Kryeministri Haradinaj: Kur erdha në krye, për Kosovën vendosnin Mogherini e Vuciqi

Sot bëhen dy vite që kur ra qeveria Mustafa me mocion mos besimi, të cilin ia votoj edhe partneri i koalicionit PDK, ku i lëshoj rrugë koalicionit PAN.

Me të ardhur në detyrë i pari i AAK-së kishte premtuar se do bëjë ndryshime substanciale dhe vendime të mëdha për Kosovën.

Kryeministri i Kosovës, Ramush Haradinaj, ka thënë se si kryeministër ka arritur që ta orientojë procesin e dialog me Serbinë në rrugë të duhur.

Sipas tij, “ne si shtet sovran i kishim dërguar këto vendime në tavolinë te Mogherini e Vuçiqi në këtë rast edhe presidenti Thaçi. Por sipas tij këto vendime i ka hequr nga tavolina dhe i ka sjellë në Prishtinë, Qeveria.

“Kur e kam marr detyrën, Kosova e kishte dorëzuar vendimmarrjen e vet tek të huajt, krejt temat kryesore tonat të këtij vendi për me vendos. Por, ishin parapa që me u vendos në tavolinë, dialog. Ne si shtet sovran i kishim çuar këto vendime në tavolinë te Mogherini, Vuçiqi, në këtë rast edhe presidenti ynë. Pra, Qeveria ka hequr vendimet prej asaj tavoline dhe ka sjellë në Prishtinë për t’i marr Qeveria”, ka thënë Haradinaj.

Kreu i ekzekutivit, ka folur edhe për idenë e ndryshimit të kufijve, për të cilën ai ka thënë se është në dëm të Kosovës.

“U folke shumë mundësia me luajt me mexha e me territore, por ju e dini gjatë historisë se sa herë është luajt me mexha në dëm tonin ka ndodhë”, tha Haradinaj.

Këto komente, Haradinaj i bëri gjatë një takim me strukturat e partisë së tij në Viti./TeleshkronjaPost/

Zgjidhet kryetari i degës së PDK-së në Prishtinë

Uran Ismaili është ngjitur në krye të PDK’së në Prishtinë 12 vjet pasi është anëtarësuar në këtë parti. Ai mban edhe pozitën e Nënkryetarit të PDK’së ndërsa është Ministër i Shëndetësisë.

Ismaili ka lëshuar kritika në drejtim të udhëheqjes aktuale të Prishtinës. Ka thënë se pushtet e kanë degraduar Prishtinën.

PDK asnjëherë s’ka shënuar fitore në Prishtinë. S’ka dalë e para as në zgjedhjet nacionale në këtë qytet.

Hashim Thaçi e Kadri Veseli kanë synuar të marrin udhëheqjen në Kryeqytet me ushtarakë, aktor e filozof.

Megjithatë, tash gjërat duket se kanë ndryshuar pasi do të provojnë me Uran Ismailin, i shkolluar për psikologji e administratë publike.

Ismaili ka marrë sot udhëheqjen e PDK’së në qytetin më të madh të Kosovës. Pro tij kanë votuar shumica e 389 delegatëve të PDK’së. 281 pro tij, 39 kundër, 4 abstenim dhe një e pavlerë, shkruan Gazeta Express.

“Me keni dhënë besimin. Do të punojmë së bashku në secilën lagje të Prishtinës. Më keni bërë me u ndi krenar”, ka thënë Ismaili, posa ka marrë rezultatin e zgjedhjeve në Prishtinë.

Gjatë ditës, Nënkryetari i PDK’së, Hajredin Kuçi tha se pa fitoren në Prishtinë s’është e plotë fitorja e PDK’së.

Partia e Kadri Veselit ka provuar me disa figura kryesore të fitojë Kryeqytetin por asnjëherë s’ia ka dalë. Ka dështuar me ushtarakun Agim Çekun, aktorin Lirak Çelajn, filozofin Astrit Salihun dhe me ushtarakun Fatmir Limajn.

Por, kush është Uran Ismaili?

40 vjeçari i lindur në Prishtinë ka përvojë të gjatë në Partinë Demokratike të Kosovës. Kishte hyrë në PDK si 28 vjeçar bashkë me një grup të rinjsh duke përfshirë edhe Abelard Tahirin e Memli Kransiqi,

Babai i dy fëmijëve, Ismaili ka qenë nxënës i fillores në Ismail Qemail dhe i shkollës së mesme Xhevdet Doda.

Ka studiuar në psikologji e Administratë Publike. Studimet themelore i ka kryer në Universitetin Graceland të Shteteve të Bashkuara të Amerikës ndërsa studimet Master në Administratë Publike në Universitetin e Harvardit.

Deri në vitin 2016 ai ishte anëtar i kryesisë së Degës së Prishtinë.

Është Ministër i Shëndetësisë, Nënkryetar i PDK’së dhe Asamblist i kësaj partie në Kuvendin Komunal të Prishtinës.

Ismaili ka qenë njëri prej njerëzve më të afërte të Kadri Veselit, duke marrë edhe pozitën e Shefit të Stafit të tij, në mandatin e parë të Veselit si Kryeparalemntar.

Ismaili gjatë së kaluarës gjithashtu ka punuar me organizata ndërkombëtare dhe projekte të rëndësishme me DIFID, OSBE dhe Physicians for Human Rights.

Aktualisht, PDK është në opozitë në Kuvendin Komunal të Prishtinës. Ka bashkëqeverisur me LDK’në në disa mandate por asnjëherë s’ka pasur udhëheqjen e Komunës.

Prej dhjetorit të vitit 2013, Prishtinën e udhëheq Shpend Ahmeti dikur i Vetëvendosjes e tash i PSD’së. Me herët Prishtinën e ka udhëhequr LDK’ja me Isa Mustafën e Ismet Beqirin.

Serbia zhvillon paradën ushtarake në mes të tensioneve me Kosovën [VIDEO]

Shumica e mediave ndërkombëtare si Associated Press, New York Times e Washington Post, i kanë kushtuar një artikull paradës ushtarake që është mbajtur në Serbi, për të shënuar Ditën e Fitores dhe humbjen e Gjermanisë naziste në Luftën e Dytë Botërore.

Sipas kësaj agjencie me seli në New York, kjo paradë ushtarake është zhvilluar në mes të tensioneve të thelluara midis Kosovës dhe Serbisë.

Parada në qytetin jugor të Nishit, ka përfshirë katërmijë trupa, treqind automjete dhe dyzet avionë, duke përfshirë dy helikopterë rusë, të drejtuar nga ekipet ruse – një shfaqje e aleancës në rritje midis Moskës dhe Beogradit, shkruan Associated Press, transmeton Klan Kosova.

“Tensionet janë thelluar në rajon, me Serbinë dhe Kosovën që e akuzojnë njëra-tjetrën për minim të normalizimit të marrëdhënieve pas luftës së vitit 1998-99, e cila përfundoi me ndërhyrjen e NATO-s”.

Gjithashtu edhe presidenti i Serbisë në fund të paradës u deklarua:

“Shpresoj të mos kemi nevojë ta përdorim (ushtrinë) kundër gjithkujtë,” tha presidenti serb Aleksander Vuqiq.

“E gjithë kjo duhet të shërbejë kryesisht si një paralajmërim kundrejtë atyre që mendojnë ta rrezikojnë Serbinë.”

“Serbia është një vend i lirë dhe nuk do të lejojmë askënd të dëmtoj lirinë e tonë”, tha Vuçiç para ushtarëve dhe mijëra njerëzve që u mblodhën për të parë paradën.

Associated Press shkruan më tej: “Kosova, një ish-krahinë, shpalli pavarësinë e saj në vitin 2008. Mirëpo Beogradi ende nuk e ka njohur atë”.

“Çdo ndërhyrje ushtarake nga Serbia në Kosovë do të shkaktonte një konflikt të drejtpërdrejtë me forcat paqeruajtëse të udhëhequra nga NATO që janë të vendosura atje”./TeleshkronjaPost/

Thaçi takon Ramën, flet për bashkimin kombëtarë

Pak para takimeve me liderë ballkanikë dhe Frederica Mogherinin, Hashim Thaçi thotë se me Edi Ramën foli për bashkim kombëtar.

Presidenti Hashim Thaçi, i cili po qëndron në Tiranë bashkë me liderë të tjerë të Ballkanit Perëndimor, ka takuar kryeministrin shqiptar, Edi Ramën.

Thaçi pak para takimeve që po mbahen si përgatitje para Samitit të Brdo-Brionit, ka shkruar se me Ramën diskutuar për hapjen e kufijve mes Kosovës e Shqipërsisë.

Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike”, ka shkruar Thaçi në Facebook.

Presidenti që pas pak pritet të takohet në Tiranë me Përfaqësuesen e Lartë të BE’së, Federica Mogherini, thotë se në takimin me Ramën folën për’ nevojën e korrigjimit të padrejtësive ndaj shqiptarëve’.

“Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës”, ka shkruar Thaçi.

Ndryshe ministri i Jashtëm serb, Ivica Daciq, reagon sa herë që politikanët shqiptarë flasin për bashkim kombëtar dhe ide të tjera si kjo e hapjes së kufijve.

Pse Sekretari Amerikan e anuloi dje urgjentisht vizitën në Berlin?

Sekretari i shtetit amerikan, Mike Pompeo ka realizuar ka realizuar një vizitë të papritur në Bagdad, ku është takuar me zyrtarët irakianë dhe ka diskutuar shqetësimet e Shteteve të Bashkuara për sigurinë, duke përmendur ato që i ka cilësuar si aktivitete “përshkallëzuese” të Iranit.

Vizita e Pompeos në kryeqytetin e Irakut ka ardhur një javë pasi Shtetet e Bashkuara kanë njoftuar për pozicionimin e pajisjeve ushtrake në Lindje të Mesme, hap që është konsideruar si përgjigje ndaj kërcënimit me të cilin përballen forcat amerikane dhe aleatët e tyre në rajon.

Pompeo ka thënë në Bagdad se inteligjenca amerikane ka qenë “shumë specifike” rreth “sulmeve që janë të pashmangshme”.

Teherani në anën tjetër ka hedhur poshtë raportimet për kërcënime duke i cilësuar ato si “luftë psikologjike”.

Tensionet në mes të Teheranit dhe Washingtonit janë përshkallëzuar prej kur presidenti amerikan, Donald Trump është tërhequr një vit më parë nga marrëveshja bërthamore që Irani ka nënshkruar me fuqitë botërore më 2015.

Liderja gjermane, Angela Merkel.

Përveç kësaj Trump ka rikthyer të gjitha sanksionet ndaj këtij shteti duke i prekur sektorin e naftës dhe atë bankar.

“Ne kemi biseduar për rëndësinë që ka Iraku në të garantuarit e sigurisë dhe për mbrojtje të amerikanëve në shtetin e tyre”. Pompeo ka thënë pas takimit me presidentin irakian, Barham Salih dhe kryeministrin, Adil Abdul-Mahdi.

Ai ka thënë se qëllimi i takimit ka qenë për të informuar liderët irakianë për “kërcënimin në rritje që SHBA-ja ka vërejtur në rajon”.

Sa i përket vendimit për të angazhuar forca shtesë në Lindje të Mesme, Pompeo ka thënë se “mesazhi që u kemi dërguar iranianëve ka qenë i qartë” se dhe shpreson që Irani të mendojë dy herë, para se të sulmojë interesat amerikane.

Glauk Konjufca: Përfshirja e SHBA-ve në dialog, rrezik për Kosovën

Dialogu Kosovë-Serbi. Samiti i Berlinit, një takim i një formati të lartë, ku krerët e shtetit të Kosovës dhe Serbisë u ftuan nga kancelarja gjermane Angela Merkel si dhe presidenti francez Emmanuel Macron, u përqendrua kryesisht në rivendosjen e dialogut ndërmjet Serbisë dhe Kosovës, pas vendosjes së taksës nga Kosova për produktet serbe.

Ndonëse qëndrimet e kancelares Merkel për çështjen e hapjes së kufijve edhe më herët ishin të qarta, se në vendet e Ballkanit Perëndimor nuk ka vend ideja për ndryshim kufijsh, edhe në Samitin e Berlinit të mbajtur më 29 prill, është raportuar se ka pasë qëndrime të njëjta se nuk do të ketë ndryshim të kufijëve.

E politikanët nga Kosova, thonë se pritshmëritë për këtë Samit kanë qenë shumë të mëdha. Shefi i grupit parlamentar të Lëvizjes Vetëvendosje, Glauk Konjufca, tha se Franca dhe Gjermania nuk ishin zë shumë kritik kundër idesë për hapjen e kufijve.

“Pritshmërinë e të gjithëve kanë qenë të mëdha për shkak që mendoj që në samitin e Berlinit, Gjermania dhe Franca do jepnin një kornizë më konkrete të mënyrës se si të shkohet përpara në procesin e dialogut si dhe disa elemente të padiskutueshme në formë të principeve që do i përfshinte marrëveshja përfundimtare. p.sh njohjen e Kosovës nga Serbia. Nuk ishte aq eksplicit kundërshtimi dhe qortimi për hapjen e kufijve të Kosovës, prita një pozicionim më preciz dhe patëm si rrjedhim një deklaratë me fraza universale”.

Një tjetër mangësi të këtij Samiti, Konjufca e sheh edhe çështjen e qëndrimeve të dy krerëve kosovarë, Thaçit e Haradinajt, të cilët sipas Konjufcës në këtë Samit shkuan me ide krejt të kundërta të cilat sipas tij po i bëjnë dëm edhe vendit tonë.

“Në këto raste më mirë është mos të shkohet fare se sa të shkohet me qëndrime të kundërta pasi që dëmi është shumë i madh për shtetin e Kosovës, nëse i kemi dy përfaqësuesit më të artë të shtetit që nuk kanë mendime të njëjta sa i përket zgjidhjeve në procesin e dialogut me Serbinë, në vend që t’i afrohemi zgjidhjes, prej mendimeve të kundërta rezultati është që i shtojmë edhe më shumë dilemat dhe dilemat si thojmë tek këta faktorë të fuqishëm ndërkombëtarë që kanë një pjesë të rëndësishme sa i përket procesit të vendimmarrje. Presidenti u mundu që të tingëllojë si kryeministri, mirëpo kjo ishte vetëm në nivel të tarifës, por sa i përket temës së kufijve presidenti siç duket nuk e ka ndryshuar mendimin e tij dhe ende ka shpresë me Vuçiqin që kjo temë mund të hapet ndonjëherë”.

Ndërsa deputeti i Partisë Socialdemokrate, Visar Ymeri, thotë se Samiti i mbajtur në Berlin, por as ai që do mbahet në Paris më 1 korrik të këtij viti, nuk e kanë për qëllim arritjen e një marrëveshje përundimtare mes shteti tonë dhe Serbisë.

“Mendoj që këto Samite nuk kanë qëllim, as ky i paralajmëruar për 1 korrik në Paris nuk e kanë qëllimin që të arrihet ndonjë marrëveshje përfundimtare më shumë janë samite që kanë qëllim ta intensifikojnë procesin si të tillë të dialogut mes Kosovës dhe Serbisë dhe në një farë mënyre paraqesin një risi në këtë fazë të fundit të procesit të dialogut e reja është që një përfshirje më të madhe të dy shteteve bosht të BE-së Gjermanisë dhe Francës në këtë proces dhe ka një përafrim dhe unifikim i qëndrimit të këtyre shteteve sa i përket procesit të dialogut mes Kosovës dhe Serbisë. Mendoj se kjo është e mirë, pra në ndërtimin e një momentumi ndërkombëtarë për sa i përket këtij dialogu, mirëpo gjithnjë duhet ta kemi parasysh që qëndrimi i Kosovës, i përshkruar në Platformën e miratuar në Kuvend duhet të jetë qëndrimi i vetëm institucional i Kosovës dhe Kosova një zëri ta thotë troç e qartë qe me Serbinë ka vetëm një marrëveshje e ajo është njohja e Kosovës dhe asgjë tjetër nuk do të jetë e pranueshme”.

Ndërsa deklaratat e presidentit Thaçi, se nuk ka dialog pa praninë e ShBA-së, po i quan të qëllimshme edhe Përparim Kryeziu nga Grupi për Studime Juridike dhe Politike. Ai thotë se presidenti Thaçi nuk po e gjen përkrahjen për ripërcaktimin e kufijve nga shtetet e BE-së dhe si pasojë e kësaj, ai po kërkon përfshirjen e ShBA-së, pasi që këta të fundit kanë qenë më dorëshlirë dhe përkrahës të përcaktimit të kufijve.

“Në parim roli i ShBA-së për Kosovën është i panegociueshëm mirëpo në këtë rast konsideroj se insistimi i presidentit për përfshirjen e ShBA-së në këtë proces nuk derivon nga ky parim, por nga fakti që nga ky Samit e ka kuptuar ndoshta së fundmi dhe përfundimisht që BE-ja nuk e përkrahë një ide të ripërcaktimit të kufijve dhe momentalisht i vetmi aktor relevant ndërkombëtarë dhe shumë i rëndësishëm i mbetur janë Shtetet e Bashkuara të Amerikës, përkatësisht administrata e presidentit Trump e cila duket të jetë më dorëshlirë dhe më përkrahëse ndaj idesë për përcaktim të kufijve”.

Kryeziu po e sheh si problem çështjen e qëndrimeve të kundërta të presidentit Thaçi dhe kryeministrit Haradinaj.

“Është normale deri diku që të kenë mospajtime për gjëra të rëndomta, por asnjëherë për gjëra kaq substanciale për të ardhmen e shtetit të Kosovës dhe normativisht politika e brendshme e vendit ndikon e edhe në politikën e jashtme të vendit dhe kjo patjetër që dëmton shtetin e Kosovës në përfaqësimin e saj në organizime të tilla që kanë karakter ndërkombëtarë. Ne kemi qenë të njoftuar se në një takim të tillë do prezantohen dy ide të ndryshme për të cilat edhe Franca edhe Gjermania është e informuar, mirëpo ne kemi pasë një copë shprese që para fillimit të samitit të ketë të paktën një përafrim të qëndrimeve, por duke qenë se qëndrimet janë dimetriksiht të kundërta rezultoi i pasuksesshëm”.

Kryeziu thotë se samitit i ka dhënë një dimension të ri procesit të dialogut, por sipas tij nuk mund të arrihet një marrëveshje përfundimtare përderisa ky proces udhëhiqet nga shefja për politikë të jashtme, Federica Mogherini.

Kosova mori pjesë në Samitin e Berlinit më 29 prill të këtij viti, ndërsa zyrtarisht është bërë e ditur që një takim tjetër i përfaqësuesve së Kosovës dhe Serbisë me dy boshtet kryesore të Bashkimit Evropian, do mbahet në Paris më 1 korrik të këtij viti.

A udhëtoj Kadri Veseli për në Hagë ? Sqarohet

Universiteti i Lubjanës është sot në pushim, ndërsa kryeparlamentari Kadri Veseli, kur mohoi se do të shkojë në Hagë për t’u intervistuar nga Zyra e Prokurorit të Specializuar, tha se ka shkruar në kryeqytetin slloven për punë të doktoratës.

Prej vitesh, kryeparlamentari Kadri Veseli është kandidat për doktoratë në Universitetin e Lubjanës.

Ai këtë e ka përdorur edhe sot kur GE raportoi se Veseli, përmes Lubjanës, do të udhëtojë në Hagë, ku do të intervistohet nga Tribuinali Special.

Veseli ka thënë se është në kryeqytetin slloven, dhe atje ka shkruar për punën e studimëve të tij në universitet.

Mirëpo, del që universiteti ku Veseli vijon studimet e doktoratës është sot në pushim.

Në faqen zyrtare të Universitetit të Lubjanës del që ky institucion është në pushim nga 1 deri më 3 maj. Nesër e pasnesër është fundjavë.

Ndërkaq lidhur me udhëtimin misterioz të Veselit ka pasur edhe një prononcim kontradiktor.

Nënkryetari i Kuvendit, Xhavit Haliti kur është pyetur se ku ka shkruar Veseli, ai ka treguar se kryetari i ka thënë se po shkon jashtë vendit për një konferencë.

“Mua më ka thënë që do të shkojë në një konferencë e jo për t’u intervistuar”, tha Haliti për KosovaPress.

Haliti nuk e dinte se për çfarë konference po bëhej fjalë, e as në cilin shtet.

Lladrovci nuk kandidon, ka dy fjalë për spekulantët dhe keqbërësit politikë

Kryetari aktual i komunës së Drenasit, Ramiz Lladrovci, ka publikuar edhe një tjetër status në Facebook duke sqaruar pozicionin e tij.

Ai ka shkruar se nuk ka pretendime për kryetarë dege të PDK-së në Drenas, dhe se këtë ka kohë që e ka bërë të ditur.

Ai gjithashtu thotë se spekulantët dhe keqbërësit po tentojnë të krijojnë mjegull në Drenas me emrin etij, shkruan Teleshkronja Post.

Nuk kam sfidë për proces zgjedhor për degën e PDK-së në Drenas, sepse fare nuk kam aplikuar për kryetar dege.
Prej më shumë se dy vjet, që nga marrja e mandatit të Kryetarit të Komunës së Drenasit, kam deklaruar thjeshtë dhe qartë, nuk kam pretendime për ta udhëhequr degën e PDK-së në Drenas.
Se nuk do të kandidoj për kryetar të Degës së PDK-së, e kam thënë me dhjetëra herë, por, keqbërësit nuk ndalen duke bërë matematika të pista dhe të lakojnë emrin tim, për të krijuar mjegull në Drenas.
Dy fjalë për spekulantët dhe keqbërësit politikë.
Një medium që financohet nga njëri keqbërës, vazhdimisht më merr nëpër gojë dhe është dezinformatori kryesor i opinionit, në kontekste negative, kundër meje.
Ky portal, nuk meriton reagim nga ana ime. Nuk e kam bërë reagimin as në fushatë, sepse duhet të bija tepër poshtë, në nivel të tyre kundër spekulimeve të tyre të pista.
Shembull është kur ditë më parë, nga një video “e lodhtë”, janë shkëputur pjesë, të cilat kanë menduar se po e komprometojnë procesin zgjedhor në degën e PDK-së në Drenas, por nuk ju eci. Nga kjo video, këta spekulantë, kanë krijuar tri a katër lajme, “të lodhëta”.
Tash, i njëjti portal, spekulues, në bashkëpunim me keqbërësit tjerë, përpiqet të nxitë një sfidë, e cila nuk do të ndodh. Nuk ka sfidë në proces zgjedhor për degën e PDK-së në Drenas, sepse fare nuk kam aplikuar për kryetar dege.
Pra, e ritheksoj, për qytetarët, nuk kam aplikuar për kryetar të degës.
Ndërsa për keqbërësit, kam një porosi, jeni lehtë të lexueshëm, mos spekuloni e mos paguani portale për spekulime, kot. Kot e keni, as procesin demokratik në degë, as kandidatin më të mirë, nuk do të mund ta pengoni që të udhëheq me partinë më të fuqishme në bastionin e saj.