Djaloshi që shpenzoi 18 orë në ditë në videolojëra, tani fiton më shumë se shumica e të rriturve

Griffin Spikoski shpenzon deri në 18 orë në ditë ngjitur në ekranin e tij të kompjuterit duke luajtur lojën magjepsëse, Fortnite.

Kanali i tij në YouTube – ku rregullisht ngarkon videot e vetes duke luajtur lojë online – ka rreth 1.2 milion abonentë dhe më shumë se 71 milionë shikime; shifra që e kanë grumbulluar atë reklamues, sponsorizime dhe një rrjedhë të qëndrueshme të të ardhurave.

Vitin e kaluar, këto të ardhura arritën në gati 200,000 dollarë.

Shuma e parave – më shumë se e mjaftueshme për të ngritur një familje të qetë në shumicën e qyteteve amerikane – është edhe më mbresëlënëse kur Spikoski është 14 vjeç.

“Është diçka si punë e përditshme,” Griffin tha për ABC, duke vënë në dukje se ai luan rreth tetë orë në ditë në shtëpinë e tij në Long Island.

Në një dokumentar të shkurtër të botuar në YouTube këtë javë, nëna e Spikoskit, Kathleen Connolly, sugjeroi që pasioni dhe suksesi i djalit të saj e bënë të papritur.

“Nuk e kuptova kurrë se Griffin ishte i mirë në lojëra”, tha ajo. “Ai më tha se ishte i mirë me ta dhe pastaj bota vetëm e konfirmoi atë”.

Pas krijimit të Skeptic Gaming Inc, prindërit e të riut kanë punësuar një këshilltar financiar dhe një kontabilist për ta ndihmuar atë të menaxhojë paratë e tij, raporton WABC-TV, transmeton Teleshkronja Post.

Pavarësisht ndikimit të tyre gjithnjë e më të dukshëm, kulturor, videolojërat ende nuk kanë pranuar respektin dhe admirimin e përhapur për sportistët kryesorë. Ashtu si ekspertët e programeve kompjuterike dhe ekspertët e kompjuterëve, ato ndonjëherë konfllenohen me hakerat ose stereotipizohen si mungesa e diellit të cilët rriten brenda bodrumeve suburbane si një formë e kërpudhave njerëzore të shekullit të 21-të.

Por realiteti është se sportet elektronike (të njohura si “Esports”) janë bërë biznesi i madh, aq shumë saqë turneu më i madh i eksporteve tani po ofrojnë pagesa prej afro 25 milionë dollarësh, sipas Gamespot, duke ofruar rroga që konkurrojnë ose tejkalojnë shumë atletë profesionistë.

Vitin e kaluar, videoloja dhe kompania softuerike Epic Games njoftoi se kompania do të ofrojë 100 milionë dollarë për të financuar pijet e shpërblimeve për garat Fortnite për sezonin e ardhshëm. Publiku, i cili përfshin globin dhe grupet për lojtarë të njohur në YouTube dhe platformat streaming si Twitch, është në dhjetëra miliona. Më shumë se 67 milionë njerëz nga e gjithë bota luajnë çdo muaj Ligën e Legjendave, sipas Riot Games.

“Këto video lojëra tërheqin audiencat pasi ato nuk janë më thjesht të dizajnuara për t’u luajtur, por gjithnjë e më shumë të jenë vizualisht të këndshme.”

Ashtu si profilet e atletëve të ESPN që ajër në ditën e lojës, kompanitë e lojërave të videove po prodhojnë edhe videot e tyre të shkurtra duke theksuar personalitetin dhe përzgjedhjen e lojtarëve më të njohur të tyre./TeleshkronjaPost/

Shënohet 20 vjetori i rënies: “Pesë dëshmorët e Gradinës”

Data 18 prill 2019, në 20-vjetorin e rënies, me aktivitete tematike e përkujtimore, në Drenas dhe vend-rënien e tyre përkujtohen dëshmorët e Gradinës, maja e malit, mes Llapushnikut e Berishës.

Atë ditë, në luftime ballë për ballë kundër forcave serbe, me vendosmëri të veçantë, për të mos lejuar që me asnjë çmim që forcat vrastare serbe të depërtonin në pikën më strategjike në luftës, kanë rënë heroikisht: Islam Kastrati, Mentor Morina, Ramadan Bytyçi, Halim Bajraktari dhe Mentor Gashi dhe janë plagosur dhjetëra luftëtarë të tjerë.

Maja e Gradinës ishte mbrojtur deri në fund të luftës. Luftëtarët e lirisë nuk lejuan depërtimin e forcave serbe nga ajo anë, në Rrafshnaltë, ku ndodheshin institucionet e luftës së UÇK-së, Selia e Shtabit, e Qeverisë së Përkohshme të Kosovës, Spitali Ushtarak, Radio-Kosova e Lirë, Agjencia Kosovapress dhe dhjetëra mijëra të zhvendosur në grykat e maleve nga Kizhareka, Nekovci, Bainca, Shala, Krojmiri, Pretërshtica, Blinaja dhe fshatrat e tjera në perëndim prej Arllatit, Lladrovcit, Senikut, Bajës, Bellanicës, Bllacës, Ngucatit deri në Luzhnicë, etj.

Lajm i mirë: Hapet Zyra e Gjendjes Civile në Arllat

Ka përfunduar projekti për ndërtimin e Zyrës së Gjendjes Civile në Arllat dhe nga sot ajo është në funksion dhe në shërbim për qytetarët e fshatrave,Arllat, Llapushnik, Negroc dhe Gjergjicë.

Kjo Zyre do të jetë në funksion gjatë orarit zyrtar për qytetarët e Komunës së Drenasit, përkatësisht për qytetarët e fshatrave të lartcekura dhe gjithë atyre që janë të regjistruar në zyrat tjera, por që janë në sistem të gjendjes civile.

Ky projekt është realizuar nga Drejtoria e Administratës se Përgjithshme Komunale dhe ka për qëllim që shërbimet ndaj qytetarëve të jenë sa më afër tyre duke ju lehtësuar shërbimet e shpejta.

Kjo është bërë e ditur nga vet Komuna përmes një postimi në faqen zyrtare në Facebook:

Zyra e Gjendjes Civile në Arllat, foto: Komuna Drenasit
Zyra e Gjendjes Civile në Arllat, foto: Komuna Drenasit

https://www.facebook.com/437470389681459/photos/a.441179485977216/2164146920347122/

Luran Ahmeti: Shqiptarët në Maqedoni po asimilohen, turp për politikanët nga Kosova dhe Shqipëria

Lurat Ahmeti, aktori shqiptar nga Maqedoni ka treguar sukses shumë të madhë edhe në skenën ndërkombëtare në filmat dhe serialet që ka marr pjesë, si filmi “Taken 2”, “Sulltani i Madhërishëm” dhe shumë shfaqje tjera.

Ahmeti aktualisht është aktor në Teatrin e Shkupit, i ftuar në emisionin “Oxygen Show” tek Besim Dina kritikoj ashpër politikanët shqiptarë.

“Shqiptarët në Maqedoni po asimilohen, nuk ka asnjë aktivitet nga rinia për shkak të mjeteve. Politikanët kosovarë dhe ata shqiptarë nëse vetëm nga një gjysëm tenderi e ndajnë për aktivitete kulturore, gjatë një viti do mbaheshim mjaft aktivitete. Turp të ju vije.”

Luran Ahmeti në Kosovë dhe Shqipëri njihet për rolin në Serialin “O Sa Mirë,” ndërsa këto janë disa nga filmat dhe serialet që ka marrë pjesë:

Filmat ku është pjesmarrës

Puppet Show (Shfaqe kukullash) 1998
Stories about Love (Tregime për dashurinë) 2001
Bal-Can-Can 2004
10 2007
Izstop (Tërheqja) 2007
Hayde Bre 2010
Güzel Günler Göreceğiz (Ne do të shohim ditë të bukura ) 2011
Taken 2 2012

Serialet

Muhteşem Yüzyıl (Sulltani i Madhërishëm) 2013
Son Yaz-Balkanlar 1912 (Vera e fundit – Ballkan 1912) 2012
Elveda Rumeli (Lamtumirë Rumeli), 2007-2009
Balkan Düğünü (Dasma e Ballkanit) 2009
Bahar Dalları (Degët pranverore) 2009
Tek Başımıza 2011
Reis (Udhëtim) 2011
Karakol – Herkes Adalet İster (Patrulla – Çdokush për drejtësinë) 2011
O sa mirë 2013 -2014
Buyuk surgun Kafkasiya (Vala masive e Kaukazit) 2014

Invalidi i UÇK-së, Xhevdet Qeriqi po e lë Kosovën, ka edhe një mesazh për institucionet

Ish-luftëtari i UÇK-së, Xhevdet Qeriqi, i cili është edhe Kryetar i Këshillit për Mbrojtjen e Luftëtarëve të UÇK-së, ka vendosur ta braktisë Kosovën.

Ai në “Frontal” në T7 ka thënë se familja dhe gjendja e tij ekonomike janë arsyet kryesore pse ai ka ndërmarrë këtë vendim, siç e ka cilësuar, aspak të lehtë.

“Më së shumti ka ndikuar edhe familja, për shkak të gjendjes së rëndë ekonomike. Është rrit familja,e janë rritur kërkesat, e s;po mundemi me ia dalë me një pension të invalidit. Njerëzit kanë luftu me u çliru ky vend, e jo me ik të rinjtë prej këtu”, ka thënë Qeriqi.

Ai ka bërë të ditur se do të shkojë në Gjermani, ku thotë se një bashkëluftëtar i tij i ka premtuar se do ta ndihmojë ta gjejë një punë të lehtë atje.

“Një bashkëluftëtar i imi më ka thënë se do t’ju gjej një punë të lehtë, për t’i siguruar disa para. E kam të vështirë për të punuar, sepse kam mbetur invalid nga lufta. Asnjëherë nuk e kam shfrytëzuar statusin e luftëtarit, e as të kryetarit të Invalidëve që të punësohem. Askush në familje nuk po punon. Po e kam të vështirë. Fëmijët janë shembullor në shkollë, atyre ua ka treguar edhe historinë time. Edhe ata ndihen keq për këtë që më ka ndodh mu. Shpeshherë planet e fëmijëve s’kam mundur t’ua realizoj për shkak të mungesës së financave. Ka qenë shumë e rëndë edhe për mua që ta bëjë publik vendin për të ikur nga Kosova. E kam edhe vëllaun në Gjermani. Po e bëjë këtë për familjen time”, ka thënë Qeriqi.

“Edhe shumë miq të tjerë më kanë thënë se do të më ndihmojnë. Më duhet të shkojë edhe në Stamboll për intervenim fillimisht, për shkak të plagëve që kam marrë në luftë”.

Në fund, ai e pati një apel për institucionet e Kosovës.

“Institucionet sa më shpejt të marrin hapa, e t’i punësojnë të rinjtë”, ka thënë Qeriqi.

Pse u refuzua kërkesa për pezullimin e 19 mijë e 500 pensioneve të veteranëve

19 mijë e 500 veteranëve në Kosovë nuk do t’u ndërpritet pensioni. Kështu ka vendosur sot Gjykata Themelore e Prishtinës, pasi refuzoi kërkesën e Prokurorisë Speciale për të bërë një gjë të tillë. Ky vendim u mor nga një gjyqtare dhe arsyetimi i saj është se prokuroria nuk e ka bërë të besueshëm propozimin e saj që të pezullohen 19 mijë e 500 pensione.

Gjykata Themelore e Prishtinës ka marrë vendim sot për refuzimin e kërkesës për pezullimin e pensioneve të veteranëve të UÇK-së.

Javën e kaluar në këtë gjykatë u mbajt seanca ndaj 10 të akuzuarve për rastin e “veteranëve të rrejshëm”. Aty, Prokuroria Speciale e bëri kërkesën për pezullimin e pensioneve, kërkesë kjo që u kundërshtua ashpër nga avokatët mbrojtës të të akuzuarve.

Enver Krasniqi, prokurori i këtij rasti arsyetoi kërkesën e tij për pezullimin e pensioneve të 19 mijë e 500 veteranëve, ku tha se si rezultat i veprës penale nga të pandehurit është dëmtuar buxheti i Kosovës dhe po vazhdon të dëmtohet.

“Prandaj duke konsideruar buxhetin e Kosovës si interes publik, prokurori i shtetit ka autorizim të plotë ligjor për të kërkuar një gjë të tillë”, ka thënë Krasniqi.

Të akuzuar në këtë aktakuzë janë Agim Çeku, Nuredin Lushtaku, Shkumbin Demaliaj, Shukri Buja, Rrustem Berisha, Faik Fazliu, Smajl Elezaj, Fadil Shurdhaj, Xhavit Jashari, Ahmet Daku dhe të tjerë. Por, për këta dy të fundit lënda u veçua pasi që nuk ishin të pranishëm në seancë gjyqësore.

Mirëpo, avokatët e të akuzuarve thanë se kjo kërkesë është e pabazuar nga ana e Prokurorisë Speciale.

Avokati i Agim Çekut, Ramë Gashi, e quajti të kundërligjshme kërkesën për masë e sigurisë ndaj qytetarëve dhe se prokurori nuk ka asnjë procedurë të përfunduar, “nuk ka asnjë akt përfundimtar lidhur me ndonjë akuzë dhe asnjë vendim të anuluar në asnjë procedurë ligjore të ligjeve në fuqi për asnjë nga këta persona”.

Sot, në një bisedë për Gazetën Express, avokati Gashi tregoi se arsyetimi i Gjykatës për mospranimin e kërkesës së prokurorisë, bazohet pikërisht në pikën e lartcekur, se Prokuroria nuk ka asnjë vendim në dorë për 19 mijë veteranët, për të paktën asnjërin prej tyre që iu është anuluar e drejta e tillë.

“Prokuroria nuk e ka asnjë vendim në dorë për 19 mijë personat që së paku për njërin prej tyre, iu është anuluar e drejta e tillë, në çfarëdo procedure ligjore”, tha Gashi, duke treguar në vija të trasha për arsyetimin e Gjykatës për refuzimin e pezullimit të pensioneve.

Kështu vlerëson edhe Arianit Koci, avokati i të akuzuarit Shkumbin Demalijaj, në seancën ku u paraqit kjo kërkesë e Prokurorisë.

“Kërkesa për masë të sigurisë është non sens. Deri më tani nuk kemi asnjë vendim gjyqësor se ndonjëri prej 19 mijë e 500 personave që merr pension e ka marrë këtë në mënyrë të kundërligjshme. Prokuroria e përfaqëson shtetin e shteti del skajshmërisht jo serioz”, ka thënë Koci.

E sipas avokatit Ramë Gashi, në arsyetimin e Gjykatës thuhet se nuk janë plotësuar kushtet që të aprovohet një kërkesë e tillë e Prokurorisë për pezullimin e pensioneve.

“Prokuroria nuk e ka bërë të besueshme pretendimin e saj kur ka kërkuar masë ndaj personave të tretë, me arsyetimin se kanë kry veprën penale, në një fazë kur gjykimi nuk ka fillu ende”, tha Gashi duke cituar arsyetimin e Gjykatës.

Ai gjithashtu tha se Gjykata i ka pranuar shpjegimet e mbrojtjes që i ka dhënë në kundërshtimet e kërkesës së Prokurorisë, dhe arsyetimin ligjor që mbrojtja e ka dhënë.

Vendimin për refuzimin e kërkesës së Prokurorisë Speciale lidhur me pezullimin e pensioneve të 19 mijë e 500 veteranëve, u mor nga gjyqtarja Nushe Kukaj Mekaj. Express ka tentuar të bisedojë me të lidhur me këtë çështje, por ajo refuzoi të flasë, duke thënë që për këtë çështje të kontaktohet zëdhënësja për media e Gjykatës, Mirlinda Gashi.

Edhe kjo e fundit ishte e paqasshme përmes telefonit.

Prokuroria Speciale e Kosovës kishte ngritur aktakuzë për veteranët mashtrues vitin e kaluar. Nga provat e siguruara deri më tani është vërtetuar se nga pagesat e kundërligjshme për veteranët luftëtarë të UÇK-së, buxheti i Republikës së Kosovës është dëmtuar në shumë prej 68.153.533.14 euro.

Aktakuza thotë se të akuzuarit, si anëtarë të Komisionit qeveritar për njohjen dhe verifikimin e statusit të dëshmorit të kombit, invalidit, veteranit, pjesëtarit dhe të internuarit të luftës së Ushtrisë Çlirimtare të Kosovës, në cilësinë e personave zyrtarë, me dashje kanë tejkaluar kompetencat e tyre, si dhe nuk i kanë përmbushur detyrat zyrtare, me qëllim që t’ua mundësojnë personave të tjerë të përfitojnë kundërligjshëm në vazhdimësi në dëm të buxhetit të Republikës së Kosovës.

Prokuroria Speciale ka propozuar që pas administrimit të provave dhe përfundimit të shqyrtimit gjyqësor të pandehurit për veprën penale që u vihet në barrë, të shpallen fajtorë dhe të gjykohen sipas ligjit./GazetaExpress/

Polici Izet Demaj dekorohet me Urdhrin “Hero i Kosovës.”

Sot pasdite është dekoruar me Urdhrin “Hero i Kosovës,” polici i rënë gjatë detyrës në Istog, Izet Demaj.

Kjo është bërë e ditur nga vet Presidenti Hashim Thaçi përmes një postimi në rrjetin social ”Facebook”.

Në status Thaçi shkruan:
Në familjen e policit Izet Demaj, që ra në krye të detyrës më 27 dhjetor 2018. Urdhrin “Hero i Kosovës” ia dorëzova vajzës së heroit, Valëzës. HTH

Kujtojmë se Polici Izet Demaj u vra gjatë detyrës në Istog në shkëmbim zjarri me grabitësin e një banke./TeleshkronjaPost/

Vendoset: Qeveria miration kërkesën e Kuvendit për lojërat e fatit, mbyllen për 10 vite

Qeveria “Haradinaj” ka miratuar kërkesën e Kuvendit të Kosovës rreth mbylljes së gjitha lojrave të fatit në Republikën e Kosovës.

“Ne po zbatojmë rezolutën e Kuvendit të Kosovës. Kërkesë për Qeverinë të pezullohet lojrat e fatit për një periudhë 10 vjeçare. Lojërat e fatit ndalohen të gjitha”, ka deklaruar Haradinaj.

Ndrtshe, me 74 vota pro dhe asnjë abstenim, Kuvendi i Kosovës kishte miratuar Rezolutën e propozuar nga LDK-ja për pezullimin e aktivitetit të kazinove dhe lojërave të fatit.

Këto masa vijnë si pasojë e disa problemeve të njëpasnjëshme dhe vrasjeve në kazino në Kosovë./TeleshkronjaPost/