Kryeministri në detyrë i Republikës së Kosovës, Ramush Haradinaj ka pranuar letër falënderimi nga ish-sekretarja e shtetit amerikan, Hillary Clinton.

Kjo letër falenderimi vjen për organizimin e 20-vjetorit të hyrjes së forcave të NATO-s në Kosovë, dhe pamundësinë që ajo të ishte e pranishme në këtë ngjarje të rëndësishme.

Në këtë ngjarje edhe pse nuk ishte Hillary, i pranishëm ka qenë burri i saj, Bill Clinton dhe Madeleine Albright, transmeton Teleshkronja Post

Statusi i plotë i Haradinajt:

Jashtëzakonisht i nderuar të pranoj letër falënderimi nga ish sekretarja e shtetit amerikan, Hillary Clinton, për organizimin e 20- vjetorit të hyrjes së forcave të NATO-s në Kosovë, dhe pamundësinë që ajo të ishte e pranishme në këtë ngjarje të rëndësishme. Ish sekretarja Clinton u rreshtua në të drejtën tonë për liri. Sot, dhe përgjithmonë ajo mbetet mikja dhe aleatja jonë më e veçantë. Clinton, përmes kësaj letre shpreh falënderimin e posaçëm për dërgimin e pullës postare të punuar me imazhin e saj. Ndihem i lumtur për vlerësimin e ish sekretares Clinton rreth udhëheqjes sime si kryeministër, gjithmonë në përpjekje për të ndërtuar një të ardhme prosperuese për popullin e vendit tim!

Loading...