Kryeministri: Vizat ? Ka ende kohë dhe punë për të bërë

Kryeministri Ramush Haradinaj ka shpjeguar në detaje procesin nëpërmjet të cilit qytetarët e Kosovës do të mund të lëviznin pa viza në zonën Schengen.

Thotë se po lobojnë shumë dhe fillimisht e kanë fokusin në futjen e kësaj çështje në agjendën e Bashkimit Evropian, gjegjësisht të Këshillit të Ministrave.

“Marrja e vendimit është edhe më zor. Do të punojmë intenzivisht me ministra të ndryshëm të brendshëm të shumë vendeve, me kryeministra. Është një proces dhe kohë e shkurtë por edhe shumë punë na pret’, tha Haradinaj për televizionin publik.

Haradinaj në Austri ka zhvilluar takimi me kancelarin Sebastian Kurz, të cilit thotë t’ia ketë shpjeguar rëndësinë e liberalizimit të vizave për kosovarët.

“Vendimi mund të merret menjëherë tash, mund të diskutohet dhe të merret në një etapë tjetër mirëpo prapë e kemi kaluar edhe një etapë. Pra hyrja në agjendë nuk është zhvillim i vogël dhe shpresoj që do të realizohet ashtu si u diskutua dhe u tha se do të ndodh’, shtoi kryeministri.

Serbia ecën vetëm në Interpol, Rusia ka mbështetur antarsimin e Kosovës

Në Serbi kanë mbetur të tronditura nga një hap që e bëri Rusia, miku i tyre më i ngushtë, pasi këta të fundit e mbështetën agjendën e INTERPOL’it për ditën e nesërme, ku do të votohet edhe për anëtarësimin e Kosovës.

Serbia, megjithatë kishte kërkuar që kjo agjendë të ndryshohet, por morën përgjigje negative nga Këshilli i Asamblesë së INTERPOL.

Por, tronditje të madhe morën nga Rusia në këtë pikë, përcjell Express.

Sipas burimeve të mediave në Serbi, thuhet se Presidenti rus Vladimir Putin, nuk e ka penguar Kosovën që të vendoset për votim nesër në Asamblenë e INTERPOL’it.

Sipas tyre, gjashtë vende të tjera anëtare të INTERPOL, kishin përkrahur që kjo agjendë të ndryshohet, por jo edhe Rusia.

Mediat atje shkruajnë në se emër të Serbisë, dhe kundër përfshirjes së Kosovës në rend dite, ishte Spanja, Qipro, Kina, Siria, Venezuela, Suriname. Kurse, në favor të Kosovës, votuan SHBA’ja, Franca dhe Guajana.

“Rusët nuk kanë marrë udhëzime nga Qeveria e tyre për të folur për këtë çështje. Kosova u miratua që të hyjë në rend dite nesër dhe kështu do të votohet edhe për anëtarësimin e saj”, ka mësuar Telegrafi i Serbisë./Teleshkronja Post/

Albulena Haxhiu: “VETËVENDOSJE nuk do t’i dërgoj lule Rugovës.”

Albulena Haxhiu, deputete nga Lëvizja VV ka thënë se partia e saj nuk do të vendosë lule te varri i ish-presidentit të Kosovës, Ibrahim Rugova.

Në një intervistë dhënë për “Blic”, ka komentuar deklaratat e nënkryetarit të LDK-së, Lutfi Haziri duke thënë se deklaratat e tij janë hipokrite pasi, sipas saj, ai më shumë anon nga PDK sesa nga partia e Lidhjes Demokratike të Kosovës,” transmeton Teleshkronja Post.

“Ajo që përfaqëson LDK-ja është në rrezik nga dikush siç është Lutfi Haziri. Ai shumë më shumë është me PDK-në sesa që është me LDK-në andaj janë hipokrite këto deklarata të zotëri Haziri që i bën në drejtim të Lëvizjes Vetëvendosje”, ka thënë Haxhiu.

Ka shtuar se partia e saj dërgon lule vetëm tek varret e dëshmorëve të vendit kurse, sa i përket dërgimit të luleve tek varri i ish- presidentit Rugova, ka thënë se nuk do ta bëjnë një gjë të tillë.

“Gjithmonë dërgojmë lule tek dëshmorët e kombit siç është Adem Jashari e Zahir Pajaziti e të tjerët por për politikanë siç ishte edhe zotëri Rugova ne nuk e kemi praktikuar nuk është që e kemi kundërshtuar por nuk e kemi praktikuar thjeshtë.”

“Për ne dëshmorët e kombit përkulemi gjithmonë para kontributit të tyre por z. Rugova ka qenë një figurë politikë në këtë rast president i Kosovës prandaj konsideroj që akuzat e tilla në drejtim të VV-së janë të papranueshme.”

 

“Natyrisht që ne nuk merremi me të tilla. Nuk konsiderojmë që ka qenë vetëm kontributi i z. Rugova për pavarësinë e Kosovës ose për historinë e popullit shqiptarë”, ka thënë Haxhiu.

Ndryshe, nënkryetari i LDK-së, Lutfi Haziri ka thënë se nëse VV-ja dëshiron koalicion me LDK-në atëherë këta të fundit duhet dërguar lule tek varri i Ibrahim Rugovës.

Serbia përsëri humbë, INTERPOLI voton pro futjes në agjendë votimin për Kosovën

Në mesditë, delegacioni serb në kuadër të Asamblesë së Përgjithshme të Interpolit, që po mbahet në Dubai, ka kërkuar që të eliminohet Kosova, nga votimi i paraparë më 20 nëntor të këtij viti.

Por, kërkesa e tyre ra poshtë, pasi Kosova nuk u eliminua nga votimi. Vende anëtare të Interpolit janë 192 vende, kurse me të drejtë vote 172. Pro votimit i thanë 90 vende, nga 134. Kështu Kosova ka marrë dritën jeshile nga shumica e vendeve.

Më 20 nëntor, do të votohet për pranimin e Kosovës në këtë organizatë botërore, shkruan Teleshkronja Post.

Zëvendëskryeministri dhe Ministri i Punëve të Jashtme të Kosovës, Behgjet Pacolli ka njoftuar se është konfirmuar se Kosova do të jetë në agjendën e samitit të Interpolit.

Po ashtu, ai ka thënë se votimi për anëtarësimin e Kosovës në Interpol do të bëhet të martën.

Postimi i plotë:

Fillim i mbarë. U konfirmua agjenda e samitit të Interpolit dhe pika ku Kosova aplikon për të qenë anëtar.

Lufta kundër krimit të organizuar ndërkombëtar dhe terrorizmit është synimi ynë.

Votimi do të ndodhë të martën.

Në Dubai të Emiratave sot ka nisur sesioni i 72 i Asamblesë së Përgjithshme, e cila përbëhet nga delegatët e emëruar nga qeveritë e vendeve anëtare. Si organi suprem i qeverisjes së INTERPOL-it, ajo mblidhet një herë në vit dhe merr të gjitha vendimet kryesore që prekin politikën e përgjithshme, burimet e nevojshme për bashkëpunimin ndërkombëtar, metodat e punës, financat dhe programet e aktiviteteve.

Para hapjes solemne të Asamblesë së Pergjithshme të Interpolit në Dubai, sekretari i përgjithshëm i Interpolit Jurgen Stocker, ka mbajtur një konferencë shtypi. Kosova është temë debati, në pritje të anëtarësimit të saj në këtë organizatë botërore.

Në Dubai në mesin e shumë ministrave gjendet edhe shefi i diplomacisë së Kosovës Behgjet Pacolli.
Sekretari i pergjithshem i Interpolit Jurgen Stocker konfirmon zyrtarisht për “Presheva Jonë” se Kosova është në rend dite për anëtarësim më 20 nëntor.
Gjithashtu do të zgjidhet Komiteti Ekzekutiv i Organizatës, dhe këtë vit Kuvendi do të votojë për një President të ri për dy vitet e mbetura të mandatit aktual (deri në vitin 2020). Në përgjithësi, vendimet merren me shumicë të thjeshtë në formë të rezolutës. Çdo vend anëtar i përfaqësuar ka një votë.

Edhe Shqipëria në ofanzivë lobimi
Media që po ndjek këtë ngjarje, ka mësuar se më 20 nëntor vendet anëtare do të votojnë për (mos) pranimin e tri vendeve botërore, të cilat kanë aplikuar, Kosova, Vanuatu dhe Kiriobati. Mësohet se Kosovës i nevojiten 2/3 e votave të vendeve pjesmarrëse që të bëhet anëtare e kësaj organizate.
Burime brenda MPJ-së, kanë thënë se Kosova bashkë me shtetet mike, siç janë SHBA, Gjermania, Turqia dhe të tjera ka arritur të sigurojë reth 10 vota më tepër sesa numri minimal i votave që duhen për anëtarësim.

Kjo e ka shqetësuar tejmase Serbinë, jo vetëm për faktin se Kosova po arrin të fitojë një fitore diplomatike karshi saj, por edhe për atë se pas anëtarësimit Kosova do të mund të mund që përmes INTERPOL-it të lëshojë fletëarreste ndërkombëtare për serbët, që akuzohen mga drejtësia e Kosovës, por që i ikin drejtësisë duke u fshehur e strehuar në Serbi.

Mediat në Serbi: Pranimi i Kosovës në INTERPOL do ta çojë në burg gjeneralin…

Sa më shumë që po afrohet dita e mbajtjes së Asamblesë së Përgjithshme të INTERPOL-it në Serbi po shtohet frika nga anëtarësimi i Kosovës në këtë organizatë ndërkombëtare të sigurisë.

Kjo për faktin se në listat e personave, ndaj të cilëve do të lëshohet urdhëratrrest nga INTERPOL-i, mund të hyjnë ish-ushtarakë, por edhe persona të tjerë nga strukturat ushtarako policore serbe, që morën pjesë në krimet ndaj popullatës civile gjatë luftës në Kosovë.

Sipas gazetës beogradase “Blic” në qoftë se Kosova anëtarësohet në INTERPOL, në listën e personave ndaj të cilëve do të lëshojë urdhërarrest Kosova do të gjendet ish ish-shefi i Shtabit të Përgjithshëm të Ushtrisë Serbe, gjenerali Lubisha Dikoviq.

Duke u thirrur në burime diplomatike nga Prishtina, gazeta serbe thotë se emri i gjeneralit Dikoviq është përmendur edhe më parë. Ai ngarkohet me përgjegjësi për krimet e kryera gjatë luftës në zonën e përgjegjësisë së Brigadës 37 të motorizuar, e cila atëherë ishte nën komandën e gjeneralit Dikoviq, përcjell Telegrafi.

Sipas dëshmive, në zonën e përgjegjësisë së Dikoviqit në dhjetë lokalitete, kryesisht në Drenicë, u vranë rreth 1,400 civilë shqiptarë dhe mijëra të tjerë u dëbuan me dhunë.

Për përfshirjen e tij në krime lufte në Kosovë dhe për operacionet për fshehjen e trupave më pas, Dikoviq kishte folur për mediat serbe, duke thënë se “i vjen keq për të gjitha viktimat e rëna gjatë luftimeve të vitit 1999”.

“Viktima të pafajshme kishte edhe në anën serbe edhe në anën shqiptare, por edhe në mesin e popullatës tjetër në territorin e Kosovës, por edhe në tërë territorin e Republikës Federative të Jugosllavisë. Kanë ndodhur edhe krime, kurse ushtria dhe pjesëtarët e saj nuk i kanë fshehur ato, por për çdo krim që kanë pasur njohuri kanë iniciuar procedura adekuate ndaj kryerësve të veprave”, kishte thënë Dikoviq,

Sipas gazetës serbe, në listën e personave ndaj të cilëve do të ngritet urdhërarrest nga INTERPOL-i do të jenë edhe zyrtarë policorë të niveleve më të ulëta, por jo vetëm ata.

“Autoritetet e Prishtinës synojnë të ndjekin edhe civilët serbë, për të cilët pohojnë se kanë marrë pjesë në njësitë paraushtarake. Dyshohet se të paktën 50 serbë në këtë bazë mund të gjenden në listën e atyre që do të lëshohet urdhërarrest ndërkombëtar…”, shkruan gazeta.

Asambleja e Përgjithshme e INTERPOL-it mbahet në Dubai dhe fillon sot (18 nëntor) dhe do të zgjasë deri më 21 nëntor. Për anëtarësimin e Kosovës në këtë organizatë do të vendoset të martën, më 20 nëntor. Paralelisht me mbajtjen e Asamblesë, Beogradi dhe Prishtina janë duke zhvilluar një ofensivë diplomatike.

Stefanoviq: Ushtria e Kosovës mund të votohet më 28 nëntor, Serbia ka përgatitur planin

Ministri serb i Punëve të Brendshme, Nebojsha Stefanoviq, ka thënë se ekziston mundësia që administrata shtetërore në Prishtinë më 28 nëntor, kur shënohet Dita e Flamurit, të shpall formimin e Ushtrisë së Kosovës.

Duke komentuar lidhur me këtë mundësi, ministri serb ka thënë në televizionin shtetëror serb RTS, se një akt i tillë do të ishte në kundërshtim me të gjitha marrëveshjet ndërkombëtare, dhe se pret të reagojnë në NATO dhe BE, si garantues të marrëveshjeve.

Siç tha ai “Prishtina po punon që ajo datë të jetë momenti i shpalljes së Ushtrisë edhe nëse kjo është në kundërshtim me kushtetutat dhe rregulloret e nxjerra dhe miratuara nga Prishtina marrëveshjet ndërkombëtare, Rezolutën 1244 (Këshilli i Sigurimit të OKB-së) dhe garancitë e NATO-s”, përcjell Telegrafi, shkruan Teleshkronja Post.

“Nuk ka as mbështetje nga serbët për këtë”, tha Stefanoviq, duke shtuar se vetëm mundësia të ndodh një vendim i tillë shkakton shqetësim të madh të serbëve në Kosovë.

“Ministria jonë e Mbrojtjes dhe ajo e Punëve të Brendshme dhe të gjitha shërbimet kanë analizuar të gjitha njohuritë që kemi në lidhje me këtë dhe kemi përgatitur disa skenarë të mundshëm që do të mund të ndodhin dhe natyrisht përgjigjen e Serbisë, por mbi të gjitha ne duam të diskutojmë seriozisht me partnerët të cilët ishin garantues – NATO dhe BE, se një gjë e tillë të mos mund të ndodhë”, tha Stefanoviq.

Ai vlerëson se kjo është një çështje serioze dhe pret një përgjigje.

Ai gjithashtu tha se në takimin e djeshëm të Byrosë për Koordinim të Shërbimeve të Sigurisë shërbimet serbe kanë marrë detyra të caktuara, duke marrë parasysh paralajmërimin e formimit Ushtrisë së Kosovës dhe në vigjilje të Asamblesë së Përgjithshme të Interpolit, në agjendën e së cilës do të jetë aplikimi i Kosovës për pranim, gjë të cilën e kundërshton Serbia.

Haradinaj: Gjilani asnjëherë nuk ka qenë më i përkrahur me buxhet dhe me projekte

“Në të kaluarën është menduar se nuk do të ketë kondicion Qeveria, buxheti, që t’i përcjell disa projekte me rëndësi. Meqë jemi në Gjilan, në Anamoravë, ju siguroj se asnjëherë në historinë e vet Komuna e Gjilanit dhe as kjo trevë nuk ka qenë më e përkrahur me buxhet dhe me projekte”.

Kështu tha Kryeministri i Republikës së Kosovës, Ramush Haradinaj, pasi inspektoi punimet e Autostradës “Prishtinë-Dheu i Bardhë”, e njohur si auto-rruga e Gjilanit, i shoqëruar nga ministri i Infrastrukturës Pal Lekaj, zëvendësministri Rexhep Kadriu, deputetë dhe qytetarë të shumtë.

Me këtë rast, kryeministri Haradinaj falënderoi të gjithë punëtorët dhe punë kryesit që po punojnë pandërprerë për përfundimin e kësaj autostrade.

“Nga dinamika e punëve po shihet se punimet do të kryhen me kohë, apo edhe më shpejt sesa që është menduar. I përgëzoj edhe punë-kryesit, punëtorët në përgjithësi dhe falënderoj ministrin e Infrastrukturës Lekaj, zëvendësministrin Kadriu dhe gjithë të tjerët për punën që bëjnë”, tha kryeministri Haradinaj.

Segmenti që sot ka vizituar kryeministri Haradinaj ka një gjatësi mbi 22 kilometra, ndërsa Autostrada ‘Prishtinë-Dheu i Bardhë’ do të jetë e gjatë 51 kilometra.

Ky projekt financohet nga Qeveria e Kosovës.

Kryetari i Ferizajt nga PDK në zyre mban edhe fotografinë e Ibrahim Rugovës (Foto)

Kryetari i Ferizajt, Agim Aliu në zyrën e tij e mban edhe fotografinë e ish-presidentit, Ibrahim Rugova.

Aliu i cili vie nga radhët e PDK-së nëpër muret e zyrës mban edhe fotografinë e presidentit Hashim Thaçi, Skënderbeut, Adem Jasharit etj.

Kujtojmë që para tij, postin e kryetarit e kishte Muharrem Sfarqa i LDK-së.