Transmetim LIVE në 200 vende të botës dhe mbi 600 të akredituar, rekorde fitimi në derbin Milan-Inter

Derbi i së dielës në “Seria A” mes Milanit dhe Interit do të thyejë çdo rekord në Itali përsa I përket fitimeve në një ndeshje. “Djalli”, që është edhe klubi organizator, do fitoj 5.7 mln euro nga biletat e shitura.

Do të jetë një “San Siro” sold-out, që me 5 shkurt rregjistroi shitjen më të madhe të biletave në një ditë, 10.655 bileta.

Nga ky moment në shitje janë dhe afërsisht 1000 bileta, të gjithë në sektorin e miqve, transmeton Teleshkronja Post.

Sipas të dhënave që nxjerrin mediat italiane, në stadium të dielën do të jenë 4 mijë të huaj dhe mbi 590 ‘Milan Cbub’ të shpërndarë nëpër botë. Tifozët më të largët do të vojnë nga Bahrein.

Derbi do të ketë një shikueshmëri të jashtëzakonshme edhe në televizone. Do të ndiqet ‘live’ në 200 vende të botës, ndërkohë që tribuna e medias prej kohësh është ‘sold-out’.

Janë akredituar gjithsej 600 persona, 260 prej të cilëve gazetarë, 60 fotografë dhe afërsisht 300 punonjës të prodhimit televiziv.

Ndeshja zhvillohet të dielen mbrëma (17mars) nga ora 20:30 në San Siro./TeleshkronjaPost/

Formacionet zyrtare: Inter kërkon fitoren kundër Spal / Video

Tre humbje në gjashtë ndeshjet e fundit në Serie A, ka bërë që Interi ta humbasë vendin e tretë dhe ta lë në duart e rivalit, Milanit.

Zikaltrit mbeten vetëm tri pikë larg vendit të pestë, dhe pas dy ndeshjeve radhazi pa fitore, sot ndaj Spalit synon tri pikët për ta ruajtur pozitën e katërt për një vend në Ligën e Kampionëve sezonin e ardhshëm.

Klubi i Interi e pret Spalin në San Siro, në një ndeshje të vlefshme për javën e 27-të që nis në orën 15:00.

Edhe në këtë ndeshje, zikaltrit nuk do të mundë të llogarisin në ish-kapitenin Mauro Icardi, i cili nuk po gjen gjuhë të përbashkët me klubin.

Formacionet Zyrtare Inter – Spal :

Fiton Milani, hetemaj shënon për Chievon / Video

Klubi nga qyteti i modës, Milani arriti fitore ndaj Chievos me rezultat 1-2 në Serie A dhe kjo ishte fitorja e pestë radhazi.

Kuqezinjtë ishin më të mirë, por nuk ishte një ndeshje e lehtë për skuadrën e Gennaro Gattusos.

Në minutat e parë ishte një ndeshje e heshtur, ndërsa goli i parë erdhi nga mysafirët të cilën shënuan me anë të Lucas Biglias (31′) nga gjuajta e lirë.

Pas dhjetë minutash vendasit barazuan rezultatin me anë të Përparim Hetemajt, ky ishte goli i parë sezonal për shqiptarin.

Fitorja e Milanit erdhi nga Krzysztof Piatek, i cili shënoi në minutën e 57-të pas një tollovie në zonë.

Pas kësaj fitore Milani vazhdon në pozitën e tretë me 51 pikë, katër më shumë se Interi që kanë një ndeshje më pak (atë ndaj Spalit), kurse Chievo vazhdon e fundit në Serie A me 10 pikë.

Në xhiron e radhës Milani luan ndaj zikaltërve për Derby della Madonnina, kurse Chievo udhëton te Atalnata.



Juventus me rezervist e shkatërron Udinesen, mesazh Atleticos / Video

Juventusi e ka shkatërruar Udinesen në “Allianz Stadium”, duke i dërguar sinjale Atletico Madridit se janë gati për një natë të zjarrtë në Torino.

“Zonja e Vjetër” e nisi takimin pa shumë lojtarë të formacionit të parë, edhe para Cristiano Ronaldon, që u lanë për t’u pushuar për ndeshjen e së martës në Champions League me Juventusin, raporton Gazeta Express.

Por, s’ka problem, aty ishte talenti 19-vjeçar, Moise Kean, qe shënoi dy golat e parë të Zonjës së Vjetër, në minutën e 11’ dhe 39’, për rezultatet 1-0 dhe 2-0.

Në pjesën e dytë, Juve shënoi edhe dy gola të shpejtë.

Fillimisht, për 3-0 shënoi Emre Can nga penalltia në minutën e 67’, katër minuta më pas, Matuidi realizoi për 4-0 dhe u largua nga loja.

Allegri inkuadroi Dybalan, për ta pushuar Matuidin për ndeshjen e së martës me Juventusin.

nga ky çast, deri në fund të takimit, u shënuan vetëm edhe një gol, nga mysafirët, sa për statistika. Kevin Lasagna shënoi në minutën e 84’ për rezultatin përfundimtar 4-1. /Gazeta Express/

‘Bisha’ Moise Kean shënon dy super gola ndaj Udineses / Video

Tifozët e Juventusi në Alianz Stadium sonte nuk janë dëshpëruar edhe pse nuk kanë startuar yjet si Ronaldo, Chiellini e Dybala.

Kjo pasi mungesen e tyre nuk e ka lënë të vërehet sulmuesi i talentuar Moise Kean me dy gola të bukur, raporton Teleshkronja Post.

Ai ka shënuar golin e parë dhe golin e dytë kundër Udineses në “Allianz Stadium.”

Ishte sërish sulmuesi i ri, Moise Kean, ai që shënoi për 2-0 në minutën e 39’ të takimit.


Formacionet zyrtare: Juventus vs Udinese / FOTO

Xhiroja e 27’të e kampionatit italian fillon sonte me ndeshjen Juventus dhe Udinese në Torino – “Allianz Stadium.”

Zonja e Vjetër mirëpret në shtëpi Udinesen, para ndeshjes së rëndësishme javën e ardhëshme në Ligen e Kampionëve ndaj Atleticos.

Të dy palët kanë publikuar formacionet fillestare për takimin i cili fillon nga ora 20:30, shkruan Teleshkronja Post.

Juventus — Udinese, formacionet zyrtare: 

Juventus pret Udinesen, formacionet e mundshme / FOTO

Udinese sot i shkon Juventusit në Torino, në kuadër të xhiros së 27’të të Series A.

Allegri do të tentoj t’i pushojë disa nga lojtarët për ndeshjen kundër Atleticos, dhe sonte pritet të shkojë me një mesfushor Emre Can, Blaise Matuidi dhe Rodrigo Bentancur.

Ronaldo mund të jetë i frustruar në mungesën e tij kur ai duket të përfundojë sezonin si golashënuesi më i mirë në Serie A, shkruan Teleshkronja Post.

Ai është i pari në listë me 19 gola së bashku me Fabio Quagliarellën e Sampdorias pasi Ronaldo nuk arriti të shënonte ndaj Napoli dhe Quagliarella shënoi dygolësh në fitore 2-1 të Sampdorias ndaj Spal.

Ronaldo dukej i zhgënjyer në ndeshjen e Napolit dhe ishte duke i nxitur në mënyrë të dukshme ndaj shokëve të tij të skuadrës për të treguar më shumë në sulm.

Ndërsa këto pritet të jenë formacionet e mundshme për sonte :

Juventus|Szczesny; De Sciglio, Bonucci, Chiellini, Spinazzola; Bentancur, Can, Matuidi; Dybala, Mandzukic, Ronaldo

Udinese|Musso; De Maio, Troost-Ekong, Nuytinck; Ter Avest, Larsen, Sandro, De Paul, Zeegelaar; Pusseto, Okaka

Zyrtare: AS Roma e shkarkon trajnerin Di Francesco

Klubi italian, AS ​Roma e ka shkarkuar nga posti i trajnerit, Eusebio Di Francescon.

Ky vendim i klubit italian vjen pas eliminimit nga Porto nga Liga e Kampionëve.

Pas fitores 2-1 në shtëpi në ndeshjen e parë, Roma humbi 3-1 në ndeshjen e kthimit pas 120 minutave lojë, ku fati i ndeshjes u vulos nga një penallti në fund të takimit.

Ai e ka drejtuar klubin italian në 87 ndeshje, teksa ka arritur 46 fitore, 18 barazime dhe 23 humbje.

Arritja më e madhe e Di Francescos është sezoni 2017/18, ku shkoi deri në gjysmëfinale të Ligës së Kampionëve, pasi eliminoi Barcelonën pas një rikthimi të jashtëzakonshëm në “Olimpico”.