryenin një grabitje.

Aty u zunë në pritë nga pjesëtarë të Policisë së Kosovës, e pas një përleshje me armë zjarri, i vrarë mbeti një nga të dyshuarit (Kamer Metaj), e pas tij në spital të Pejës ndërroi jetë edhe polici Izet Demaj.

VIDEO:

Pasi video e tij u bë virale, personi që e ka publikuar videon e ka fshirë atë.

Por menjëher pas këtyre thashethemeve, ka reaguar Albin Kurti pas këtyre akuzave se qëndroi në odën e hajnit K Metaj në Istog.

Kurti Ahmetajt: Politika e jashtme e Shqipërisë të ndjekë Kosovën e jo Serbinë

Gjatë ditës së djeshme Ministri i Financave në Shqipëri, Arben Ahmetaj, u deklarua kundër kundër taksës 100 % që Kosova i ka vënë produkteve serbe dhe atyre të Bosnjës dhe Hercegovinës.

Deklaratat e tij ngjallën reagime të shumta në Kosovë si dhe e shtynë ministrin shqiptar që të fshijë postimin. Por, disa orë pas deklaratave, rreth qëndrimit të Ahmetajt, ka reaguar kreu i Vetëvendosjes, Albin Kurti.

Kurti, përmes një konference për media ka deklaruar se politika e jashtë e Shqipërisë duhet ta ndjekë Kosovën e jo Serbinë. Tutje ai po ashtu ka deklaruar se Shqipëria duhet ta injorojë politikën e presidentit Hashim Thaçi.

“Sa i përket Shqipërisë, unë besojë se diplomacia e jashtë e Shqipërisë karshi Serbisë duhet ta ndjekë Kosovën. Por këtu më duhet të them mbase jo presidentin e saj. Nuk mund të kemi dy politika karshi Serbisë se jemi një komb me dy shtete”, ka deklaruar Kurti.

Tutje ai është shprehu se pret efekte pozitive nga taksa që Qeveria së fundmi i ka vendosur proukteve serbe.

“Ne bësojnë që duhet të priten efekte pozitive nga taksa 1000 për qind. Me keqardhje po them se në vend se kjo taksë 100% të jetë gjobë taktike do të duhej të kishin reciprocitetin e plotë sepse jemi shtet me integritet”, ka thënë lideri i VV’së.

E Albin Kurti këtë kundërpërgjigje ia ka dhnënë ministrit të Financave në Shqipëri, Arben Ahmetajt, pasi që ky i fundit ka mbajtur një takim shumë miqësor me homologun e tij serb, Sinisa Mali. Për këtë takim gjatë ditës ka shkruar vetë Ahmetaj në Facebook. Aty Ahmetaj thoshte se Shqipëria dhe Serbia mund ta japin shembullin më të mirë të bashkëpunimit ekonomik e politik. Mirëpo, tash Ahmetaj këtë postim e ka fshirë.

Ministri i Financave në Shqipëri, Arben Ahmetaj, është dorëzuar përballë kritikave të shumta që mori nga Kosova, për kundërshtimin që ai i bëri vendimit të Qeverisë së Kosovës për taksën 100 % ndaj Serbisë

Ahmetaj pak më parë e ka fshirë postimin e tij në Facebook, ku kishte dal kundër vendimit.

Fshirjen e postimit, ministri shqiptar e ka bërë pas presionit që erdh nga Kosova.
Kujtojmë se Ahmetaj e ka quajtur si të pashëndetshme për ekonominë e dy vendeve rritjen e taksës prej 100% të Kosovës ndaj produkteve serbe.

Ministri Ahmetaj i ka sugjeruar Kosovës që të mos marrë masa të tilla me asnjë vend, pasi vendosja e tarifave, sipas tij, shkon si kosto mbi qytetarët.

Baton Haxhiu i përgjigjet Albin Kurtit: Politikan me petkun e kriminelit

Baton Haxhiu i është përgjigjur Albin Kurtit, përmes një kolumne të shkruar enkas për Gazetën Express. Përgjigjja e Baton Haxhiut, mjaft e ashpër, tregon raportet e tij me Kurtin ndër vite. Gjuhën e Kurtit, ndër të tjera, e quan të ngjashme me atë të Vojsllav Sheshelit.

Mbrëmë e shikova një intervistë të Kryetarit të Lëvizjes Vetëvendosje. Një përgjigje për gjithë intervistën do ia jap më vonë, por tash dua të deklarohem shkurtimisht për disa gjëra.

Nga pikëpamja e deklaratës së Kryetarit të VV-së nuk do të duhesha të flisja fare. Televizioni im është i të gjithë shikuesve. Edhe i këtij njeriu. Është e kotë të tentohet të bëhet një skandal, sepse ky njeri që nga fillimi ka synuar që me skandale të mbetet në skenë.

Profesionalisht jam i obliguar ta kem ekranin të hapur edhe për të, siç e kam pasur në të kaluarën.

Herën e fundit kur ishte mysafir në Klan Kosova, gjatë fushatës zgjedhore, e kemi pasur një përplasje për shkak të sjelljes së tij të pashije. Nuk dua të tregoj se çfarë i kam thënë.

Për ta neutralizuar skandalin brenda partisë, pra për vetveten, Kryetari i Lëvizjes Vetëvendosje nga mbrëmë e ka gjetur një shënjestër për radikalët e çmendur. Mua.

I pafuqishëm, i dobët, herë-herë irracional në rrëfim, ai ka ndërtuar një tregim që ngjan me atë të secilit injorant në kafenetë e këqija provinciale. Aty ku është streha e fundit e horrave. Aty ku, nga mbrëmë, përfaqësohet edhe ai.

E njoh gjatë kryetarin e Lëvizjes Vetëvendosje, por asnjëherë nuk kam pasur përplasje të madhe direkte. E di që e kishim një letërkëmbim në vitin 2001, për shkak të një gënjeshtre të tij publike, dhe më pas konsideroja se kisha të bëja me një wannabe kryetar të kamufluar.

Kam qenë unë, bashkë me disa miq dhe kolegë, që e kemi shndërruar në person publik më 1997. Dhe për këtë ka faj edhe grupi ynë në Koha. Por, kjo është e kaluar.

Ai nuk më njeh nga afër dhe s’di asgjë për mua. As për familjen dhe as për të kaluarën time. Dhe, pranoj se jam fajtor që e kam ndihmuar një person në imazhin publik për flokët dhe jo për dijen e tij dikur. Sot dijen që e krijuar e ka për rrënim.

Ne mund të jetojmë në epokën e pasvërtetës, por në fund të fundit, asgjë nuk na shpëton nga e vërteta. Qëndrimi për të vërtetën ishte dhe mbetet gjithmonë misioni im.

Profesionin tim nuk ka të bëjë me të qenit neutral, pa pasion, pa qëndrim. Ka të bëjë me qëndrimin për versionin më të mirë të mundshëm të së vërtetës. Në rastin tim, kjo e vërtetë ishte ajo që ka kontribuar në bërjen e shtetit të Kosovës, me aq sa kam mundur, dhe kjo do të kontribuojë edhe në të ardhmen e saj. Këtu fillon dhe përfundon përgjegjësia ime.

Unë nuk jam përgjegjës ndaj politikanëve. Por, ndjehem i obliguar që ta analizoj politikën e tyre që bëjnë. Pra, edhe të Kryetarit të Lëvizjes Vetëvendosje. Në këtë drejtim, të gjithë akterët në këtë lojë do të gjykohen gjithmonë sipas kontributit të tyre në të ardhmen e Kosovës. Ndoshta kemi versione të ndryshme të asaj të ardhme. Sepse nuk jam as vrasës, as pengues dhe as pretendues i kalljes së institucioneve.

Sepse është shumë e lehtë t’i mashtrosh njerëzit me zemërim dhe urrejtje. Me sulme brutale, me gënjeshtra, me minimin e të gjitha institucioneve që janë në ndërtim e sipër dhe ende nuk kemi arritur t’i përfundojmë në këto 10 vjet.

Unë e di që në këtë moment ju dhe Lëvizja Vetëvendosje keni nevojë për të gjetur një armik më të madh se sa problemi juaj.

Ju keni nevojë për një objektiv të ri për ta larguar vëmendjen nga gabimet e juaja.

Nga mungesa e vendimeve të lidershipit, të krizës së identitetit në Lëvizjen Vetëvendosje, për shkak se anëtarësia ka nevojë dhe dëshiron në këtë moment të jetë diçka më shumë sesa thjesht një lëvizje anti-pushtet, ju vazhdoni ta përdorni ndjenjën popullore vetëm për ta sfiduar çdo respekt te tjetrit.

Tash, brenda Vetëvendosjes keni njerëz që duan të respektohen.

Ju nuk mund t’i heshtni ata, kështu që duhet të krijoni zhurmë më të egër.

Kryetari i Lëvizjes Vetëvendosje me vendimet e reja dëshiron t’i kthehet rrënjëve politike, në primitivizëm, në sulm në emër të sulmeve, në manipulim me të vërtetën.

Ju duhet ta ndani kombin edhe më shumë, përtej pajtimit, për ta thyer lojën në të cilën po humbni fuqinë dhe me këtë ta bëni veten përsëri të nevojshëm.

Kështu që ju keni nevojë për mua që ta krijoni atë zhurmë të pakuptimtë, pa mëdyshje shumë primitive, bazuar në nevojat e juaja dhe jo në fakte. Ju keni nevojë për mua që të jeni ju, pra, që të bëni betejë të humbur brenda Lëvizjes Vetëvendosje.

Por, unë nuk kam nevojë për ju.

Dhe ju e dini këtë.

Unë kam nevojë për politikë përgjegjëse, për lojën që nuk ka të bëjë me pozicionet dhe fuqinë e zhveshur, por me të ardhmen dhe dinjitetin e kombit. Ndoshta ju keni disa ide për të ardhmen, por nuk kemi parë shumë dinjitet ne idetë që i përfaqësoni.

Ashtu siç i keni përmendur disa akterë të së kaluarës, mos harroni se në vitet 1990, unë kam pasur kundërshtarë më të egër dhe më të fuqishëm se ju. Por, besoja, siç besoj tash, se kam qëndruar dikur dhe vazhdoj të qëndroj i tillë për të ardhmen reale të Kosovës. Ajo ka vlerën dhe fuqinë e vet, pa marrë parasysh se çfarë është kostoja.

Dhe e rrejshmja është e rrejshme, pa marrë parasysh sa me zë të lartë thuhet.

Nuk është patriotizëm ai, i cili në të vërtetë punon më mirë për ata që nuk kanë interes për një Kosovë të qëndrueshme dhe të pavarur. Dhe nëse doni të flisni për spiunë, le të flasim për këtë. Kur te doni. I hapim të gjitha letrat dhe detajet e angazhimeve tona publike.

Unë nuk fsheh asgjë. As nga e kaluara ime, as nga familja, as nga gjyshërit e mi dhe prejardhja ime. Jemi aq larg në çdo gjë, në të gjitha zhvillimet e epokave, sa nuk krahasohemi dot.

Ju, Kryetar i Lëvizjes Vetëvendosje, nuk mund të jeni politikan dhe rebel i vazhdueshëm pa shkak. Keni hyrë në lojën politike dhe qëllimi juaj përfundimtar është ta fitoni ndeshjen. Por, kjo përfshin edhe rrezikun e humbjes. Edhe me peshën e pafuqisë duhet ta duroni dhe nuk iu lejohet duke bërë lojën e politikanit me petk krimineli.

Kështu nuk mund ta fitoni betejën për pushtet.

Veçanërisht nëse ajo për të cilën po flisni nuk qëndron në realitet.

Kjo mund të funksionojë me afat të shkurtër, por qytetarët e Kosovës janë me mbingarkesë të gënjeshtrave, urrejtjes dhe zemërimit.

Ata duan diçka tjetër. Ata kanë nevojë për diçka tjetër.

Dhe unë gjithmonë do të qëndroj për këtë aty që t[ kontribuoj pozitivisht duke mos fshehur asgjë.

Në Kosovë është e patolerueshme përsëritja e të njëjtave gabime. Një vend me kaq vuajtje nuk mund të mbajë politikanë kriminelë. Dhe një politikan me diskurs të Sheshelit.

Është vdekje politike, bashkë me besimin e gënjeshtërt që jeni munduar ta krijoni prej kaq vitesh.