Benzema me super gol ia siguron fitoren Real Madridit / Video

Real Madridi ka fituar në fund kundër Huescas, në një ndeshje plotë dramë para tifozëve të vet në Santiago Bernabeu.

Fitoren ia siguroj Karim Benzema me golin e shënuar në minuten e 89’të të takimit, duke elektrizuar atmosferën, raporton Teleshkronja Post.

Reali nuk e kishte aspak të lehtë kundër skuadrës së fundit në renditjen e La Ligas, që triumfuan me një gol të vonshëm të Karim Benzemas, në minutën e 89’.

Huesca kaloi e para në epërsi. Cucho shokoi vendasit duke shënuar për 0-1 në minutën e 3’, barazoi gjithçka Isco pas një asisti nga Brahim Diaz në minutën e 25’.

Në pjesën e dytë, në minutën e 62’, Ceballos shënoi për 2-1, kurse barazoi gjithçka Etxeita.

Ky është super goli i Benzemas në këndin e portës, me të cilin gol fitoj Real Madridi dhe Zidane :

Ceballos kalon Realin në avantazh / Video

Real Madridi ka kaluar në avantazh për herë të parë në ndeshje sonte kundër Huescas.

Goli i parë nga Huesca duket se ka acaruar dhe zgjuar nga gjumi lojtarët e Realit, pasi kanë kaluar në avantazh 2-1.

Përsëri në aksion u përfshi Benzema, i cili asistoj me kokë tek goli i Dani Ceballos, raporton TeleshkronjaPost.

Ky është goli i spanjollit :

Përsëri vendos Messi, Baça fiton derbin kundër Espanyol / Video

Siç ka bërë shumicen e ndeshjeve këtë sezon, Lionel Messi është treguar edhe një herë vendimtar për Barcelonës, duke ia siguruar katalonasve fitoren kundër Espanyolit.

Barcelona arriti ta fitojë derbin e Katalonjës, kundër Espanyolit, me rezultat 2:0, në kuadër të xhiros së 29-të të La Ligës. Me këto tre pikë, Barcelona shkon 13 pikë para klubit në pozitën e dytë në tabelën e ligës spanjolle, Atletico Madridit.

Tri pikët e kësaj ndeshjeje Barcelona i siguroi falë argjentinasit Lionel Messi, i cili në minutën e 71-të e shënoi golin e parë për këtë ndeshje.

Por, kjo nuk ishte e gjitha për argjentinasin në këto 90 minuta lojë. Vetëm një minutë para fundit të kohës së rregullt, Messi shënoi edhe një gol tjetër, duke ia siguruar kështu Barcelonë fitoren.

Reguilon zbulon përse u përlesh me Messin

Sergio Reguilon ka folur për herë të parë për përleshjen me Lionel Messin në El Clasicon e kaluar, duke thënë se janë gjëra që mbesin në fushë kur ndeshja të përfundojë.

Mbrojtësi i majtë spanjoll ishte titullar në humbjen e Real Madridit 1:0 ndaj Barcelonës më 4 mars në La Liga, dhe nuk u përmbajt ndaj Lionel Messit dhe Luis Suarezit, transmeton Gazeta Express.

Reguiloni mund të debutojë me ekipin kombëtar U-21 të Spanjës kundër Rumanisë, foli për rolin e tij në Real Madrid dhe zënkën me Messin.

I pyetur për zënkën me Messin në El Clasico, Reguilon tha: “Në El Clasico vrapon një mijë kilometra në orë, je i zjarrtë, thua gjëra, bën shikime, janë gjëra që lihen në fushë. Tensioni i lartë të bën t’i thuash këto gjëra”.

Reguilon ka qenë titullar nën udhëheqjen e Santiago Solarit në Real Madridi duke e lënë Marcelon në stol, por pas shkarkimit të argjentinasit dhe ardhjes së Zinedine Zidane, Marcelo e ka kthyer vendin në formacion.

Dhe Reguilon mendon se Marcelo është titullar në pozitën e mbrojtësit të majtë të Los Blancos.

“Ai është djalosh shumë i mirë, shumë përtokë, kaloj shumë mirë me të. Ai është titullar në ekip”, tha Reguilon.

Barcelona fiton, Messi hat-trick / Video

Barcelona shumë e fortë për Betisin, Messi sonte u tregua i papërmbajtshëm.

Klubi blaguran ka mposhtur Real Betisin me rezultat 1-4 në ndeshjen e xhiros së 28-të të La Ligas.

Lionel Messi ishte i jashtëzakonshëm në këtë ndeshje duke shënuar tripletë, shkruan teleshkronjapost.info, madje edhe u duartrokit nga fansat e Real Betis.

Argjentinasi arriti të realizoj hetrik (18′, 45+2′ dhe 85′) derisa golin tjetër e shënoi Luis Suarez në minutën e 63-të.

Golin e vetëm për vendasit e realizoi Loren në minutën e 82-të.

Me këtë fitore, Barca vazhdon të qëndroj në krye me 66 pikë, 10 më shumë se Atletico Madrid dhe 12 më shumë se Real Madrid.

Magjia e Leo Messit nga gjuajtja e lirë / Video

Barcelona po fiton ndaj Real Betis dhe po fiton 0-2 në “Benito Villamarin Stadium” .

Mysafirët e gjetën golin e epërsisë në minutën e 18’ dhe më pas në minuten e 45+.

Kush tjetër, pos Lionel Messi, që realizoi një gol të bukur nga gjuajtja e lirë – specialitete tashmë këto për 10-shin magjik të Barcelonës.

Me këta gola Messi arrin në 28 gola në La Liga për argjentinasin që po shkon sigurt drejt Këpucës së Artë, të gjashtë në karrierë.

Barcelona po kërkon me ngulm tri pikët në këtë takim, për t’u shkëputur në 10 pikë nga Atletico Madridi, që humbi mbrëmë nga Athletic Bilbao.

Shijoni dy golat e “pleshtit” :

Lionel Messi synon dy rekorde historike kundër Betisit

Leo Messi vazhdon të shkruajë histori e të lë gjurmë në botën e futbollit.

Këtë të diel, në takimin Betis-Barcelona, ai synon t’i kalojë legjendat e Barçës, Xavi Hernandez dhe Andrés Iniesta.

Së pari, ylli argjentinas mund të kapërcejë numrin më të madh të fitoreve në historinë e klubit, nëse mposht Betisin, së dyti do të përputhet me numrin më të shumtë të ndeshjeve zyrtare të luajtura te Barça.

Leo ka aktualisht 476 fitore si lojtar Blaugrana, njësoj sa Xavi Hernández, deri më tani lojtari me më shumë fitore në historinë e klubit.

Nëse Messi fiton të dielën, do të kalojë në krye i vetëm, me 477 triumfe. Kësisoj, do të bëhet futbollisti me më shumë fitore në historinë e Barcelonës.

Po ashtu, pesë herë fituesi i “Topit të Artë” do të arrijë edhe Andres Iniesta në listën e lojtarëve me më shumë ndeshje të luajtura me fanellën e klubit katalunas.

“Manchego” regjistron 674 ndeshje me katalanasit, ndërsa Leo tashmë ka 673 ndeshje. Kjo do të thotë që, nëse ai luan këtë të diel, do të barazohet me Iniesta, sa iu takon ndeshjeve zyrtare me Barcelonën.

Ai do të kishte vetëm Xavi Hernández përpara, që ka grumbulluar 767 ndeshje zyrtare.

Duke marrë parasysh ritmin e pandalshëm të argjentinasit, ky rekord i ish-kapitenit mund të thyhet në mes të sezonit 2020-2021.

Aktualisht, Messi ka shënuar 588 gola me klubin nga “Camp Nou”, kështu që i mungojnë vetëm 12 të tillë për të rrumbullakosur shifrën 600, në lojërat zyrtare.

Vetëm Edson Arantes do Nascimiento (Pele), vazhdon të mbajë rekordin e këtillë për një klub, në kuotën 643 golave me Santos.

Kujtojmë se Messi tashmë ka kaluar Inisetan sa i përket paraqitjeve në La Liga, me 445 paraqitje, para tij qëndron vetëm Xavi Hernández me 505 ndeshje në La Liga, 6o ndeshje më shumë se Messi.

Pas kësaj treshe, renditen të pensionuarit, Carles Puyol (392) dhe Migueli (391).

Kurse shokët e skuadrës së Messit, Sergio Busquets deri më tani ka bërë (336 paraqitje) dhe Gerard Piqué (302).