Formacionet zyrtare: Atletico Madrid vs Juventus / FOTO

Atletico Madrid sonte pret kampionin italianë Juventus në Wanda Metropolitano për ndeshjen e parë të 1/16 së finales të Ligës së Kampionëve.

Ekipi i Allegrit, Juventus, shihet si favoritë kryesor për të fituar trofeun e çmueshëm të kësaj gare evropiane, por gjigantët e Serie A do të kenë një detyrë të vështirë gjatë ditës së sotme në përballje me të besuarit e Diego Simeones.

Të dy ekipet kanë publikuar formacionet zyrtare për ndeshjen e sonte, transmeton Teleshkronja Post.

Formacioni zyrtar i Atletico Madrid : Oblak; Juanfran, Gimenez, Godin, Filipe Luis; Saul Niguez, Thomas, Rodri, Koke; Costa, Griezmann.

Formacioni zyrtar i Juventusit : Szczesny – De Sciglio, Bonucci, Chiellini(C), Alex Sandro – Bentancur, Pjanic, Matuidi – Dybala, Mandzukic, Ronaldo.

Natë pa gola në Champions League / FOTO+VIDEO

Jurgen Klopp dhe Liverpool është ndalur me një barazim pa gola nga Bayern Munichu në ndeshjen e 1/8 së finales në Ligën e Kampionëve të martën në Anfield.

Skuadra e Jurgen Kloppit ishte nikoqire e kampionit gjerman në ndeshjen e parë në Anfield, dhe qe e pafuqishme të fitojë me gjithë rastet e shumta, me Xherdan Shaqirin që nuk u paraqit fare kundër ish-skuadrës së tij, raporton Gazeta Express.

Trajneri gjerman Klopp e la kosovarin e Zvicrës në stol dhe nuk e aktivizoi fare, duke zgjedhur t’i fusë në ndeshje James Milnerit për Naby Keitan dhe Origin në vend të Roberto Firminos.

Liverpooli i dominoi vizitorët nga Gjermania, po ka qenë në gjendje ta gjejë rrjetën e portës së Manuel Neuerit.

Sadio Mane dhe Joel Matip humben dy raste shumë të mira në pjesën e parë.

Rasti më i mirë në ndeshje erdhi në minutën e 85-të, kur Mane goditi me kokë, por Neuer bëri një pritje të jashtëzakonshme.

Bayern Munich e pret Liverpoolin në ndeshjen e kthimit më 16 mars në Allianz Arena.

Formacionet zyrtare: Lyon vs Barcelona

Skuadra franceze, Lyon, do të jetë nikoqir i Barcelonës në ndeshjen e parë të 1/8 së finales në Ligën e Kampionëve mes këtyre dy skuadrave sonte në Parc Olympique Lyonnais.

Gjiganti i Ligë 1 do të jetë në mungesë të njeriut kryesor të skuadrës, Nabil Fekirin, i cili mungon shkaku i kartonëve.

Ndërkohë, Barcelona do ta ketë në dispozicion një Leo Messi plotësisht të gatshëm për të luajtur pas një problemi me kofshe, i cili ia pamundësoi atij të luajë lirshëm në ndeshjet e fundit.

Ndeshja e parë mes Lyon dhe Barcës luhet sonte në orën 21:00 në Lyon, ndërsa ajo e kthimit pas tri jave në Katalonjë.

Formacionet zyrtare të të dy skuadrave:

Formacionet zyrtare: Liverpool vs Bayern

Mesfushori nga Gjilani, Xherdan Shaqiri do të përballët sonte për herë të parë kundër ish-klubit të tij, Bayern Munich, por ndeshjen do ta nisë nga banka rezervë.

Liverpooli e pret Bayern Munichun në Anfield, në ndeshjen e parë të 1/8 së finales në Ligën e Kampionëve, në një natë të veçantë për kosovarin e Zvicrës, Xherdan Shaqirin, i cili do të përballët për herë të parë kundër ish-klubit të tij, shkruan Gazeta Express.

Megjithatë, 27-vjeçari ndeshjen do ta nisë nga stoli dhe sipas të gjitha gjasave do të aktivizohet në pjesën e dytë.

Shaqiri ka qenë pjesë e skuadrës historike të Bayern Munichut më 2013, e cila e fitoi tripletën duke triumfuar në çdo garë të mundshme atë sezon.

Ndeshja mes Liverpoolit dhe Bayern Munichut zhvillohet sonte në orën 21:00 në Anfield.

Formacionet zyrtare të të dy skuadrave:

Bayern Munich: Neuer – Kimmich, Süle, Hummels, Alaba – Thiago, Martínez – Gnabry, James, Coman – Lewandowski

Federata vendos për kartonin e Ramos

Komisioni i Ankesave i Federatës së Futbollit të Spanjës (RFEF), e ka refuzuar ankesën e Real Madridit ndaj kartonit të verdhë që Sergio Ramos e mori në Camp Nou kundër Barcelonës.

Kjo nënkupton se qendërmbrojtësi spanjoll është një karton larg suspendimit dhe rrezikon ta humbasë finalen e Kupës së Mbretit nëse Reali e siguron atë.

RFEF nuk e pranoi ankesën e klubit madrilen ndaj kartonit të verdhë që Ramosi e mori në ndeshjen e parë të gjysmëfinales së Kupës së Mbretit kundër Barcelonës, që nënkupton se nëse kapiteni i të bardhëve ndëshkohet edhe në ndeshjen e kthimit në Santiago Bernabeu, dhe Real Madridi arrin në finale, ai do të detyrohet ta shohë atë nga tribunat, transmeton Gazeta Express.

Se a do të ndikojë kjo në përzgjedhjen e formacionit nga Santiago Solarit për ndeshjen e kthimit kundër Barcelonës, pas barazimit 1:1 në ndeshjen e parë, mbetet të shihet.

Reali u ankua duke ofruar një video si dëshmi se Ramosi nuk e kishte faulluar Nelson Semedon për ta parandaluar një kundërsulm në minutën e nëntë.

Por, në raportin e ndeshjes, gjyqtari e tha të kundërtën dhe Komisioni i Ankesave e mbajti në fuqi vendimin e gjyqtarit, pasi i vlerësoi pamjet me kujdes.

Anfield pret takimin Liverpool-Bayern, Shaqiri kërkon fitoren ndaj ish-skuadres

Ndeshjet e xhiros së parë të fazës së 1/8 të finales së Ligës së Kampionëve do të kthehen sonte, në orën 21:00, kur do të përballen katër klube të mëdha evropiane.

Sonte do të jetë njëra ndër përballjet më të pritura të kësaj faze të Ligës së Kampionëve, pasi që do të përballen Liverpooli dhe Bayerni, dy nga klubet me historinë më mbresëlënëse në këtë garë, në stadiumin Anfield.

Vetëm para disa vjetëve, Bayerni do të kishte qenë favorit për një ndeshje të Ligës së Kampionëve në kuadër të Ligës së Kampionëve. Megjithatë, kjo gjë nuk vlen edhe këtë sezon.

Kampioni në fuqi i Bundesligës, ish-klubi i Xherdan Shaqirit, nuk ka qenë në formë të mirë këtë sezon në Bundesligës, ku mbetet dy pikë prapa Dortmundit, përkundër që e ka zhvilluar një ndeshje më shumë. Pasi që Bayerni e ka fituar titullin e kësaj lige në gjashtë sezonet e fundit, dështimi për ta përsëritur këtë do të ishte një zhgënjim i madh për gjermanët.

Një pjesë e madhe e fajit për këtë gjë i është lënë trajnerit Niko Kovac, i cili u emërua në pozitën e trajnerit verës, pas largimit të Juup Heyneckes. Kroati ka tentuar ta instalojë idetë e tij në Bayern, mirëpo periudha e tranzicionit ka zgjatur më shumë sesa që ishte parashikuar.

Bayerni, në Bundesligë, ka humbur po aq ndeshjet deri më tani sa kishin humbur në të gjithë sezonin e kaluar, katër. Ata i kanë pranuar 24 gola në 22 ndeshje gjithashtu, gjë që mund të jetë mjaft shqetësuese sonte pasi që skuadra e Jurgen Kloppit është e njohur për sulmin e mirë.

Ndeshjet ku porta e Bayernit ka mbetur e paprekur kanë qenë tejet të rralla dhe nëse Bayerni vazhdon njëjtë edhe sonte, atëherë ata mund të bien pre e presionit të Liverpoolit, qysh në fillim të ndeshjes. Skuadra e Kovacit e ka përmirësuar formën gjatë kohës së fundit, mirëpo Liverpooli do të ketë besim se mund t’i shfrytëzojë dobësitë e tyre.

Megjithatë, lideri i Premierligës nuk do ta vlerësojë Bayernin. Skuadra e Kloppit ka vuajtur mjaft shumë nga lëndimet këtë sezon dhe ata kanë shfaqur shenja, së fundi, se përkundër lëndimeve, mund të sigurojnë fitore.

Mirëpo, gjatë kohës së fundit, Liverpooli nuk ka qenë në top formë, pasi që barazimet kundër Leicesterit dhe West Hamit e kanë lejuar Manchester Cityn të kthehet në garën për titull.

Liverpooli u kualifikua në këtë fazë, duke siguruar fitore mjaft mbresëlënëse kundër Paris Saint-Germainit e Napolit. Nëse ata mund ta vazhdojnë formën e mirë edhe sonte, Bayerni do të pësojë disfatë në Anfield.

Liverpool XI: Alisson, Alexander-Arnold, Fabinho, Matip, Robertson, Henderson, Shaqiri, Keita, Salah, Mane, Firmino.

Bayern Munich XI: Neuer, Kimmich, Hummels, Sule, Alaba, Goretzka, Thiago, James, Ribery, Gnabry, Lewandowski

Intervista e Solarit pas humbjes nga Girona

Santiago Solari vlerësoi humbjen e ekipit të tij ndaj Gironas në Santiago Bernabeu, ndeshjen e Marcelos dhe formacionin që hodhi në fushë.

Vlerësimi: ”Është një mëkat, na ikën tre pikë dhe rivalët direkt fituan. Një mëkat sepse vinim nga një ecuri të mirë, duke fituar pikë. Tani jemi tre pikë më larg se dje.”

Ndeshja: ”Futbolli është kështu dhe gjithmonë ka një rival, në rastin e sotshëm ishte Girona që luajti mirë. Nuk shkonin për ndeshjen në pjesën e parë, ku patëm shanset tona për të bërë më shumë gola dhe në pjesën e dytë dolëm me më tepër energji dhe ishin të saktë kur sulmonin. Neve na mungoi qartësia.”

Lodhja: ”Lodhja nuk është vetëm fizike por edhe mendore, është koncentrimi.. Vinim nga një ecuri e rëndësishme ku luajtëm shumë ndeshje dhe nxorëm rezultate të mira dhe mbase kjo na ka shkaktuar një frakturë në nivelin e energjisë në pjesën e dytë.”

Kartoni i kuq i Ramos: ”Vendimet e arbitrit.”

Marcelo: ”Mirë, besoj se ka qenë mirë.”

Do e ndryshonte formacionin?: ”Këto pyetje janë të pamundura. Të flasësh për hipoteza nuk është një punë që duam t’a bëjmë. Me rezultatin e tillë gjithmonë mund të ndodhë diçka ndryshe, poashtu edhe kur fiton.”

La Liga e humbur?: ”Absolutisht për asgjë. Javën që vjen kemi tjetër ndeshje, rivalët tanë poashtu. Të gjithë ndeshjet janë të vështira ashtu siç na dëshmoi edhe sot Girona. Ne duhet të vazhdojmë të fitojmë për të tentuar të shkurtojmë diferencat.”

Formacionet zyrtare: Real Madrid vs Girona / FOTO

Real Madridi do të ketë përballë Gironan në ora 12:00 në Santiago Bernabeu në një ndeshje ku të besuarit e Solarit do të kërkojnë vetëm fitoren.

Solari ka pushuar disa lojtar me mendjen tek El Clasico dhe ndeshjen e dytë ndaj Ajax në Champions League.

Mungesa kryesore sot tek Los Blancos është kroati Luka Modric, transmeton Teleshkronja Post.

Formacionet zyrtare:

Real Madrid XI: Courtois; Marcelo – Ramos – Varane – Odriozola; Casemiro – Kroos – Ceballos; Asensio – Benzema – Vazquez.

Girona XI: Bono; Ramalho – Alcala – Granell – Stuani; Pons – Portu – Luiz Raul Carnero – Juanpe; Porro

Barcelona mposht Valladolidin me golin e Messit nga penalltia

Barcelona ka regjistruar fitore minimale (1-0) kundër Real Valladolidit në ndeshjen e vlefshme për javën e 24 në La Liga që u zhvillua në Camp Nou.

Kur po afrohej fundi i pjesës së parë, Lionel Messi doli në rast, mirëpo goditja e tij shkoi jashtë portës.

Ndërkaq, një veprim të gabuar të Michel në dëm të Gerard Pique, gjyqtari e ndëshkoi me penallti, ndërsa pikërisht Leo Messi e mori përgjegjësinë dhe u tregua i saktë nga pika e bardhë (43′).

Me të filluar gjysma e dytë, sulmuesi argjentinas rrezikoi sërish, mirëpo portieri Jordi Masip intervenoi për të mos pranuar gol tjetër.

Në vazhdim, një mundësi shënimi e pati qendërsulmuesi Luis Suarez, ndërsa goditja shkoi drejt portierit mysafir, i cili e ndali. Më pas rrezikoi edhe Sergi Roberto, por nuk ishte efektiv. Messi dhe Suarez vazhduan me raste të tjera deri në fund, por nuk pati konkretizim.

Barcelona vazhdon të jetë lider në La Liga, ndërsa pas kësaj fitoreje është ngritur në kuotën e 54 pikëve, shtatë më shumë se Atletico Madridi dhe nëntë më shumë se Real Madridi (që këtë javë luan kundër Gironas).

Real Valladolidi është në pozitën e 15-të në tabelë me 26 pikë, tri pikë larg zonës së rrezikut.

Në xhiron e ardhshme, Blaugranët luajnë si mysafir të Sevillas, kurse Valladolidi është nikoqir i Real Betisit.