Super-kompjuteri parashikon fituesin e Ligës së Kampionëve

Sytë e të gjithëve do të jenë të premten në Nyon ku hedhet shorti për çerekfinalet e Ligës së Kampionëve.

Pas një jave magjepsëse, ku Lionel Messi dhe Cristiano Ronaldo u rikthyen sërish në qendër të vëmendjes, tashmë dihen tetë ekipet që do ta luftojnë për trofeun.

Për herë të parë që nga viti 2009, katër skuadrat të Ligës Premier janë futur në tetë të fundit, me Manchester Cityn dhe Liverpoolin që iu bashkuan Manchester Unitedit dhe Tottenhamit.

Ajax, Barcelona , Juventusi dhe Porto e mbyllin tetëshen.

Super-kompjuteri ‘FiveThirtyEight’ i ka parashikuar se kush do të marr trofeun në fund në Madridit më 1 qershor.

‘FiveThirtyEight’ kanë vlerësuar probabilitetin e secilës nga tetë skuadrat e mbetura , gjysmëfinalistët, finalen dhe fituesin.

74 për qind gjasa ka City që të shkojë në gjysmëfinale, 49 për qind në finalen dhe 28 për qind që ta fitojë trofeun në stadiumin Wanda Metropolitano.

Pas tyre vijnë Liverpooli me 22 për qind gjasa që ta fitojë. Barcelona është e treta me 20 për qind dhe Juventusi me 11 për qind.

Ajax, Tottenham, United e Porto e mbyllin.

Këto janë 8 skuadrat çerekfinaliste dhe data e hedhjes së shortit / FOTO

Faza e 1/16 së nokautit ose eleminimit direkt në Ligën e Kampionëve u mbyll sonte me duelet Bayern – Liverpool dhe Barcelona – Lyon.

Barcelona dhe Liverpool shkuan tutje në çerekfinale me fitore bindëse me rezultat 5-1 respektivisht 1-3.

Këto janë të gjitha skuadrat që janë kualifikuar në çerekfinale të LK: Ajax, Barcelona, Juventus, Liverpool, Manchester City, Manchester United, Porto dhe Tottenham Hotspur.

Ndërsa hedhja e shortit për 1/8 e finales do të hidhet me 15 mars, të premtën si zakonisht në Nyon të Zvicres./teleshkronjapost.info/

Ylli 20 vjeqarë i Realit: “Oferta e Ajax? Nuk e besoj se vlejë kaq”

Mesfushori sulmues i Real Madridit,Martin Odegaard ka hedhur poshtë thashethemet se Ajax janë të gatshëm ta nënshkruajnë atë me një tarifë prej 20 milionë eurosh.

Norvegjezi, i cili aktualisht është në huazim nga Real Madridi tek Vitesse, ka pohuar se vlera aktuale e tij e tregut nuk arrin shifrën e lartpërmendur.

“Unë nuk mendoj se kam vlerë aq shumë të lartë, pasi shumat që lëvizin në futboll sot janë jashtë kontrollit dhe të pa arsyeshme”, tha ai.

“Kam lexuar thashethemet, por nuk e di nëse janë të vërteta.”

MARCA njoftoi kohët e fundit se klubi holandez është i etur të fitojë 20-vjeçarin, i cili është huazuar në një ekip të Eredivisie për të dytin vit me rradhë, pas magjisë së tij në Heerenveen./teleshkronjapost.info/

Ajax alla Barcelona, midis Bernabeut tmerron Real Madridin / Video

Ajaxi ka bërë befasin e sezonit padyshim me një paraqitje ikonike duke e eliminuar nga Liga e Kampionëve kampionin në fuqi, Real Madridin.

Klubi holandez mposhti me rezultat të përgjithshëm 5-3 pas dy ndeshjeve në 1/8 e finales, shkruan Teleshkronja Post.

Dusan Tadico shkëlqeu me një gol dhe dy asiste për Hakim Ziyech dhe David Neres, para se Lasse Schone të realizonte një gol spektakolar nga gjuajtja e lirë për triumfin e Ajaxit 1:4 kundër Real Madridit të martën në Santiago Bernabeu.

Ajaxi zbaroi në Bernabeu me qasje fantastike përkundër se e kishte humbu ndeshjen e parë 2:1 në Amsderdman dhe se përballë kishte klubin që i ka fituar katër tituj të Ligës së Kampionëve në pesë vitet e fundit.

Këtë e dëshmoi pas vetëm shtatë minutave lojë, kur Tadic e nxori vetëm me portier Ziyechin, i cili shënoi për 0:1.

Mesfushori serb me një veprim fantastik asistoi edhe te Neres, i cili e dyfishoi epërsinë e vizitorëve në minutën e 18-të.

Real Madridi ishte shumë pranë golit kur Raphael Varane qëlloi shtyllën, para se Santiago Solari të detyrohej t’i kryente dy zëvendësime dhjetë minuta para fundit të pjesës së parë.

Lucas Vazquez dhe Vinicius Junior u dëmtuan dhe u detyruan të lënin vend për Gareth Bale dhe Marco Asensio respektivisht.

Bale për pak sa nuk shënoi, por përpjekja e tij për ta paraboluar portierin e Ajaxit përfundoi në shtyllë.

Tadic e trefishoi rezultatin në minutën e 62-të me një gol fantastik, edhe pse mjaft kontrovers, i cili u pranua pas plot pesë minutave rishikimi në VAR, nëse e kishte kaluar topi vijën anësore apo jo në proces.

Një fije shpresë Realit ia dha Marco Asensio kur shënoi golin e vetëm në këtë takim për vendasit njëzet minuta parafundit.

Por, Lasse Schone tronditi Bernabeun kur realizoi një gol të jashtëzakonshëm nga goditja e dënimit pothuajse në pozitën e kornerit, vetëm dy minuta më vonë.

Ajaxi e siguron çerekfinalen, ndërkohë që Real Madridi përshëndetet nga Liga e Kampionëve për herë të parë pas tri viteve.

Formacionet zyrtare: Real Madrid vs Ajax / Foto

Ajaxi ka udhëtuar në Madrid ku synon ta bëjë befasinë nëse mundet dhe ta eleminojë Real Madridin, dhe vet të kualifikohet në çerekfinale.

Lojtarët e gjigantit holandez nuk ishin të vetmit që udhëtuan drejt Madridit para ndeshjes së 1/8 së finales në Ligën e Kampionëve sonte, shkruan Teleshkronja Post.

Raportohet se rreth 4.000 tifozë ultras të Ajaxit kanë udhëtuar drejt kryeqytetit spanjoll në përkrahje dhe synim kualifikimin.

Lexo poashtu: Formacionet zyrtare: Borussia Dortmund vs Tottenham / Foto

Real Madridi në këtë ndeshje vjen me moral të dobët pas dy humbjeve nga Barcelona, por kë Champions të bardhët kanë tjetër fytyrë dhe Ajax e di shumë mirë këtë.
Të dy klubet kanë publikuar formacionet zyrtare:
Formacioni zyrtarë i vendasëve, Real Madridit

Formacioni zyrtarë i mysafirëve, Ajaxit 

​​Frenk De Jong: ‘Barcelona më ka kërkuar ta eliminoj Realin’

Mesfushori i Ajaxit, Frenkie de Jong, ka nënshkruar kontratë me Barcelonën gjatë afatit kalimtar të janarit. Ai do t’i bashkohet klubit katalonas në fund të këtij sezoni.

Sonte skuadra e tij aktuale, Ajaxi, do të ndeshet me Real Madridin në kuadër të ndeshjes kthyese për 1/8 të finales së Ligës së Kampionëve.

Para kësaj ndeshjeje, De Jongu e ka zhvilluar një intervistë me të përditshmen holandeze, De Telegraaf, ku i ka ofruar mendimet e tij për këtë sfidë dhe e ka zbuluar kërkesën e Barcelonës.

“Eliminimi i Real Madridit do të ishte i mrekullueshëm. Ata shkojnë në këtë ndeshje si favoritë pasi që janë duke luajtur në shtëpi dhe fituan në Amsterdam. Ata e kanë fituar këtë titull katër herë nga pesë vjetët e fundit”, ka thënë De Jong.

“Megjithatë, gjithçka mund të ndodhë nëse ne luajmë mirë dhe i shfrytëzojmë mundësitë tona. Në Holandë, të gjithë mendojmë se do të kalojmë përpara. Preferoj të jem favorit, por tani ka më shumë presion mbi ne”.

“Nëse ne do ta eliminojmë Real Madridit, kjo do të ngjallte një diskutim të madh në botën e futbollit. Ne do ta vendosim emrin e Ajaxit përsëri në hartë. Kur unë e nënshkrova marrëveshjen, ata më thanë: ‘Bëje maksimumin për ta eliminuar Real Madridin’. Kjo do të ishte e mrekullueshme për Barcelonën”.

Klasikja Real Madrid-Ajax: Formacionet e mundshme / FOTO

Klubi holandez, Ajaxi do të jetë mysafir i Real Madridit në ndeshjen e kthimit të 1/8 e finales së Ligës së Kampionëve.

Los Blancos kanë epërsinë 2-1 nga ndeshja e parë, një rezultat që i jep përparësi, por jo edhe siguri në Santiago Bernabeu.

Holandezët ishin mjaft të mirë në ndeshjen e parë, arritën të bëjnë një lojë të bukur dhe me shumë raste shënimi, tani që nuk kanë asgjë për të humbur pritet të sulmojnë me gjithë forcat për të fundit herë.

Reali vjen nga humbja 0-1 nga Barcelona në La Liga dhe ajo eliminuese 0-3 në Camp Nou në kuadër të Kupës së Mbretit, ndërsa në anën tjetër Ajaxi vjen nga një formë e mirë prej tre fitoresh radhazi.

Në total dy skuadrat janë takuar 13 herë gjatë historisë, 13 fitore për Los Blancos, një barazim dhe katër fitore për holandezët.

Për skuadrën e Santiago Solarit do të mungojë kapiteni Sergio Ramos për shkak të kartonëve, ndërsa më poshtë keni formacionet e mundshme:

Formacioni i mundshëm i Real Madridit: Courtois; Reguilon, Varane, Nacho, Carvajal; Casemiro, Kroos, Modric; Vazquez, Benzema, Vinicius.

Formacioni i mundshëm i Ajaxit: Onana; Tagliafico, Blind, De Ligt, Mazraoui; De Jong, Van de Beek, Schone; Neres, Tadic, Ziyech.