agim-ramadani-izet-demaj

Bashkëshortja e komandantit legjendar, Agim Ramadani, Shukrie Ramadani ka reaguar pas vrasjes së policit nga Istogu, Izet Demaj.

Ky i fundit mbeti i vdekur pas shkëmbimit me armë zjarri me një grabitës së bankave.

“Lajmi për vrasjen e oficerit të policisë Izet Demaj, ushtarit të Koshares, hijes mbrojtëse të komandant Rrustem Berisha,na tronditi thellë. Ngushëllime të përzemërta familjes Demaj, shokëve ,miqve dhe të gjithë pjestarëve të policisë! I dashuri Izet,i dashte dhe çmove heronjtë aq fort sa sot në prag festash u bëre pjesë e tyre,Lavdi dëshmor roje e përjetshme heroike e Lirisë së Kosovës”, ka shkruar ajo në Facebook.

Express ka raportuar nga fillimi për këtë rast. Ngjarja ka ndodhur gjatë pasdites së sotme, kur një person i armatosur dyshohet se kishte tentuar të hyjë për të grabitur në një nga bankat në këtë komunë.

Në këtë rast për të parandaluar vjedhjen, policia e Kosovës dhe i dyshuari kanë shkëmbyer armë zjarri. Në vend të ngjarjes vdiq i dyshuari ndërkaq, polici Izet Demaj 42- vjeçar ka vdekur në Spital të Pejës.

Loading...