Britma tmerruese midis Prishtinës: ”A ka naj burr naj kun, oj nana jeme” (Video+18)

Në rrugën ‘Shpëtim Robaj’ në lagjen Taukbahqe në Prishtinë, një person dyshohet se është plagosur me thikë. Zëdhënësja e Policisë për Rajonin e Prishtinës, Flora Ahmeti, ka konfirmuar rastin.

“Një person dyshohet të jetë therur me thikë dhe po merr tretmanin e nevojshëm në QKUK. Policia është duke u marrë me rastin në fjalë”, ka thënë Ahmeti.

I theruri me thikë për shkak të indiferencës së njerëzve përreth dëgjohet duke bërtitur: ”A ka naj burr naj kun, oj nana jeme”.

Ky është vetëm një ndër rastet ku kalimtarët në rrugët e Kosovës qendrojnë indiferent ndaj ndihmes që kerkon personi që lufton me jetën, shkruan Veriu.info

Shpresojmë që ky rast të trokas në ndërgjegjen e qytetarëve, ne menyre qe rastet e tjera te mos kalojne keshtu. Kliko me posht shiko VIDEON ▼▼▼

Policia e Kosovës arreston personin që kishte tërhequr 780 euro nga llogaria…

Shkaku i papunësisë së madhe shumë njerëz në Kosovë hajnia i ka kaluar në profesion, por Policia e Kosovës i ranë në gjurmë…

Rasti ndodhi në komunen e Prizerenit ku një përsonit i janë gjetur disa gjëra me vlerë në veturë, raporton Teleshkronja.

Një person është arrestuar dje nga Policia pasi më datën 6 janar në fshatin Lubizhdë të Prizrenit kishte hapur me forcë një veturë prej nga kishte vjedhur stoli ari dhe gjëra të tjera të vlefshme.

Këtë e ka bërë të ditur Policia përmes raportit zyrtar, ku gjithashtu është bërë e ditur që i dyshuari kishte tërhequr 780 euro nga llogaria bankare e viktimës së njëjtë.

Ngjarja kishte ndodhur të shtunën e 6 janarit rreth orës 18. I dyshuari është dërguar në mbajtje.

Kosovës i mungojnë 10 mijë kamerierë profesionistë

Kryetari i Shoqatës së Hotelerisë dhe Turizmit, Xhevdet Hyseni, tha se do të organizojnë për shënimin e “Ditës së Hotelerisë”, me Gala mbrëmjen e hotelierëve dhe gastronomëve, që mbahet më 25 janar në Gjakovë dhe festivalin e turizmit që do të mbahet, për herë të parë, nga 25 deri 30 maj të këtij viti në Prishtinë.

Sipas tij, hoteleria në Kosovë është mirë e zhvilluara, ku ka objekte shumë të mirë por mungon kuadri për hoteleri.

“Mungojnë shkollat për hoteleri, mungon puna praktike, pagat nuk janë sa duhet. Shoqata jonë mban trajnime brenda dhe jashtë vendit në objektet e hoteliere“, tha Hyseni në emisionin e mirëmëngjesi në RTK.

Hoteleve dhe gastronomisë në Kosovë, sipas tij, i mungojnë 10 mijë kamerierë profesionistë.

“Një kamerier profesionistë nuk do të duhej të ankohej për rrogë, kërkohen kamerier profesionist e jo ndonjë jurist a ekonomistë që mendojnë të punojnë si kamerier vetëm përkohësisht. Nevoja për kamerierë ka i tërë rajonin, sidomos gjatë verës, kur katërfishohet kërkesa për kameriere”, tha Xhevdet Hyseni

Sfidat, sipas tij, janë të shumta, pajisjet janë të shtrenjta dhe tatimi është shumë i lartë. Edhe në Shqipëri, thotë ai, gjendja është njësoj ndoshta pak më mirë.

Çka është shtypja e lartë e gjakut dhe si trajtohet?!

Shtypja e lartë e gjakut – ndryshe njohur si hipertensioni – mund të shpijë në probleme serioze nëse nuk trajtohet.

Nëse shtypja juaj e gjakut është shumë e lartë, ajo shkakton më shumë tendosje në enët e gjakut dhe organet vitale, transmeton Teleshkronja.

Shtypja e lartë e gjakut e rritë rrezikun e sulmeve të zemrës, të trurit dhe demencës vaskulare.

Hipertensioni rrallëherë ka ndonjë simptomë, megjithatë ka disa shenja të cilat tregojnë se mund të jeni të rrezikuar nga hipertensioni dhe se duhet të kontrolloheni.

Një nga aspektet më të rrezikshme të hipertensionit është të mos e dini se e keni këtë sëmundje. Në fakt, një përqindje e madhe e njerëzve nuk e dinë se e kanë këtë sëmundje.

Mënyra më e mirë për të kuptuar nëse keni shtypje të lartë të gjakut është duke u kontrolluar rregullisht. Por nëse shtypja juaj e gjakut është shumë e lartë, atëherë ka disa simptoma nga të cilat duhet të keni kujdes.

Dhimbjet e shpeshta të kokës, lidhja dhe konfuziteti mund të jenë shenja të hipertensionit, thonë ekspertët shëndetësorë.

Simptoma tjera të hipertensionit përfshijnë problemet me shikimin, dhimbjet në gjoks dhe problemet me frymëmarrje.

Gjaku në urinë, rrahjet e parregullta të zemrës, rrahjet në gjoks, qafë apo vesh, gjithashtu mund të jenë shenja të kësaj sëmundje.

Shtypja ideale e gjakut konsiderohet të jetë diku mes 90/60mmHg, dhe 120/80mmHg.

Në momentin që arrin mbi 140/90mmHg ajo konsiderohet shtypje e lartë e gjakut.

Shtypja e gjakut mund të zvogëlohet duke e zvogëluar sasinë e kripës që e konsumoni, duke bërë ushtrime të rregullta fizike, duke humbur peshë – nëse jeni mbipeshë – dhe duke mos e tepruar me kafe!

Prandaj, nëse keni ndonjërën nga këto simptoma, urgjentisht shkoni te doktori!

Po nisej për një sulm vetëvrasës, burri në karrocë u jep përshëndetjen e fundit fëmijëve të tij! (Foto)

ISIS thuhet se ka kryer një sulm vetëvrasës me eksplozivë kundër një kompleksi ushtarak në Sirinë lindore.

Sipas mediave të huaja, përcjell Telegrafi, bëhet fjalë për pamje të publikuara nga Shteti Islamik të cilat tregojnë një xhihadist në një karrocë që po përgatitet për të shkuar që të kryej sulmin terrorist.

Terroristi ISIS shihet duke biseduar me vajzën dhe djalin e tij me një pushkë në prehrin e tij, para se të përshëndetet me ta.

Ai pastaj mund të shihet duke u vendosur në një makinë.

Automjeti thuhet se ka qenë i ngarkuar me eksploziv, dhe fotografia tjetër thuhet se tregon zonën ku njeriu supozohet të ketë hedhur veten në erë në një mision vetëvrasës.

Deir Ezzor, në Sirinë lindore, është një nga fushat e fundit ku luftëtarët ISIS janë aktivë.

Sipas mediave, pamjet kanë të ngjarë të jenë bërë gjatë fundjavës kur ISIS nisi një ofensivë që synonte disa zona të kontrolluara nga qeveria në Deir Ezzor.

Itali, për 18 mijë punonjësit e rinj sezonalë aplikimi nis më 31 janar, ja ku kërkohen shqiptarë dhe të tjerë

talia, si edhe vitin e shkuar, vë në dispozicion 30.850 kuota për të mundësuar kryesisht ardhjen në Itali për punë të varur sezonale të punonjësve të huaj si dhe konvertime lejesh të ndryshme qëndrimi në leje pune, të të huajve tashmë rezidentë në Itali. Është përcaktuar gjithashtu edhe kalendari i kërkesave, që do të përgatiten e do të paraqiten, si gjithmonë përmes portalit të ministrisë së Brendshme në https://nullaostalavoro.dlci.interno.it.

Më saktësisht, 30.850 kuotat janë të ndara si më poshtë për aplikimi :

Hyrje

– 18.000 për punonjës sezonalë për sektorin bujqësor dhe turistik (2.000 nga këto u rezervohen autorizimeve shumëvjeçare). Punonjësit mund të jenë nga Shqipëria, Kosova, Maqedonia, Mali i Zi, Serbia, Algjeria, Bosnja-Herzegovina, Korea, Bregu i Fildishtë, Egjipti, El Salvadori, Etiopia, Filipinet, Gambia, Gana, Japonia, India, Mali, Maroku, Mauricius, Moldova, Nigeri, Nigeria, Pakistani, Senegali, Sri Lanka, Sudani, Tunizia, Ukraina.

– 500 hyrje për punonjës të huaj josezonalë që kanë përfunduar programe formimi dhe shkollimi në vendlindje sipas nenit 23 të tekstit unik për imigracionin;

– 100 punonjës të pavarur apo të varur josezonale me origjinë italiane (pasardhës deri të shkallës së tretë) rezidentë në Argjentinë, Uruguaj, Venezuelë dhe Brazil;

– 2.400 hyrje për punonjës të pavarur: sipërmarrës që duan të hapin aktivitetin privat në Itali apo profesionistë, administratorë shoqërish, artistë të famshëm.

Konvertime

Autorizohet konvertimi në leje qëndrimi për punë të varur i:

– 4.750 lejeqëndrimeve për punë sezonale;

– 3.500 lejeqëndrimeve për studime, praktikë pune dhe/ose formim profesional;

– 800 lejeqëndrimeve BE për qëndrues afatgjatë të lëshuar nga vende të tjera europiane;

Parashikohen gjithashtu edhe konvertime në lejeqëndrime për punë të pavarur të:

– 700 lejeqëndrimeve për studime, praktikë pune dhe/ose formim profesional;

– 100 lejeqëndrimeve BE për qëndrues afatgjatë të lëshuar nga vende të tjera europiane.

Paraqitja e kërkesave

Kërkesat për punonjësit josezonalë dhe të pavarurit do të mund të nisen online nga ora 9:00 e 23 janarit 2018., njofton Shqiptari i Italisë. Do të mund të përpilohen dhe të ruhen nga 18 janari 2018 nga ora 9:00 kur ministria e Brendshme do të vërë në dispozicion on line formularët e vlefshëm për paraqitjen e kërkesave.

Kërkesat për punonjësit sezonalë do të mund të nisen nga ora 9:00 e 31 janarit 2018, por do të mund të përgatiten nga ora 9:00 e 24 janarit kur ministria e Brendshme do të vërë në dispozicion on line formularët.

Për të gjitha llojet e hyrjeve dhe konvertimeve, do të mund të paraqiten kërkesa deri në 31 dhjetor 2018. Kuotat do të jepen sipas rendit të trajtimit të kërkesave që do të ndjekë atë të nisjes së tyre. Megjithatë, vështirë që kuotat të mbarojnë menjëherë sepse nga çka ndodhur vitet e fundit duken mëse të mjaftueshme për të përmbushur kërkesat.

Doktori pejan që e ktheu certifikatën e veteranit: U keqpërdor dhe u shkel gjaku i dëshmorëve

Ndonëse dita kur e mori certifikatën e veteranit të Ushtrisë Çlirimtare të Kosovës (UÇK), ishte njëra nga ditët më të lumtura të jetës së tij, për shkak të kontributit në luftën e fundit, doktori nga Peja, Mazllom Smajli, ka vendosur që ta kthej prapa këtë status.

Ai në një letër të dërguar kryetarit të Organizatës së Veteranëve të Luftës (OVL)-së së UÇK-së, Hysni Gucati, ka treguar për arsyet se pse ai e ka ndërmarrë një veprim të tillë.

Aty thuhet se keqpërdorimet, njollosja e statusit, manipulime me fakte, janë prej arsyeve kryesore që e kanë shtyrë ta marrë këtë vendim, të cilin e cilëson si shumë të vështirë.

Ai më tutje ka shkruar se kohëve të fundit jemi dëshmitar se shumë individ janë infiltruar në OVL dhe kanë fituar statusin e veteranit. Të luftës.

“I indinjuar me këto raste të cilat sa vinë e shtohen çdo ditë unë kam vendosur t’i mbrojë këto vlera. Pakënaqësitë e shumta në popull ma kanë forcuar bindjen dhe vendimin tim për distancim”, ka shkruar ndër të tjera Smajli.

Ai për distanciminin nga statusi i veteranit, ka numëruar arsyet rreth këtij vendimi:

Degradim i vazhdueshëm i emrit të veteranit të luftës
Njollosja e statusit të veteranit të luftës
Pakënaqësitë e mëdha të shkaktuara nga pseudo – veteranët e luftës
Shfrytëzimi i statusit të veteranit të luftës për interesa personale
Kujdestari në përvetësimin e kontributeve të të tjerëve
Manipulimi me të vërtetën ne formë të shkruar

Ai thotë se sot më keqardhje dhe zemërthyer marrë këtë vendim të largimit nga OVL. Ky veprim bëhet me qëllim ë mbrojtjes së veteranit të luftës nga degradimi,njollosja, pakënaqësia, shfrytëzimi, përvetësimi dhe manipulimi me vlerat e luftës. Ky veprim mund të ndryshojë vetëm atëherë kur listat e veteranëve të pastrohen.

“Z. Gucati, duke besuar në pastërtinë e luftës së UÇK-së dhe në organizatën e OVL, unë mbes me shpresë se ju dhe OVL do të reflektoni nga këto pakënaqësi”, përfundon letra e doktorit pejan, Mr. Sci, dr, Mazllom Smajli.

Kryeministri dhuron një pagë të tij për shërimin e Adnan Hysenit

Pagën me rritje për të cilën u kritikua pa fund, Kryeministri Ramush Haradinaj ia ndau një të sëmuri që po kërkon ndihmë për shërim.

Qytetatari Avni Hyseni nga Peja ka vizituar sot kryeministrin dhe pas takimit ka thënë se pagën e një muaji, Haradinaj e ka ndarë për shërimin e vëllait të tij, Adnanit.

Vëllai i Adnan Hyseni, Avniu, përmes një postimi në Facebook, ka treguar se ka mbajtur një takim me kryeministrin e vendit, Ramush Haradinajn dhe ministrin e Shëndetësisë, Uran Ismajli.

“Në takimin që pata me Kryeministrin Ramush Haradinaj dhe Ministrin e Shëndetsisë Uran Ismajli i njoftova për gjendjen jo të mirë të vëllait Adnanit dhe nevojën urgjente për mjekim në Gjermani ku edhe është i shtrirë në spital atje si dhe nevojën e domosdoshme për mbështetje (shumën 70.000€)”, ka thënë Hyseni.

Avni Hyseni ka treguar se Kryeministri Haradinaj ia ka dhuruar 3 mijë euro nga paga e tij për shërimin e Adnanit.

Postimi i Hysenit:

“Ne takim qe pata me Kryeministrin Ramush Haradinaj dhe Ministrin e Shendetsis Uran Ismajli i njoftova per gjendjen jo te mire te vllaut Adnanit dhe nevojen urgjente per mjekim ne Gjermani ku edhe është i shtrir ne spital atje si dhe nevojen e domosdoshme per mbeshtetje (shumen 70.000€) per te cilen edhe ju kemi drejtu Kombit Shqiptar ku edhe kete mbeshtetjen Adnani po e ka nga momenti ne moment nga populli gjithandej ne bot fal respektit per kontributin e tij per 20 vite per popullin dhe atdheun.

Kryeministrit Haradinaj mi dhuroj 3.000€ (nga pagen e tij) dhe shprehi gadishmerin e Qeveris per mbeshtetje ne rast nevoje por un i tregova se ne baz te asaj qe kemi ne xhirollogarin e Adnanit, mbeshtetja permes mesazheve ne IPKO dhe VALA e cila po vazhdon ende, mbeshtetjen qe do e kemi nga Shqiptaret ne Amerik, Zvicer, Gjermani, Franc e gjithandej botes ku ka Shqiptar te cilat jan angazhu dhe keto dit edhe do i deponojn ne xhirollogarin e Adnanit duke mos e harru edhe mbeshtetjen nga disa vllezer dhe motra Shqiptar te cilet edhe e kan vizitu keto dit Adnanin ne spital ne Gjermani besoj se shuma prej 70.000€ do arrihet.

Kur un ta kam konfirmimin e sakt te shumes se pergjithshme do tregoj e qe besoj se shpejti edhe do e bej.

FALEMINDERIT” (sic.), ka shkruar Hyseni.

Vdes një person në një aksident në Gjilan

Një person ka vdekur në një aksident komunikacioni në Kmetoc të Komunës së Gjilanit.

Zëdhënësi i policisë së rajonit të Gjilanit Shaban Azizi e konfirmoi aksidentit por nuk ka dhënë detaje të tjera lidhur me këtë rast.

“Një aksident ka ndodhur në Kmetoc një person ka vdekur ende nuk i dimë rrethanat për detaje të tjera ju njoftojmë më vonë”, tha Azizi.

Kryeprokurori i prokurorisë në Gjilanit, Jetish Maloku i tha KALLXO.com ka sqaruar rrethanat e vdekjes.

Maloku ka thënë se i ndjeri ka humbur kontrollin e automjetit me c’ rast ka mbetur varur në një mbrojtëse të urë. Gjatë tentativës për ta nxjerrë nga vetura vozitësi është rrëzuar dhe kjo ka qenë fatale” ka thënë Maloku.

Ai ka shtuar se viktima po udhëtonte me makinë së bashku me gruan dhe vajzën.