Ledri: “1 me 1 e muj Ronaldon”

Ledri Vula i është përgjigjur në një mënyrë epike një fansi në rrjetin social, Instagram.

Në një postim të bërë në llogarinë personale në Instagram, Ledri Vula tregoi se gjendet në Dubai, teksa u fotografua para disa veturave tejet luksoze.

Ai ka fansa të shumtë shqiptarë në mbarë botën, të cilët herë pas here lënë komente në postimet e këngëtarit, por të rrallë janë ata që marrin përgjigje.

Sido që të jetë, një fans ia ka arritur qëllimit të marrë vëmendjen e Ledrit.

Ai i komentoi në Instagram për yllin e Juventusit, Cristiano Ronaldon: “Pas Ronaldos, je idoli im i dytë”.

Nuk ka vonuar shumë dhe ka ardhur përgjigjja në formë shakaje nga ana e artistit kosovar.

“1 me 1 e muj Ronaldon”, ia ktheu Ledri.

Ledri është një prej artistëve më të kërkuar së fundmi në estradën tonë.

Ditë më parë, ai publikoi bashkëpunimin me këngëtarin shqiptar që jeton dhe vepron në Amerikë, GASHI.

Dua Lipa: Ishim viktima të terrorit të tmerrshëm të Serbisë

Tabloidi i famshëm britanik “The Sun”, i ka kushtuar një hapësirë të madhe fitueses së sivjetme të çmimeve Grammy dhe Brit Awards, këngëtares nga Kosova Dua Lipa.

Ky tabloid shkruan se familja Lipa është dashur ta braktisë Kosovën në vitin 1992 për shkak të presionit dhe terrorit që kishte nga pushteti serb atje.

Gjyshi i Duas, Seit Lipa, ishte drejtor i muzeut historik në Prishtinë gjatë periudhës mes viteve 1990-95. Dhe pikërisht atij i ishte kërkuar që të përmirësoj disa libra historikë dhe të fabrikojë fakte historike, çka ai kishte refuzuar, për çka më pas ishte shënjestër e regjimit serb. “Ishte periudhë e tmerrshme për të gjithë. Janë mbyllur të gjitha shkollat dhe mediat.

“Secili akademik ka qenë shënjestër. Njerëzit zhdukeshin brenda natës. Familja Lipa ishte në rrezik shkaku i kësaj, prandaj janë detyruar të ikin”, ka rrëfyer kompozitori dhe miku i familjar, Florent Boshnjaku, përcjell Klan Kosova.

Vetë Dua ka deklaruar se familja dhe populli i saj janë dëbuar me dhunë nga Kosova nga regjimi serb. “Serbët na kanë dëbuar nga Kosova. Kemi qenë viktima të terrorit të tmerrshëm”, kishte deklaruar këngëtarja shqiptare.

Dua ka lindur në Londër në vitin 1995.

Dua ka ndjekur shkollën teatrale të Silvia Jong, para se me familje në vitin 2006, të kthehej në Prishtinë, ku babai i saj kishte fituar një vend pune. Në Prishtinë, Dua ka shkuar në shkolla private dhe është rritur duke dëgjuar muzikën e babait të saj, i cili dikur ishte pjesëtarë i grupit “Oda”.

“Tani jam krenare me emrin tim, por kur kam qenë më e re, e tëra që dëshiroja, ishte të quhesha Hana, Sara, Ella… Çfarëdo emri, vetëm të ishte normal. Sepse emrin Dua është dashur ta sqaroj vazhdimisht se çfarë nënkupton, që njerëzve t’u tregoja se isha nga Kosova”, ka rrëfyer Dua.

Si 14-vjeçare kishte filluar që në kanalin Youtube të publikojë këngët e përpunuara të këngëtareve të saj të preferuar, si Pink dhe Nelly Furtado.

Në të njëjtën kohë ka filluar të punoj si modele për një katalog ‘on-line’, por edhe si hostes në restorantin meksikan ‘La Bodega Negra’ në Soho, dhe në klubin e natës “Mayfer”.

Familja e Duas ishte kthyer në Londër në vitin 2012 dhe ajo së bashku me familjen, ishin vendosur në Londrën Perëndimore, ku ka jetuar deri në mars të vitit të kaluar. Në vitin 2015, producentët kishin dëgjuar përpunimin e saj të këngës “Cocoa Butter Kisses” të reverit Chensey dhe i kishin ofruar të nënshkruaj kontratë me shtëpinë diskografike “Warner Music”.

Dy vite më vonë, është paraqitur albumi i saj i parë “Dua Lipa”, ku gjendeshin shumë hite, mes tyre edhe “Be The One” dhe “New Rules”. Qysh në atë kohë ishte bërë e qartë se bota kishte fituar një yll të ri të muzikës, e cila vetëm në vitin 2017, kishte fituar mbi 2 milionë euro, ndërsa nga viti e kaluar e këndej, vazhdon t’i rendis çmimet më të rëndësishme muzikore.

Sfida e madhe mes Ermal Mamaqit dhe Arbana Osmanit nesër

Këtë të shtunë, sfida e Ermal Mamaqit dhe Arbana Osmanit në dy emisionet respektive është e veçantë.

Shtrohet pyetja pse? Kanë të njëjtin të ftuar. E çuditshme, por e vërtetë. Ermal Mamaqi ka paralajmëruar përmes një video të shkurtër në Instagram, se i ftuari i tij këtë të shtunë është Ylli Limani.

Të njëjtin të ftuar ka edhe Arbana Osmani si surprizë për të bërë fansat e tij të lumtur.

Të dyja emisionet janë të regjistruara sigurisht, por do të jetë interesante të dimë se ku do të duan ta shohin teleshikuesit Ylli Limanin, në Klan apo në Top? Mbetet për t’u parë të shtunën.

Reperi Mozzik synon të thyej një rekord në Gjermani

Para pak ditëve, Mozzik dhe Loredana publikuan këngën e re.“Romeo&Juliet”, mban titullin kënga e re e çiftit Aliu e cila u lansua në fillim të këtij muaji, shkruan lajmi.net.

Kjo këngë e dyshes u prit tejet mirë nga publiku ku vetëm në këto pak ditë ka mbledhur mbi 9 milionë shikime në YouTube.

Së fundmi, Mozzik ndau këtë këngë me ndjekësit në InstaStory dhe paralajmëron se nesër do të thyej një rekord të klikimeve në Gjermani.

“Deri në 10 mëngjes kemi afat me i bo 10 milionë edhe e thejmë rekordin e klikimeve t’gjitha kohërave në krejt Gjermaninë!!”, ka shkruar Mozzik.

Bebe Rexha me befasi për fansat, i pyet nëse janë gati

Hite ka pafund, por kënga e parë për 2019 po vjen tash nga Bebe Rexha.

Artistja shqiptare me famë në rrafshin ndërkombëtar, Bebe Rexha është duke punuar në këngë të re që pritet të lansohet me 15 shkurt, shkruan lajmi.net.

“2.15 #LastHurrah”, ka shkruar ajo.

“Say my name”, mbetet kënga e fundit e lansuar nga Rexha në nëntor të vitit të kaluar që deri më tani numëron mbi 219 milionë shikime në YouTube.

Ndryshe, këngëtarja shqiptare do të jetë zëri i një personazhi të animuar në “Ugly Dolls”, lajm ky që u bë i ditur para pak ditëve.

View this post on Instagram

2.15 #LastHurrah

A post shared by Bebe Rexha (@beberexha) on

N’Kosovë Show, i ftuar Elvis Naçi

Këtë javë i ftuar në emisionin n’Kosovë Show, tek Shpetim Desku është hoxha nga Shqipëria, Elvis Naci.

Hoxhë Elvisi për herë të parë i ka publikuar shumë gjëra nga jeta e tij e përditshme, pjesë e emisionit ishte nëna, gruaja dhe fëmijët e Elvis Nacit, përcjellë Teleshkronja.

Aty poashtu është prezantuar në të cilën jeton edhe hoxha më i popullarizuar në Shqipëri, Elvis Naci.

Për pak minuta hoxhë Elivis e ka udhëhequr emisionin n’Kosovë Show, e poashtu e ka mbyllur edhe atë.

Elvis Naçi luan futboll me Lorik Canën në një qendër tregtare

Elvis Naçi dhe futbollisti Lorik Cana janë filmuar duke luajtur futboll në një qendër tregtare.

Të dy duken të lumtur, teksa i pasojnë topin njëri-tjetrit, përcjellë Teleshkronja Post.

Deri tani nuk e kishim parë asnjehërë imamin duke luajtur futboll, por mesa duket në videon e publikuar, futbolli qenka një nga sportet e tij të preferuar.

Ligjëruesi fetar Naçi ka mijëra ndjekës në rrjetet sociale. Të shumta janë ligjërimet e tij në lidhje me fenë islame. Këto ligjërime kanë rezultuar shumë të pëlqyera nga shqiptarët.