Prishtina fiton kundër KEK-ut

Klubi nga kryeqyteti, Prishtina është kthyer te fitorja në Superligë pasi e mundi KEK-un 1:2, duke e rikthyer pozitën e dytë në renditje me pesë pikë më pak se lideri, Feronikeli.

FC Prishtina po vinte nga një një humbje kundër Llapit dhe barazimi me Feronikelin në dy javët e fundit, por e mundi KEK-un të dielën në “Agron Rama” në Obiliq.

Diar Miftaraj i kaloi bardhekaltrit në epërsi pas vetëm shtatë minutave lojë.

Armend Dallku e dyfishoi epërsinë pas gjysmë ore lojë.

Vendasit u rikthyen në lojë kur Egzon Qerimi shënoi për 1:2 në minutën e 53-të, megjithatë KEK-u nuk pati forcë ta befasojë skuadrën vizitore.

Prishtina kthen pozitën e dytë me 47 pikë, aq sa ka edhe Llapi në të tretën, ndërsa ngel plot pesë pikë prapa liderit Feronikelit.

KEK-u vijon të jetë skuadra e fundit në ligë me vetëm 1 pikë dhe tashmë i ka thënë lamtumirë ligës elitare kosovare.

Feronikeli vazhdon me fitore, prapë shkëputet në tabelë nga vendi i dytë

Klubi nga Drenasi, KF Feronikeli ka siguruar fitore 3-0, në ndeshjen e xhiros së 22-të, të IPKO Superligës, të zhvilluar ndaj Gjilanit.

Skuadra vendase ishte më e mirë gjatë gjithë takimit, duke shënuar dy gola në pjesën e parë.

Të dyja golat erdhën nga sulmuesi i pandalshëm këtë sezon, Kastriot Rexha, i cili së pari tundi rrjetën e Gjilanit në minutën e 24-të, e më pas për të dyfishuar epërsinë në minutën e 38-të.

Futbollistët shkuan në pushim, me epërsinë 2-0 të Feronikelit, shkruan Teleshkronja Post.

Gjatë pjesës së dytë u shënua edhe një gol tjetër. Mevlan Zeka realizoi për 3-0, duke i dhënë “vulën” kësaj paraqitje të mirë të skuadrës, në minutën e 85-të.

Feronikeli tani ka 52-pikë dhe vazhdon të jetë lider i IPKO Superligës së Kosovës, 5 pikë më shumë se Llapi e Prishtina në poziten e dytë./TeleshkronjaPost/

 

Feronikeli dominon, por vetëm barazim në derbi me Prishtinën

Është ndarë me barazim derbi i madhë i javës në IPKO Super Ligen e Kosovës ndërmjet klubit nga Drenasi, KF Feronikeli dhe FC Prishtina.

Prishtina dhe Feronikeli barazuan 1:1 në “Fadil Vokrri” në Prishtinë, në një ndeshje të vlefshme për javën e 21-të të ligës elitare kosovare, që nënkupton se Nikli e ruan epërsinë prej pesë pikëve kundër kardhekaltërve në një garë të nxehtë për titull kampioni, raporton Gazeta Express.

Po ashtu, fitorja e Llapit kundër Gjilanit do të thotë se skuadra nga Podujeva mbetet në garë për titull me Niklin dhe Prishtinën.

Bardhekaltrit shënuan në rastin e dytë herët në fillim të ndeshjes. Leotrim Bekteshi shënoi gol të bukur me kokë duke i dhënë epërsinë vendasve në minutën e 17-të.

Pjesa e parë u mbyll me epërsinë minimale të skuadrës nga kryeqyteti.

Megjithatë, gjërat u vështirësuan për skuadrën e Mirel Joses, pasi Lorik Boshnjaku u përjashtua nga ndeshja pas kartonit të dytë të verdhë kur akrepat shënonin rreth një orë lojë.

Vizitorët nga Drenasi e shfrytëzuan epërsinë e një lojtari më shumë në fushë dhe e barazuan rezultatin në 1:1 vetëm 15 minuta më vonë.

Mendurim Hoti realizoi duke e shpëtuar Niklin nga humbja në një ndeshje të rëndësishme në garë për titull.

Feronikeli vijon të mbetet lider me 49 pikë në Ipko Superligë, pesë më shumë se Llapi në vendin e dytë dhe po aq më shumë se Prishtina në vendin e tretë.

Renditja në Superligën e Kosovës pas xhiros së 21-të.

ZYRTARE: KF Feronikeli transferon ish-lojtarin e Fenerbahçes

Sot edhe zyrtarisht ka njoftuar KF Feronikeli se ka transferuar ish-lojtarin e Fenerbahçes nga Turqia.

Ata kanë transferuar Adonis Shalën, këtë e kanë njoftuar lajmin përmes rrjeteve sociale, raporton Teleshkronja Post.

Shala është futbollist i ri me talent të madhë, ai ka karrierën përpara pasi është vetëm 26 vjeqarë.

Ndryshe Feronikeli ende është duke e kryer fazën përgaditore në Turqi për pjesën e dytë të sezonit 2018/19./TeleshkronjaPost/

KF Feronikeli nuk fiton kundër Sion nga Zvicra

Skuadra e Feronikelit nga Drenasi po përgatitet në Turqi dhe si rrjedhojë e kësaj zhvillojnë edhe disa ndeshje miqësore.

Që të gjejnë edhe përbërjen më të mirë të mundshme në prag të fillimit të pjesës së dytë të Kampionatit të Kosovës dhe asaj të Kupës.

Sot në Beleg të Turqisë, Feronikeli pësoi humbje me rezultat 2:0 nga Sioni i Zvicrës. Skuadra nga Drenasi pësoi në minutat e fundit kur shënoi dy gola (90’ e 90+3’) futbollisti Bruno Morgado.

Kjo miqësore ka qenë e mirëseardhur për të dyja ekipet, të cilat synojnë që të evitojnë të gjitha të metat në lojë dhe që të janë të gatshëm për sfidat e reja.

Zbulohet data e fillimit të ndërtimit dhe kapaciteti i Stadiumit Nacional

Kujtim Gashi, ministri i sportit ishte mysafir në emisionin “Frontal,” ku diskutoj për një mori temash, në veqanti Stadiumin Nacional në Drenas.

Ministri i Sportit, Kujtim Gashi e ka dhënë një lajm të mirë për Stadiumin Nacional, i cili do të ndërtohet në Drenas.

Stadiumi pritët të jetë arenë e madhe e futbollit në vend, e cila do t’i përmbajë rreth 30 mijë ulëse, sipas standardeve të UEFA-së dhe FIFA-së.

Sipas Gashit, pas pak ditësh do të zgjidhet kompania e cila do ta fitojë të drejtën për ndërtimin e këtij stadiumi gjigant.

“Më 28 janar të këtij viti përfundon faza e parakualifikimit për 6 kompani që janë në garë për projektin ideor, për ta fituar ofertën. Bëhet fjalë për kompani me renome ndërkombëtare, që kanë sjell projekte mjaft të mira. Ka prej tyre nga Gjermania, Hungaria etj. Pastaj do ta kemi të qartë për ta hartuar projektin se sa kohë na nevojitet. Afati për hartim të projektit do të jetë 3 deri në 6 muaj, pra sa më i shkurtër, në mënyrë që ne në qershor ose korrik ta hedhim gurëthemelin e stadiumit, i cili do të jetë me 30 mijë ulëse, me standarde të larta evropiane”, ka thënë ministri Gashi, përcjell Gazeta Expres.

“Jam shumë optimist se do ta hedhim gurëthemelin gjatë verës. Secila kompani që e fiton projektin, ka pak rëndësi. Me rëndësi është që ta sjell projektin sa më shpejtë. Vendi ku do të ndërtohet Stadiumi Nacional është zonë industriale, ku pritet të ndërtohet një stadium me objekte përcjellëse, stadium ndihmës, hotele ku mund të akomodohen ekipet, por edhe mysafirë të ndryshëm, por edhe ndonjë fabrikë përreth. Pra, një kompleks i madh”, shpjegoi ministri i Sportit.

Behar Maliqi: “Nikli e do titullin, nuk na lejohet asnjë gabim në kampionat” (VIDEO)

Mesfushori defanziv i skuadres nga Drenasi, KF Feronikeli, Behar Maliqi ka dhënë një deklaratë për kanalin zyrtar të klubit në YouTube.

Derisa Nikli janë duke u stërvitur për ndeshjet e sezonit pranveror në Vala Super Ligen e Kosovës, Maliqi tregon objektivat kryesorë të ekipit, përcjellë Teleshkronja Post.

“Është një lojë kontrolluese, po mundohemi ti përshtatemi konceptit të kërkuar nga trajneri. Poashtu po mundohemi që mos të kemi lëndime, edhe nëse nuk e fitojmë ndeshjen nuk ka shumë rëndësi pasi është vetëm ndeshje kontrolluese.”

Më tej Kapiteni i Niklit vazhdoj:

“Po kemi luajtur me kundërshtarë mjat të fortë edhe pse nuk i kemi njoftë edhe shumë. Por këto lojë gjithsesi se na ndihmojnë që të përgatitemi sa më mirë për kampionatin. Të gjithë lojtarët i kemi shum cilësor, konkurenca brenda ekipit është rritur edhe pse për këtë më mirë e di trajneri.”

Sa i përket titujve ai theksoi :

“Për Kupë jemi jashtë, ndërsa titullit të kampionit besoj se do të fokusohemi me të gjitha forcat që i kemi , natyrisht nuk na lejohet asnjë gabim nese duam titullin kampion.”

“Stërvitjet kanë shkuar mjaft mirë, për mua me rëndësi ka qenë qe të mos mungojë gjatë kësaj faze nëse e arrij këtë atëherë kampionati do të jetë shumë më i lehtë,” përfundoi Maliqi.