Kosova, “Brazili i vogël”

Legjenda e futbollit kroat dhe atij botëror Davor Suker në një intervistë ekskluzive për Gazetën Alo ka folur për gjasat e Kombëtares së Kosovës për kualifikim në evropian.

Ndër të tjera legjenda kroate e ka quajtur Kombëtaren e Kosovës, Brazil i vogël.

Mendimi i juaj për Kombëtaren e Kosovës.

“Mendimi im për Kombëtaren e Kosovës është se ka shumë talenta, është një Brazil i vogël, por nuk kanë mundësi ku të tregojnë kualitetet e tyre”.

Sa janë gjasat e Kombëtares së Kosovës për kualifikim në EURO 2020?

“Kosova ka gjasa të mëdha për tu kualifikuar pas barazimin ndaj Bullgarisë dhe një rezultati pozitiv në ndeshjen e radhës. Kosova në këtë grup mund të ju bëj ballë të gjithë kundërshtarëve”.

Kosova përballet me Malin e Zi në ndeshjen e radhës. A do të arrijë Kosova një rezultat pozitiv kundër Malit të Zi?

“Natyrisht se mundet sepse Mali i Zi ka humbur në kualitet në krahasim me katër vitet e kaluara. Ndërsa Kosova ka përparuar dukshëm”.

Cilin futbollist të Kombëtares së Kosovës e vlerësoni si më të mirin?

“Nuk mund të dalloj ndonjërin. Përveç kapitenit tonë (Amir Rrahmani) Kosova ka edhe shumë yje të tjerë, këtë edhe e kanë treguar por duhet akoma të kombinohen dhe të kualifikohen në evropian e shpresojmë më pas në të ardhmen edhe në botëror.

Davor Suker ishte ndër më meritorët për pranimin e Kosovës në FIFA dhe UEFA. /Gazeta Alo/

Zyrtare: Zvogëlohet Superliga e Kosovës

Federata e Futbollit e Kosovës ka mbajtur sot Kuvendin e Rregullt të Punës, ku u prezantua gjithçka që është bërë në periudhën 2018/2019.

Kuvendi i Punës i FFK-së mori vendim që nga stinori 2020/2021, Superliga të ketë vetëm 10 skuadra.

Një gjë e tillë erdhi për të rritur konkurrencën dhe cilësinë mes skuadrave garuese.

Delegatët e kuvendit, 54 që ishin të pranishëm nga 48 të mundshëm, e votuan njëzëri këtë propozim.

Nga sistemi aktual, dy skuadra do të eliminohen për t’iu përshtatur sistemit të ri nga vjeshta e vitit 2020.

“Të gjitha regjionet dhe të gjitha klubet kanë pranuar që të bëhet Superliga me 10 ekipe”, ka deklaruar për mediat pas Kuvendit, Agim Ademi.

Në këtë Kuvend është vendosur që gruas së presidentit të ndjerë, Fadil Vokrri, t’i ndahet një pagë mujore për gjithë jetën, që do të marrë nga FFK-ja.

KF Feronikeli deklason me gola Trepçen 89, shkëputet në tabelë / Video

Feronikeli ka shënuar fitore të thellë në “Rexhep Rexhepi”, duke e mposhtur Trepçën ’89, me rezultat të thellë 5-0, në kuadër të xhiros së 23-të, në IPKO Superligë.

Në pjesën e parë u shënua vetëm një gol dhe ai në portën e gabuar. Pllana shënoi në portën e tij, për ti dhënë epërsinë Feronikelit, në minutën e 30-të.

Pjesa e parë ishte spektakolare me vendasit që arritën ti shënojnë edhe katër gola të tjerë.

Së pari, Mendurim Hoti shënoi në minutën e 47-të, për ta dyfishuar epërsinë.

Më pas braziliani ynë, Jean Da Silva, shënoi dy gola të tjerë, të parin në minutën e 51-të, për 3-0, ndërsa në minutën e 60-të, për 4-0.

Vulën në këtë takim e dha Kastriot Rexha, i cili shënoi për 5-0, në minutën e 84-të.

Feronikeli tani ka 55 pikë, shtatë pikë më shumë se ndjekësi Llapi, e tetë më shumë se Prishtina, të cilët kanë një ndeshje për ta zhvilluar./TeleshkronjaPost/

Ndërron jetë ish-futbollisti i Prishtinës, babai i lojtarit të njohur

Pas sëmundjes së rëndë ka ndërruar jetë sot ish-futbollisti i Prishtinës, Sabit Dallku, njofton klubi bardhekaltër.

Sabiti ka luajtur për Prishtinën në fundvitet 70-ta dhe në fillim të viteve 80-ta. Ai ishte mbrojtës me nam i skuadrës më të madhe në vend, Prishtinës.

Ka qenë pjesë e gjeneratës e cila pati filluar të krijohet me trajner Ilija Dimovskin, e që pastaj patën arritur majën e futbollit ish-jugosllav.

Hapave të babait me shumë sukses në karrierën e futbollit e kanë përcjell të dy djemtë, Armendi, ish-përfaqësuesi i Shqipërisë, tani kapiten i Prishtinës, dhe Ardini futbollist i Vorskla Poltavës nga Ukraina.

Varrimi i të ndjerit u bë sot me kohë të Xhumas në varrezat e Vushtrrisë.

Ademi: Do të aplikojmë në UEFA, për të organizuar… së bashku me Shqipërinë!

Agim Ademi shpreson që në një të ardhme të afërt, Kosova të jetë në gjendje të organizojë ndonjë ngjarje të madhe në sport.

Në një intervistë për RTK-në, numri një i Federatës së Futbollit të Kosovës, Agim Ademi, ka thënë se Kosova do të tentojë të aplikojë në një të ardhme të afërt në UEFA për të marrë organizimin e ndonjë evenimenti madhor.

Ai synon që këtë ta bëjë së bashku me Shqipërinë, Maqedoninë dhe eventualisht edhe Malin e Zi.

“Në një të ardhme planifikojmë të aplikojmë në UEFA-n për të marrë organizimin e ndonjë ngjarje të madhe në Kosovë, Shqipëri, Maqedoni dhe eventualisht edhe në Mal të Zi”, u shpreh Ademi.

Këto komente i bëri Ademi duke shpresuar që kryetari i Federatës së Maqedonisë të zgjidhet shqiptar në zgjedhjet që do të mbahen pas pak ditësh.

Prishtina fiton kundër KEK-ut

Klubi nga kryeqyteti, Prishtina është kthyer te fitorja në Superligë pasi e mundi KEK-un 1:2, duke e rikthyer pozitën e dytë në renditje me pesë pikë më pak se lideri, Feronikeli.

FC Prishtina po vinte nga një një humbje kundër Llapit dhe barazimi me Feronikelin në dy javët e fundit, por e mundi KEK-un të dielën në “Agron Rama” në Obiliq.

Diar Miftaraj i kaloi bardhekaltrit në epërsi pas vetëm shtatë minutave lojë.

Armend Dallku e dyfishoi epërsinë pas gjysmë ore lojë.

Vendasit u rikthyen në lojë kur Egzon Qerimi shënoi për 1:2 në minutën e 53-të, megjithatë KEK-u nuk pati forcë ta befasojë skuadrën vizitore.

Prishtina kthen pozitën e dytë me 47 pikë, aq sa ka edhe Llapi në të tretën, ndërsa ngel plot pesë pikë prapa liderit Feronikelit.

KEK-u vijon të jetë skuadra e fundit në ligë me vetëm 1 pikë dhe tashmë i ka thënë lamtumirë ligës elitare kosovare.

Feronikeli vazhdon me fitore, prapë shkëputet në tabelë nga vendi i dytë

Klubi nga Drenasi, KF Feronikeli ka siguruar fitore 3-0, në ndeshjen e xhiros së 22-të, të IPKO Superligës, të zhvilluar ndaj Gjilanit.

Skuadra vendase ishte më e mirë gjatë gjithë takimit, duke shënuar dy gola në pjesën e parë.

Të dyja golat erdhën nga sulmuesi i pandalshëm këtë sezon, Kastriot Rexha, i cili së pari tundi rrjetën e Gjilanit në minutën e 24-të, e më pas për të dyfishuar epërsinë në minutën e 38-të.

Futbollistët shkuan në pushim, me epërsinë 2-0 të Feronikelit, shkruan Teleshkronja Post.

Gjatë pjesës së dytë u shënua edhe një gol tjetër. Mevlan Zeka realizoi për 3-0, duke i dhënë “vulën” kësaj paraqitje të mirë të skuadrës, në minutën e 85-të.

Feronikeli tani ka 52-pikë dhe vazhdon të jetë lider i IPKO Superligës së Kosovës, 5 pikë më shumë se Llapi e Prishtina në poziten e dytë./TeleshkronjaPost/

 

Feronikeli dominon, por vetëm barazim në derbi me Prishtinën

Është ndarë me barazim derbi i madhë i javës në IPKO Super Ligen e Kosovës ndërmjet klubit nga Drenasi, KF Feronikeli dhe FC Prishtina.

Prishtina dhe Feronikeli barazuan 1:1 në “Fadil Vokrri” në Prishtinë, në një ndeshje të vlefshme për javën e 21-të të ligës elitare kosovare, që nënkupton se Nikli e ruan epërsinë prej pesë pikëve kundër kardhekaltërve në një garë të nxehtë për titull kampioni, raporton Gazeta Express.

Po ashtu, fitorja e Llapit kundër Gjilanit do të thotë se skuadra nga Podujeva mbetet në garë për titull me Niklin dhe Prishtinën.

Bardhekaltrit shënuan në rastin e dytë herët në fillim të ndeshjes. Leotrim Bekteshi shënoi gol të bukur me kokë duke i dhënë epërsinë vendasve në minutën e 17-të.

Pjesa e parë u mbyll me epërsinë minimale të skuadrës nga kryeqyteti.

Megjithatë, gjërat u vështirësuan për skuadrën e Mirel Joses, pasi Lorik Boshnjaku u përjashtua nga ndeshja pas kartonit të dytë të verdhë kur akrepat shënonin rreth një orë lojë.

Vizitorët nga Drenasi e shfrytëzuan epërsinë e një lojtari më shumë në fushë dhe e barazuan rezultatin në 1:1 vetëm 15 minuta më vonë.

Mendurim Hoti realizoi duke e shpëtuar Niklin nga humbja në një ndeshje të rëndësishme në garë për titull.

Feronikeli vijon të mbetet lider me 49 pikë në Ipko Superligë, pesë më shumë se Llapi në vendin e dytë dhe po aq më shumë se Prishtina në vendin e tretë.

Renditja në Superligën e Kosovës pas xhiros së 21-të.