Kriza në Vetëvendosje e tregon edhe kush ishte Kryeredaktori i sajtit ‘satirik’ Pampress

Kriza në Vetëvendosje e tregon edhe kush ishte Kryeredaktori i sajtit ‘satirik’ Pampress

Pampress gjatë ekzistencës së tij ka ofenduar dhe ka shpifur çdo kënd, duke mos treguar asnjëherë se kush është kryeredaktor i saj. Ne adrese të këtij sajti ka shumë kallëzime penale. I sapo larguari nga LVV, Shkodran Hoti, e ka pranuar qe ai e ka udhëhequr këtë sajt
Shkodran Hoti, ish-Zëdhënës i Vetëvendosjes, e ka pranuar se ka udhëhequr portalin satirik “Pampress”, i cili publikon tekste me përmbajtje fyese e poshtëruese ndaj kundërshtarëve të Vetëvendosjes.

Ish-zyrtari i VV’së e ka bërë të ditur se ka udhëhequr me sajtin që linconte kundërshtarët e Kurtit tek kur ka dhënë dorëheqje prej partisë. Njëri prej anëtarëve të Vetëvendosjes e ka pyetur Hotin se pse ia ka fshirë komentin dhe se a është ende në udhëheqje të Pampresit.

Zëdhënësi i deridjeshëm i VV’së ka thënë se është larguar edhe nga Pampresi.

Shkrimet në portalin satirik kanë pasur përmbajtje fyese e denigruese për ata që Vetëvendosje i ka cilësuar si kundërshtarë. Madje, ka pasur edhe linçime të njerëzve, të cilët kanë bërë edhe kallëzime penale në adresë të tyre.

Por, asnjëherë zyrtarët e VV’së s’e kanë pranuar se qëndrojnë prapa sajtit “Pampress”.

Me ndarjen e Vetëvendosjes në përkrahës të Kurtit dhe atyre të Dardan Molliqajt, duket se prapë “Pampress” ka mbetur në duart e njerëzve të Liderit të në ardhje të Partisë.

Shkodran Hoti ka qenë pjesë e Sekretariatit për Marrëdhënie me Publikun. Në letrën e dorëheqjes tha se nuk mund të rrijë në të njëjtin vend me servilët e dogmatikët.

Nga Vetëvendosje janë larguar edhe zyrtarë të tjerë duke përfshirë Visar Ymerin, Dardan Molliqajn, Dukagjin Goranin, Shqipe Pantina, Dardan Sejdiu, Driton Çaushi, Zgjim Hyseni, Donika Kadaj etj.

Partia e themeluar fillimisht si OJQ pastaj si organizatë, sot, mbanë zgjedhjet partiake, duke pasur vetëm një kandidat për Shef Partiak.

Problemet në Lëvizjen Vetëvendosje dolën para një muaji kur Aida Dërguti, në një komunikim në viber, i drejtohet Kurtit si mut. Pas kësaj, filloi fushata linçuese ndaj saj duke thënë se ajo është pjesë e SHIK’ut bashkë me Dardan Molliqajn e Dukagjin Goranin.

Po vuloset ndarja, Grupi i Molliqajt, Ymerit e Ahmetit s’del për ta votuar Kurtin

Po vuloset ndarja, Grupi i Molliqajt, Ymerit e Ahmetit s’del për ta votuar Kurtin

Ende asnjëri prej të dorëhequrve të Vetëvendosjes s’ka dhënë votën për Shefin e ardhshëm të Partisë, Albin Kurtin. Te kutitë e votimit s’kanë shkuar as ata që thanë se po tërhiqen prej pozitave partiake dhe po mbesin vetëm anëtarë të Vetëvendosjes. Në mesin e të cilëve janë edhe Visar Ymeri, Shpend Ahmeti, Dardan Molliqaj, Dardan Sejdiu, Driton Çaushi, Shqipe Pantina etj.
Asnjë prej zyrtarëve të dorëhequr të Vetëvendosjes s’ka dalë të votojë në zgjedhjet për Kryetar të Vetëvendosjes.

Ndërkohë, përkrahësit e Albin Kurtit, kanë njoftuar se e kanë kryer obligimin, duke votuar për liderin e ardhshëm trevjeçar të Partisë. Kanë bërë thirrje të dalin edhe të dorëhequrit e deritashëm me në krye ish-Kryetarin Visar Ymeri, shkruan Gazeta Express.

Por, thirrjen edhe të Kurtit nuk e kanë dëgjuar të dorëhequrit.

Deri tash asnjëri prej tyre nuk ka dalë të votojë. Në fakt, në zgjedhjet partiake kandidon vetëm Albin Kurti për Shef të Partisë, njësojë qysh kishte ndodhur para tre vitesh kur ishte votuar për Visar Ymerin.

Në votime s’ka dalë as Shpend Ahmeti, Dardan Molliqaj, Dardan Sejdiu, Dukagjin Gorani, Driton Çaushi, Shqipe Pantina, Aida Dërguti, Shkodran Hoti, Zgjim Hyseni etj, të gjithë të larguarit nga pozitat udhëheqëse në VV kanë deklaruar se mbesin anëtar të partisë. Rrjedhimisht kanë të drejtë edhe të votojnë.

Në gjithë këtë situatë, Albin Kurti, kandidati i vetëm për Shef të Partisë, u ka bërë thirrje të dorëhequrve të votojnë.

Madje, kohë më parë, Kurti kishte kërkuar rikthimin e tyre në Parti. Kishte premtuar se nuk do të hakmerrej ndaj tyre.

Por, Visar Ymeri, ishte përgjigjur negativisht Kurtit. Kishte thënë se Albin Kurti nuk po pranon gabimet. E ka akuzuar se nuk është distancuar nga linçuesit derisa ka deklaruar se Kurti e sheh veten të shenjtë dhe kërkon nënshtrim.

Problemet në Lëvizjen Vetëvendosje dolën para një muaji kur Aida Dërguti, në një komunikim në viber, i drejtohet Kurtit si mut. Pas kësaj, filloi fushata linçuese ndaj saj duke thënë se ajo është pjesë e SHIK’ut bashkë me Dardan Molliqajn e Dukagjin Goranin.

Veç kësaj, pas ndarjes së VV’së kanë dalë edhe dy qëndrime sa i përket vdekjes së Astrit Dehari. Njëri prej aktivistëve të VV’së ka deklaruar se Dardan Molliqaj e ka cilësuar si vetëvrasje vdekjen e Deharit derisa partia e ka akuzuar Shtetin se e vra anëtarin e partisë.

Në një paraqitje publike, Dardan Molliqaj ka deklaruar se Albin Kurti ishte pro një koalicioni me PDK’në dhe kjo ishte njëra prej pikave që nuk janë pajtuar me ‘babën’ e Vetëvendosjes.

Në platformën politike, Kurti nuk e ka përmendur fare PDK’në dhe as Kadri Veselin e Hashim Thaçin. Nuk ka lëshuar asnjë akuzë të drejtim të tyre.

Sidoqoftë, gazetari Adriatik Kelmendi, në një postim në Fb, ka paralajmëruar se Vetëvendosje do të ndahet. Madje, ndarja do të nisë sot kur Kurti të zyrtarizohet Shef i Vetëvendosjes.

Ka thënë se Partia e re do të jetë Socialdemokrate e udhëhequr prej Visar Ymeri ndërsa kandidat për Kryeministër në zgjedhjet e ardhshme do të jetë Shpend Ahmeti.

Shpend Ahmeti pas takimit të fundit të përbashkët me Kurtin dhe përkrahësit e tij ka thënë se dallimet brenda VV janë më të mëdha dhe komplikuara se sa po paraqiten në media. Ka paralajmëruar se nëse nuk pajtohen dhe nuk gjejnë zgjidhje do të vazhdojnë rrugën ndaras.

Haziri: Nuk do të ndalemi derisa Kosova Lindore t’i bashkohet Kosovës (Video)

Kryetari i Komunës së Gjilanit dhe njëherit nënkryetar i LDK-së, Lutfi Haziri, ka bërë me dije se nuk do të ndalen derisa Kosova Lindore t’i bashkohet Republikës.

Ai ka thënë Kosova Lindore duhet t’i zgjedh problemet e veta politike, përcjellë Teleshkronja.

“Ne do të vazhdojmë të ecim së bashku deri në realizmin e qëllimit të fundit. Deri atëherë kur Kosova Lindore ta zgjedh problemin e vet politik dhe bëhet pjesë e pandashme e republikës së vet, Kosovës”, ka thënë Haziri.

Ai ka thënë se nuk ka askush të drejtë që ta lë këtë pjese të Kosovës pa një zgjedhje.

“Nuk ka te drejt askush me lanë anash këtë problem. Nuk ka te drejtë askush me injoru këtë problem. Nuk ka të drejtë askush ta injoroj edhe punën e Jonuz Musliut”, ka thënë Haziri, transmeton Klan Kosova.

Haziri këtë komente i ka bërë gjatë ditë së sotme, gjatë ceremonisë së varrimit të Jonuz Musliut, i cili vdiq të enjten.

Serbët kërkojnë armë dhe kthimin e ushtrisë serbe në Kosovë, ja si iu përgjigjet Vuçiq?

Presidenti i Serbisë u ka thënë sot serbëve në Kosovë se nuk ka asgjë më të rëndësishme se qëndrimi në Kosovë, pasi që sipas tij shteti i Serbisë do të ndihmojë në këtë aspekt, para se gjithash me paqe politike, politikën e mbrojtjes së serbëve dhe investime në zhvillim.

Aleksandar Vuçiq, kur bëhet fjalë për sigurinë e qytetarëve në veri të Kosovës, ka thënë se shpreson që askush as mos të mendoj që t’i largoj serbët nga shtëpitë e tyre, vendlindja e tyre.

“Dua të besoj në këtë, por ne do të zhvillojmë politikë në mënyrë që t’i mbrojmë serbët”, ka thënë Vuçiq, transmeton lajmi.net.

Presidenti i Serbisë pas takimit me përfaqësuesit politik të serbëve dhe biznesmen, ka thënë se ka pasur kërkesa që lidhen me respektimin e Rezolutës 1244, por edhe kërkesa që Serbia t’i armatos serbët, por se përgjigjja e tij ka qenë se shpreson që Serbia të ndihmoj në dhënien e parave për kopshte, shkolla dhe shëndetësi.

Kërkesa për të tilla për Vuçiqin ka pasur edhe para se ai t’ju drejtohet serbëve.

“I kuptoj njerëzit, por nuk mundem të gjithëve t’u përgjigjem”, ka thënë ai.

Kjo përgjigje ka ardhur pasi që serbët e mbledhur kanë brohoritur “president, na ndihmo”, “Mitrovica është qytet i unitetit”, “ndihmo”, “ktheje ushtrinë dhe policinë në Kosovë”, “me jetë do ta mbrojmë Mitrovicën”…

MPMS: Vonesat për pensione të familjeve të dëshmorëve për shkak të ish-qeverisë

Ministria e Punës dhe Mirëqenies Sociale (MPMS), ka sqaruar të premten se vonesat për përfitimet e pensioneve për familjet që e kanë statusin e familjeve të dëshmorëve për shkak të grumbullimit të lendeve dhe mos trajtimi i kërkesave për një periudhë rreth 7 vjeçare nga Qeveria e kaluar.

Mimoza Kqiku, këshilltare për informim e Ministrit të Punës dhe Mirëqenies Sociale, ka thënë për Telegrafin se pasi kanë marr drejtimin e ministrisë kanë zhbllokuar këtë proces.

“Vonesat që kanë ndodhur deri më tani sa i përket pensioneve të familjeve të dëshmorëve janë si pasojë e mos trajtimit të lëndëve apo kërkesave për një periudhë rreth 7 vjeçare. Menjëherë pas marrjes së detyrës, ministri i Punës dhe Mirëqenies Sociale, Skënder Reçica ka shfuqizuar vendimet e më hershme të cilat kanë qenë të padrejta dhe me këtë rast kanë mohuar realizimin e të drejtës së aplikimit për pensione për disa kategori përfituese, përfshi edhe familjet e dëshmorëve dhe kjo kategori, bashkë me kategoritë tjera përfituese do ti gëzojnë pensionet që i takojnë në bazë të ligjit në fuqi”, tha ajo.
Kqiku ka treguar se deri më tani kanë 477 aplikime për pension të familjes së dëshmorit.

“Nga 1 dhjetori 2017, në Departamentin e Departamentin e Familjeve të Dëshmorëve, Invalidëve dhe Viktimave Cilivile, kanë aplikuar 477 aplikues për pension të dëshmorit. 55 lëndë për ndërrim kategorie nga viktima civile në kategorinë e dëshmorit, kanë hyrë në pagesë 55 përfitues. Ndërsa 12 familje të dëshmorëve që kanë aplikuar për herë të parë si raste të reja kanë hyrë në pagesë gjatë këtij muaji (janar 2018)”, thekson ajo .

Mimoza Kqiku këshilltare në Ministrinë e Punës dhe Mirëqenies Sociale, ka thënë se për të gjitha lëndët që janë shqyrtuar nga MPMS-ja, pagesat fillojnë nga fundit i janarit.

Ndryshe të enjten Telegrafi ka raportuar se si një familje e dëshmorit, edhe pse ka aplikuar për pension ende nuk e përfiton ate.

Ndërsa kryetari i Shoqatës së Familjeve të Dëshmorëve të UÇK-së, Xhavit Jashari në një intervistë për Telegrafin ka thënë se pas kalimit në Komisioni për Verifikim, familjet që e kanë fituar statusin e dëshmorit, duhet të aplikojnë në Departamentin e Familjeve të Dëshmorëve, Invalidëve dhe Viktimave Cilivile në Ministri të Punës dhe Mirëqenies Sociale për t’i përfituar beneficionet.

“Ministria e Punës obligohet që t’i njoftojë me vendimin dhe duhet të gjithë t’i gëzojnë beneficionet siç i gëzojnë të gjitha familjet e dëshmorëve”, tha Jashari.

SHBA thirrje qytetarëve, mos udhëtoni në Serbi shkaku i një virusi

Departamenti Amerikan i Shtetit ka lëshuar një paralajmërim ku u bën tirrje qytetarëve amerikan që të kenë kujdes para se të planifikojnë të udhëtojnë për në Serbi, shkaku i një epidemie që është përhapur në këtë shtet.

Bëhet fjalë për epideminë e fruthit, e cila po përhapet me të madhe në Serbi, epidemi e cila transmetohet shumë lehtë nga një person te personat tjerë, edhe përmes ajrit, shkruan gazetametro

Instituti për Shëndetin Publik të Serbisë “Milan Jovanovic Batut” ka njoftuar gjatë javës se në këtë shtet në tre muajt e fundit janë paraqitur 1 mijë e 114 raste.

Ky institut bën të ditur se nga ky numër 224 raste janë të evidentuara nëpër zonat e banuar me serbë në Kosovë.

Me fruth janë evidentuar edhe 13 punëtorë shëndetësor, mjekë dhe infermierë, të cilët me shumë gjasë virusin e kanë marrë nga pacientët që kanë trajtuar.

Departamenti Amerikan i Shtetit ka këshilluar qytetarët amerikanë që nëse vendosin të udhëtojnë për në Serbi, paraprakisht të sigurohen, duke marrë vaksinat e nevojshme, që parandalojnë prekjen nga kjo epidemi.