Dështon projekti i Bahtirit për Mitrovicën ?

Gati një muaj më parë, kryetari i Mitrovicës, Agim Bahtiri, deponoi në Kuvend peticionin me rreth 17 mijë nënshkrime të qytetarëve për bashkimin e Mitrovicës së Jugut me atë të veriut, por i njëjti ende nuk është trajtuar në Komisionin për Peticione në Kuvend.

Anëtarë të këtij komisioni thonë se kjo çështje tejkalon kapacitetet e komisionit, meqë është temë më serioze sesa kaq, raporton KTV.

Lirie Kajtazi nga LDK-ja, ka thënë se, në shumicën e rasteve, peticionet kanë shërbyer si mjet i politikës ditore e nuk e kanë pasur qasjen e duhur.

Ajo tha se ata që i udhëheqin peticionet, pasi të arrijnë një efekt politik të subjektit, i lënë edhe vetë në harresë ato.

Ndërkohë, Teuta Haxhiu tha se është interesuar të dijë për fatin e këtij peticioni, derisa administrata i ka thënë se ka shkuar në qeveri për një mendim.

Ajo uron që ndjenja e brendshme për Mitrovicën e bashkuar të mos jetë eufori.

Televizioni ka pyetur Qeverinë e Kosovës nëse peticioni është në qeveri për një mendim, por kanë thënë se kjo çështje i takon vetëm Kuvendit.

Kreu i Mitrovicës, Agim Bahtiri, është shprehur i sigurt që Mitrovica do të bashkohet brenda këtij viti.

Ai ka qenë edhe më i ashpër në deklarimet e fundit, duke thënë se, nëse preket Mitrovica, do të ketë luftë.

Për bashkimin e këtij qyteti, kryetari Bahtiri e gëzon mbështetjen e presidentit Hashim Thaçi e kryeparlamentarit Kadri Veseli.

Kastrati dhe Bahtiri memorandum bashkëpunimi për 51 shtëpi në Mitrovicë

Komuna e Mitrovicës Jugore dhe Shoqata Jetimat e Ballkanit kanë nënshkruar një memorandum bashkëpunimi.

Kjo u bë e ditur sot përmes një njoftimi në Facebook nga kryesuesi i shoqatës dhe humanisti Halil Kastrati, raporton Teleshkronja Post.

Kryetari Agim Bahtiri dhe Halil Kastrati kanë nënshkruar marrëveshjen, ku u bë e ditur se do dhurohen 51 shtëpi.

Postimi i plotë :

Lajm i madh 51 shtepi do te ndertohen ne komunen e MitrovicesSot u nenshkrua memorandumi bashkepunues mes Shoqates…

Posted by Halil Kastrati on Thursday, January 31, 2019

Agim Bahtiri ja ‘krisë’ këngës për Isa Boletinin

Sonte i ftuar në Oxygen Show me Besim Dinën ishte kryetari i Mitrovicës së Jugut, Agim Bahtirit.

Gjatë emisionit Agim Bahtirit në emision i erdhi edhe një këngëtar i muzikës popullore, përcjellë Teleshkronja Post.

Ai bashkë me “Celin” kënduan këngën e Isa Boletinit, duke shfaqur edhe talentin e Agimit sadopak për muzikën.

Video:

Cili është politikani më i mençur shqiptarë sipas Agim Bahtirit ?

Sonte i ftuar në Oxygen Show me Besim Dinën ishte kryetari i Mitrovicës së Jugut.

Si njeri karizmatik Bahtiri nuk heziton asnjëherë të japë komente për çështje të ndryshme, shkruan Teleshkronja Post.

Por në pyetjen e Besim Dinës se cili është politikani më i mençur shqiptarë sipas Agim Bahtirit?, Agimi hezitoj të përgjigjej.

Promo e emisionit :

Bahtiri godet gjithë ata që nuk e përkrahin bashkimin e Mitrovicës

Kryetari i Mitrovicës jugore, Agim Bahtiri, beson që misioni i tij për bashkimin e Mitrovicës do të realizohet këtë vit.

Kryetari i Mitrovicës së Jugut, që mori mbështetje nga rreth 17 mijë qytetarë në idenë e tij për bashkim, thotë se Mitrovica do të bashkohet sivjet, raporton KTV.

“Nuk dua të jap afate, por besoj që Mitrovica bashkohet këtë vit”, ka thënë Bahtiri.

Bahtiri, i cili mori mbështetje edhe nga presidenti, thotë se me kryeministrin Ramush Haradinaj nuk ka folur direkt, por mbështetje ka marrë nga vëllai i tij, deputeti Daut Haradinaj, si dhe nga të gjithë kolegët e tij kryetarë komunash që vijnë nga AAK-ja.

U ka tërhequr vërejtjen vendorëve e ndërkombëtarëve që t’i mbajnë larg duart nga Mitrovica.

Bahtiri ka bërë thirrje që Kuvendi të ecë tutje me peticionin, e për bashkimin e Mitrovicës është i bindur se nuk ka nevojë fare për votat e Listës Serbe.

“Mezi po pres me ju pa fytyrat atyre në Kuvend që do të votonin kundër”, ka thënë më tej Bahtiri.

Por, qytetarët e Mitrovicës nuk janë aq optimistë sa Bahtiri.

Derisa mbështetje iniciativës së Bahtirit i ka dhënë presidenti Hashim Thaci, deputeti i Vetëvendosjes, Liburn Aliu, këtë e ka quajtur vetëm lojë politike.

Ai tha se do t’i japin mbështetje peticionit të qytetarëve që tash është në Kuvend, megjithëse thotë se ka vështirësi në realizim.

Rreth kësaj çështjeje nuk ka dashur të komentojnë Presidenca dhe Qeveria e Kosovës.

Bashkimi i Komunës së Mitrovicës së Jugut me atë të Veriut nuk mund të ndodhë pa miratimin e Listës Serbe.

Me kushtetutë përcaktohet se ndryshimi i kufijve komunalë është legjislacion me interes vital, që kërkon edhe shumicën e votës së deputetëve të komuniteteve pakicë.

Thaçi e përkrahë zyrtarisht Bahtirin për bashkimin e Mitrovicës

Agim Bahtiri para pak javësh, pas dorëheqjes së katër kryetarëve të komunave me shumicë serbe, e nisi peticionin për bashkimin e Mitrovicës.

Në fillim askush nuk e përkrahu edhe pse Bahtiri thoshte se e ka përkrahjen e kryeministrit, kryeparlamentarit dhe presidentit.

Por siç duket tash Bahtiri edhe zyrtarisht e ka një përkrahje nga lideri i shtetit, presidenti Thaçi, raporton Teleshkronja Post.

Madje Thaçi sot në një postim në Facebook ka kërkuar që edhe institucionet tjera ta përkrahin iniciativen për bashkimin e Mitrovicës.

“Bashkimi i qytetit të Mitrovicës është proces i pandalshëm. Në takim me kryetarin Bahtiri konstatuam se qytetarët e Mitrovicës e kanë thënë fjalën e tyre. Tani e kanë radhën të veprojnë institucionet: Qeveria, Kuvendi dhe Presidenca,” shkruan Thaçi.

Kështu sipas shkrimit të Thaçit, tash edhe qeveria dhe institucionet tjera të shtetit duhet ta mbështesin inicativen e Bahtirit, duke aluduar tek kryeministri./Teleshkronja Post/

Agim Bahtiri: Nëse Amerika më thotë rrëzoje shtëpinë, e bëj

Agim Bahtiri është tash e disa javë ka qenë një nga kryetemat e politikës.

Ai ishte i ftuar në emisionin DPT te Fidani për ta spjeguar detajish planin për bashkimin e Mitrovicës, shkruan Teleshkronja Post.

Gjatë intervistes ai thoshte se Amerika është ajo që jep urdhëra pasi është shteti më i fuqishëm në botë.

Madje thoshte se nëse Amerika më thotë rrëzoje shtëpinë, e bëj.

“Amerika është baba, Amerika më thotë rrëzoje shtëpinë, e bëj, nëse më thotë rrënoje gjith pasurinë do ta bëj.”

“Ata nuk kanë plane vetëm për Kosovën, ata sistemojnë gjithë botën, Amerika është baba këtu.”

Ndeja e fundvitit, Thaçi, Bahtiri, Veseli e Lladrovci / FOTO

Ramiz Lladrovci, kryetari i Drenasit, ka publikuar disa fotografi ku shihet me shumë zyrtarë të lartë të Partisë Demokratike të Kosovës.

Bashkë me ata në këtë darkë, është edhe Presidenti Hashim Thaçi si dhe kryetari i Mitrovicës, Agim Bahtiri që vjen nga radhët e AKR-së.

Tryeza ka qenë e mbushur me ushqim që nga buka, specat e deri tek mishi në një takim në një lokal që është zhvilluar mes presidentit, Thaçi, kryetari të Mitrovicës, Agim Bahtiri e ish-kryetarit të Skenderajt Sami Lushtaku.

Përveç ushqimit aty nuk kanë munguar as pijet alkoolike – birra dhe verë, është shoqëruar takimi ku ka qenë edhe zëvendëskryeministri i Kosovës, Enver Hoxhaj.

Fotografia është postuar në llogarinë sociale nga kryetari i komunës së Drenasit, Ramiz Lladrovci. Ai ka shkruar se sonte është pjesë e kësaj ndeje edhe Agim Bahtiri.

Pjesë e kësaj ndeje kanë qenë edhe ministri i financave, Bedri Hamza si dhe Hajredin Kuqi që në të kaluarën kishte mbajtur postin e zëvendëskryeministrit të Kosovës.

Fotografi nga kjo nejë ka pastuar edhe Bekim Haxhiu.

Kryetari Agim Bahtiri: Ura e Ibrit do të quhet ‘Shakira’

Kryetari i Mitrovicës Jugore, Agim Bahtiri, në një intervistë për T7 thotë se propozoi që urës së Ibrit t’i vihet emri “Shakira’ në nderim të këngëtares kolumbiane.

Po ashtu Bahtiri thotë se idenë për bashkimin e Mitrovicës e ka pasur qysh moti.

Për këtë iniciativë shprehet se ka edhe përkrahjen e të liderëve të vendit, përshirë edhe atë të Presidentit të Kosovës, Hashim Thaçi. Sipas Bahtirit kjo iniciativë është legjitime.
Bahtiri e ka mohuar se kjo ide është e Vetëvendosjes. Po ashtu i pari i Mitrovicës është shprehur se për këtë ide ka marrë përkrahje edhe të serbeve

“Ka qenë një propozim që emrin e ‘Urës së Ibrit’ me ia vnu ‘Shakira’. Sa i përket çmimit për këngëtaren, jo çdo kush punon për para, nderimi që do t’i bëhet asaj me emrin e urës në ‘Shakira’ jo çdo kush do ta meritonte”, ka deklaruar Bahtiri.

Kjo, Shakira nuk do të mund që edhe për një kohë të performojë në Urën e Ibrit. Kjo për shkak të zhvillimeve të fundit në pjesën veriore të vendit.

Por, Bahtiri po premton se së shpejti do të e sjellë Shakiran në Kosovë. Derisa nuk ka treguar se me cilat para do ta paguaj ekipin e këngëtares latinoi-amerikane, nëse kjo e njëjta vendosë të përformojë në ngjarjen që do ta organizojë Bahtiri në Urën e Ibrit.

KK i Mitrovicës voton pro kërkesës së Agim Bahtirit për bashkimin e Mitrovicës

Dy ditë më parë Kryetari i Mitrovicës Jugore, Agim Bahtiri thirri mbledhjen e jashtëzakonshme për sot për bashkimin e dy Mitrovicave, të jugut dhe të veriut.

Sot në këtë mbledhje është miratuar me shumicë votash kërkesa e kryetarit të Komunës Jugore të Mitrovicës, Agim Bahtiri, raporton Teleshkronja Post.

Vendimi që u mor sot është ndryshimi i Ligjit 03/L401 për kufijtë administrativ të Mitrovicës me qëllim të bashkimit të qytetit.

Pro këtij vendimi kanë votuar gjithsejtë 31 asamblistë.

Kjo kërkesë e Agim Bahtirit ka ardhur pas dorëheqjes së Goran Rakiqit nga posti i kryetarit të komunës veriore të Mitrovicës.