Kurti Ahmetajt: Politika e jashtme e Shqipërisë të ndjekë Kosovën e jo Serbinë

Gjatë ditës së djeshme Ministri i Financave në Shqipëri, Arben Ahmetaj, u deklarua kundër kundër taksës 100 % që Kosova i ka vënë produkteve serbe dhe atyre të Bosnjës dhe Hercegovinës.

Deklaratat e tij ngjallën reagime të shumta në Kosovë si dhe e shtynë ministrin shqiptar që të fshijë postimin. Por, disa orë pas deklaratave, rreth qëndrimit të Ahmetajt, ka reaguar kreu i Vetëvendosjes, Albin Kurti.

Kurti, përmes një konference për media ka deklaruar se politika e jashtë e Shqipërisë duhet ta ndjekë Kosovën e jo Serbinë. Tutje ai po ashtu ka deklaruar se Shqipëria duhet ta injorojë politikën e presidentit Hashim Thaçi.

“Sa i përket Shqipërisë, unë besojë se diplomacia e jashtë e Shqipërisë karshi Serbisë duhet ta ndjekë Kosovën. Por këtu më duhet të them mbase jo presidentin e saj. Nuk mund të kemi dy politika karshi Serbisë se jemi një komb me dy shtete”, ka deklaruar Kurti.

Tutje ai është shprehu se pret efekte pozitive nga taksa që Qeveria së fundmi i ka vendosur proukteve serbe.

“Ne bësojnë që duhet të priten efekte pozitive nga taksa 1000 për qind. Me keqardhje po them se në vend se kjo taksë 100% të jetë gjobë taktike do të duhej të kishin reciprocitetin e plotë sepse jemi shtet me integritet”, ka thënë lideri i VV’së.

E Albin Kurti këtë kundërpërgjigje ia ka dhnënë ministrit të Financave në Shqipëri, Arben Ahmetajt, pasi që ky i fundit ka mbajtur një takim shumë miqësor me homologun e tij serb, Sinisa Mali. Për këtë takim gjatë ditës ka shkruar vetë Ahmetaj në Facebook. Aty Ahmetaj thoshte se Shqipëria dhe Serbia mund ta japin shembullin më të mirë të bashkëpunimit ekonomik e politik. Mirëpo, tash Ahmetaj këtë postim e ka fshirë.

Ministri i Financave në Shqipëri, Arben Ahmetaj, është dorëzuar përballë kritikave të shumta që mori nga Kosova, për kundërshtimin që ai i bëri vendimit të Qeverisë së Kosovës për taksën 100 % ndaj Serbisë

Ahmetaj pak më parë e ka fshirë postimin e tij në Facebook, ku kishte dal kundër vendimit.

Fshirjen e postimit, ministri shqiptar e ka bërë pas presionit që erdh nga Kosova.
Kujtojmë se Ahmetaj e ka quajtur si të pashëndetshme për ekonominë e dy vendeve rritjen e taksës prej 100% të Kosovës ndaj produkteve serbe.

Ministri Ahmetaj i ka sugjeruar Kosovës që të mos marrë masa të tilla me asnjë vend, pasi vendosja e tarifave, sipas tij, shkon si kosto mbi qytetarët.

Driton Selmanaj: Lista Serbe nuk e rrëzon qeverinë pa leje të Thaçit

Deputeti i Lidhjes Demokratike të Kosovës Driton Selmanaj ka sqaruar qëndrimin e tij rreth bashkëpunimit që LDK mund ta këtë me Listën Serbe për rrëzimin e Qeverisë Haradinaj.

Selmanaj ka thënë se ai kurrë nuk ka dhanë asnjë deklarim as intervistë për mediat serbe, dhe se bashkëpunimin me Listën Serbe në asnjë moment nuk e ka vlerësuar si çështje primare për LDK’në.

Ai ka theksuar se edhe po të duan ata si opozitë LDK dhe VV të bashkëpunojnë me Listën Serbe për rrëzimin e Qeverisë, kjo Listë nuk do bëj një gjë të tillë pa lejen paraprake të Radojçiqit, Haradinajt apo Vuçiqit dhe Thaçit sepse sipas Selmanajt, miqësia e tyre është e hershme.

Reagimi i plotë i Selmanajt në Facebook:

Sa për sqarim.

Me insistimin e miqve po e shkruaj këtë status lidhur me disa shkrime të mediave fashiste të Serbise, dhe për fatin e keq edhe tē disa medieve dhe personaliteve në Kosovë që me ose pa vetedije hyn në shërbimin të tyre.

E kanë dhënë disa medie tē Serbisë kinse une kam thënë që me serbët do e rrëzojm qeverinë e Ramush Haradinajt! Fillimisht e injorova këtë sepse mendoja qe nëse do merresha me këto medie fashiste sikur po i vleresoja, por sa po e shoh shumë njerëz e kane kuptuar sikur unë paskam thënë kështu dhe kinse qenkam intervistuar nga këto medie.

E para: Kurr në jetën time nuk kam dhēnë asnjë deklarate apo intervistë për ndonjë nga mediat e shkruara apo elektronike të Serbisë.

E dyta: Mediet serbe i janë referuar disa portaleve tona “profesionale” të PAN-it, nga një interviste e imja në emisionin Dossier ne rtv Dukagjin të datës 21.11.2018.

E treta: Në këtë emision, pyetjes së gazetarit se a e do ngritni mocion mosbesimi ndaj Qeverise Haradinaj? Une i jam përgjigjur se: LDK fillimisht po bisedon me partitë politike shqiptare për ti dhënë fund keqqeverisjes. Në pyetjen tjetër se a do bisedoni edhe me listen serbe? Unë kam thënë që nëse ska dakordim mes partive politike shqiptare ne do bisedojm edhe me të tjerët përfshirë këtu edhe Listen serbe.

Po ju njoftoj se pergjigja pēr mocionin nuk ka qenë ne kontekstin e tanishem pas vendimit për taksën 100%, por si çështje që LDK dhe VV kanë në diskursin dhe angazhimin e tyre tashme që 1 vit për ta gjetë mundësinë që ta rrēzojmë këtë qeveri abuzuese.

Qasja e medieve serbe është në agjenden e tyre për ta sulmu qeverinë për vendimin e saj, e qe në fakt deklarata ime ka qene ne kontekst krejtesisht tjetër.

Në fund, për të gjithë ata që kanë mendësinë e medieve të tilla dhe që për fat të keq jetojnē mes nesh, ju them se edhe po te duam ne si opozitë LDK dhe VV ta rrezojmë qeverinë bashkë me listen serbe, kjo e fundit nuk do bêj pa lejen paraprake të Radojqiqit dhe Ramushit apo Vuqiqit dhe Thaqit sepse miqësia e tyre është e hershme.

Serbia nis hakmarrjen, veprimi i fundit dëmton Kosovën

Serbia ka marrë vendim që të gjitha mallërat evropiane që kanë destinacion Kosovën dhe anasjelltas të mos lejohen të qarkullojnë rrugëve të saj.

Vendimi ka hyrë në fuqi në ora 00:00, të mëngjesit të sotëm. Biznesmenë kosovarë i kanë treguar Insajderit që kamionët me mallra që kanë destinacion Kosovën nuk po lejohen të futen nga Kroacia dhe Hungarian ë Serbi.

“Radhë të gjata kamionësh janë krijuar në kufi të këtyre dy shteteve”, ka treguar një tregtar.

Zëdhënësja e qeverisë Donjeta Gashi, ka deklaruar se zyrtarisht nuk kanë ndonjë informatë se mallrat evropaiane që kanë destinacion Kosovën janë bllokuar nga Serbia./Teleshkronja Post

Haradinaj: Rrëzimin e Qeverisë e duan ata që kërkojnë ndarjen e Kosovës

Kryeministri Ramush Haradinaj, ka thënë se Aleksander Vuçiq përmes Listës Serbe po dëshiron që t’ia rrëzojë Qeverinë, pasi që nuk po pranon të mbështesë ndarjen e Kosovës.

Në një intervistë për RTK 2, Haradinaj ka thënë se për këtë gjë Vuçiqi ka edhe partner në Kosovë, duke e lënë të pa qartë nëse ka aluduar në presidentin Thaçi, me të cilin është përplasur disa herë rreth idesë për ndarje.

“Unë besoj që Beogradi dëshiron që të sakrifikojë Listën Serbe në lojën për ndarjen. Presidenti Vuçiq dëshiron që të rrëzojë qeverinë time, sepse unë nuk e mbështes ndarje.

“Kjo nënkupton që ai në një formë ose tjetër ka edhe partner në Kosovë. Por unë nuk besoj se ky është qëllimi i Listës Serbe, sepse nuk janë shumica nga veriu, disa janë edhe nga pjesë të tjera të Kosovës”, ka Haradinaj në këtë intervistë për RTK në gjuhën serbe, transmeton Gazeta Express.

Ai ka thënë se hapja e çështjes së kufijve do të rikthente të kaluarën dhe se kjo nuk është një gjë e mirë.

Sa i përket vendimit për taksën, Haradinaj ka thënë se ai vendim nuk do të largohet derisa Serbia ta njohë Republikën e Kosovës si shtet.

Kryeministri ka folur edhe për aksionin e djeshëm të Policisë së Kosovës në veri, që ndërlidhje me hetimet për vrasjen e Oliver Ivanoviqit e ku mbeten katër përsosna të arrestuar, ndërsa në arrati mbetet Milan Radojicic.

“Radojicic nuk ishte në shtëpi. Është ditur që ka qenë në Beograd, ai ishte shfaqur në televizion gjatë një takimi në Beograd. Por policia ndoshta nuk ka pasur informacione se ai nuk është kthyer, ose ka qenë e pa mundur që ta shtyjë aksionin për një ditë tjetër”, ka thënë Haradinaj.

Tre nga të arrestuarit e djeshëm janë të dyshuar për vrasjen e Oliver Ivanoviqit. Dy prej tyre kanë qenë pjesëtarë të Policisë së Kosovës dhe dyshohet se kanë manipuluar provat e rastit./Teleshkronja Post/

Valdrin Lluka: Më kanë garantuar se s’ndalet më rryma, më informoni nëse ju ndodhë kjo!

Ministri i Zhvillimit Ekonomik, Valdrin Lluka është deklaruar rreth ndërprerjeve të shumta të energjisë elektrike që po ndodhin ditëve të fundit në Republikën e Kosovës.

Sipas tij, nga sonte, ndërprerjet e paplanifikuara të energjisë do të duhej të ndërpriten.

“Ndërkohë, do të kërkoj llogari edhe nga KEK për mos funksionimin e disa blloqeve në formë të pa planifikuar”, thuhet në reagimin e ministrit.

Reagimi i plotë:

Duke ju përgjigjur qytetarëve dhe bizneseve në vend për ankesat e shumta rreth ndërprerjeve të energjisë elektrike, kam kërkuar informata nga Zyra e Rregullatorit të Energjisë, si institucion i pavarur për rregullimin e tregut energjetik në vend.

Nga u.d. Kryetari i Bordit të ZRRE, z. Arsim Janova, u informova se ZRRE ka marrë masa duke urdhëruar KESCO/KEDS që të ndërpres menjëherë të gjitha reduktimet e energjisë elektrike si dhe të mos aplikoj ndërprerjen e planifikuar të energjisë, përveç në raste kur cenohet siguria nacionale apo siguria e sistemit energjetik (shih foton).

Nga sonte, ndërprerjet e paplanifikuara të energjisë do të duhej të ndërpriten.

Ndërkohë, do të kërkoj llogari edhe nga KEK për mos funksionimin e disa blloqeve në formë të pa planifikuar.

P.S. Nëse keni ndërprerje edhe pas këtij njoftimi, ju lutem postoni komente me lokacionin dhe qytetin.

Çitaku Serbisë: Një herë ankoheni që s’po bëjmë asgjë, tash acaroheni pse arrestojmë të dyshuar

Ambasadorja e Kosovës në SHBA, Vlora Çitaku, ka kritikuar hipokrizinë e Serbisë në lidhje me arrestimin e të dyshuarve për vrasjen e Ivanovic.

Ajo tha se vetë Serbia u ankua në Këshillin e Sigurimit se Kosova nuk po bën mjaftueshëm për të sjell para drejtësisë përgjegjësit për vrasjen e Ivanovic, ndërsa sot kur Policia arrestoi të dyshuarit, po Serbia kërkon që ata të lirohen, shkruan Teleshkronja Post.

“Zyrtarët serbë asnjëherë nuk dështojnë të më surprizojnë. Vetëm para një jave në Këshillin e Sigurimit të OKB-së, ata u ankuan se Kosova nuk është duke bërë mjaftueshëm për t’i sjellë para drejtësisë përgjegjësit për vrasjen e Ivanoviqit. Sot, kur Policia e Kosovës arrestoi të dyshuarit, ata kërkojnë të lirohen!”, ka shkruar Çitaku në Twitter.

Ishte Ministri i Jashtëm i Serbisë, Ivica Dacic, ai i cili në mbledhjen e Këshillit të Sigurimit për Kosovën, u ankua se

Republika e Kosovës nuk po bën mjaftueshëm për të sjell vrasësit e Oliver Ivanovic para drejtësisë.

Ndërsa, pak kohë më parë, emisioni ”Udhëve” i RTK’së, duke u mbështetur në hulumtimet e disa gazetarëve serbë dhe deklaratat e disa dëshimtarëve, tha se Ivanovicin e kishte vrarë vetë Beogradi nëpërmjet shërbimeve sekrete serbe, madje në bashkëpunim edhe me gruan me të cilën Ivanovic po bashkëjetonte, Milena Ivanovic.

Haradinaj kërkon që të hetohet KEDS’i për mungesë të rrymës

Deputeti i Aleancës për Ardhmërinë e Kosovës, Daut Haradinaj ka kërkuar që të ngritët një komision hetimor ndaj KEDS-it lidhur me mungesën e energjisë elektrike në gjithë territorin e Kosovës.

Ai ka thënë se rreth 80% e Kosovës është pa energji elektrike dhe për këtë çështje nuk është duke dhënë askush llogari. Ai kërkon që rasti i KEDS-it të ketë vëmendjen e veçantë ashtu sikurse me PTK-në.

“Është e vërtetë që çdo komision parlamentar nuk ka asgjë të keqe, por meqenëse jemi rreth gjendjes së kaluar në PTK unë kisha dashtë që edhe në këtë seancë apo edhe në të ardhmen me e krijuar një komision hetimor për KEDS-in e cila pothuajse 80% të Kosovës e ka lënë pa energji pa i dhënë llogari askujt”, ka deklaruar Haradinaj gjatë seancës së sotme të Kuvendit të Kosovës.

Ai ka thënë se të gjithë po i largohen përgjegjësisë për mungesën e energjisë elektrike, ndërsa sipas tij edhe implementimi i kontratës nga KEDS nuk është as për së afërmi.

“ KEK-u thotë nuk kemi obligime, KEDS-i në punime bëjmë ashtu, ndërsa implementimin e kontratës nuk e kanë as për së afërmi. Shpresoj që kolegët kanë me e trajtuar edhe këtë temë sikurse PTK-në sepse është e patolerueshme që në këtë kohë kaq të ftohët e ne lexojmë nëpër media se shumica e zonave në Kosovë nuk kanë energji. Duhet edhe ne si parlament ta kryejmë detyrën tonë dhe ta shohim se ku është problemi dhe pse nuk furnizohet me energji elektrike qytetari i Kosovës”, ka deklaruar Haradinaj.

Kujtojmë që javën e fundit shumë pjesë të Kosovës kanë mbetur pa energji elektrike, ndërsa askush rreth kësaj situate nuk ka marrë përgjegjësin, pavarësisht se furnizimi me energji elektrike 24 orë është obligative.

Ky është reagimi i SHBA për taksën, kritikon ashpër qeverinë

Amerikanët i ka trazuar vendimi i Qeverisë për t’i rritur në 100 për qind taksat ndaj produkteve serbe.

Në një përgjigje për Gazetën Express, Ambasada amerikane shpreh kritikat më të ashpra për autoritetet kosovare për embargon e vënë ndaj produkteve serbe. Ajo u kërkon liderëve që të mos kontribuojnë në nxitjen e tensioneve

Vendosja e taksave prej 100 për qind të vlerës së mallrave për prodhimet serbe, nga Qeveria e Kosovës, ka shkaktuar reagime të shumta, nga shumë qendra politike.

Për këtë vendim, pas interesimit të Gazetës Express, ka reaguar edhe Ambasada Amerikane, të cilët janë shprehur, sic thonë ata “të trazuar me vendimin e qeverisë së Kosovës”.

“Shtetet e Bashkuara janë të trazuara nga vendimi i qeverisë për të ngritur barrierat tregtare. Siç kemi thënë, ne nuk shohim se si përfiton Kosova nga këto masa. Ne fuqimisht nxisim që përqendrimi të rikthehet te interesat thelbësore të Kosovës – e ardhmja e saj evropiane dhe një marrëdhënie e normalizuar me Serbinë.

Tarifat shpërqendrojnë pa nevojë nga këto qëllime, dëmtojnë pozitën ndërkombëtare, dhe kanë ndikim negativ në qytetarët”, thuhet në mes të tjerave në këtë përgjigje për Gazetën Express.

Vendimi i Qeverisë për taksë të qind për qindtë ndaj produkteve serbe u mor një ditë pasi Kosova dështoi të anëtarësohej në Interpol. Politika kosovare fajëson Serbinë për lobim agresiv anti-Kosovë.

Ambasada amerikane komenton edhe dështimin në Interpol. Sipas asaj që thonë amerikanët, pikërisht ajo çfarë ndodhi në Dubai duhet t’i shtyjë autoritetet kosovare që te mbajnë angazhim konstruktiv në rrafshin ndërkombëtar.

“Edhe pse shumë zhgënjyes, votimi në INTERPOL nënvizoi rëndësinë e mbajtjes së angazhimit konstruktiv ndërkombëtar”.

Krejt në fund ambasada amerikane, e cila kishte kritikuar edhe vendimin e mëhershëm të Qeverisë për t’i vënë taksë produkteve serbe, kërkon nga liderët të ulin tensionet.

“Bëjmë thirrje në udhëheqësit që të ulin tensionet, që të promovojnë një ambient të qetë, dhe që të kërkojnë një momentum përpara lidhur me çështjet që do të bijnë përparim dhe stabilitet për të gjithë qytetarët”, thuhet në përgjigjen e Ambasadës Amerikane, për Gazetën Express.

Ndryshe, sot, përfaqësuesit e peshës më të fuqishme diplomatike në Kosovë, i ashtuquajturi Quint, i ka takuar zyrtarët më të lartë të shtetit, Presidentin dhe Kryeministrin.

Burimet e Gazetës Express tregojnë që ambasadorët kanë dashur të dinë më shumë se çfarë po ndodh në vendin tonë, qoftë me aksionin e sotshëm në veri të vendit, ose me taksën doganore në Serbi.

Haradinaj ndërkohë sot i ka pritur amerikanët për nderë të Ditës së Falendërime.