Momenti kur Mourinho ‘kritikonte’ Cristianon pavarësisht hat-trickut të shënuar: Adebayor zbulon detaje të zënkës

Emmanuel Adebayor ka përshkruar momentin që ish-menaxher Jose Mourinho ‘lëndoj’ Cristiano Ronaldon në dhomën e zhveshjes – pavarësisht se superstari portugez kishte shënuar një hat-trick.

Ish-lojtari i Arsenalit, Tottenham dhe Manchester City luajti, i cili luajti edhe për Real Madridin për një gjysmë sezoni në vitin 2011, ku punoi nën urdhërat e Mourinhos dhe së bashku me pesë herë fituesin e Topit të Artë, Cristiano Ronaldon.

Togolezi bëri 22 paraqitje në të gjitha garat gjatë qëndrimit të tij të përkohshëm në Bernabeu, duke shënuar tetë gola, shkruan Teleshkronja Post.

Dhe duke folur në një intervistë ekskluzive me Sportsmail, Adebayor diskutoi stilin menaxherial të Mourinhos, si dhe marrëdhëniet e 56-vjeçarit me Ronaldon.

‘Në Real, ne kemi fituar 3-0 në pjesën e parë. Ai (Mourinho) erdhi në dhomën e zhveshjes dhe ishte shumë nervoz. Ai e nisi ta godasë televizorin, e hodhi ujin.”

“Ai kritikoj të gjithë. Më kujtohet se ai iu drejtua edhe Ronaldos pasi ai shënoi një hat-trick. Ai tha: “Të gjithë thonë se jeni më të mirët në botë dhe po luani keq. Më tregoni se jeni më të mirët. Cristiano e mori atë. Ronaldo mund të shënojë një hat-trick, por të flasë për atë që humbi “.

Ronaldo vazhdoi të përfundojë sezonin me 53 gola në emrin e tij në një sezon që prodhoi vetëm një trofe, Copa del Rey.Madridi humbi titullin e La Ligas dhe u rrëzua nga Liga e Kampionëve nga Barcelona.

Ronaldo ishte gati të shijonte suksesin individual të pashembullt në vitet që pasuan dhe Adebayor foli për aftësinë e tij fenomenale – si fizike ashtu edhe teknike – të cilën ai e pa në dorën e parë në kryeqytetin spanjoll.

“Ai u trajnua me ne në Real Madrid, sikur të ishte duke u stërvitur me fëmijët e tij”, shtoi Adebayor.

‘Ai e mbajti topin për pesë sekonda me një prekje! Si është e mundur?

‘Në palestër, wow. Sergio Ramos dhe unë ishim më të fortë. Por pastaj erdhi Ronaldo. “Ju mendoni se kjo është e vështirë?” ai do të thoshte. Ne do të bëjmë pesë përsëritje dhe ai do të bëjë 30 të tilla.’/TeleshkronjaPost/

Milot Rashica magjik, por Bayern shkon në finale / Video

Kampioni aktual gjerman, Bayern Munich ka arritur në finale të Kupës së Gjermanisë falë një goli të vonshëm të Robert Lewandowskit nga penalltia, pas triumfit 3-2 kundër Werder Bremenit.

Dy gola të sulmuesit polak, R.Lewandowski, një nga Thomas Muller i mjaftuan skuadrës së Niko Kovaç të fitojë 3-2, ndaj Werder Bremen të mërkurën në gjysmëfinale të DFB Pokal në Bremen.

Fillimisht djemtë e Niko Kovac kaloi në epërsi përmes Lewandowskit pas 26-minuta lojë, në një pjesë të parë që prodhoi shumë raste.

Pas një ore lojë, Muller e dyfishoi epërsinë e bavarezëve dhe u mendua se gjërat kishin marrë fund për Bremenin, raporton Teleshkronja Post.

Megjithatë, anësori i ekipit kombëtar të Kosovës, Milot Rashica, pati diçka tjetër në mendje.

22 vjeqari nga Kosova e ktheu Werderin në lojë me aftësitë e tij të mrekullueshëm brenda dy minutave.

22-vjeçari së pari asistoi për Yuto Osake në minutën e 74-të dhe vetëm një minutë më vonë, ai shënoi një gol të mrekullueshëm individual duke e barazuar rezultatin në 2-2.

Ky ishte goli i tretë në katër ndeshje në Kupën e Gjermanisë për Rashicën.

Megjithatë, Muller e fitoi një penallti rreth dhjetë minuta para fundit, me Lewandowskin që u tregua i saktë nga pika e bardhë.

Bayern Munich do të përballet me RB Leipzig në finale të Kupës së Gjermanisë. /TeleshkronjaPost/

Formacionet zyrtare të derbit të Manchesterit / Foto

Një nga takimet më të rëndësishme dhe me më shumë vëmendje në Premierligë këtë edicion luhet sonte në Old Trafford.

Ole Gunnar Solskjaer dhe Manchester United pret ekipin e Guardiolës, Manchester Cityn, raporton Teleshkronja Post.

Kjo ndeshje do jetë përcaktuese për të dyja ekipet, pasi Man United po luftojnë për vendin e 4, i cili ia siguron vendin në fazen e grupeve në Ligën e Kampionëve.

Ndërsa për ‘Qytetarët’ kjo ndeshje e ka vlerën e titullit, në garë me Liverpoolin.

Janë publikuar formacionet zyrtare të dy ekipeve :

Ndeshja fillon nga ora 21:30 në “Teatrin e Ëndrrave”. Situata aktuale në top 6-shen e Premier Ligë:

  1. Liverpool – 88 pikë (35 ndeshje)
  2. Man City – 86 pikë (34 ndeshje)
  3. Tottenham- 70 pikë (35 ndeshje)
  4. Chelsea FC – 67 pikë (35 ndeshje)
  5. Arsenal – 66 pikë (35 ndeshje)
  6. Man United – 64 pikë (34 ndeshje./TeleshkronjaPost/

Asociacioni i futbollistëve profesionist (PFA) voton për lojtarin e vitit në Premierligë

Bisha e mbrojtjes së klubit të Liverpoolit, Virgil van Dijk ka mundur Raheem Sterling në garën për “Lojtari i Vitit në Premier League PFA për vitin 2019”.

Njoftimi zyrtar pritet të publikohet të enjten, por sipas raportimeve nga Daily Mail, mbrojtësi i Liverpoolit ka fituar mbështetjen e profesionistëve për kontributin e tij të jashtëzakonshëm në mbrojtje më të mirë në Premier Ligë këtë sezon.

Holandezi ishte në listën e gjashtë lojtarëve që përfshinë Sadio Mane, si dhe Sterling, shokët e Manchester City, Sergio Aguero dhe Bernardo Silva dhe Eden Hazard i Chelseas.

Fitorja për Van Dijk nënkupton që çmimi mbetet në Liverpool, pas triumfit të Mohamed Salah sezonin e kaluar, raporton TeleshkronjaPost.

Lojtarët e tjerë të Liverpoolit që kanë fituar trofeun prestigjoz janë Luis Suarez (2013-14), Steven Gerrard (2005-06), John Barnes (1987-88), Ian Rush (1983-84), Kenny Dalglish (1982-83) dhe Terry McDermott (1979-80).

Çmimet e PFA 2019 do të mbahen në Hotel Grosvenor House në Londër më 28 prill./TeleshkronjaPost/

Nxehët situata: Kovaç nxit James Rodriguez drejt Real Madridit

James Rodriguez ishte lënë në stol në ndeshjen më të rëndësishme të sezonit të Bayern Munchen kundër Borussia Dortmundit dhe çdo gjë tregon për atë se nuk ishte në planet e Niko Kovac për sezonin e ardhshëm.

Mesfushori 27-vjeçar pësoi një lëndim para ndeshjes me Borussia Dortmund, por takticienti kroat ka shpjeguar se mungesa e tij nuk ishte një masë paraprake, por më tepër ishte një vendim taktik.

Sezoni kolumbianit ka qenë një ulje-ngritje deri më tani, pasi ai ka kaluar nëpër shumë faza, transmeton TeleshkronjaPost.info.

Ai startoj nga fillimi në disa ndeshje, para se ai të lihej jashtë për shkak të lëndimeve dhe në raste të tjera u la në stol nga trajneri i tij.

Kovaç nuk e konsideron Jamesin si një lojtarë standard për ekipin e tij dhe një kthim në Real Madrid duket më i realizueshëm se kurrë, pasi presidenti gjerman, Uli Hoeness, ka bërë të qartë se klubi nuk është i gatshëm të paguajë opsionin e blerjes prej 42 milionë euro për një kontratë të dytë.

Siç është raportuar nga MARCA, Kovaç nuk i pëlqen stili i lojtarit të kolumbianit dhe sipas të përditshmes gjermane, Bild, trajneri 47-vjeçar preferon një mesfushorë më të shkathët për bavarezët.

Marrëveshja dyvjeçare e kolumbianëit përfundon këtë verë dhe megjithëse Bayern Munich nuk ka zbuluar asgjë në lidhje me të ardhmen e tij, një kthim në Real Madrid duket më i mundur se kurrë./TeleshkronjaPost/

Cristiano i jep Juventusit listen prej 6 lojtarësh që i do në klub për sezonin e ri

Pesë herë fituesi i ‘Ballon d’Or’ është duke kërkuar seriozitet dhe me arsye të mirë insiston se ai mund të fitojë Ligën e Kampionëve për Juventusin sezonin e ardhshëm.

Në fitoren 2-1 ndaj Fiorentinës siguroi titullin e tetë të njëpasnjëshëm Serie A – një rekord për në pesë ligat më të mira të Evropës – por Ronaldo dhe klubi bardh e zi janë të dëshpëruar pasi i dhanë fund pritjes së klubit për Ligën e Kampionëve.

Pa e fituar titullin e Ligës së Kampionëve që nga viti 1996, kampionët italianë u eliminuan nga Ajax në Torino në fazat e çerekfinales, shkruan Teleshkronja Post.

Në një përpjekje për të ringjallur fatin e klubit në Evropë, Ronaldo ka ‘lëshuar një listë të objektivave të transferimit’ që ai dëshiron që klubi të nënshkruajë për sezonin e ardhshëm, sipas Mirror.

Futbollisti portugez i Benfikës, Joao Felix, i vlerësuar në më shumë se 100 milionë funte, është paraqitur në një listë të lojtarëve që qarkullojnë në mediat italiane.

Ish-shokët e ekipit të Real Madridit, Raphael Varane dhe Isco gjithashtu e shohin të ardhmen e tyre në ajër dhe Ronaldo do të dëshironte t’i merrte në klubin e bardhë e zi tek Juventus për të forcuar ekipin e Massimiliano Allegrit.

Emra të tjerë përfshijnë edhe kapiteni i Ajaxit Matthijs de Ligt, mbrojtësi i Romës Kostas Manolas dhe mesfushori i Lyonit, Tanguy Ndombele.

Ronaldo, sipas Corriere dello Sport, mendon se lojtarët që ai po vështron nuk do të forcojë vetëm Juventusin por do të dobësojë edhe rivalët e tyre kryesorë evropianë përpara një shtytjeje për lavdinë e Ligës së Kampionëve në 2019-20.

Pavarësisht humbjes në gjysmëfinale të Ligës së Kampionëve për herë të parë që nga viti 2010, duke mundur Fiorentinën Ronaldo u bë lojtari i parë në histori që ka fituar Premier League, Serie A dhe La Liga./TeleshkronjaPost/

Tregolëshi i Karim Benzema sot kundër Atletic Bilbaos / Video

Ekipi nga kryeqyteti spanjoll ka marrë pikët e plota në shtëpi, duke e mposhtur 3-0 Athletic Bilbaon, i cilësuar si derbi i javës në La Liga.

Pas barazimit befasues 1-1 në udhëtim me Leganes, Real Madridi i Zinedine Zidane është kthyer te triumfi.

‘Los Blancos’ triumfuan 3-0 në “Santiago Bernabeu” me het-trik të sulmuesit, Karim Benzema. Ai realizoi në minutat 47′, 76′ dhe 90′.

Francezi po tregon formë të lartë në ndeshjet e fundit, por këto paraqitje të mira nuk i shërbejnë më për asgjë skuadrës së Zidanes, që ka mbetur jashtë çdo gare për titull që në muajin mars.

Zizu thotë se synimi i tyre është vendi i dytë, por vështirë të arrihet, pasi Atletico Madridi e mban atë me katër pikë më shumë, 5 ndeshje para fundit të edicionit në Spanjë./TeleshkronjaPost/

Golat e Benzemas:

“U gabua që u iku nga Barcelona, dua ta shohë Neymarin në Real Madrid”

Legjenda e FC Barcelona ka thënë se do të dëshironte ta shikonte Real Madridin duke tentuar t’ia rrëmbejë Paris Saint-Germainit – Neymarin.

Neymar shokoi botën e futbollit në vitin 2017 duke lënë Barcelonë për PSG-në, madje ishte vet ai që pagoi klauzolën e lirimit, 222 milionë euro, pasi klubi nuk dëshironte ta shiste.

Megjithatë, kjo lëvizje ka qenë e gabuar për asin brazilian pasi brenda dy viteve në Ligue 1, atij vetëm sa i ka rënë vlera dhe ka dështuar të bëjë diçka më shumë me PSG-në në UEFA Champions League.

Tani, ish-ylli i Brazilit, Rivaldo thotë se 27-vjeçari duhet ta kuptojë se ka bërë gabim të madh duke u larguar nga Camp Nou dhe ia ka bërë me dije që për të, do të ishte fantastike nëse shkon në “Santiago Bernabeu”.

“Neymar ka bërë shumë gabim me këtë lëvizje, ai duhet ta kuptojë këtë”, tha Rivaldo për “Onda Cero”. “Do të doja ta shoh atë sërish në Barcelonë dhe nëse jo në Camp Nou, për të mirën e futbollit spanjoll dua ta shoh Real Madridin duke tentuar ta transferojë atë”.

Braziliani Neymar Junior luajti nga viti 2013 deri në 2017 me Barcelonën, ku regjistroj 123 paraqitje dhe shënoj 68 gola për fanellën katalanase./TeleshkronjaPost/