Category: Futboll

Informacionet dhe lajmet e fundit nga sporti i futbollit, vendi, rajoni, ligat europiane, futbolli botëror.

“Kam luajtur për Cristianon, por tani jam udhëheqës i sulmit”

Pas largimit të Cristiano Ronaldos, Karim Benzema është i lumtur të përqafojë rolin e liderit të sulmit të Real Madridit.

Sulmuesi ka rritur numrat këtë sezon pas daljes së portugezit për t’u bashkuar me Juventusin verën e kaluar, transmeton Teleshkronja Post.

Benzema zbuloi se ai luajti më shumë vetëmohim me Ronaldon në ekip për të siguruar shokun e tij me asistime, por tani është i lumtur të marrë barrën e golave për vete.

“Tani unë jam udhëheqësi i sulmit, ndërsa më herët luaja për Cristiano”, tha ai për France Football.

“Unë kam qenë gjithmonë në kërkim për atë me qëllim për të ndihmuar atë të shënuar edhe më shumë gola.”

“Kjo do të thoshte se do të luaja në sfond, por tani më takon mua të tregoj se dua të shënoj”.

Koveri i edicionit që përmban intervistën me francezin vjen me titullin e spërkatjes që thotë “Unë e dua jetën time.”/TeleshkronjaPost/

“Gareth Bale nuk duhet të luajë kurrë më në Madrid”

Josep Pedrerol mendon se Florentino Perez duhet të reagojë, “Bale s’duhet të luajë kurrë më në Madrid”.

Ka disa vite që raportohet “ky mund të jetë sezoni i fundit i Bale në Madrid” dhe vitet kalojnë, ai vazhdon ta veshë fanellën e bardhë.

Megjithatë, “ky me të vërtetë mund të jetë sezoni i fundit i 29-vjeçarit në Santiago Bernabeu, për gjithçka që po ndodh”.

Sipas gazetarit të “El Chiringuito de Jugones”, Josep Pedrerol, Bale është duke u treguar jo profesionist, dhe pas asaj që bëri mbrëmë, “ai s’duhet të luajë më kurrë”.

Uellsiani u inkuadrua mbrëmë në lojë vetëm pas minutës së 70’ dhe pasi shënoi gol, që ishte i fitores dhe i tre pikëve, nuk festoi, madje edhe i shtyu shokët e skuadrës.

Por, përveç kësaj, para ndeshjes, uellsiani është kapur nga kamerat e “El Chiringuito de Jugones” duke shikuar Kampionatin Botëror të Golfit, sikur nuk i interesonte fare që ekipi i tij do të luante një ndeshje të rëndësishme.

Pedrerol, gazetar shumë i njohur në Spanjë dhe autor i emisionit “El Chiringuito de Jugones”, tha se Bale s’e meriton më të luajë për Madridin, për shkak të jo profesionalizmit që ka treguar gjatë gjithë sezonit, duke kujtuar edhe largimin nga stadiumi 15 minuta para fundit të ndeshjes në shtëpi me Real Sociedadin, ku Madridi humbi 2-0.

“Duke parë mbrëmë çfarë bëri, mendoj se Bale, sado i mirë që të jetë, nuk duhet të luajë kurrë më në Madrid”, u shpreh Pedrerol.

“Unë do ta largoja, por të isha Florentino Perez, do ta largoja. Kjo nuk mund të ndodhë (tregon foton e arrogancës së Bale). Ka shënuar gola të bukur, oke, po në Copa del Rey e Champions, por gjashtë vite në Madrid, ai mendon vetëm për GOLF”.

“Të gjithë thoshin se nuk po mund të tregojë diçka më shumë me Ronaldon, oke Ronaldo shkoi dhe ishte koha për të, që të jetë titullar, lider dhe të drejtojë ekipin. Por asnjëra, as nuk është lider as nuk po mund të ndihmojë ekipin, luan dy ndeshje, qëndron jashtë dy muaj, sërish luan dy ndeshje dhe prapë jashtë dy muaj. As më parë dhe as sot nuk ka treguar asgjë, po të isha në vend të Florentinos, do ta largoja – LARGOJE!!!”, shtoi ai mes tjerash.

Kujtojmë se Bale gjithmonë është i distancuar, nuk flet pothuajse me asnjë lojtar, pasi që, edhe përkundër që po i bën gjashtë vite në Madrid, nuk e ka mësuar gjuhën spanjolle.

Marcelo e pranoi ditë më parë se me Bale, të gjithë komunikojnë me gjeste.

Formacionet zyrtare: Levante vs Real Madrid / Foto

Janë publikuar formacionet zyrtare për sfidën mes Levantes e Real Madridit.

Levante dhe Real Madridi do të përballen në “Ciutat de Valencia” nga ora 20:45, sfidë e vlefshme për xhiron e 25 në La Liga.

Santiago Solari duket se dëshiron t’i pushojë lojtarët për ndeshjet e javës së ardhme me Barcelonën, pasi Marcelo, Ramos, Bale e Asensio – janë disa prej futbollistëve që gjenden në stol.

Levante:

Konferenca e Solarit para ndeshjes kundër Levantes

Si zakonisht Santiago Solari doli në konferencë shtypi në prag të ndeshjes së nesërme ndaj Levante.

Ai fillimisht u pyet për tentimin për të përmbysur La Ligan:

”Çdo ndeshje përgaditet dhe luhet me kompromisin maksimal. Kompromisi ynë është të luftojmë La Ligan deri në fund,” tha fillimisht ai.

Pezullimi i Ramos: ”Është qartësuar dhe janë marë pamjet filmike, nuk ka asnjë dyshim për mungesë respekti. E shpjegoi edhe Ramos me deklarimet e tij.”

Më pak pushim se Barcelona përpara ndeshjes në kupë: ”Kalendari është interesant, na duket shumë zbavitës. Ne nuk zgjedhim të luajmë në rrethana ndryshe por vlerësojmë kalendarin si një sfidë madhore.”

Darka me Florentinon: ”Nëse flas apo nuk flas me të është diçka private.”

Të varur nga Barcelona: ”Gjithmonë shpresojmë të reduktojmë pikë dhe për këtë përgaditemi çdo javë. Duhet të rikthehemi në lojë pas humbjes së pikëve ndaj Gironas. Duhet të kemi ambicie dhe dëshirën e nevojshme ndaj Levantes.”

Levante: ”Është një ekip shumë i shpejtë përpara dhe e ka dëshmuar ndaj neve. Duhet të shkojmë të koncentruar që nga minuta e parë. Duhet të jemi agresiv pa topin dhe poashtu kur t’a kemi në këmbë, të kërkojmë portën.”

Lojtarët fajtorë për dështimin ndaj Gironas: ”Lojtarët vendosin karakterin dhe fizikun e tyre në fushë, kanë meritat për ecurinë pozitive që kemi.”

Mungesa e golit nga Vinicius: ”Ka bërë gola dhe do të bëje akoma më shumë. Çdo javë mëson gjëra të reja. Është i rrethuar nga lojtarët më të mirë për të vazhduar të rritet.”

Marcelo: ”Po stërvitet në mënyrë fenomenale. I shoh mirë të gjithë. Të fokusuar. I shqetësuar nga kritikët? Ata janë profesionist dhe e njohin këtë botë. Lojtarët poashtu dinë se si t’i kalojnë kritikat dhe lëvdatat.”

Llorente dhe Isco: ”Llorente akoma nuk është stërvitur me ne dhe e presim me padurim. Isco është rikthyer.”

Leo Messi i jashtëzakonshëm, Barcelona tmerron Sevillen

Barcelona e ka fituar ndeshjen kundër Sevillas, me rezultat 4:2, në stadiumin “Ramon Sanchez – Pizjuan”, në kuadër të xhiros së 25-të të La Ligës.

Pesë-herë fituesi i Topit të Artë, Lionel Messi, ia siguroi këto tri pikë skuadrës së tij, duke e shënuar një het-trik. Këto tri gola bënë që Sevilla të bëhet viktima e preferuar e argjentinas, pasi që Messi i ka shënuar 36 gola kundër tyre, transmeton Gazeta Express.

Fillimisht, kishte qenë Sevilla ajo që kishte kaluar në epërsi, në minutën e 22-të, kur Jesus Navas shënoi nga një kundërsulm, pasi Messi e gaboi një pasim. Mirëpo, argjentinasi e përmirësoi këtë gabim vetëm katër minuta më vonë, kur e shënoi golin e tij të parë të ndeshjes.

Pak para fundit të pjesës së parë, në minutën e 42-të, Sevilla kaloi përsëri në epërsi, përmes golit të shënuar nga Gabriel Mercado, i cili ishte lënë i vetëm brenda 16-metërshit, i harruar nga Gerard Pique dhe Samuel Umtiti.

Pastaj, në minutën e 67-të dhe të 88-të, Messi i kishte shënuar dy golat e radhës, duke e kompletuar kushtu het-trikun e tij për këtë ndeshje.

Në minutat shtesë të ndeshjes, Luis Suarez i siguroi tre pikët e kësaj ndeshje duke e shënuar golin e tij të parë që katër ndeshje. Këtë gol e asistoi Messi.

Bomberi Piatek ‘tërheqë’ Milanin drejtë Champions, fiton 3-0 / Video

AC Milani ka vazhduar me formën fantastike në Serie A.Në xhiron e 25’të në Serie A, skuadra e Gennaro Gattusos ka marrë pikët e plota në shtëpi.

Ata mposhtën 3-0 ekipin e Empolit, në një ndeshje ku shkëlqeu sulmuesi në top formë, Krzysztof Piatek.

Sfida nisi siç është më së miri për Milanin, që shënoi gol pas 10 minutave lojë me anë të Lucas Paquetas, por goli u anulua me ndihmën e VAR-it për pozicion jashtë loje.

Më pas, deri në fund të pjesës së parë, Milani vuajti për të shënuar.

Por, gjërat ndryshuan krejtësisht në pjesën e dytë, ku në fushë doli një tjetër skuadër, me një tjetër fytyrë për dallim nga pjesa e parë.

Fillimisht, sulmuesi në top formë, Krzysztof Piatek, shënoi për 1-0 në minutën e 49’, para se Franck Kessie të realizojë për 2-0 në atë të 51’.

Pas këtyre dy golave të shpejtë, Milani dominoi ndeshjen, dhe deri në fund e gjeti edhe njëherë rrjetën.

Ishte spanjolli, Samu Castillejo, ai që realizoi për 3-0 në minutën e 67’ të ndeshjes, për rezultatin përfundimtar të takimit.

Me këtë fitore, Milani ka blinduar për pak pozitën e katërt që dërgon në Champions League.

Skuadra e Gattusos tani ka 45 pikë, 4 më shumë se Roma që të shtunën i shkon Frosinones./TeleshkronjaPost/